{"id":150336,"date":"2025-01-17T15:27:51","date_gmt":"2025-01-17T13:27:51","guid":{"rendered":"https:\/\/novanews.co.za\/rooirose\/?p=150336"},"modified":"2025-01-17T15:35:29","modified_gmt":"2025-01-17T13:35:29","slug":"ons-kyk-terug-verlede-jaar-se-ma-en-dogter-kompetisie-wenners","status":"publish","type":"post","link":"https:\/\/novanews.co.za\/rooirose\/ons-kyk-terug-verlede-jaar-se-ma-en-dogter-kompetisie-wenners\/","title":{"rendered":"ONS KYK TERUG: Verlede jaar se ma-en-dogter-kompetisie-wenners"},"content":{"rendered":"

Dis \u2019n <\/span>all-<\/span><\/i>in-<\/span><\/i>one <\/span><\/i>vir Corlette<\/strong> (40) en Charlise<\/strong> (21) van Pretoria. Charlise verduidelik, \u201cOns het dit alles. Dis baie moeilik om te beskryf. Mense wat dit (die tipe verhouding met \u2019n ma) het, sal verstaan wat jy bedoel as jy s\u00ea jou ma is jou <\/span>all-<\/span><\/i>in-<\/span><\/i>one<\/span><\/i>. Baie keer het ek my ma nodig, dan is sy my ma. As ek \u2019n vriendin nodig het, is sy my vriendin. Ander kere het ons net nodig om \u2019n glasie wyn saam te drink en te <\/span>chill<\/span><\/i>. Dan is sy my <\/span>bestie<\/span><\/i>.\u201d<\/span><\/p>\n

So bietjie soos aarbeie en room. Kaas en wyn. Die een vul die ander aan met unieke aromas en geure. (Charlise meen as jy dit nie verstaan nie, dan weet jy nie wat h\u00falle weet nie!).\u00a0<\/span><\/p>\n

 <\/p>\n

\"\"<\/p>\n

 <\/p>\n

Vandag is hulle boonop sakevennote en hulle besit House of Kinz, \u2019n werkswinkel waar vroue kan deel in polymerklei-werkswinkels deur Corlette, of kunsklasse deur Charlise. Hulle leef daagliks hul kreatiwiteit uit en inspireer s\u00f3 ander om hul verbeelding vrye teuels te gee.\u00a0<\/span><\/p>\n

Corlette se bruin kykers helder op as sy s\u00ea:\u201cDit is ongelooflik om \u2019n verhouding met jou kind te h\u00ea. Dis die een persoon wat my regtig verstaan. As ek sleg opstaan, weet sy. As ek \u2019n lekker dag het, weet sy. Ek kan oop kaarte speel. Dit wat ek het, sal ek nooit vir die w\u00eareld verruil nie.\u201d<\/span><\/p>\n

\u00a0\u00a0\u00a0\u00a0\u00a0<\/span><\/p>\n

Maar hul verhaal is allermins een van maanskyn en rosegeur. Daar was vele beproewings wat net sowel hul skippie kon gesink het. Daar was baie lag, maar net so baie trane. Vandag nog. En hulle het duur lesse geleer wat hul lewe ingrypend en ten goede verander het. Een tema wat egter soos \u2019n silwer slakspoortjie dwarsdeur hul storie loop, is di\u00e9 van onvoorwaardelike liefde.\u00a0<\/span><\/p>\n

\u00a0\u00a0\u00a0\u00a0\u00a0<\/span><\/p>\n

Corlette was \u2019n ongehude moeder. Dit was 21 jaar terug\u00a0 \u2019n reuse-skande in die boeregemeenskap waar sy groot geword het. Maar haar eie gesin het laer om haar en Charlise getrek \u2013 ongeag wat ander sou s\u00ea \u2013\u00a0 \u00a0 \u00a0 en is tot vandag toe hul grootste ondersteuners.\u00a0<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Corlette het mens geword op hul familieplaas Faith, tussen Bloemhof en Hoopstad. N\u00e1 skool het sy en \u2019n vriendin saam beeldende kunste in Bloemfontein gaan studeer. \u201cEk het eintlik nie geweet wat ek met my lewe wou doen nie,\u201d bieg sy. In dieselfde jaar het sy swanger geraak. \u201cKan jy dink watter skande dit daardie tyd was? Nogals \u2019n plaaskind uit \u2019n stoere boergemeenskap!\u201d Sy was sewe weke swanger toe sy sak en pak terug plaas toe is. \u201cEk onthou\u00a0 ek was vr\u00e9\u00e9slik naar, maar ek weet nou nog nie of dit oggendnaarheid of senuwees was om my mense met die waarheid te konfronteer nie!\u201d\u00a0<\/span><\/p>\n

