{"id":149215,"date":"2024-11-08T11:51:24","date_gmt":"2024-11-08T09:51:24","guid":{"rendered":"https:\/\/novanews.co.za\/rooirose\/?p=149215"},"modified":"2024-11-08T11:51:24","modified_gmt":"2024-11-08T09:51:24","slug":"vyf-vinnige-vrae-vrydag-met-cheree-oor-haar-terugkeer-na-countrymusiek","status":"publish","type":"post","link":"https:\/\/novanews.co.za\/rooirose\/vyf-vinnige-vrae-vrydag-met-cheree-oor-haar-terugkeer-na-countrymusiek\/","title":{"rendered":"Vyf-vinnige-vrae-Vrydag met Chere\u00e9 oor haar terugkeer na countrymusiek"},"content":{"rendered":"

N\u00e1 meer as twee dekades in die musiekbedryf is Chere\u00e9 terug in die kollig met die uitreiking van \u2019n splinternuwe enkelsnit, \u201cAnother day\u201d<\/span>,<\/span><\/i> die eerste vrystelling vanaf haar langverwagte album met dieselfde naam. \u00a0<\/span>\u00a0<\/span><\/p>\n

Haar jongste album is \u2019n nuwe hoofstuk in die sangeres se loopbaan, sowel as \u2019n persoonlike reis terug na haar liefde vir countrymusiek, \u2019n genre wat sy nog altyd koester. \u00a0<\/span>\u00a0<\/span><\/p>\n

\u00a0<\/span>\u201cHierdie album is regtig <\/span>another day<\/span><\/i> vir my. Dit is die begin van my reis terug na my wortels, terug na my eerste liefde vir musiek. Ek het my stem weer gevind, en ek het \u2019n storie om te vertel,\u201d vertel sy.<\/span>\u00a0<\/span><\/p>\n

\u00a0<\/span><\/p>\n

\"\"

Foto: Silver Dune Photography<\/p><\/div>\n

 <\/p>\n

As kind in \u2019n musikale gesin, is sy aan country-legendes, soos Dolly Parton en Patsy Cline, sowel as Faith Hill en Deana Carter, blootgestel. Dit is hierdie verbintenis met die emosionele diepte en eenvoud van country-musiek wat sy graag met haar aanhangers wil deel. <\/span>\u00a0<\/span><\/p>\n

\u00a0<\/span><\/p>\n

Oor die jare, het Chere\u00e9 verskeie Afrikaanse treffers gehad, waaronder \u201c30 dae in die somer\u201d en \u201cPrins van die geweste\u201d, en dit was veral met haar album, <\/span>Wilde Waters<\/span><\/i>, wat sy haar stempel in die musiekbedryf afgedruk het deur Afrikaanse en country-invloede te kombineer. <\/span>
\n\u00a0<\/span>Tog, ten spyte van haar sukses, het sy altyd die roepstem van countrymusiek gevoel, \u2019n genre wat \u2019n konstante in haar lewe was. \u201cMy aanhoudende begeerte om countrymusiek<\/span> te sing, het my nooit verlaat nie,\u201d erken sy. \u201cDit was \u2019n droom wat nie wou vervaag nie, en nou is dit \u2019n droom wat waar geword het.\u201d <\/span>\u00a0<\/span><\/p>\n

\u00a0<\/span><\/p>\n

Volgens Chere\u00e9 is \u201cAnother day\u201d vir haar meer as net \u2019n liedjie \u2013 dis \u2019n opsomming van haar as kunstenaar. Die lied weerspie\u00ebl die temas van liefde, verlies, hoop, en geloof \u2013 iets waarmee sy persoonlik kan vereenselwig.\u00a0<\/span>\u00a0<\/span><\/p>\n

\u201cEk het die afgelope paar jaar my sangloopbaan op die agtergrond geskuif om op ander dinge te fokus en baie tyd saam met my kinders, Tally en Bella, deurgebring, maar ek het altyd gehoop en bid dat ek weer die geleentheid sou kry om goeie musiek te maak.\u201d<\/span>\u00a0<\/span><\/p>\n

Nadat haar pad onlangs toevallig met di\u00e9 van Sunette Bridges, \u2019n country-liefhebber met soortgelyke lewenservaring \u2013 gekruis het, het hulle besluit om hierdie projek saam aan te pak. <\/span>
\n\u00a0<\/span><\/p>\n

\u201cDit was \u2019n droom wat waar geword het om saam met Sunette te werk en om die eerste kunstenaar te wees wat by haar platemaatskappy, Rivers & Bridges Music, geteken te word,\u201d deel sy. \u201cEk is ongelooflik trots dat dit die eerste album is wat deur \u2019n vrou in ons bedryf vervaardig is.\u201d <\/span>
\n\u00a0<\/span>\u00a0<\/span><\/p>\n

Die eindresultaat is \u2019n versameling liedjies wat nie net die tradisionele klanke van countrymusiek vier nie, maar ook \u2019n moderne kinkel aan die genre bied.<\/span>\u00a0<\/span><\/p>\n

