{"id":151147,"date":"2025-02-26T12:13:48","date_gmt":"2025-02-26T10:13:48","guid":{"rendered":"https:\/\/novanews.co.za\/rooirose\/?p=151147"},"modified":"2025-02-26T12:13:48","modified_gmt":"2025-02-26T10:13:48","slug":"minki-verjaar-ek-wil-net-n-goeie-voorbeeld-vir-my-dogters-wees","status":"publish","type":"post","link":"https:\/\/novanews.co.za\/rooirose\/minki-verjaar-ek-wil-net-n-goeie-voorbeeld-vir-my-dogters-wees\/","title":{"rendered":"Minki verjaar! “Ek wil net \u2019n goeie voorbeeld vir my dogters wees”"},"content":{"rendered":"

Deur Maretta Bellingan<\/span><\/em><\/p>\n

Foto’s, hare en grimering: Willem Botha & Willem Botha Beauty<\/span><\/em><\/p>\n

 <\/p>\n

 <\/p>\n

Minki van der Westhuizen<\/strong> leef al jare in die kollig, maar meer as enigiets streef sy daarna om \u2019n goeie, deugsame mens en \u2019n inspirasie vir haar drie dogters te wees.<\/span><\/p>\n

 <\/p>\n

Ek ontmoet Minki op haar tuisdorp Stellenbosch. Sy maak verskoning dat sy op \u2019n sekere tyd moet pad vat, want sy vlieg Pretoria toe vir werk. Vir die Lamb Champs<\/em> om presies te wees, \u2019n kompetisie waartydens 100 lammers en 50 bokke op die spit gebraai word.\u00a0<\/span><\/p>\n

N\u00e1 afloop van die kompetisie waar Minki as gasvrou optree, vertrek sy saam met \u2019n kameraspan na Groblersdal waar hulle \u2019n dokument\u00eare reeks van ses episodes oor die Lamb Champs<\/em> opneem, wat vanjaar op kykNET vertoon sal word.\u00a0\u00a0\u00a0\u00a0\u00a0<\/span><\/p>\n

\u201cEk\u2019s baie lief vir die boeregemeenskap,\u201d erken Minki. \u201cMy oupa, Nico Lombard, \u2019n oud-polisieman en ouma Dinah het op Vanrhynsdorp in die Namakwaland afgetree. Ouma sou nou ges\u00ea het: \u2018Nee kind, hy was \u2019n adjudant-offisier,\u201d voeg Minki laggend by.<\/span><\/p>\n

\u201cOns het dikwels by hulle gaan vakansie hou en dis waar ek \u2019n liefde vir grond, plaasdamme, en die eenvoud van die lewe ontwikkel het. Ook weens my verbintenis met <\/span>Boer soek \u2019<\/span><\/i>n vrou<\/span><\/i> en selfs toe ek vir <\/span>Pasella<\/span><\/i> gewerk het, het ek baie interaksie met die platteland en sy mense gehad.\u201d\u00a0<\/span><\/p>\n

En sy trek beslis nie haar neus vir \u2019n lekker lamstjoppie op nie. \u201cErnst weet dit mag nie t\u00e9 gaar wees nie. Die vet moet krakerig wees en die vleisie nog lekker sappig. N\u00e1 ons vakansie onlangs in Alaska, het my jongste, Elsa, ges\u00ea al wat sy nou begeer, is Pappa se steak met tjips en mielies. Die kinderspyskaart in Alaska was maar ietwat beperk.\u201d<\/span><\/p>\n

 <\/p>\n

\"\"<\/p>\n

 <\/p>\n

Minki lyk soos altyd sjiek in \u2019n geruite jas, \u2019n roeskleurige syhemp, \u2019n kameelkleurige pasjmina om haar skouers gedrapeer, blou denim en tekkies. \u201cEk\u2019s regtig nie \u2019n wintermens nie. Ek het maar swaar gekry die sewe jaar in Engeland. Die somer is so maklik. Jy spring net in \u2019n denimkortbroek en \u2019n T-hemp. Die kos is eenvoudig en die kinders het nie heeltyd loopneuse nie.<\/span><\/p>\n

