<\/p>\n\n\n\n
Skemergrond<\/strong><\/em>\u00a0sal kykers vier aande \u2019n week vasgenael voor die kassie hou. Dit kom in die plek van\u00a0Arendsvlei<\/em>, \u2019n telenovelle wat baanbrekerswerk gedoen het sedert die eerste episode op 1 Oktober 2018 uitgesaai is, maar in Junie vanjaar tot \u2019n dramatiese einde kom.<\/p>\n\n\n\n Skemergrond<\/em> speel af in Gemoedsdrif, \u2019n klein dorpie in die Wes-Kaap, en draai om die Louw-familie en hulle pragtige blomplaas. Die Louws se rustige bestaan word omver gegooi wanneer onverwagte gaste opdaag wat dreig om skokkende familiegeheime te onthul. Ou wonde word oopgekrap en nuwe bande word gesmee om die Louws en hulle nalatenskap te red en te beskerm.<\/p>\n\n\n\n Roxanne Blaise, bekend vir haar rolle in Sara se geheim<\/em> en White Lies<\/em>, is die hoofregisseur. Sy was ook een van die regisseurs van Arendsvlei<\/em>. By verlede jaar se Silwerskermfees het sy saam met Mujaanhid Valley die toekenning vir die beste draaiboek gewen vir die kortfilm Die Blokke<\/em>. Roxanne is ook as beste regisseur vir Die Blokke<\/em> benoem. <\/p>\n\n\n\n \u201cOns is verheug oor hierdie fantastiese geleentheid. Die vars en opwindende rolverdeling gaan \u2019n epiese familiesage na die kassie bring. Skemergrond<\/em> speel af tussen die Wes-Kaapse platteland en die blommemarkte van Kaapstad en is vol interessante karakters wat donker geheime saam met hul dra,\u201d s\u00ea Roxanne.<\/p>\n\n\n\n Die ander regisseur is Marissa Drummond, wat ook voor die kameras naam gemaak het met reekse soos Spoorloos: Die eiland<\/em> en Suidooster<\/em>. Bobby Stuurman, wat met Arendsvlei<\/em> sy opleiding as regisseur gekry het, is die leerlingregisseur en dialoog-afrigter. <\/p>\n\n\n\n Die gedugte skryfspan het tussen hulle aan elke geliefde sepie en telenovelle in die land gewerk: Jo-Ann Scholtz (7de laan<\/em>), Johann Davis (Arendsvlei<\/em>, Suidooster<\/em>), Alyzzander Fourie (High Rollers<\/em>, Isidingo<\/em>), Margaret Goldsmid (Diepe Waters<\/em>, Arendsvlei<\/em>, Afgrond<\/em>), Meesha Aboo (Diepe Waters<\/em>, Unseen<\/em>, Arendsvlei<\/em>), Kanya Viljoen (Arendsvlei<\/em>), Lauren Scholtz (Arendsvlei<\/em>, Diepe Waters<\/em>), Henry Cloete (Arendsvlei<\/em>, Diepe Waters<\/em>, Suidooster<\/em>) en Tristam Atkins (Diepe Waters<\/em>, Unseen<\/em>, Arendsvlei<\/em>, Suidooster<\/em>). <\/p>\n\n\n\n Die reeks word deur Penguin Films vervaardig wat reekse en films soos Sara se geheim<\/em>, Fishy F\u00eashuns,<\/em> Afgrond <\/em>en Diepe Waters<\/em> op hulle kerfstok het. Roberta Durrant en Andrea Frankson-Titus is die kreatiewe vervaardigers van Skemergrond<\/em>.<\/p>\n\n\n\n \u201cOns het \u2019n uitsonderlike rolverdeling en \u2019n briljante span mense agter die skerms bymekaar gebring om hierdie veelvlakkige storie vol geheime, liefde en wraak te vertel. Kykers gaan aangegryp en verras word deur al die emosionele kinkels,\u201d s\u00ea Roberta.<\/p>\n\n\n\n <\/p>\n\n\n\n