{"id":154552,"date":"2025-06-27T14:08:33","date_gmt":"2025-06-27T12:08:33","guid":{"rendered":"https:\/\/novanews.co.za\/rooirose\/?p=154552"},"modified":"2025-06-27T14:09:58","modified_gmt":"2025-06-27T12:09:58","slug":"hoe-vind-ek-vrede","status":"publish","type":"post","link":"https:\/\/novanews.co.za\/rooirose\/hoe-vind-ek-vrede\/","title":{"rendered":"Hoe vind ek vrede?"},"content":{"rendered":"

Deur Zerelda Esterhuizen<\/span><\/em><\/p>\n

 <\/p>\n

Dis baie moeilik om nie vandag bedruk en swartgallig oor die stand van Suid-Afrika te voel nie. Die ekonomie wankel, korrupsie hou nie op nie, politici is wel, politici, alles wat kan ineenstort, stort ineen en dan is daar nog ons aartsvyand, Eskom, en die gepaardgaande lang, donker nagte … Asof dit nie genoeg is dat ons met Suid-Afrika en sy hutspot van probleme sit nie, is daar ook nog die w\u00eareld en al sy kwessies. S\u00f3 het elkeen wat hierdie artikel lees boonop sy eie mandjie probleme, wat van gesondheid, verhoudings, kinders, werk en finansies kan wissel.<\/span><\/p>\n

As \u2019n mens eers begin dink aan als wat verkeerd loop of verkeerd kan loop, is dit baie moeilik om positief te dink en nie angstig te voel nie.\u00a0<\/span><\/p>\n

Daar is al heelwat navorsing oor innerlike vrede gedoen en daar is onder meer bevind dat daar \u2019n sterk verband tussen innerlike vrede en geestelike en fisieke gesondheid is. Te veel negatiewe emosies, het \u2019n beduidende invloed op jou geestesgesondheid. Negatiewe emosies soos stres, swaarmoedigheid en angstigheid word met \u2019n ho\u00ebr risiko vir geestesiektes verbind en negatiewe gedagtes speel \u2019n kritieke rol in depressie. Die teendeel is waar vir positiewe gedagtes. Jou kop en lyf kan beslis by positiwiteit baat vind.<\/span><\/p>\n

Die meestertransformeringsafrigter <\/span>Liezl Thom<\/b> stem saam. \u201cHoe meer \u2019n mens op die negatiewe fokus, hoe meer sien jy dit om jou raak en dit verhoog stresvlakke, wat \u2019n geweldige impak op ons gesondheid het. Dit is dus \u2019n vorm van selfsorg om die positiewe te vind en daarop te fokus.\u201d\u00a0<\/span><\/p>\n

Liezl s\u00ea \u2019n mens se gemoedstoestand is binne jou beheer, al is jou eksterne omgewing nie.\u00a0<\/span><\/p>\n

\u201cDie outeur en lewensafrigter Martha Beck s\u00ea altyd: \u2018<\/span>There\u2019s three kinds of business: your business, my business and God\u2019s business – and if it is not my business, I cannot be in it.\u2019<\/span><\/i><\/p>\n

\u201cDis een van my lewensbeginsels dat as ek iets nie kan beheer nie, help dit nie ek maak myself siek deur my daaroor te bekommer nie. Dit is natuurlik makliker ges\u00ea as gedaan, maar as jy besluit dat jou gemoedstoestand vir jou \u2019n prioriteit is, vind jy maniere om die dae waarop jy nie so positief voel nie (wat normaal is) so opbouend as moontlik te gebruik totdat jy weer beter voel.\u201d<\/span><\/p>\n

 <\/p>\n

Gly, bly en kla of bly …<\/b><\/h4>\n

 <\/p>\n

Rean Steenkamp<\/b>, \u2019n lewensafrigter van Pretoria, s\u00ea Suid-Afrikaners het drie keuses. Hulle kan eerstens emigreer \u00f3f hier bly, oor alles kla, na die verlede terugverlang en mor oor hoe swaar dit is om hier te leef \u00f3f hulle kan hier bly, maar met \u2019n ander houding.\u00a0<\/span><\/p>\n

\u201cBaie mense kan nie emigreer nie of wil nie hul mense groet nie en besluit om hul bes te doen om die omstandighede hier te verbeter. Hulle hou nie hulself blind vir wat verkeerd is nie, maar hulle besef dat om daaroor te mor nie die omstandighede gaan verander nie,\u201d s\u00ea hy.<\/span><\/p>\n

Hy glo daar is stappe wat \u2019n mens kan neem om ‘n positiewe ingesteldheid te behou en innerlike vrede te vind.\u00a0<\/span><\/p>\n

\u201c\u2019n Mens het altyd twee keuses: Jy kan eerstens \u2019n lawaai opskop, kla en jouself aan wanhoop en depressie oorgee. Mense wat s\u00f3 reageer voel meestal hulle is nie in beheer van hul lewe nie, maar word deur omstandighede beheer. Jy kan tweedens besluit om iets te doen om jou en ander se omstandighede te verbeter, deur planne te maak en nie sommer net oor te gee nie. Dit is mense wat voel hulle is in beheer van hul eie lewe en wat besef dat kla nie help nie. Hulle weet dat as elkeen \u2019n positiewe bydrae lewer, kan dit berge versit.\u201d<\/span><\/p>\n

Rean raak ook omgekrap en moedeloos, maar sy terapie is om daardie emosies as\u2019t ware uit te draf.\u00a0 \u201cSodra ek myself goed uitgewoed het, voel ek sommer klaar beter. Ek het dan almal wat so onbekwaam en korrup is goed uitgetrap, hulle in \u2019n vuurpyl gesit en Mars toe gestuur. Ek kan dan die omstandighede kalmer beoordeel en bepaal of dit regtig so erg is as wat ek dink. As ek niks daaraan kan doen nie, weet ek ek moet vrede daarmee maak. Dan bid ek en vra ek die Here om my te help. Dit help om te weet dat ons in \u2019n gevalle w\u00eareld bly waar daar altyd hartseer, onregverdigheid, haat en chaos gaan wees en dat ons op \u2019n volgende lewe kan fokus.\u201d<\/span><\/p>\n

 <\/p>\n

Liezl se wenke vir vrede<\/b><\/h4>\n

 <\/p>\n