{"id":145755,"date":"2024-06-20T15:43:47","date_gmt":"2024-06-20T13:43:47","guid":{"rendered":"https:\/\/novanews.co.za\/rooirose\/?p=145755"},"modified":"2024-06-20T15:44:09","modified_gmt":"2024-06-20T13:44:09","slug":"gaan-kuier-die-winter-onder-die-grond","status":"publish","type":"post","link":"https:\/\/novanews.co.za\/rooirose\/gaan-kuier-die-winter-onder-die-grond\/","title":{"rendered":"Gaan kuier di\u00e9 winter onder die grond"},"content":{"rendered":"\n

Deur Maryke Roberts. Foto\u2019s: Clifford Roberts en verskaf<\/em><\/p>\n\n\n\n

<\/p>\n\n\n\n

Die winter is die ideale tyd om \u2018n nuwe aardse ervaring met jou gesin te gaan geniet \u2013 en dit boonop vyf meter onder die grond. Earthbox<\/strong> op Lourensford Landgoed buite Somerset-Wes het op 1 November geopen en sou aanvanklik net vir ses maande op die plaas gehuisves word, maar weens die gewildheid is dit nou verleng.<\/p>\n\n\n\n

Mens sou kon dink: \u201cWat is die aardigheid om vyf meter onder die grond in \u2018n reuse gat te staan?\u201d maar dis waar jy verkeerd is.<\/p>\n\n\n\n

<\/p>\n\n\n

\n
\"\"
Gaste is by ons sjef-aand met Cap Classique van Thelema Mountain Vineyards ontvang.<\/figcaption><\/figure>\n<\/div>\n\n\n

<\/p>\n\n\n\n

Dink aan rou kleiwande waar miljoene jare se neerlegging van klippies, slik, sand, boomwortels en ander voedingstowwe patrone gemaak het wat die aarde eintlik een groot kunswerk maak.<\/p>\n\n\n\n

En beter nog, jy kan daar in die stilte en skemerte die aarde ruik; aan die grond raak en die wonder van die planeet waarop ons woon, op \u2018n heel unieke manier ervaar. Jy stap as\u2019t ware terug in tyd.<\/p>\n\n\n\n

<\/p>\n\n\n\n

\n
\"\"
Om aan die rou grond te vat wat oor miljoene jare sulke patrone gevorm het, is baie spesiaal.<\/figcaption><\/figure>\n\n\n\n
\"\"<\/figure>\n<\/figure>\n\n\n\n

<\/p>\n\n\n\n

Voorheen was die grond waarin die boks gegrawe is, vrugteboorde maar die aarde is net 0.7 meter diep omgedolwe. Nou staan jy vyf meter onder die oppervlak. Bokant jou kop is \u2018n staalstruktuur met \u2018n plafon van grond en gras. Mens voel omtrent soos Bilbo Baggins met sy huisie onder die grond wat onder \u2018n reuse (kunsmatige) boom skuil. Op Lourensford is daar egter geen kunsmatigheid met die Earthbox-ervaring nie.<\/p>\n\n\n\n

Jy kan by die ontvangs oudiogidse huur en dan op jou eie tyd en pas, die ervaring meemaak.<\/p>\n\n\n\n

Marina Busse is saam met Bradley Baard, die dinamiese denkers van die Dream Commission, die breins agter Earthbox.<\/p>\n\n\n\n

<\/p>\n\n\n

\n
\"\"
Marina Busse is saam met Bradley Baard, die dinamiese denkers van die Dream Commission, die breins agter Earthbox. Hier is sy (links) by Mari\u00ebtte du Toit-Helmbold van Destinate.<\/figcaption><\/figure>\n<\/div>\n\n\n

<\/p>\n\n\n\n

Daar is verskeie dinge in die winter te doen hier: daar is leefstyl-oggende, klei-werkswinkels, klankreise, kinder-werkswinkels en meditasie-oggende. Musiek-aande word ook daar by kerslig gehou.<\/p>\n\n\n\n

