{"id":151465,"date":"2025-03-13T13:24:44","date_gmt":"2025-03-13T11:24:44","guid":{"rendered":"https:\/\/novanews.co.za\/rooirose\/?p=151465"},"modified":"2025-03-13T13:24:44","modified_gmt":"2025-03-13T11:24:44","slug":"maryna-calow-suid-afrikaanse-wyn-se-grootste-ambassadeur","status":"publish","type":"post","link":"https:\/\/novanews.co.za\/rooirose\/maryna-calow-suid-afrikaanse-wyn-se-grootste-ambassadeur\/","title":{"rendered":"Maryna Calow: Suid-Afrikaanse wyn se grootste ambassadeur"},"content":{"rendered":"

Deur Maryke Roberts. <\/span>Foto\u2019s: Kyra Welch.<\/span><\/em> \u00a0<\/p>\r\n

 <\/p>\r\n

Maryna Calow<\/strong> is sedert 2016 Wines of South Africa (WoSA) se globale kommunikasiebestuurder en ook \u2019n gereelde wynbeoordelaar vir kompetisies w\u00eareldwyd. Sy is passievol oor die wynbedryf en wil aan die w\u00eareld uitbasuin watter gehaltewyn ons maak, en ook oorsese toeriste op ons wynplase verwelkom om di\u00e9 unieke wynomgewing te deel.\u00a0<\/span><\/p>\r\n

Elke tien buitelandse toeriste skep een werksgeleentheid en die Suid-Afrikaanse wynbedryf verskaf werk aan ongeveer 270 000 mense.<\/span><\/p>\r\n

Sy s\u00ea: \u201cWoSA is die Suid-Afrikaanse wynbedryf se uitvoerbemarkingsliggaam. Ons verantwoordelikheid is om Suid-Afrika se wyn internasionaal te bemark en ons verteenwoordig dus die hele Suid-Afrikaanse wynbedryf. My rol as hoof van kommunikasie en bedryfswoordvoerder, is een waarvoor ek baie dankbaar en waarop ek baie trots op is. Om \u2019n bedryf soos di\u00e9 te kan verteenwoordig, is werklik \u2019n reuse eer en groot verantwoordelikheid.\u201d\u00a0<\/span><\/p>\r\n

Benewens haar voltydse beroep en die wynbeoordeling wat sy doen, is sy ook die Suid-Afrikaanse verteenwoordiger van Wine Soundtrack \u2013 een van die grootste wyn-gefokusde potgooi platforms in die w\u00eareld. Sy kry hier die geleentheid om aan ons wynbedryf se rolspelers \u2019n platform te bied waar hulle oor die plaas, hul wyn en die mens agter die wyn-etiket gesels.\u00a0<\/span><\/p>\r\n

Maryna vertel dat die Suid-Afrikaanse wynbedryf tans in \u2019n baie goeie posisie in vergelyking met ons internasionale vennote is. Die gehalte van ons wyn was nog nooit beter nie en al hoe meer verbruikers kom van Suid-Afrikaanse wyn te hore. Die feit dat ons wyne oor die algemeen meer bekostigbaar is as di\u00e9 van Frankryk en Amerika, beteken dat mense bereid is om \u2019n bottel hiervan te koop om te sien waaroor al die opgewondenheid gaan. Ons wen met elke bottel nog \u2019n wynliefhebber se hart.\u00a0<\/span><\/p>\r\n

\u201cOns grootste internasionale markte is tans die VK en Europa, met die VSA en Kanada daarna. \u2019n Mark wat baie interessant is en hope geleenthede vir Suid-Afrikaanse wyn bied, is Afrika.\u201d<\/span> \u00a0<\/p>\r\n

 <\/p>\r\n

\"\"<\/p>\r\n

 <\/p>\r\n

Maryna se wynreis het heel toevallig begin. Nadat di\u00e9 Bloemfonteiner n\u00e1 skool vir agt jaar in Engeland gewoon het en daar vir drie jaar rekeningkunde ge<\/span>swot<\/span><\/i> het, het sy besef dis nie die regte rigting vir haar persoonlikheid nie. Sy is na die advertensiebedryf en met haar terugkeer na Suid-Afrika in 2006, het sy as kopieskrywer begin werk. <\/span><\/p>\r\n

Haar aanvanklike maandelikse storie vir \u2019n nuwe wynpublikasie in 2009 het haar vinnig tot redakteur bevorder en gou-gou was sy deel van die bemarkingspan wat jaarliks verbruikerskoue aangebied het.\u00a0\u00a0<\/span><\/p>\r\n

Mettertyd het sy verskeie wynkursusse \u2013 waaronder selfs wynmaak \u2013 voltooi, maar s\u00ea die belangrikste ding is om jou smaaksintuig te verfyn om foute in wyne op te tel, maar ook om verskeie gehaltevlakke te kan identifiseer.\u00a0<\/span><\/p>\r\n

\u201cDie meeste van die kompetisies fokus op gehalte, maar merendeels is die verwagting om wyne wat verbruikers sal geniet uit te ken. Afhangende van die kompetisie en dus die etiket op die bottel wat aandui watse prestasie die wyn behaal het, behoort dit vir die meer oningeligte verbruiker \u2019n maatstaf van vertroue te wees, veral as hulle by \u2019n oorvol winkelrak staan en wonder watter wyn om te kies.\u201d\u00a0<\/span><\/p>\r\n

