{"id":149147,"date":"2024-11-05T17:35:27","date_gmt":"2024-11-05T15:35:27","guid":{"rendered":"https:\/\/novanews.co.za\/rooirose\/?p=149147"},"modified":"2024-11-05T17:43:08","modified_gmt":"2024-11-05T15:43:08","slug":"suiwel-jou-bondgenoot-tydens-menopouse","status":"publish","type":"post","link":"https:\/\/novanews.co.za\/rooirose\/suiwel-jou-bondgenoot-tydens-menopouse\/","title":{"rendered":"Suiwel: Jou bondgenoot tydens menopouse"},"content":{"rendered":"
Namate vroue menopouse nader of betree, ervaar hulle \u2019n rits gesondheidsuitdagings. Een van die mees beduidende aspekte van menopouse is \u2019n afname in estrogeen, wat jou lewenskwaliteit en verskeie gesondheidsaspekte kan affekteer, insluitend been- en hartgesondheid. Alhoewel daar \u2019n hele paar hekkies in hierdie lewensfase is, kan jy maklik daardeur seil deur te kies wat jy eet.<\/div>\n
<\/div>\n

Vroue kan veral uit suiwelprodukte voordeel trek om hul gesondheid te bevorder. Hier is hoe.<\/strong><\/p>\n

\n

Sterk, gesonde bene<\/b><\/h4>\n

 <\/p>\n

As volwassenes dink ons selde aan ons beendigtheid, maar dit kan vinnig verander wanneer vroue menopouse tref. Dis die begin van \u2019n lewensfase wanneer ons bedag moet wees op \u2019n \u201cbeenvriendelike\u201d leefstyl.<\/p>\n

Estrogeen het \u2019n belangrike rol in beenmetabolisme, en namate vroue se vlakke daarvan daal tydens menopouse, raak die risiko groter dat hul beendigtheid val en hulle probleme soos osteoporose ontwikkel. Inteendeel, as gevolg van die vinnige afname in beendigtheid is vroue meer geneig tot beenbreuke, en veral heupbreuke, n\u00e1 menopouse.<\/p>\n

Linda Reid, \u2019n geregistreerde dieetkundige, s\u00ea: \u201cDie goeie nuus is dat ons met dieet ons beengesondheid gedurende en n\u00e1 menopouse kan bevorder. Kalsium en vitamien D is noodsaaklike voedingstowwe om beenselle te vervang en beendigtheid te behou. \u00a0Suiwelprodukte soos melk, jogurt en kaas is uitstekende bronne van kalsium, en dis wenslik om verskeie porsies per dag te geniet om die vereiste hoeveelheid kalsium in te neem.\u201d<\/p>\n

Volgens die Nasionale Osteoporose Stigting benodig vroue van 52 jaar en ouer 1200 mg kalsium per dag om hul bene gesond te hou. \u2019n 250 ml-porsie jogurt verskaf sowat 300 mg kalsium, \u2019n kwart van die aanbevole daaglikse inname.<\/p>\n

Voorts s\u00ea Linda: \u201cVitamien D is noodsaaklik vir die opname van kalsium uit kos. Sonskyn is \u2019n goeie manier om seker te maak jou liggaam het genoeg vitamien D \u2013 30\u201340 minute se blootstelling per dag (voor 11vm of 3nm, om veilig te wees) bevorder sintese van die prohormoon in jou vel en help so om vitamien D-vlakke op te bou. \u2019n Mens kan dit ook uit kos soos vetterige vis, eiergeel, rooivleis en lewer kry, of aanvullings oorweeg indien nodig.\u201d<\/p>\n

\u2019n Leefstyl wat beengesondheid bevorder beteken ook dat \u2019n mens genoeg ho\u00ebkwaliteit prote\u00efen moet inneem om spiermassa te handhaaf, fisiek aktief moet wees (byvoorbeeld deur elke dag te stap), nie te rook nie en jou alkholoinname moet beperk.<\/p>\n

 <\/p>\n

Hou jou hart gelukkig<\/b><\/h4>\n

 <\/p>\n

Tydens menopouse kan die risiko vir hartvatsiektes verhoog weens stygende cholesterolvlakke en \u2019n toename in liggaamsvet, veral rondom jou middel. Minder estrogeen beteken dat vroue selfs nog mooier na hul harte moet kyk.<\/p>\n

\u201cSuiwelprodukte kan help om jou hart gesond te hou, danksy die unieke kombinasie van voedingstowwe in suiwel.,\u201d s\u00ea Maretha Vermaak, \u2019n registreerde dieetkundige by Rediscover Dairy<\/a><\/u>.<\/p>\n