\u201cEk is verlief op die suiwerheid van countrymusiek,\u201d s\u00ea sy. \u201cDit praat van familie, liefde, vreugde, hartseer, en genesing, en dit is die stories wat ek wil vertel.\u201d <\/span>\u00a0<\/span><\/p>\n

 <\/p>\n

\"\"

Foto: Silver Dune Photography<\/p><\/div>\n

 <\/p>\n

\u00a0<\/span><\/p>\n

Karlien Meiring<\/strong> het meer oor haar musikale terugkeer gaan uitvind.<\/span>\u00a0<\/span><\/p>\n

\u00a0<\/span><\/p>\n

Wat hoop jy sal luisteraars ervaar wanneer hulle na jou nuwe album luister?\u00a0<\/strong><\/h4>\n

 <\/p>\n

Ek hoop dat elkeen wat na die liedjies luister iets daaruit kan neem en dat die woorde hulle sal raak en inspireer. Ons is storievertellers. Ons sing oor liefde, geluk, hartseer en hoop.\u00a0<\/span>\u00a0<\/span><\/p>\n

Al die liedjies spreek dinge aan waarmee miljoene mense elke dag worstel en as musikant (ek) en liedjieskrywer (Sunette) het ons die voorreg om met mense se harte te praat. Dit is kragtig! Ek is bevoorreg dat ek my stemopnames in my eie ateljee kon doen sonder die druk van tyd en begrotings, so ek kon my hart uitsing om seker te maak dat ek net my beste gee. Ek en Sunette het ons hart en siel in hierdie projek gesit en ons hoop die luisteraars ervaar dit.<\/span>\u00a0<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Wat is dit van countrymusiek wat jou nog altyd so diep aangetrek het?\u00a0<\/strong><\/h4>\n

 <\/p>\n

Die eerste liedjie waarop ek verlief geraak het, is Patsy Cline se \u201cCrazy\u201d. Ek dink dit was haar diep, fluweelstem wat my aangegryp het, maar ook die rou emosie van die liedjie. Die stories wat countryliedjies vertel, is vir my so mooi. Dis nie net woorde of lirieke wat rym nie, dis regte mense se lewensverhale. Countrymusiek<\/span> praat met my hart<\/span>. <\/span><\/i>Dis soos Koos du Plessis se lirieke, maar in Engels.<\/span>\u00a0<\/span><\/p>\n

\u00a0<\/span><\/p>\n

Is jou dogters ook musikaal? Dink jy hulle het dalk jou en jou man se liefde vir musiek ge\u00ebrf?\u00a0<\/strong><\/h4>\n

 <\/p>\n

Albei ons dogters is musikaal en hulle het beslis hul talente by ons ge\u00ebrf! Musiek is in jou are en ek en Wynand het \u2019n ryk familiegeskiedenis vol musikante. Aan Wynand se kant is sy ma familie van Cupido, Alan Ladd en Koos van der Merwe, en my pa was \u2019n baskitaarspeler. <\/span>\u00a0<\/span><\/p>\n

Musiek is al deel van my en my gesinslewe vandat ek gebore is. Ons kinders het dieselfde lewe \u2013 daar is musiek oral in ons huis en lewe. Ons huis sing en dans en tot slaaptyd is daar nie \u2019n oomblik van stilte nie. Musiek is \u2019n baie spesiale gawe en soos my ma my altyd aangemoedig het om hierdie Godgegewe talent te gebruik, doen ek en Wynand dieselfde met ons kinders. Ek weet nie wat die toekoms vir hulle inhou en of dit \u2019n loopbaan in musiek sal wees nie, maar as dit is, sal ek hulle volkome ondersteun.<\/span>\u00a0<\/span><\/p>\n

\u00a0<\/span><\/p>\n

Wat is vir jou die waardevolste lewenslesse wat jy graag aan jou dogters wil oordra?\u00a0<\/strong><\/h4>\n

 <\/p>\n

Die belangrikste les wat ek my kinders wil leer, is dat hulle nooit deur ander se opinies ontspoor moet word nie en om hul eie waarde te ken. En om n\u00e1 aan God te leef sodat Hy hul paaie kan rig. As ouers het ons die grondslag gebou van hoe om \u2019n goeie mens te wees en altyd in die lig te wandel en ander mense met liefde en respek te hanteer, maar ons het hulle ook geleer dat daar miljoene mense in hierdie w\u00eareld is en hulle nie almal kan gelukkig maak nie. Hulle moet voluit leef en altyd uniek bly!<\/span>\u00a0<\/span><\/p>\n

 <\/p>\n

\n
\n

 <\/p>\n

\n
<\/div>\n
\n
<\/div>\n
<\/div>\n<\/div>\n<\/div>\n
<\/div>\n
<\/div>\n
\n
View this post on Instagram<\/div>\n<\/div>\n
<\/div>\n
\n
\n
<\/div>\n
<\/div>\n
<\/div>\n<\/div>\n
\n
<\/div>\n
<\/div>\n<\/div>\n
\n
<\/div>\n
<\/div>\n
<\/div>\n<\/div>\n<\/div>\n
\n
<\/div>\n
<\/div>\n<\/div>\n

 <\/p>\n

A post shared by Chere\u00e9 (@cheree.country)<\/a><\/p>\n<\/div>\n<\/blockquote>\n