Minki is al vir \u2019n wyle \u2019n bekende en gewilde \u2018<\/span>influencer<\/span><\/i>\u2019 op sosiale media. \u201cEk verkies die woord <\/span>trendsetter<\/span><\/i>. Ek wil nie mense be\u00efnvloed nie. Dis vir my lekker om ander met my idees te inspireer \u2013 al is dit net \u2019n idee hoe om jou kinders te vermaak, hoe om jou eie onderneming te begin of selfs wat jy vir aandete moet maak.\u00a0\u00a0<\/span><\/p>\n

\u201cDit gee my \u2019n<\/span> kick<\/span><\/i> om die gewone daaglikse aktiwiteite \u2019n bietjie op te dollie. Dit het maar soos meeste dinge in my lewe heel toevallig op my pad gekom.\u00a0<\/span><\/p>\n

\u201cEk het beslis nie eendag besluit ek wil my persoonlike smaak gaan smous nie, maar mense het my begin nader en dit het \u2019n goeie sakebesluit geword.\u201d En dis hoe dit gebeur het dat White Star Cruise and Travel vir haar en haar gesin genooi het om \u2019n reis op die Cunard Queen Elizabeth na Alaska mee te maak.<\/span><\/p>\n

\u201cDit was \u2019n wonderlike geleentheid om as gesin saam tyd deur te bring en vir die dogters \u2019n bietjie van die w\u00eareld te wys. Ons is deeglik bewus van hoe bevoorreg ons is,\u201d beklemtoon Minki wat verskeie produkte, soos jenewer, speelgoed en allerlei skoonheidsprodukte, bemark.<\/span><\/p>\n

\u201cDit was lekker om \u2019n slag net te wees. Kan jy glo, ek het twee boeke in tien dae gelees. Ernst het ure lank met \u2019n verkyker gestaan en staar. As ek vir hom s\u00ea ons moet \u2019n teetjie gaan drink, s\u00ea hy, net nog een draai en \u2019n uur later wag ek steeds vir my tee.\u201d<\/span><\/p>\n

 <\/p>\n

\"\"<\/p>\n

 <\/p>\n

Terug by die huis gaan die lewe voort waar \u2019n dag in die Joubert-huishouding om kwart oor ses in die oggend afskop. \u201cKaterien is in graad 5, Elise in graad 4 en Elsa in graad R. Terwyl hulle aantrek, maak ek kosblikke. Ek hou daarvan om vir hulle interessante goed te pak, soos \u2019n bietjie biltong en dro\u00eb vrugte. Elsa het \u2019n vreemde palet, sy hou van seldery.<\/span><\/p>\n

\u201cEk gaan stap gereeld saam met \u2019n paar vroue in Stellenbosch se berge, doen Pilates of speel tennis. Dan gaan werk ek vir \u2019n wyle by die Minki-kantoor. Dit was altyd my droom om \u2019n Minki-handelsmerk te h\u00ea en ek is verskriklik trots op my juwelereeks wat <\/span>aanlyn by minki.co.za.<\/a> beskikbaar is.\u201d<\/span><\/p>\n

Minki s\u00ea sy is verstom oor hoe gewild dit is en dat sy werklik dankbaar is hieroor. Sy het altyd die droom gekoester om iets tasbaar te h\u00ea om haar naam op te sit, iets wat sy vir haar\u00a0 dogters kan nalaat.<\/span><\/p>\n

\u201cDis moderne juwele met \u2019n klassieke aanslag wat jy elke dag kan dra. Ek het nou met die ontwerper saamgewerk en dit weerspie\u00ebl gewis my persoonlike smaak. Dit was een van die grootste waagstukke van my lewe. Jy stel jouself bloot, maar dis ook \u2019n finansi\u00eble risiko.\u00a0\u00a0<\/span><\/p>\n