\u201cAlhoewel volroomsuiwel versadigde vet bevat, wat eens beskou is as nadelig vir hartgesondheid, wys onlangse navorsing vir ons iets anders. Nuwe studies toon dat gefermenteerde suiwelprodukte soos jogurt, kefir en harde kaassoorte, selfs as dit ho\u00ebvet is, moontlik die kardiovaskul\u00eare stelsel kan beskerm, cholesterolvlakke reguleer en hartgesondheid kan bevorder.\u201d<\/p>\n

Verskeie studies het gewys dat daaglikse jogurtinname geassosieer word met \u2019n laer kans vir hartsiektes en tipe 2 diabetes, moontlik weens die kalsiuminhoud daarvan en gesonde bakterie\u00eb wat goed is vir hartgesondheid en algehele metabolisme.<\/p>\n

 <\/p>\n

Gewigbeheer tydens menopouse<\/b><\/h4>\n

 <\/p>\n

Vroue tel dikwels gewig op tydens menopouse, en dit kan veral rondom die middel kom sit. Hierdie verandering in liggaamverhouding kan die kanse vir oorgewig, vetsug en ander gesondheidsprobleme verhoog.<\/p>\n

Linda s\u00ea, \u201cSuiwel kan \u2019n waardevolle rol in \u2019n gewigbeheerplan speel. Dit blyk dat die kalsium in suiwel kan help om vetabsorpsie te bekamp terwyl die ho\u00ebkwaliteit prote\u00efen help om spiermassa te handhaaf, wat noodsaaklik is namate jou metabolisme vertraag. Navorsing dui ook daarop dat die gesonde bakterie\u00eb in gefermenteerde suiwelprodukte, soos jogurt, help om jou dermkanaal gesond te hou en moontlik gewigbeheer kan aanhelp. Daarby help die goeie prote\u00efen in suiwel ook met versadiging en, gevolglik, aptytbeheer. \u2019n Ho\u00ebr prote\u00efeninname kan help om jou vir langer versadig te laat voel, wat keer dat jy te veel eet en so dus help om jou gewig op \u2019n gesonde vlak te hou.”<\/p>\n

 <\/p>\n

Slaan inflammasie hok<\/b><\/h4>\n

 <\/p>\n

Inflammasie kan verskeie van die die gesondheidsprobleme vererger waarmee vroue tydens menopouse sukkel. Die gebruik van veral gefermenteerde suiwelprodukte soos kaas en jogurt kan help om sistemiese inflammasie te bekamp. Studies het getoon dat suiwelinname die vlakke van inflammaisemerkers verminder, insluitend sekere prote\u00efene in die bloed wat met chroniese siektes geassosieer word.<\/p>\n

Verder is dit ook interessant dat alle suiwelprodukte inflammasie nie op dieselfde manier be\u00efnvloed nie. Gefermenteerde suiwel is minder pro-inflammatories as ongefermenteerde produkte soos botter en room. Produkte soos jogurt, kaas of kefir kan dus beter keuses wees as \u2019n mens inflammasie wil bekamp.<\/p>\n

Lees ook:\u00a0Alzheimersiekte: Kan jy dit keer?<\/a><\/p>\n

 <\/p>\n

Verligting van menopousale simptome<\/b><\/h4>\n

 <\/p>\n

Warm gloede, nagsweet en gemoedskommelinge is maar net \u2019n paar van die algemene simptome wat vroue tydens menopouse ervaar. Nuwe navorsing dui daarop dat suiwel kan help om sommige van hierdie ongemaklike simptome te verlig. Byvoorbeeld, kalsiuminname word met minder episodes van warm gloede geassosieer, en vitamien D kan help met gemoedbeheer.<\/p>\n

Suiwelvoedsel is ook \u2019n goeie bron van triptofaan, \u2019n aminosuur wat die liggaam gebruik om melatonien \u2013 \u2019n hormoon wat jou slaapsiklus reguleer \u2013 te vervaardig. Deur suiwel in jou dieet in te sluit kan dus help om jou \u2019n beter nagrus te gee as jy sukkel om te slaap tydens menopouse.<\/p>\n

 <\/p>\n

Vier porsies suiwel per dag<\/b><\/h4>\n

 <\/p>\n

Die voordele van suiwel tydens en n\u00e1 menopouse is duidelik \u2013 hetsy vir beter been- en hartgesondheid, gewigbeheer, minder inflammasie en om die simptome van menopouse te verlig. Menopousale vroue word aangeraai om vier porsies suiwel per dag te nuttig, en navorsing toon dat gefermenteerde produkte soos jogurt, kaas en kefir uitstekende keuses is. \u2019n Tipiese porsie is 250 ml melk, 40 g kaas of 200 g amasi\/jogurt.<\/p>\n

 <\/p>\n

\"\"<\/p>\n

 <\/p>\n

Hier is 6 maniere om meer suiwel in jou daaglikse dieet in te sluit:<\/b><\/h4>\n

 <\/p>\n