{"id":149655,"date":"2024-11-28T12:56:09","date_gmt":"2024-11-28T10:56:09","guid":{"rendered":"https:\/\/novanews.co.za\/rooirose\/?p=149655"},"modified":"2024-11-28T12:56:09","modified_gmt":"2024-11-28T10:56:09","slug":"marissa-claasen-gesels-oor-suidooster-se-komplekse-debbie-ek-wou-haar-eerlik-vertolk","status":"publish","type":"post","link":"https:\/\/novanews.co.za\/rooirose\/marissa-claasen-gesels-oor-suidooster-se-komplekse-debbie-ek-wou-haar-eerlik-vertolk\/","title":{"rendered":"Marissa Claasen gesels oor ‘Suidooster’ se komplekse Debbie: “Ek wou haar eerlik vertolk”"},"content":{"rendered":"

Suidooster<\/span><\/i>-kykers is tans op hete kole om te sien of Lee-Ann (Portia Joel) wel haar fisioterapeut, Debbie Joubert (Marissa Claasen), gaan help om wraak op Clayton Moses (Ricardo Thomas) te neem.\u00a0<\/span>\u00a0<\/span><\/p>\n

Debbie beweer Clayton het haar tydens \u2019n huisbraak verkrag, en nadat Lee-Ann onlangs gekaap is wat tot erge trauma vir haar gelei het, voel die twee dat diegene wat daarvoor verantwoordelik was, nie vir hul dade boet nie.\u00a0<\/span>\u00a0<\/span><\/p>\n

\u00a0<\/span><\/p>\n

Debbie sal enigiets doen vir geregtigheid en Lee-Ann, wat haar situasie verstaan, is net die persoon om haar te help om reg in eie hande te neem.\u00a0<\/span>\u00a0<\/span>Debbie is \u2019n komplekse karakter wat skuil agter ‘n masker van konstante optimisme terwyl sy baie seer en pyn in haar hart het.\u202f<\/span>\u00a0<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Marissa vertel meer oor haar rol en agtergrond as akteur.\u00a0\u00a0<\/strong><\/p>\n

\u00a0<\/span><\/p>\n

Vertel bietjie meer oor jouself.<\/span><\/b><\/h4>\n

 <\/p>\n

Ek het groot geword in Pretoria as die jongste van drie. As kind het ek en my ouer suster altyd <\/span>Egoli-Egoli<\/span><\/i> gespeel, so daar het my toneelspeel drome seker al begin kop uitsteek.\u00a0<\/span>\u00a0<\/span><\/p>\n

In 2013 het ek my graad in Drama aan die Tshwane Universiteit van Tegnologie (TUT) verwerf waarna ek vir ongeveer 7 jaar lank op \u2019n daaglikse basis kinderteater gedoen het. Dit was my brood en botter.\u00a0<\/span>\u00a0<\/span>Tussendeur het ek oudisies bygewoon, self werk geskep en uiteindelik ook groter rolle begin losslaan.\u00a0<\/span>\u00a0<\/span><\/p>\n

Ek het in 2019 Kaapstad toe verhuis en my loopbaan hier verder begin ontwikkel. Dit was, en is, nie \u2019n maklike pad om te stap nie. Maar niks wat die moeite werd is, is tog maklik nie!\u00a0<\/span>My ma is my grootste ondersteuner en het my van dag 1 af aangespoor om my drome na te jaag. My pa skerts gereeld dat ek \u2019n \u201cregte werk\u201d moet kry, maar hy is terselfdertyd vreeslik trots op my.<\/span>\u00a0<\/span><\/p>\n

\u00a0<\/span><\/p>\n

Was dit vir jou uitdagend om \u2019n komplekse karakter soos Debbie te speel?<\/span><\/b><\/h4>\n

 <\/p>\n

Sy is deur so baie trauma, en ek moes soms baie diep delf om emosies binne myself te vind wat ooreenstem met hare.\u00a0<\/span>\u00a0<\/span>Ek wou haar eerlik vertolk. Daar was heelwat emosionele tonele in die storielyn wat dit baie anders gemaak het as die komiese rolle wat ek gewoonlik vertolk.\u00a0<\/span>\u00a0<\/span><\/p>\n

Ek het voor elke toneel haar denkproses gaan ontleed en probeer vasstel presies wat haar intensies is en hoe die trauma en verlies waardeur sy is, subtiel kan deurskyn in my vertolking.\u00a0<\/span>Daar is baie “lae” aan Debbie wat dit uitdagend maak, maar dit was ook baie bevredigend om haar te speel.\u00a0<\/span>\u00a0<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Hoe sal jy die boodskap van die Debbie en Lee-Ann storielyn beskryf?<\/span><\/b><\/h4>\n

 <\/p>\n

Debbie is \u2019n goeie voorbeeld van wat kan gebeur as iemand deur diep trauma geraak is en nie die regte hulp ontvang het om daarvan te genees nie.\u00a0<\/span>Die storielyn wys hoe maklik een persoon se onbehandelde trauma \u2019n ander een kan raak en so ook daardie persoon se lewe kan be\u00efnvloed. Dit handel oor geregtigheid, maar ook vergifnis.\u00a0<\/span>\u00a0<\/span><\/p>\n