Haar gunsteling-kompetisie as beoordelaar is die Concours Mondial de Bruxelles. \u201cHierdie is een van die grootste- en bekendste internasionale wynkompetisies. Elke jaar beoordeel ons in ‘n ander land en dit gee my die geleentheid om verskeie lande w\u00eareldwyd te besoek en meer oor hul plaaslike wyne te leer.\u201d\u00a0<\/span><\/p>\r\n

Sy reis ongeveer vier tot vyf keer per jaar vir werk oorsee en vertel dat baie vlugte via ander lande is, om reiskostes so laag as moontlik te hou. \u201cEk reis nooit sonder my getroue eenhoring- (<\/span>unicorn<\/span><\/i>) nekkussing nie. Dit lyk dalk belaglik, maar die mussie maak alles lekker donker en help beslis dat ek \u2019n bietjie rus kry.\u201d<\/span> \u00a0<\/p>\r\n

 <\/p>\r\n

\"\"<\/p>\r\n

 <\/p>\r\n

Maryna en Paul, \u2019n dokter, is in 2017 in \u2019n driedagtroufees by The Lord Milner Hotel op Matjiesfontein getroud.\u00a0<\/span><\/p>\r\n

Haar seun, Bradley (nou 19), het haar as elfjarige by die kansel afgegee. En natuurlik, as jy soveel ervaring in die wynbedryf het en soveel liefde vir Suid-Afrikaanse wyn, dan kry elke gas \u2019n bottel wyn met Maryna en Paul se van en troudatum op die etiket.<\/span><\/p>\r\n

Bradley se lewenslange droom was om \u2019n vlie\u00ebnier in die Britse magte te word en nadat hy in 2023 sy matriek voltooi het by Bishops Diocesan College, het hy verlede jaar vertrek om daardie droom te gaan bewaarheid. Sy erken dit was maar moeilik vir haar moederhart!<\/span><\/p>\r\n

Maryna het ook \u2019n 17-jarige dogter, Si\u00e9nna, wat vanjaar by Rustenburg Girls High matrikuleer. Die gesin woon in Plattekloof \u2013 \u2019n voorstad van Kaapstad \u2013 met pragtige uitsigte oor die stad en Tafelberg. Maryna se huis is die plek waar sy net haarself kan wees. \u201cDis my veilige plek.\u201d\u00a0<\/span><\/p>\r\n

Sy dink diep toe ek vra wat die grootste uitdaging was wat sy al in haar lewe moes oorkom. \u201cMy egskeiding was seker die moeilikste ding om te doen. Dit was \u2019n baie groot besluit met twee baie jong kinders, maar ek het besef dat ek dit vir my \u00e9n hul onthalwe moes doen. Ek het vir myself gevra: \u2018Wie gaan my wil h\u00ea? Met al my <\/span>baggage<\/span><\/i>, en twee klein kinders. Ek is dan nou <\/span>used goods<\/span><\/i>. Min het ek toe geweet dit was die beste besluit wat ek ooit kon maak.\u201d<\/span><\/p>\r\n

Sy moes ook leer om haar eie waarde te ken. Om nie tevrede te wees met minder as wat jy verdien nie. \u201cOns moet in die lewe nou en dan moeilike besluite neem en daar is \u2019n baie fyn lyn tussen selfsug en selfliefde. Leer wat die verskil is en pas dit in jou daaglikse lewe toe.\u201d\u00a0<\/span><\/p>\r\n

Maryna vertel dat dit aanvanklik vir Paul moeilik was om sy kop om die idee van \u2019n \u201ckitsgesin\u201d te kry. <\/span>Dit was \u2019n nuwe ervaring vir hom, maar een wat hy baie ernstig opgeneem het.\u00a0<\/span><\/p>\r\n

\u201cWat wel in ons geval baie gehelp het, is dat die kinders se biologiese pa glad nie in die prentjie is nie, so die tyd en liefde wat Paul in hulle bel\u00ea het, het tot \u2019n sterk gesinseenheid bygedra. Oor die jare het albei kinders \u2019n sterk band met hom ontwikkel en toe Bradley 18 geword het, het hy amptelik sy van verander. Si\u00e9nna beoog om vanjaar dieselfde te doen. Hulle het albei hul vanne nie-amptelik na Calow verander toe hulle ho\u00ebrskool toe is en almal ken hulle as Calows.\u201d<\/span><\/p>\r\n

Vanjaar is \u2019n groot jaar vir hul gesin: Si\u00e9nna matrikuleer en wil \u2019n sabbatsjaar in Itali\u00eb gaan doen en Maryna beplan om vir Bradley in Engeland te gaan kuier. Tussendeur is daar opknappings aan hul huis, potgooie, skoue en natuurlik baie wyndrink!<\/span><\/p>\r\n

\u201cDie w\u00eareld is ons oester en die toekoms lyk blink!\u201d verklaar sy toe ons groet en die son blink strepe oor Tafelbaai gooi.\u00a0<\/span><\/p>\r\n

Lees ook:\u00a0Vier die lewe! Drie vroue vertel hoe, en waarom, dit nodig is<\/a> \u00a0<\/span><\/p>\r\n

 <\/p>\r\n

Werd om te weet<\/b><\/h4>\r\n

 <\/p>\r\n