{"id":139865,"date":"2023-10-02T10:09:54","date_gmt":"2023-10-02T08:09:54","guid":{"rendered":"https:\/\/novanews.co.za\/rooirose\/?p=139865"},"modified":"2023-10-02T10:19:32","modified_gmt":"2023-10-02T08:19:32","slug":"taktiek-vlymskerp-komedie-skop-vanaand-af","status":"publish","type":"post","link":"https:\/\/novanews.co.za\/rooirose\/taktiek-vlymskerp-komedie-skop-vanaand-af\/","title":{"rendered":"Taktiek: Vlymskerp komedie skop vanaand af"},"content":{"rendered":"

\u201cKom ons rol.\u201d<\/p>\n

\u201cKort op jou hakke.\u201d<\/p>\n

 <\/p>\n

S\u00f3 begin die eerste toneel in Taktiek<\/a> \u2013 kykNET se splinternuwe komediereeks wat op 2 Oktober op DStv-kanaal 144 om 20:00 begin.<\/p>\n

 <\/p>\n

\"\"<\/p>\n

 <\/p>\n

Die twee karakters, Goose (Bennie Fourie) en Willy Brown (Keeno-Lee Hector), is paraat, reg vir aksie. Daar is net een probleem: Hulle is sekuriteitsmanne op die veiligste dorp in die land, Schusterton, waar daar minder as niks aangaan nie.<\/p>\n

 <\/p>\n

Daar word egter \u2019n jakkals in die hoenderhok gegooi wanneer die eienaar van Taktiek, die sluwe Jorrie (Deon Lotz), in hegtenis geneem word vir \u2019n rits misdade. Jorrie se eksvrou met \u2019n onbetaamlike liefde vir geld, Karen (Marion Holm), kom sak en pak daar aan en dreig om Taktiek te sluit. D\u00edt gaan sy egter nie so vinnig regkry nie, want die manne en vroue van Taktiek sal alles doen om die deure oop te hou. \u201cHoe is julle so arm en so positief?\u201d vra Karen op \u2019n kol.<\/p>\n

 <\/p>\n

In die span by Taktiek is die tweeling Attie (Schalk Bezuidenhout) en Mignon (Mandri Sutherland). Attie doen IT, maar het drome om deel van die aksie saam met Goose en die manne te wees. Mignon is verantwoordelik vir die antwoord van oproepe en die deurgee van inligting. As sy dit net vinniger kon doen …<\/p>\n

 <\/p>\n

\"\"<\/p>\n

 <\/p>\n

James Borthwick is te sien as Venter, \u2019n knorrige oorlogsveteraan wat al lankal moes aftree, maar as sekuriteitswag werk om die pot aan die kook te hou, en Melissa de Vries is Bronwyn, Willy Brown se aan-af meisie met die skerp tong wat by die plaaslike kroeg werk.<\/p>\n

 <\/p>\n

Dinge word verder omvergegooi wanneer Jorrie en Karen se dogter Lisa (Lech\u00e9 Joubert) deur haar miljoen\u00ear-verloofde by Taktiek afgelaai word, want vir di\u00e9 spul sien hy nie kans nie. Lisa vind dan uit dat Taktiek in haar naam geregistreer is, en s\u00f3 begin die balle rol en hou Taktiek hulle deure oop.<\/p>\n

 <\/p>\n

Die span agter Taktiek is dieselfde groot kreatiewe geeste wat vir die veelbekroonde Hotel verantwoordelik was.<\/p>\n

 <\/p>\n\n\t\t