Haar ma was in die tyd haar steunpilaar. \u201cWat het ek, self nog kind, geweet van ma-wees? Sy het my vir my eerste sonar geneem en was baie beskermend teenoor my. Di\u00e9 dag het ek by my pa op die bed gaan sit en vir hom ges\u00ea: \u2018Pappa, die baba se hartjie klop al. Ek gaan alles doen om di\u00e9 kind tot die beste van my vermo\u00eb groot te maak.\u2019 En ons het nooit weer daaroor gepraat nie. Ek sal nooit die oomblik vergeet toe sy gebore is nie. Dit was die ongelooflikste gevoel van \u2018hierdie is regtig hoe liefde voel\u2019. Hierdie onvoorwaardelike liefde vir die babatjie. Jy weet nie hoe om dit te doen nie, maar dit is die beste gevoel ooit. Charlise het net nog altyd die gawe om mense se harte sag te maak. My pa se hart het verander, hy het so sag geword. Almal is deur haar koms geraak,\u201d s\u00ea Corlette.<\/span><\/p>\n

Corlette het haar belofte gestand gedoen en toe Charlise \u2019n jaar en drie maande oud was, is hulle terug Bloemfontein toe. Sy vertel:\u201cEk het begin kyk watter werk gaan vir my (met geen kwalifikasie) die meeste geld inbring sodat ek vir my kind \u2019n toekoms kan gee. Ek het \u2019n verantwoordelikheid gehad en was nie van plan om op enigiemand anders staat te maak vir hulp nie.\u201d\u00a0<\/span><\/p>\n

Hoewel Charlise se pa kennis van haar dra, het hy van die begin af die besluit geneem om nie betrokke te wees nie. Corlette het as \u2019n finansi\u00eble klerk begin werk en haarself op gewerk. Uiteindelik het sy \u2019n oorplasing Pretoria toe gekry en kon sy haar senior boekhouersertifikaat verwerf waarna sy 11 jaar in die korporatiewe w\u00eareld bedrywig was. \u201cDie Here het nog altyd net dinge in plek laat val sodat ek die vermo\u00eb gehad het om as enkel mamma vir my kind te sorg,\u201d s\u00ea sy.<\/span><\/p>\n

Charlise was 12 toe Corlette \u201cja\u201d ges\u00ea het vir \u2019n man wat sy op daardie tyd geglo het die antwoord op haar begeerte was om \u2019n \u201cregte, volledige\u201d gesin te h\u00ea. Sy, maar veral Charlise, het die man se emosionele slaansak geword. Weg was hul spesiale ma-en-dogter-oomblikke: Daar sou nie meer selfies saam geneem word nie en spesiale dae, soos verjaardae, Kersfees of\u00a0 Valentynsdag, het altyd vir rusies gesorg.\u00a0<\/span><\/p>\n

 <\/p>\n

Einde Junie 2023 het Corlette met dikgehuilde o\u00eb in \u2019n koffiewinkel gesit en haar ouers gebel om te s\u00ea dit is nou die einde van die huwelik; sy kan nie meer nie. Daarna het Corlette hulp gesoek. Sy s\u00ea:\u201cJy moet gedissiplineerd genoeg wees om te weet dit is oukei om hulp te kry. En soms moet jy na mense uitreik wat heeltemal onafhanklik staan van jou verhouding om perspektief te kry, en daarvolgens besluite neem. Dis nie maklik om uit \u2019n huwelik uit te kom nie, want dit is heilig. Dit is \u2019n belofte wat julle voor God gemaak het. Hierdie huwelik sou my emosioneel doodgemaak het. En my kind \u2026 Ek moes selfondersoek doen\u00a0 \u00a0 \u00a0 oor hoe dit haar be\u00efnvloed. Ek het dit van die begin af nooit in ag geneem nie. Daar was baie verwyte, want ek het nooit besef hoe dit haar raak nie. Sy was eintlik die emosionele slaansak. Sy het eenmaal vir my ges\u00ea: \u2018Mamma ek kan jou vergewe (vir die keuses wat jy gemaak het), maar net nie nou nie.\u2019 Dit het my soos \u2019n vuishou getref.\u201d\u00a0<\/span><\/p>\n

