{"id":155927,"date":"2025-07-14T13:51:27","date_gmt":"2025-07-14T11:51:27","guid":{"rendered":"https:\/\/novanews.co.za\/rooirose\/?p=155927"},"modified":"2025-07-21T08:57:20","modified_gmt":"2025-07-21T06:57:20","slug":"silwerskermfees-dokumenter-wys-jannie-du-plessis-gesin-se-hartseer","status":"publish","type":"post","link":"https:\/\/novanews.co.za\/rooirose\/silwerskermfees-dokumenter-wys-jannie-du-plessis-gesin-se-hartseer\/","title":{"rendered":"Jannie du Plessis maak hart oop oor verlies in Silwerskermfees-dokument\u00ear"},"content":{"rendered":"

In regisseur Ursula Ludick en vervaardiger Danielle Retief se dokument\u00eare film, Tussen hemel en aarde,<\/strong><\/em> maak die oud-Springbokrugbyspeler Jannie du Plessis en sy vrou Ronel hul harte oop oor die dood van hul tien maande oue seuntjie, Jan Nathani\u00ebl, wat in 2021 verdrink het.<\/p>\n

Die keurders van die Silwerskermfees se Silwermark het kort nadat die projek tydens die in-persoon-voorleggingsessie by verlede jaar se fees voorgestel is, die groen lig daarvoor gegee.<\/p>\n

 <\/p>\n

\"\"<\/p>\n

 <\/p>\n

Danielle en Ursula het vrae beantwoord oor hoe die ouerpaar se tragiese verlies vir ander ouers, en enigiemand wat al \u2019n geliefde verloor het, troos en insig kan bring oor die rouproses.<\/p>\n

 <\/p>\n

Wat het julle laat besluit om spesifiek hierdie storie oor die dood van Ronel en Jannie se seuntjie te vertel?<\/strong><\/h4>\n


\n<\/strong>Ursula:<\/strong>\u00a0Ek skryf elke jaar konsepte vir die Silwerskermfees en Silwermark in en die storie het werklik in \u2019n droom, wat ek glo van God af is, na my toe gekom. Ek het gedroom die storie wys by die fees. Ek het vir Ronel geken, so dit was maklik om haar te nader.<\/p>\n

Ek dink elke liewe persoon wat al ooit deur \u2019n rouproses moes werk, sal aanklank hierby vind. Die dokkie kyk na die dood en hoe verskillende mense op verskillende maniere rou.<\/p>\n

Danielle:<\/strong>\u00a0Toe ek Jannie en Ronel vir die eerste keer ontmoet het, het ek geweet hulle storie sal \u2019n impak maak. Ek glo veral ouers sal aanklank vind by die inhoud, alhoewel dit nie maklik is om te kyk nie. Ook enigiemand wat al ooit verganklikheid in die gesig gestaar het, sal daarmee kan vereenselwig, want die hoofkwessie is: wat is j\u00f3\u00fa plek \u201ctussen hemel en aarde\u201d?<\/p>\n

 <\/p>\n

Om hul seuntjie se dood op kamera te herbesoek kon nie maklik vir Jannie en Ronel gewees het nie. Hoe het julle hulle en hul kinders se vertroue gewen en hulle gehelp om veilig voor die kamera te voel?<\/strong><\/h4>\n


\n<\/strong>Ursula:<\/strong>\u00a0Ronel het meestal by vroueoggende geleentheid gekry om die storie te vertel, en Jannie het al vlugtig met Hannes van Wyk op\u00a0Kw\u00eala\u00a0<\/em>gesels. Maar hierdie was anders, dit was baie dieper. Ek kon sien hoe hulle sekere herinneringe wou vermy, maar tog het hulle my vrae met dapperheid beantwoord. Hulle kwesbaarheid was uiteraard enorm. Met die kinders het ons seker gemaak hulle voel veilig. Ons het vooraf tyd saam met hulle deurgebring en hulle leer ken. Hulle is drie ongelooflike siele.<\/p>\n

Danielle:<\/strong>\u00a0Dit was beslis nie maklik nie, maar ons bedoelings was van die begin af eerlik en opreg. Ons was nie daar om enigiemand te dwing om hul harte oop te maak nie. Ons was daar vir Jan Nathani\u00ebl se storie en die impak wat dit kan maak. Ek glo die Du Plessis-gesin kon d\u00edt raaksien en het dus soos vriende met ons gesels.<\/p>\n

 <\/p>\n\n\t\t