\u201cEk het grootgeword met die houding liewer bang Jan as dooie Jan, maar tog, wie nie waag nie, wen nie. Ek moet s\u00ea die dogtertjies is beslis meer waaghalsig as hulle ma. Hulle is drie regte <\/span>mini-me\u2019s<\/span><\/i>. Al drie wil mooi aantrek, al drie wil <\/span>famous<\/span><\/i> \u2018soos Mamma\u2019 wees en hul eie ondernemings h\u00ea.\u201d\u00a0<\/span><\/p>\n

Sy s\u00ea haar man, Ernst, is \u2019n goeie klankbord. \u201cEk s\u00ea altyd Ernst is my morele kompas. Hy het \u2019n gesonde aanvoeling vir mense en die lewe. Oor die juwelereeks het hy vir my ges\u00ea:\u00a0 \u00a0 \u2018My liefie, jy sal dom wees om dit nie te doen nie.\u2019\u201d<\/span><\/p>\n

Ek wonder of daar planne is vir enige nuwe produkte en sy glimlag breed. \u201cMy <\/span>darling, this is the tip of the iceberg<\/span><\/i>.\u201d<\/span><\/p>\n

 <\/p>\n

\"\"<\/p>\n

 <\/p>\n

Minki was die aanbieder van die geselsprogram <\/span>Minki<\/span><\/i> op Via-kanaal, maar n\u00e1 18 reekse is dit vir eers gestaak. \u201cDit is wat dit is. Ek is wel baie opgewonde oor Lamb Champs<\/em>. Ek het soveel respek vir ons boere. Hulle is dankbare, nederige mense; hulle leef op hul knie\u00eb. Ek voel tuis en geliefd tussen hulle.<\/span><\/p>\n

\u201cEk vind ook groot berusting in my geloof. Jy raak net rustig en fokus op dit wat jy wel het, en natuurlik, deur genade het ek drie pragtige, gesonde meisiekinders en \u2019n man wat n\u00e1 12 jaar steeds vir my komplimente gee en met \u2019n vonkel in die oog vir my s\u00ea: \u2018Jou jongste dogter is net so hardegat soos jy.\u2019\u201d<\/span><\/p>\n

Haar ma, Carien, is vir haar \u2019n groot inspirasie. \u201cSy\u2019s my beste vriendin. Sy\u2019s \u2019n wonderlike ouma en vrou vir my pa. Ek streef elke dag daarna om \u2019n soortgelyke ma vir my dogters en vrou vir my man te wees. Net \u2019n goeie, deugsame mens.\u00a0<\/span><\/p>\n

\u201cEk wou altyd \u2019n mamma word, maar die vreugde wat ek uit ons gesin put, kan ek met niks op aarde vergelyk nie. Geen TV-program of voorblad kan vir my die vrede en vreugde gee wat hulle my bring nie.\u201d\u00a0\u00a0\u00a0\u00a0\u00a0\u00a0<\/span><\/p>\n

 <\/p>\n

\n
\n

 <\/p>\n

\n
<\/div>\n
\n
<\/div>\n
<\/div>\n<\/div>\n<\/div>\n
<\/div>\n
<\/div>\n
\n
View this post on Instagram<\/div>\n<\/div>\n
<\/div>\n
\n
\n
<\/div>\n
<\/div>\n
<\/div>\n<\/div>\n
\n
<\/div>\n
<\/div>\n<\/div>\n
\n
<\/div>\n
<\/div>\n
<\/div>\n<\/div>\n<\/div>\n
\n
<\/div>\n
<\/div>\n<\/div>\n

 <\/p>\n

A post shared by Minki van der Westhuizen (@minkivanderwesthuizen)<\/a><\/p>\n<\/div>\n<\/blockquote>\n