{"id":147793,"date":"2024-09-09T15:54:24","date_gmt":"2024-09-09T13:54:24","guid":{"rendered":"https:\/\/novanews.co.za\/rooirose\/?p=147793"},"modified":"2024-09-09T15:54:24","modified_gmt":"2024-09-09T13:54:24","slug":"ilse-klink-oor-haar-suidooster-karakter-die-sakevrou-gaan-dinge-laat-gebeur","status":"publish","type":"post","link":"https:\/\/novanews.co.za\/rooirose\/ilse-klink-oor-haar-suidooster-karakter-die-sakevrou-gaan-dinge-laat-gebeur\/","title":{"rendered":"Ilse Klink oor haar \u2018Suidooster\u2019-karakter: Di\u00e9 sakevrou gaan dinge laat gebeur"},"content":{"rendered":"

Sy het al haar merk gelaat in talle Suid-Afrikaanse sepies waaronder <\/span>Isidingo: The Need<\/span><\/i> en op die silwerdoek in <\/span>Stroomop.<\/span><\/i> Nou het die Kaapse Dokter haar tot binne in Ruiterbosch, die fiktiewe Kaapse woonbuurt waar die kykNET-sepie <\/span>Suidooster <\/span><\/i>afspeel, gewaai. Vind uit wat Ilse Klink laat tiek . . .<\/span>\u00a0<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Wat kom maak Imelda in Ruiterbosch?\u00a0<\/span><\/b>\u00a0<\/span><\/h4>\n

 <\/p>\n

Imelda Davis is \u2019n besigheidsvrou en\u00a0kom Ruiterbosch toe want sy wil \u2019n ontvangsarea laat bou vir kli\u00ebnte wat hul seiljagte in die dokke daar in die Kaap wil kom anker, maar dis nie al nie. Sy het natuurlik allerhande ander planne as sy daar aankom.<\/span>\u00a0<\/span><\/p>\n

Sy gebruik haar een werk met die seiljagte om die ander projek wat sy het, uit te voer. Maar sy kom daar en sien iets onverwags, iets wat sy nie gedink het sy sou te\u00ebkom nie en dit gaan oor familiebande.\u00a0<\/span><\/p>\n

\u00a0<\/span><\/p>\n

Hoe sal jy Imelda beskryf, en wat hou jy van haar?<\/span><\/b>\u00a0<\/span><\/h4>\n

 <\/p>\n

Imelda is \u2019n sterk, selfstandige besigheidsvrou. Sy\u2019s baie slim, sy\u2019s baie <\/span>conniving<\/span><\/i>, sy het baie selfvertroue en sy dink niks daarvan om mense, spesifiek mans, komplimente te gee nie, selfs al is sy \u2019n bietjie ouer as hulle. Sy s\u00ea wat sy wil s\u00ea, sy weet hoe om mense te manipuleer.<\/span>\u00a0<\/span><\/p>\n

Die ding wat ek die meeste van Imelda hou, is haar sexy<\/em> selfvertroue.<\/span>\u00a0<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Jy het nou al in \u2019n paar sepies gespeel. Hoe was dit vir jou om terug op \u2019n sepiestel te wees en wat geniet jy daarvan om in \u2019n sepie te speel?<\/span><\/b>\u00a0<\/span><\/h4>\n

 <\/p>\n

Ek dink ek het al amper elke sepie in Suid-Afrika gedoen. Oukei, nou nie almal nie, maar baie van die Afrikaanse sepies.<\/span>\u00a0<\/span><\/p>\n

Ek hou daarvan om \u2019n storielyn te doen, al is dit nou \u2019n drie-maande storielyn of \u2019n maand lank of so.<\/span>\u00a0<\/span>Jy kan die karakter voluit laat speel. Dis \u2019n storie van begin tot einde oor \u2019n korter tydperk, dit word nie so uitgerek nie. Dis <\/span>in and out.<\/span><\/i>\u00a0<\/span><\/p>\n

Ek hou daarvan om deel van \u2019n geselskap te wees wat permanent saam is. Jy is \u2019n besoeker en nie eintlik deel van hulle nie, maar hulle is altyd baie vriendelik. En ek hou van die kameradie onder akteurs wat saam is. Dis soos \u2019n familie.<\/span>\u00a0<\/span><\/p>\n

Ek hou ook baie van die kostuums wat ek kan dra want die karakters is so uiteenlopend. Ek het nog nooit twee karakters gespeel wat dieselfde was nie.<\/span>\u00a0<\/span><\/p>\n

Dis altyd vir my baie uitdagend om met \u2019n sepie soveel lyne te moet leer in \u2019n kort tydjie. En dis ook uitdagend om die karakters ekonomies te speel met die verskillende kameras en die tegniese aspek wanneer jy deel is van \u2019n sepie.<\/span>\u00a0<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Pak jy \u2019n rol anders aan as dit \u2019n dramareeks, fliek, sepie of telenovela is?\u00a0<\/span><\/b>\u00a0<\/span><\/h4>\n

 <\/p>\n

Ek gebruik dieselfde styl met die meeste rolle wat ek aanpak. Met \u2019n dramareeks of \u2019n fliek is daar meer tyd om rond te speel en te eksperimenteer. Sepie- en telenovela-tyd is altyd baie vinnig. Jy moet altyd vinniger resultate h\u00ea.<\/span>\u00a0<\/span><\/p>\n

\u00a0<\/span><\/p>\n

\u2060<\/span><\/b>Elke sepie het \u2019n unieke identiteit. Is daar iets wat vir jou by <\/span><\/b>Suidooster<\/span><\/i><\/b> uitgestaan het, wat anders is? En hoekom moet kykers <\/span><\/b>Suidooster<\/span><\/i><\/b> kyk?<\/span><\/b>\u00a0<\/span><\/h4>\n

