{"id":147436,"date":"2024-08-26T16:01:11","date_gmt":"2024-08-26T14:01:11","guid":{"rendered":"https:\/\/novanews.co.za\/rooirose\/?p=147436"},"modified":"2024-08-26T16:01:11","modified_gmt":"2024-08-26T14:01:11","slug":"is-geluk-geneties","status":"publish","type":"post","link":"https:\/\/novanews.co.za\/rooirose\/is-geluk-geneties\/","title":{"rendered":"Is geluk geneties?"},"content":{"rendered":"

Moet jy jou vrolike ouers bedank as jy altyd van geluk straal en elke lewende wese net die beste toewens? Sommige geleerdes meen dat daar \u2019n \u201cgeluksgeen\u201d is en dat dit vir tot die helfte van jou geluk verantwoordelik is.<\/span><\/p>\n

Die res, meen kenners, skrywers en filosowe, is eenvoudig \u2019n wilsbesluit. Jy het beheer oor jou gemoedstoestand. Dis \u2019n keuse. Moenie ander die mag gee om jou deur \u2019n swart bril na die lewe te kyk nie.<\/span><\/p>\n

Besluit eenvoudig om \u2019n gelukkige mens te wees \u2013 net soos wat jy besluit oor wat jy vandag gaan eet of aantrek. Dis onnodig om deur jou DNS gevange gehou te word, s\u00ea die wat weet.<\/span><\/p>\n

 <\/p>\n

 <\/p>\n

\"\"<\/p>\n

 <\/p>\n

Wat navorsing bewys<\/b><\/h4>\n

 <\/p>\n

Sielkundiges aan die Universiteit van Edinburgh, in samewerking met die Queensland-instituut vir mediese navorsing in Australi\u00eb, het bevind dat geluk deur persoonlikheidsaspekte sowel as oorerflike faktore bepaal word. Party mense het selfs \u2019n \u201cgelukreserwe\u201d waarop hulle tydens moeilike tye terugval.<\/span> \u2019n Meta-ontledingstudie wat in 2005 aan die Universiteit van Stanford gedoen is, het getoon dat genetika \u2019n rol in depressie vertolk. Dit beteken egter nog nie dat \u2019n afwesigheid van depressie op die teenwoordigheid van geluk dui nie.\u00a0<\/span><\/p>\n

\u2019n Studie in 2011 het belowende bewyse gevind dat mense met \u2019n sekere geen, genaamd 5-HTTLPR, meer lewenstevredenheid toon. Navorsing toon ook dat sekere eienskappe soos optimisme, geluk en \u2019n goeie selfbeeld oorerflik is.<\/span><\/p>\n

\u2019n Studie waarby tweelinge van die Minnesota Twin Registry betrek is, het bevind dat nagenoeg 50% van jou lewenstevredenheid aan gene te danke is. Dit beteken dat 40% aan doelbewuste aktiwiteite en 10% aan eksterne faktore toegeskryf kan word.\u00a0<\/span><\/p>\n

Geleerdes verwys ook na \u201cpositiewe sielkunde\u201d. Chris Peterson, een van die stigters van die konsep, is bekend vir sy navorsing oor optimisme, gesondheid, karakter en welstand.\u00a0<\/span><\/p>\n

Hy s\u00ea om te floreer, moet jy jouself aanvaar en empatie vir ander h\u00ea en daar is vyf faktore wat tot geluk bydra. Dit is positiewe emosies, betrokkenheid, betekenis, verhoudings, en prestasies.<\/span><\/p>\n

Lees ook:\u00a07 maniere hoe jy \u2019n beter vriendin kan wees<\/a><\/p>\n

 <\/p>\n

 <\/p>\n

\"\"<\/p>\n

 <\/p>\n

Wat die kenners s\u00ea<\/b><\/h4>\n

 <\/p>\n

Dr Elmari Mulder-Craig, \u2019n psigo- en hipnoterapeut, s\u00ea geluk is nie iets wat deurlopend is nie.\u00a0<\/span><\/p>\n

\u201cDaar is \u2019n rekenaarprogram in jou liggaam wat met genetika te make het, asook hoe jy grootgemaak is. Jou omstandighede en stresvlakke praat met mekaar.\u201d<\/span><\/p>\n

Elmari verwys na \u2019n interessante studie wat oor paraple\u00eb gedoen is, wat erge trauma as gevolg van \u2019n ongeluk beleef het, terapie ontvang het en teruggekeer het na hul basislyn van geluk voor die trauma.\u00a0<\/span><\/p>\n

Sy noem daar is vandag baie soorte terapie wat ons help om dieper na ons bloudruk terug te gaan. \u201cHipno- en gedragsterapie-veranderings kan hiervoor help. \u2019n Mens kan ook tegnieke aanleer oor hoe om veerkragtiger te wees,\u201d noem sy.<\/span><\/p>\n

Elmari stem saam met ander kenners dat jou geluk grootliks eintlik by jouself begin. Jy kan nie van ander daarvoor afhanklik wees nie.<\/span><\/p>\n

