{"id":158237,"date":"2025-10-06T09:59:15","date_gmt":"2025-10-06T07:59:15","guid":{"rendered":"https:\/\/novanews.co.za\/rooirose\/?p=158237"},"modified":"2025-10-06T10:03:14","modified_gmt":"2025-10-06T08:03:14","slug":"ilse-van-hemert-is-die-meesterbrein-agter-spoorloos-se-legkaart","status":"publish","type":"post","link":"https:\/\/novanews.co.za\/rooirose\/ilse-van-hemert-is-die-meesterbrein-agter-spoorloos-se-legkaart\/","title":{"rendered":"Ilse van Hemert is die meesterbrein agter ‘Spoorloos’ se legkaart"},"content":{"rendered":"

Sy kan die hoofmeisie van Spoorloos<\/em> <\/strong>genoem word. Van die eerste tot hierdie vyfde seisoen van Spoorloos<\/em>, is Ilse van Hemert<\/strong> die vrou wat voorvat as skrywer, regisseur en vervaardiger.<\/p>\n

 <\/p>\n

Waar is die eerste saadjie vir Spoorloos: Losprys<\/em> geplant, en wie was almal betrokke?<\/strong><\/h4>\n

 <\/p>\n

In die begin was dit net ek wat die basiese raamwerk neergel\u00ea het van \u2019n ontvoering wat gebeur en dan nes almal dink hulle weet wat die oplossing is, vind hulle die persoon waar hulle nie verwag het om haar te vind nie. Die draadwerk en detail het ek saam met die span, Mitzi Booysen en Francois Coetzee, uitgeworstel. Francois het ook saam met my aan Spoorloos: Die eiland<\/em> gewerk, en ek en Mitzi werk al jare saam. Ek en sy was, onder meer, deel van Binnelanders<\/em> se eerste skrywerspan.<\/p>\n

 <\/p>\n

\"\"<\/p>\n

 <\/p>\n

Hoe het julle die legkaart van die draaiboek gebou? Is daar eers op die karakters besluit en toe die storie, of andersom?<\/strong><\/h4>\n

 <\/p>\n

Met \u2019n whodunnit<\/em> moet jy altyd jou storie uitwerk, maar wat ek dikwels doen, is om te vra waar ons wil eindig en wat die w\u00eareld van die storie is. Die w\u00eareld van die storie is baie belangrik, en dit is nou al jare wat ek \u2019n Bosveldstorie wou doen met wild en jagters. Dis alles materiaal wat heerlik is vir die storie omdat dit \u2019n w\u00eareld is waar mense nie regtig weet wat agter geslote deure aangaan nie. Hoe, byvoorbeeld, word daardie reuse-deals<\/em> gemaak? Die gewone ou op straat verstaan dit nie noodwendig nie. Dit gee vir ons \u2019n lekker misterie. Ek het dus eers op die w\u00eareld van die storie besluit en toe gekyk hoe ons by \u2019n sekere gegewe kan uitkom. Met ander woorde, amper in trurat. Waarmee moet ons begin om by die eindpunt uit te kom? Maar ek moet vir jou s\u00ea, om daardie legkaart te bou is nie weke se werk nie \u2013 dit is maande se werk nog voor ons die teks begin skryf! Wanneer ons begin om die teks te skryf, kan ons agterkom daar is \u2019n groot gat in ons storie. Dan het dit \u2019n vreeslike domino-effek, wat beteken ons moet weer begin. Dis hard op die skrywers om die hele legkaart in mekaar te laat pas.<\/p>\n

 <\/p>\n

Het julle sekere spelers in gedagte gehad met die skep van hierdie reeks?<\/strong><\/h4>\n

 <\/p>\n

Ons is veronderstel om aan die begin van die proses vir onsself te s\u00ea ons weet daar is iemand wat elke rol kan speel. Jy kan jouself vasloop en \u2019n hele storie skryf, en dan is daar nie \u2019n geskikte speler vir die rol nie. In hierdie geval was dit nie so krities nie. Ek het gevoel ons het genoeg baie goeie spelers wat daardie tipe karakters kan vertolk, en dit was ook so. Die enigste drie waaroor ek bekommerd was, was die drie skoolkinders \u2013 Robbie, Karla en Anita \u2013 omdat hulle jong akteurs moes wees. Ons het hierdie spelers (Liam Bosman, Lienke Vermeulen en Dan\u00e9 de Waal) nie voor die tyd in gedagte gehad nie, maar dit was lekker om dit te maak werk.<\/p>\n

 <\/p>\n

\"\"<\/p>\n

 <\/p>\n

Waar is die reeks oral verfilm?<\/strong><\/h4>\n

 <\/p>\n

\u2019n Groot deel is in Skeerpoort, suid van die Magaliesberge, op \u2019n wildsplaas met daardie pragtige huis geskiet. Om koste te besnoei, kon ons net die tonele wat in en om die huis gebeur het daar verfilm. Dit kos geweldig baie om \u2019n hele span, spelers \u00e9n almal agter die skerms, op \u2019n plek te laat verfilm wat weg van die huis is, aangesien dit natuurlik reis- en verblyfskostes behels. Die veldtonele is by \u2019n lieflike klein lodge verfilm \u2013 Tswalu Grove, in die suide van Johannesburg, net dertig minute se ry vir die meeste van ons. Dis ook \u2019n wildsplaas, en ons kon al ons veldskote daar doen. Dit het uitstekend gewerk.<\/p>\n

 <\/p>\n

Wat was die grootste uitdaging met die maak van die reeks?<\/strong><\/h4>\n

 <\/p>\n

Prim\u00ear, en dit is my fout, dat ek altyd groter droom as wat die begroting is. Dit is eintlik waansin om te dink ons kan \u2019n storie op \u2019n wildsplaas laat afspeel met soveel karakters en deftige karre \u2013 karre kos geweldig baie om per dag te huur \u2013 maar dan doen ons wat ons kan om alles in daardie begroting te pas. D\u00edt is die grootste uitdaging. Om die begroting te laat werk, raak die dae wat ons kan verfilm al minder, en in plaas van, byvoorbeeld, tien tonele per dag, doen ons sestien. Daar is nie tyd vir asemhaal nie. Gerrit Schoonhoven het altyd ges\u00ea spelers moet soos popcorn in warm olie wees wanneer hulle op stel kom: As ons s\u00ea \u201caksie!\u201d, moet hulle reg wees om te pop! Daarom was dit fantasties dat ons wonderlike akteurs gehad het, want daar was nie tyd vir die luukse van repeteer en baie opnames nie. Ons moes vinnig skiet!<\/p>\n

Die tweede groot uitdaging was dat dit re\u00ebnseisoen was. Hemel, ons het modder gehad en re\u00ebn gehad wat, byvoorbeeld, kontinu\u00efteit moeilik gemaak het. Hoe om dit alles aanmekaar te sit, was beslis \u2019n uitdaging, maar afgesien daarvan, was dit net lekker.<\/p>\n

 <\/p>\n\n\t\t