 <\/p>\n

Charlise vergelyk daardie tyd soos iemand wat in \u2019n klankdigte glasboks is. \u201cJy kan gesien word, maar niemand hoor jou nie. Jy kan gil en skree en vertel wat aangaan, maar mense staar jou net aan. Ek het baie keer na die kerk uitgereik en ges\u00ea wat aangaan, en dan sou mense vir my s\u00ea hulle bid vir my. En dit was goed, maar ek het baie keer gevra, waar gaan jy vir my intree? Niemand het ooit vir my ingetree as \u2019n kind in daardie tydperk nie. Die oomblik toe my ma van die huwelik wegstap, het ek besef sy het \u00f3ns verhouding bo \u2019n verhouding wat haar en my afgebreek het, gekies.\u201d\u00a0\u00a0<\/span><\/p>\n

 <\/p>\n

\"\"<\/p>\n

 <\/p>\n

Corlette s\u00ea: \u201cDaar moes baie versoening plaasvind. Ons moes deur moeilike gesprekke en verwyte werk om weer gesond te word.\u201d\u00a0<\/span><\/p>\n

Daar is nou \u2019n warmte tussen ma en dogter. Hul\u00a0 deernis vir mekaar is merkbaar in die manier hoe hulle na mekaar kyk, en jy weet: Dit sou nie dieselfde mense gewees het, was dit nie vir duur foute nie. \u201cEk sou nie die vrou gewees het wat ek vandag is nie, en my dogter sou nie dieselfde sterk mens gewees het wat sy nou is nie,\u201d s\u00ea Corlette.\u00a0<\/span><\/p>\n

Gereelde koffiekuiers \u2013 weg van die huis af waar hulle slegs op mekaar kan fokus \u2013 is \u2019n ding vir di\u00e9 twee. \u201cEn dis nie sommer s\u00f3 koffie nie. Dis koffie met room, en dan strooi ons bruinsuiker bo-op wat ons dan met \u2019n lepeltjie afeet!\u201d lag Corlette.\u00a0<\/span><\/p>\n

Ma en dogter stem saam die belangrikste woord in \u2019n verhouding is eerlikheid. Daarna volg respek, oop kommunikasie en om mekaar se ritmes te leer ken. \u201cElke mens verskil en het haar eie ritme. Hoe meer jul\u00a0 ritmes gesinchroniseerd is, hoe beter gaan julle oor die weg kom. Ma en dogter moet leer dat hul ritmes baie verskillend kan wees of baie dieselfde, en daarin moet julle die hartklop vind wat vir julle werk. Luister meer as wat jy praat. Kry hulp wanneer dinge te veel raak of jy nie weet hoe verder nie. Elkeen se resep is anders, maar probeer alles en behou die <\/span>goeie. Draai terug na jou eerste liefde, Jesus.\u201d<\/span><\/p>\n

 <\/p>\n

 <\/p>\n

Ons is weer op soek na \u2019n ma en dogter wat \u2019n baie hegte band het!<\/em><\/p>\n

 <\/p>\n

\n
\n
\n
\n
\n
\n
\n

Is julle ‘n ma en dogter duisend? Wen ‘n prys van meer as R65 000!<\/strong><\/h4>\n

 <\/p>\n

rooi rose<\/span><\/a><\/span> is op soek na \u2019n ma en dogter wat \u2019n baie hegte band het.<\/p>\n<\/div>\n

<\/div>\n
Vertel ons wat dit is wat jul verhouding so spesiaal maak en julle het \u2019n kans om \u2019n oormaak- en fotosessie deur Willem Botha<\/span><\/a><\/span> Willem Botha Beauty<\/span><\/a><\/span> , \u2019n uitrusting vir elkeen deur Diaan Daniels Couture<\/span><\/a><\/span> , \u2019n skildery (250 x 300 mm) vir elk van Portchie<\/span><\/a><\/span> en \u2019n geskenkpak van Oscar de la Renta te wen. Jul fotosessie sal ook in \u2019n uitgawe van rooi rose verskyn!<\/div>\n
<\/div>\n

Wat moet julle doen?<\/strong><\/p>\n

Stuur \u2019n foto van julle twee saam, beantwoord \u2019n paar vrae en betaal \u2019n inskrywingsbedrag van R100. Betaalopsie op die webwerf beskikbaar.<\/p>\n

Sluitingsdatum: 23 Januarie 2025.<\/p>\n

Klik hier om in te skryf:<\/strong><\/p>\n

https:\/\/competition.novanews.co.za\/rooirose\/…\/n-ma-en-dogter…\/<\/a><\/span><\/p>\n

\n<\/div>\n<\/div>\n<\/div>\n<\/div>\n<\/div>\n<\/div>\n\n\t\t