\u201cProe die sjokolade, voel hoe lekker dit is om te oefen, hoe die son op jou vel skyn en hoe lekker dit is om rondom \u2019n bosveldvuur te sit. Gebruik al jou sintuie. Mense is so besig om te oorleef dat hulle vergeet om te leef.\u201d<\/span><\/p>\n

Sy s\u00ea: \u201cMateri\u00eble dinge maak jou nie gelukkig nie. Mense wat jou onvoorwaardelik aanvaar en liefhet maak \u2019n verskil, asook dit wat jy vir jouself s\u00ea.\u00a0<\/span><\/p>\n

\u201cOns is dikwels ons eie grootste vyand. Die gesprekke wat jy in jou kop het versterk die negatiewe neurobane.<\/span><\/p>\n

\u201cVanuit my perspektief is aanraking ook belangrik, ook eenlopendes wat drukkies van vriende kry. Drukkies van 60 sekondes stel endorfiene en neuro-oordragstowwe vry wat \u2019n mens laat goed voel en wat \u2019n bindingshormoon is. Mense is eintlik maar tropdiere. Ons wil net voel ons behoort.\u201d<\/span><\/p>\n

 <\/p>\n

 <\/p>\n

Die brein en liggaam<\/b>\u00a0<\/span><\/h4>\n

 <\/p>\n

Dr Arien van der Merwe,\u00a0 \u2019n mediese dokter, skrywer en spesialis in holistiese gesondheidsberading, spreker en opleier, verwys na die rol wat epigenetika speel.<\/span><\/p>\n

\u201c\u2018Epi\u2019 beteken \u2018meer as of belangriker as die DNS\u2019. Dis die reseptore op die selmembraan wat onder meer die binding van \u2018molekules van emosie\u2019 beheer en dan boodskappe na die kern van elke sel deurstuur wat die gene se prote\u00efenkodering dan bepaal.\u201d<\/span><\/p>\n

Lees ook:\u00a010 wenke teen stres wat werk<\/a><\/p>\n

 <\/p>\n

 <\/p>\n

\"\"<\/p>\n

 <\/p>\n

Om dit na genetika en persoonlikheid deur te trek, noem Arien die volgende:\u00a0<\/strong><\/p>\n

 <\/p>\n

Depressie word dikwels verdoesel. Desnieteenstaande kan genetiese toetse toon waar potensi\u00eble genetiese geneigdheid vir persoonlikheid (soos swartgalligheid, angs, ontevredenheid en onvergenoegdheid, negatiewe ingesteldheid) in neuro-oordragstowwe bestaan. Die manifestering van die bepaalde gene in sekere sielskwale kan dan voorkom word, deur die oorkoming van die genetiese potensiaal suksesvol en prakties aan te spreek.\u00a0<\/span><\/p>\n

Die jongste kwantumwetenskapnavorsing toon dat minstens 12 stringe DNS bestaan en nie net die twee wat tans fisiek meetbaar is nie. Die ander tien stringe is die sielspotensiaal of spirituele DNS wat \u2019n frekwensievibrasie veroorsaak.<\/span><\/p>\n

Die hoogste frekwensie is liefde en dit kan deur daaglikse sielswerk en transformasie die hoofbinding aan die selreseptore word, wat die funksie van fisieke DNS dan be\u00efnvloed om te reageer deur te kodeer vir geluk en gesondheid en optimaal funksionerende selle \u2013 ons Godgegewe<\/span><\/p>\n

erfdeel. Die Goddelike gawe is elkeen van ons se \u201csupermag\u201d. Elkeen van ons reageer op liefde en dit begin by selfliefde.<\/span><\/p>\n

Al het jy \u2019n serotonientekort, oorskry \u2018liefde\u2019 dit en jy kan ook byvoorbeeld piesangs (ryk aan onder meer triptofaan, voorloper van serotonien), neute (pekan- en okkerneute), probiotika (95% serotonien word deur die dermbakterie\u00eb gemaak) eet.<\/span><\/p>\n

Ons is nie die slawe van ons twee stringe fisieke genetika nie \u2013 dus kan mense gerus ophou om te s\u00ea \u201cek het my ma se stres of angstige geaardheid ge\u00ebrf\u201d! Maar deur vas te stel waar genetiese vatbaarheid of geneigdheid bestaan, kan ons daadwerklike en hoogs doeltreffende stappe vir geluk en gesondheid neem. Onthou, ons selle \u201dvoel\u201d soos wat ons voel.<\/span><\/p>\n

Dr Arien s\u00ea daar is ook gelukkige oordragstowwe en hormone met hul funksies, wat geneties bepaal kan word en doelbewus aangemoedig word.\u00a0<\/span><\/p>\n

Lees ook:\u00a0Familievervreemding: Wanneer vriende die nuwe familie word<\/a><\/p>\n

 <\/p>\n

 <\/p>\n