{"id":152112,"date":"2025-04-11T11:32:57","date_gmt":"2025-04-11T09:32:57","guid":{"rendered":"https:\/\/novanews.co.za\/rooirose\/?p=152112"},"modified":"2025-04-14T10:59:17","modified_gmt":"2025-04-14T08:59:17","slug":"vyf-vinnige-vrae-vrydag-met-nadia-beukes-oor-haar-eerste-rol-as-regisseur-in-nuwe-teaterproduksie","status":"publish","type":"post","link":"https:\/\/novanews.co.za\/rooirose\/vyf-vinnige-vrae-vrydag-met-nadia-beukes-oor-haar-eerste-rol-as-regisseur-in-nuwe-teaterproduksie\/","title":{"rendered":"Vyf-vinnige-vrae met Nadia Beukes oor haar eerste rol as regisseur in nuwe teaterproduksie\u00a0\u00a0"},"content":{"rendered":"

Nadia Beukes,<\/strong> wat bekend vir haar veelsydige loopbaan as aktrise, stemkunstenaar en televisie-aanbieder is, het onlangs \u2019n opwindende nuwe rol betree \u2013 di\u00e9 van teaterregisseur. <\/span><\/p>\n

In haar regisseursdebuut neem sy die leisels saam met Tiaan Kirsten-Lubbe en Lian Sachse in die aangrypende produksie <\/span>Ingrid: \u2019n Vlam in die Sneeu<\/span><\/i>, wat die hartroerende liefdesbriewe tussen die ikoniese Ingrid Jonker en Andr\u00e9 P. Brink na die verhoog bring. <\/span>\u00a0<\/span><\/p>\n

Dit is \u2019n produksie wat nie net hul roerende liefdesverhaal vertel nie, maar ook Ingrid se passie, po\u00ebsie en haar innerlike stryd op \u2019n diep, menslike manier uitbeeld.<\/span>\u00a0<\/span><\/p>\n

Vir Nadia is hierdie projek veel meer as net \u2019n kreatiewe uitdaging. \u201cDit is vir my \u2019n ongelooflike voorreg om vanuit \u2019n kreatiewe oogpunt betrokke te wees by die ontwikkeling van hierdie produksie. Dit is \u2019n storie wat nie net eer betoon aan twee mense se liefdesverhaal nie, maar is ook \u2019n inspirasie vir almal wat dit gaan beleef,\u201d s\u00ea sy.\u00a0<\/span>\u00a0<\/span><\/p>\n

 <\/p>\n

\"\"<\/p>\n

 <\/p>\n

Hierdie teaterproduksie, aangebied deur Scenario Productions en die Centurion-teater,<\/span> \u00a0is ge\u00efnspireer deur die gepubliseerde versameling briewe <\/span>Vlam in die Sneeu: Die liefdesbriewe tussen Jonker en Brink<\/span><\/i> (Penguin Random House). <\/span>\u00a0<\/span><\/p>\n

Behalwe vir Nadia aan die stuur, spog die produksiespan ook met Lizelle Pike wat die komplekse rol van Ingrid Jonker vertolk. Die teks en nuwe musikale toonsettings is die werk van die bekroonde digter en skrywer Jak J. Brits. Die musikale landskap van die produksie word deur Chanie Jonker gevorm, wat as musikale regisseur en pianis optree.<\/span>\u00a0<\/span><\/p>\n

Lees ook:\u00a010 redes waarom jy die April-uitgawe van rooi rose m\u00f3\u00e9t lees!<\/a><\/p>\n

 <\/p>\n

\"\"<\/p>\n

 <\/p>\n

Nadia vertel vir Karlien Meiring meer oor haar regisseursdebuut en wat hierdie produksie vir haar beteken.<\/span>
\n\u00a0<\/span><\/p>\n

\u00a0<\/span><\/p>\n

Ingrid: \u2019n Vlam in die Sneeu<\/span><\/i><\/b> bring vir die eerste keer die liefdesbriewe van Ingrid Jonker en Andr\u00e9 P. Brink na die verhoog toe. Wat van hierdie projek het jou aangetrek?<\/span><\/b><\/h4>\n