<\/p>\n\n\n

\n
\"\"
Die kleiwerkswinkels, Play By Nature, bied ure se vermaak.<\/figcaption><\/figure>\n<\/div>\n\n\n

<\/p>\n\n\n\n

Ook deel van die aanbiedinge daar was vyf sjefs-aande met verskillende sjefs wat vir 34 gaste gekook het en wyne van verskillende landgoedere met elke gang gepasmaat het.<\/p>\n\n\n\n

<\/p>\n\n\n

\n
\"\"
Die spyskaart vir een van die sjefs-aande.<\/figcaption><\/figure>\n<\/div>\n\n\n

<\/p>\n\n\n\n

Vir ons aand is die snoepgoed alles op die oop vuur berei, terwyl sonsaksopies met Hennessy VSOP en yskoue Thelema Mountain Vineyards Cap Classique geniet is. Dink lekkertes soos geskroeide tuna, skaapribbetjies en varkrepies.<\/p>\n\n\n\n

<\/p>\n\n\n

\n
\"\"
Meeste van die aand se kos is op die oop vuur berei.<\/figcaption><\/figure>\n<\/div>\n\n\n

<\/p>\n\n\n\n

Toe die son agter die Helderberg verdwyn, word die kersies en lampies aangesteek en jy stap so draai-draai onder die grond in. Die glastafel kan net 34 gaste akkommodeer en kelners hou ons glase vol en bedien een mooi bord kos na die ander.<\/p>\n\n\n\n

<\/p>\n\n\n

\n
\"\"
Een lang tafel onder die grond, waar gaste onthaal word. Bedags is daar ander lekker werkswinkels wat by hierdie lang tafel aangebied word.<\/figcaption><\/figure>\n<\/div>\n\n\n

<\/p>\n\n\n

\n
\"\"
Net die kerse het aangetoon hoeveel ure so lekker verbygegly het.<\/figcaption><\/figure>\n<\/div>\n\n\n

<\/p>\n\n\n\n

Vyf sjefs was die afgelope paar maande deel van die sjefsreeks en vanaand se sjef is Vusi Ndlovu. Vusi, sjef en mede-eienaar van Edge, het al verskeie opskietrestaurante besit en vier die beste van Afrika kookkuns.<\/p>\n\n\n\n

Ons smul aan geregte van die Afrika-kontinent, soos uJeqe nomsobho \u2013 \u2018n gestoomde broodjie met beesvleis aftreksel; makriel met oshart tamatie met Jollof-aftreksel; geroosterde wildsboud; Hoender yassa en Egusi vir nagereg.<\/p>\n\n\n\n

<\/p>\n\n\n\n

\n
\"\"
Wildsboud met gerookte beet was die hoofmaal.<\/figcaption><\/figure>\n\n\n\n
\"\"
Wyne van Thelema en Lourensford is met die disse gepasmaat.<\/figcaption><\/figure>\n\n\n\n
\"\"<\/figure>\n\n\n\n
\"\"
Wat sal nagereg sonder \u2018n lekker sopie wees?<\/figcaption><\/figure>\n<\/figure>\n\n\n\n

<\/p>\n\n\n\n

Jou hart, siel en maag is verkwik n\u00e1 die aand.<\/p>\n\n\n\n

En net vir ingeval jy gewonder het: wanneer Earthbox vir die publiek sluit, sal al daardie grond weer in die presies-korrekte lae teruggesit word. Die gras sal weer oor die grond groei en dit sal wees asof dit nooit gebeur het nie.<\/p>\n\n\n\n

Net besoekers wat daardie magiese ervaring in hul harte dra, sal weet dat daar eens die kans was om in die maag van die aarde in verwondering te staan.<\/p>\n\n\n\n

<\/p>\n\n\n

\n
\"\"
Een van die kunstenaars by die Sondag musieksessies was Zimbini.<\/figcaption><\/figure>\n<\/div>\n\n\n

<\/p>\n\n\n\n

Kitsfeit:<\/strong><\/p>\n\n\n\n

<\/p>\n\n\n\n