{"id":140354,"date":"2023-10-26T09:49:01","date_gmt":"2023-10-26T07:49:01","guid":{"rendered":"https:\/\/novanews.co.za\/rooirose\/?p=140354"},"modified":"2024-03-05T13:13:15","modified_gmt":"2024-03-05T11:13:15","slug":"illse-roos-te-sien-in-prettige-hartroerende-lovemyselfie-rolprent","status":"publish","type":"post","link":"https:\/\/novanews.co.za\/rooirose\/illse-roos-te-sien-in-prettige-hartroerende-lovemyselfie-rolprent\/","title":{"rendered":"Illse Roos te sien in prettige, hartroerende #LoveMySelfie rolprent"},"content":{"rendered":"\n

Verbeel jouself dat jy en \u2019n groep vriendinne kan op \u2019n plesiervaart, ver weg van die daaglikse bestaan, julself vernuwe en die verlede agterlaat. Hemels, reg?<\/p>\n\n\n\n

Tog is dit nie altyd so maklik nie. So vind plaaslike televisiester, Adele Swan, sommer vinnig uit wanneer sy \u2019n geleentheid aangryp om haar skuld te delg deur in te stem om die gesig van eiedomsmagmaat, George, se veldtog te word: \u2019n kompetisie op die luukse plesiervaart, MSC Sinfonia, om eksklusiewe eenhede van die Silwer Eike-aftreelandgoed te verkoop.<\/p>\n\n\n\n

Nie net kry haar ego \u2019n knou wanneer sy agterkom dat sy aan die Survivor of Seniors-kompetisie aan boord van die skip sal moet deelneem nie, maar sy loop \u2019n ou skoolvriendin, Winnifred, raak wat die deure van haar langvergete verlede oopmaak. Herinneringe bring selfvertwyfeling, spyt en onderdrukking van sekere gevoelens vir Adele soos die druk op haar om die aftree-eenhede te verkoop, groter word en George toenemend onredelik raak.<\/p>\n\n\n\n

Deur hul beste \u201cselfie\u201d in te stuur, wen twaalf gelukkige seniors \u2019n naweek op \u2019n plesiervaart saam met televisiepersoonlikheid, Adele, waar die vroue meeding in oorlewingstyl-speletjies en -vasvrae om die esklusiewe prys van \u2019n aftree-eenheid ter waarde van R7 miljoen, te wen.<\/p>\n\n\n

\n
\"\"
Lika Berning is die regisser van #LoveMySelfie. Dis haar eerste vollengterolprent as regisseur. Foto: Verskaf<\/figcaption><\/figure>\n<\/div>\n\n\n

Die komiese en hartroerende rolprent #LoveMySelfie<\/strong> handel oor veel meer as n\u00e9t \u2019n langverwagte plesiervaartvakansie. Vier vroue wat ouer as 60 is, onderneem \u2019n reis na binne en ontdek dat dit nooit te laat is om jouself te ontwikkel en selfs te verander nie.<\/p>\n\n\n\n

Die hoofkarakter Adele Swan word vertolk deur gesoute en veelsydige aktrise, IIIse Roos<\/a>, bekend vir rolle in Egoli, Die Boekklub, Boland Moorde, Troukoors, Fynskrif en was onlangs in kykNET-sepie Suidooster te sien. Adele se langverlore vriendin Winnifred word deur veteraan aktrise, June van Merch, vertolk en die res van swaargewig rolverdeling sluit in Joanie Combrink, Robyn Scott, Chan\u00e9 Grobler, H\u00e9l\u00e8ne Truter, Chanelle de Jager, Moses Williams en Kevin Smith wat die slinkse George vertolk.<\/p>\n\n\n

\n
\"\"
Die hoofkarakter Adele Swan word vertolk deur gesoute en veelsydige aktrise, IIIse Roos. Foto: Verskaf<\/figcaption><\/figure>\n<\/div>\n\n\n

Die filmmaker aktrise Lika Berning met haar veelsydige loopbaanprofiel van meer as 20-jaar in die vermaakbedryf, asook filantropiese werk, is die regisser van #LoveMySelfie. Dis haar eerste vollengterolprent as regisseur.<\/p>\n\n\n\n

\u201cEk wou \u2019n prettige komedie maak maar ook een wat die hartsnare raak, en nie net vir die ouer Afrikaanse gehoor nie, maar vir almal om te geniet. #LoveMySelfie wys \u2019n emosioneel bevredigende reis waarin Adele die lae waaragter sy wegkruip, afskil \u2013 nes baie van ons almal soms doen,\u201d s\u00ea Berning.<\/p>\n\n\n\n

Die draaiboek is deur H\u00e9l\u00e8ne Truter geskryf en vervaardig deur Nigel Tattersal, Vlokkie Gordon, Kurt Darren en Lika Berning.<\/p>\n\n\n

\n
\"\"
Die rolprent is op twee MSC-vaarte verfilm. Foto: Verskaf<\/figcaption><\/figure>\n<\/div>\n\n\n

Die rolprent is op twee MSC-vaarte verfilm \u2013 \u2019n tweenag-vaart na Mosselbaai en \u2019n viernag-vaart na Walvisbaai, Namibi\u00eb.<\/p>\n\n\n\n

Oor hul betrokkenheid by die rolprent het die besturende direkteur van MSC Cruises Suid-Afrika, Ross Volk, ges\u00ea: \u201cOns grootste doel was om ons voortdurende ondersteuning aan die Afrikaanse gemeenskap te toon deur die skeppende kunste te help \u2013 \u2019n belangrike deel van die vermaaklikheidsektor in Suid-Afrika. Ons hoop dat Suid-Afrikaanse gehore hierdie hartroerende en inspirerende storie sal geniet en ons sien uit na die sukses daarvan op die grootskerm.\u201d<\/p>\n\n\n\n

Kurt Darren, bekende Afrikaanse popsanger en mede-vervaardiger van #LoveMySelfie, is ook te sien in die fliek. Een van die karakters is \u2019n groot bewonderaar van hom en sy ikoniese liedjie, Kaptein span die seile, is ook deel van die klankbaan wat nog vele ander bekende Afrikaanse liedjies bevat.<\/p>\n\n\n\n

<\/p>\n\n\n\n

KYK: Amptelike voorskou \u2013 <\/span>#LoveMySelfie<\/a><\/h4>\n\n\n\n