{"id":150313,"date":"2025-01-17T10:34:29","date_gmt":"2025-01-17T08:34:29","guid":{"rendered":"https:\/\/novanews.co.za\/rooirose\/?p=150313"},"modified":"2025-01-17T10:38:35","modified_gmt":"2025-01-17T08:38:35","slug":"die-byl-groet-na-ses-seisoene","status":"publish","type":"post","link":"https:\/\/novanews.co.za\/rooirose\/die-byl-groet-na-ses-seisoene\/","title":{"rendered":"‘Die Byl’ groet n\u00e1 ses seisoene"},"content":{"rendered":"

\u201cMens weet nooit, terwyl jy bloed en trane stort soos jy aan \u2019n produksie werk, of dit sag by die kykers gaan val nie,\u201d s\u00ea Waldemar Schultz, die talentvolle akteur wat van die heel eerste episode van die heel eerste seisoen in die skoene van Die Byl<\/em> gestaan het. Nou, n\u00e1 ses seisoene, is dit tyd om te groet. \u201cDit was \u2019n baie spesiale ervaring. Ons het nie toe geweet ons, die spelers, sluit by \u2019n familie aan wat 10 jaar lank saam gaan werk nie. Die mense en gevoel van kameraderie sal altyd by my bly.\u201d<\/p>\n

 <\/p>\n

\"\"<\/p>\n

 <\/p>\n

Die Byl<\/em>,<\/strong> wat Dinsdagaand 14 Januarie om 20:00 op kykNET afgeskop het, is die dramareeks met die meeste seisoene in kykNET se geskiedenis. In die sesde seisoen loop reeksmoordenaars hulle steeds vas teen Byl en sy span, maar \u2019n genadelose moordenaar is vasberade om vir hulle die lewe hel op aarde te maak. Dit alles terwyl Byl en sy span hulle eie demone moet beveg.<\/p>\n

 <\/p>\n

\u201cDie feit dat ek vir die eerste keer \u2019n produksie kon aanpak waar ek in die ware sin saam met die regisseurs, vervaardigers, skrywers en medespelers kon werk en bou aan die karakters en die vertel van die storie, was vir my ongelooflik bevredigend, kreatief, en natuurlik ook soms angswekkend,\u201d s\u00ea Waldemar. \u201cJy werk altyd teen tyd (\u00e9n begroting) en dit was vir my ontsettend belangrik om die stories geloofwaardig en met integriteit te vertel. Soms was dit \u2019n gespartel om al mens se eendjies in \u2019n ry te hou, maar daar was altyd fantastiese samewerking en ondersteuning van die hele span.<\/p>\n

 <\/p>\n

Wat was sy persoonlike hoogtepunte oor die ses seisoene?<\/em> \u201cElke seisoen het op een of ander manier \u2019n gedaanteverwisseling ondergaan en nuwe vrae, raaisels en uitdagings gebring,\u201d s\u00ea hy. \u201cDaar was so baie uitsonderlike herinneringe, oomblikke, verhoudings en magic spells – te veel om te noem! Soms het ek op stel gestap vir \u2019n toneel waar ek net daardie een keer teenoor die ander speler speel en dit het soms onverwagse kreatiewe keuse en chemical cocktail<\/em> gebring, maar dan l\u00f3\u00f3p daardie toneel. Baie van daardie was vir my hoogtepunte. Maar dan ook: om met die spanne, spelers, die mense agter die kameras die kreatiewe journey van hierdie ses seisoene te kon deel, was deur en deur \u2019n hoogtepunt van my loopbaan!\u201d<\/p>\n

 <\/p>\n

\"\"<\/p>\n

 <\/p>\n

Waldemar s\u00ea die sesde seisoen is uitdagend. \u201cDis donker, kompleks, en hopelik beide angswekkend en boeiend. Oor storielyn(e) wil ek niks s\u00ea nie, maar ek hoop en glo daar gaan menige vingernaels geknaag word voor die kassie! Van my gunsteling-reaksies op sosiale media is as mense s\u00ea: “Ek kon nie meer kyk nie, maar ek kon nie ophou kyk nie!”. So haak in by \u2019n geliefde se arm, en loer wat jy kan tussen die vingers deur.\u201d<\/p>\n

Lees ook:\u00a010 redes waarom jy die Januarie-uitgawe van rooi rose m\u00f3\u00e9t lees!<\/a><\/p>\n

 <\/p>\n

Seisoen 5 en 6 is vervaardig sonder Leon Kruger (hoofskrywer) en Herman Binge (hoofvervaardiger) wat al twee in 2021 oorlede is.<\/p>\n

 <\/p>\n

\u201cBeide seisoen 5 en 6 is ons huldeblyk aan hulle,\u201d se Waldemar. \u201cOok aan ons Dok Fritz, Erik Nobbsk, wat in 2022 oorlede is. Maar ek dink dis \u2019n goeie tyd om klaar te maak. Ek is darem al 10 jaar ouer as toe ons begin het en arme ou Van der Bijl is al deur s\u00f3 baie geweld, moord en doodslag in sy lang loopbaan, dalk sal hy bly wees vir \u2019n bietjie vrede.\u201d<\/p>\n

 <\/p>\n\n\t\t