 <\/p>\n

Ek dink wat vir my die meeste uitstaan met <\/span>Suidooster<\/span><\/i> is die kulturele aspek. Dis baie Kaaps, dis baie uniek-Kaaps en die storielyne is regtig boeiend.<\/span>\u00a0<\/span>Ek dink ook die akkurate uitbeelding van die Moslem-rituele en tradisies is baie <\/span>cool<\/span><\/i>.<\/span>\u00a0<\/span><\/p>\n

 <\/p>\n

\"\"<\/p>\n

\u00a0<\/span><\/p>\n

Verhoog, TV, films\u2026 Jy het al oral jou slag gewys. Het jy \u2019n gunsteling?<\/span><\/b>\u00a0<\/span><\/h4>\n

 <\/p>\n

Elke een is my gunsteling. Dis nogal interessant \u2013 as jy \u2019n sepie doen, is jy \u2019n bietjie lus vir teater. As jy teater doen, is jy lus om \u2019n <\/span>musical<\/span><\/i> te doen, as jy \u2019n <\/span>musical<\/span><\/i> doen, dan wil jy \u2019n bietjie radio doen.<\/span>\u00a0<\/span><\/p>\n

Ek dink dis die lot van \u2019n akteur wat altyd na iets anders soek, ook na verskeidenheid en na iets anders soek teenoor waar hulle hulself nou bevind. Dit is volgens my \u2019n dilemma vir elke akteur, m<\/span>aar ek geniet wat ek doen waar ek is, juis omdat ek soveel verskillende dinge kan doen. En Saterdag gaan ek radio doen \u2013 en ek sien uit daarna.<\/span>\u00a0<\/span><\/p>\n

\u00a0<\/span><\/p>\n

Wat is jou lewensmotto? En hoekom is dit jou motto?\u00a0<\/span><\/b>\u00a0<\/span><\/h4>\n

 <\/p>\n

Ek het nogal \u2019n paar, nie net een nie. \u201cWees positief\u201d. As jy op hou om te kla en na die wonderlike goed in jou lewe kyk, skep jy positiwiteit in jou lewe. As jy net na jou probleme kyk en daarop fokus, sal dit die enigste ding wees wat jy sien.<\/span>\u00a0<\/span><\/p>\n

\u00a0<\/span>Ja, wees positief. Ek is so grootgemaak. My pa het altyd vir ons ges\u00ea as jy positief is, bring jy positiewe dinge in jou lewe in.<\/span>\u00a0<\/span><\/p>\n

\u00a0<\/span>En die ander ding is \u201cdoen altyd jou beste\u201d. Party dae gaan jou beste nie lyk soos wat jy dink dit moet lyk nie. Maar as jy jou beste doen, weet jy alleen dit was die beste wat jy kon doen en niemand kan jou anders s\u00ea nie. Niemand kan vir jou s\u00ea jy het nie jou beste gedoen nie wanneer dit al is wat jy daardie dag gehad het om te bied.<\/span>\u00a0<\/span><\/p>\n

\u00a0<\/span>Nog een is \u201c<\/span>never say never\u201d.<\/span><\/i> Ek het dit al baie <\/span>never <\/span><\/i>ges\u00ea en dan is dit elke keer of die heelal vir jou wil s\u00ea \u201c<\/span>oh, you said you\u2019ll never do this<\/span><\/i>\u201d en dan vind jy jouself die dinge doen wat jy ges\u00ea het jy nie sal doen nie. Wat nogal interessant is.<\/span>\u00a0<\/span><\/p>\n

\u00a0<\/span>Die vierde een is \u201cjou tyd sal kom\u201d. Moenie na ander mense kyk en dink jy het nie dit nie of hierdie spesifieke ding gaan nooit vir my gebeur nie. Ons almal het ons tyd. Wees net geduldig en wag vir jou tyd vir dit om te gebeur.<\/span>\u00a0<\/span><\/p>\n

\u00a0<\/span>Die een ding wat ek baie vir my kinders s\u00ea, is solank hulle die waarheid weet, ongeag wat ander mense oor hulle of \u2019n spesifieke situasie mag s\u00ea, sal hulle nooit gepla word deur wat ges\u00ea word nie. Daar sal altyd iemand wees wat iets negatief kwytraak. Moenie jou daaraan steur nie, want jy weet wat die waarheid is.<\/span>\u00a0<\/span><\/p>\n

\u00a0<\/span><\/p>\n

Enige ander projekte waarmee jy besig is?<\/span><\/b>\u00a0<\/span><\/h4>\n

 <\/p>\n

Op die oomblik is ek bietjie op \u2019n <\/span>sabbatical<\/span><\/i>. Ek het vir \u2019n jaar lank konstant <\/span>non-stop<\/span><\/i> gewerk, eintlik vanaf 2020. En nou het ek besluit om \u2019n paar maande af te vat. Dis wat vir my opwindend is, dis my nuwe projek: om \u2019n bietjie te rus.\u00a0<\/span>\u00a0<\/span><\/p>\n

\u00a0<\/span>Wat binnekort op televisie gaan wees, is iets wat ek vroe\u00ebr hierdie jaar gedoen het. Dis <\/span>N\u00earens, Noord-Kaap<\/span><\/i> en dis \u2019n baie spesiale reeks wat ek gedoen het.<\/span>\u00a0<\/span><\/p>\n

Lees ook:\u00a0Die trefferreeks ‘N\u00earens, Noord-Kaap’ se tweede seisoen is om die draai<\/a><\/p>\n

\u00a0<\/span><\/p>\n