Dit is vergifnis wat \u2019n mens op die einde vry maak van wraak en negatiwiteit. Trauma hoef nie die oorsaak te wees van die einde nie, maar kan die begin wees van iets groter, belangriker en inspirerend.\u202f<\/span>\u00a0<\/span><\/p>\n

\u00a0<\/span><\/p>\n

 <\/p>\n

Kykers het jou ook al in <\/span><\/b>Binnelanders<\/span><\/i><\/b> en meer onlangs in <\/span><\/b>Arendsvlei<\/span><\/i><\/b> gesien. Wat geniet jy van die sepie genre?<\/span><\/b><\/h4>\n

 <\/p>\n

Teater is my eerste liefde en dit is waar ek als geleer het wat ek weet. My eerste televisierol was di\u00e9 van Sharon Basson in <\/span>Binnelanders. <\/span><\/i>Daar het ek onmiddellik verlief geraak op hierdie medium ook.\u00a0<\/span>\u00a0<\/span>Dit is baie meer tegnies as teater, maar \u2019n mens kan fyner speel, veral met jou o\u00eb. Selfs net \u2019n gedagte wys duidelik op jou gesig. Die kleinste beweging of kyk kan emosie oordra.\u00a0<\/span>\u00a0<\/span>Ek geniet dit om so presies te kan raak oor \u2019n rol en dinge te ontleed tot op die been. Die storielyne en woorde leer hou my altyd op my tone omdat die woorde so presies moet wees.\u00a0<\/span>\u00a0<\/span><\/p>\n

Die produksiespan by sepies is altyd van die wonderlikste mense, ek vorm vinnig hegte bande met mede-akteurs en elke dag op stel voel soos \u2019n droom wat waar geword het.<\/span>\u00a0<\/span><\/p>\n

\u00a0<\/span><\/p>\n

 <\/p>\n

Jou storielyn in <\/span><\/b>Suidooster<\/span><\/i><\/b> is baie ernstig, maar jy het ook al naam in \u2019n paar klugte op die verhoog gemaak. Vertel meer hieroor?<\/span><\/b><\/h4>\n

 <\/p>\n

My heel eerste professionele teater produksie was \u2019n klug en tot vandag toe speel ek steeds jaarliks in \u2019n klug of twee. Ek is gek daaroor.\u00a0<\/span>\u00a0<\/span>2024 was \u2019n groot een vir my wat teater aanbetref. Ek was te sien in die absurde komedie <\/span>Hospitale, Kateters en Familielede<\/span><\/i> wat aangewys is as die topverkoper by die Innibos Nasionale Kunstefees in Nelspruit.\u00a0<\/span>\u00a0<\/span><\/p>\n

Ons speel ook in 2025 by KKNK in Oudtshoorn. Verder het ek sedert 2020 getoer met die Lefra-klug <\/span>My Vrou se Man se Vrou<\/span><\/i> en onlangs het ons geopen met die opvolg-produksie <\/span>My Boetie se Sussie se Ou<\/span><\/i>.\u00a0<\/span>\u00a0<\/span><\/p>\n

\u2019n Jaarlikse hoogtepunt is natuurlik wanneer ons teater maak aan boord van die MSC-passasiersboot tydens die Oppiwater Kunstefees.\u00a0<\/span>\u00a0<\/span>In 2025 sal dit my 9de jaar wees wat ek kuns maak op die boot. Ons toer in 2025 verder met <\/span>Hospitale, Kateters en Familielede <\/span><\/i>en met <\/span>My Boetie se Sussie se Ou<\/span><\/i>.\u00a0<\/span>\u00a0<\/span>Die stukke is histeries en so ook die spanne saam wie ek werk. Dit is soos kos vir my siel om te weet dat ons so baie mense (en ook mekaar) so lekker kan laat uitbars van die lag. Dit maak die lewe so bietjie ligter.\u00a0<\/span>\u00a0<\/span><\/p>\n

\u00a0<\/span>As ek een persoon kan laat lag en selfs net vir \u2019n oomblik laat vergeet van hul probleme, het ek my werk reg gedoen.<\/span>\u00a0<\/span><\/p>\n

 <\/p>\n

\n
\n

 <\/p>\n

\n
<\/div>\n
\n
<\/div>\n
<\/div>\n<\/div>\n<\/div>\n
<\/div>\n
<\/div>\n
\n
View this post on Instagram<\/div>\n<\/div>\n
<\/div>\n
\n
\n
<\/div>\n
<\/div>\n
<\/div>\n<\/div>\n
\n
<\/div>\n
<\/div>\n<\/div>\n
\n
<\/div>\n
<\/div>\n
<\/div>\n<\/div>\n<\/div>\n
\n
<\/div>\n
<\/div>\n<\/div>\n

 <\/p>\n

A post shared by Marissa Claasen (@marissa_claasen)<\/a><\/p>\n<\/div>\n<\/blockquote>\n