Buiten vir die materiaal, wat die mooiste briewe tussen Ingrid en Andr\u00e9, Ingrid se gedigte en die hartstogtelike verhaal insluit, was dit aanvanklik die span van mense wat by die projek betrokke is. Jak J. Brits wat die teks geskryf het en gedigte getoonset het; Chanie Jonker wat die musikale verwerkings gedoen het; Tiaan Kirsten-Lubbe en Lian Sachse van die Centurion-teater wat die produksie vervaardig het; en later ook natuurlik Lizelle Pike wat ons Ingrid vertolk \u2013 hierdie is mense waarmee ek baie graag wou werk. Om dit te kan doen met Ingrid Jonker en Andr\u00e9 P. Brink se woorde was \u2019n geleentheid wat ek nie kon laat verbyglip nie.<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Wat hoop jy neem die gehoor saam huis toe n\u00e1 hulle hierdie produksie beleef het?<\/span><\/b><\/h4>\n

Wat hierdie produksie vir my verfrissend maak, is dat ons in <\/span>Ingrid: \u2019n Vlam in die sneeu<\/span><\/i> nie net \u2019n liter\u00eare ikoon, politiese aktivis en kontroversi\u00eble kunstenaar voorstel nie. Die produksie is nie \u2019n outobiografie of karakterstudie nie, maar eerder \u2019n kykie na die essensie van wie Ingrid as \u2019n vrou, \u2019n ma, \u2019n dogter, \u2019n minnaar en blote mens was. Ek hoop dat die gehoor iets van dit saam met hulle sal huis toe neem. Mag hulle met meer begrip van Ingrid en ook van hulself uitstap, en gemotiveerd wees om ook hul ware self lief te h\u00ea en net soos Ingrid, aan te hou glo in die mooi van die lewe.<\/span><\/p>\n

\u00a0<\/span><\/p>\n

Wat was die grootste uitdaging vir jou as regisseur, en wat was die vervullendste oomblik van die skeppingsproses?<\/span><\/b><\/h4>\n

Dit was \u2019n uitdaging om sowat twee jaar se gebeure in \u2019n uur en 15 minute vas te vang. Die vervullendste oomblik was om te sien hoe alles (van die stel tot kostuums, ligte, musiek en Lizelle se vertolking) uiteindelik \u2019n volledige prentjie vorm waarop ons as span geweldig trots is.<\/span><\/p>\n

\u00a0<\/span><\/p>\n

Het jy \u2019n gunsteling- Ingrid Jonker-gedig? <\/span><\/b><\/h4>\n

Daar is soveel pragtige gedigte om van te kies en keur, en ek het werklik \u2019n opregte waardering vir Ingrid Jonker se werk, die lig en donker, wat dit vir my baie moeilik maak om te kies. Ek kan wel s\u00ea in die konteks van ons produksie en die musikale verwerkings van die gedigte uit Ingrid se <\/span>Rook en Oker<\/span><\/i>-bundel, hou ek die meeste van \u201cGisteraand in jou arms\u201d.<\/span>\u00a0<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Het jy \u2019n droomprojek \u2013 iets wat jy nog altyd wou doen, maar nog nie kans voor gekry het nie?<\/span><\/b><\/h4>\n

Ek wou nog altyd baie graag die stem van \u2019n animasiekarakter wees; \u2019n enkelsnit opneem; in \u2019n produksie wees wat op \u2019n internasionale platform verskyn; en eendag as ek groot is, wil ek myself ook \u2019n vervaardiger kan noem\u2026 om maar net \u2019n paar te noem! Tog weet en vertrou ek dat d\u00edt wat vir my bestem is, uiteindelik oor my pad sal kom en dat dit heel moontlik my verwagtinge sal oortref wanneer die tyd daarvoor reg is, mits ek d\u00edt waarmee ek tans besig is met integriteit en dankbaarheid koester en aanhou hard werk. Die Here ken die begeertes van ons harte en my lewe tot dusver staan beslis as \u2019n getuienis van God se goedheid en guns. <\/span>\u00a0<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Ingrid: Vlam in die Sneeu<\/i> se vertonings:<\/strong><\/p>\n

 <\/p>\n