{"id":139585,"date":"2023-09-19T16:41:25","date_gmt":"2023-09-19T14:41:25","guid":{"rendered":"https:\/\/novanews.co.za\/rooirose\/?p=139585"},"modified":"2023-09-19T16:41:25","modified_gmt":"2023-09-19T14:41:25","slug":"ontmoet-die-karakters-van-taktiek-kyknet-se-nuwe-komedie","status":"publish","type":"post","link":"https:\/\/novanews.co.za\/rooirose\/ontmoet-die-karakters-van-taktiek-kyknet-se-nuwe-komedie\/","title":{"rendered":"Ontmoet die karakters van Taktiek \u2013 kykNET se nuwe komedie"},"content":{"rendered":"

Taktiek gaan oor \u2019n sekuriteitsmaatskappy in die veiligste dorp in die land en is vervaardig deur Nagvlug Films, wat ook vir die Safta-bekroonde trefferkomedie Hotel verantwoordelik was. Die reeks is geskryf deur Bennie Fourie, Ryan Metcalfe, Beer Adriaanse en Stiaan Smith.<\/p>\n

 <\/p>\n

\"\"<\/p>\n

 <\/p>\n

 <\/p>\n

Wie is wie in die reeks?<\/h4>\n

 <\/p>\n

Bennie Fourie is Goose<\/strong>. Sy familie het na Nieu-Seeland ge\u00ebmigreer, maar hy het gebly om die land veiliger te maak sodat hulle kan terugkom. Hy is bang vir niks behalwe emosie nie.<\/p>\n

 <\/p>\n

\"\"<\/p>\n

 <\/p>\n

\u201cDis een van die voordele daarvan om een van die skrywers te wees van \u2019n reeks waarin jy speel \u2013 jy kan \u2019n karakter skryf wat jy graag wil speel,\u201d s\u00ea Bennie. \u201cGoose is hierdie ou wat \u2019n blinde selfvertroue in homself het en werklik glo dat hy die land gaan red sodat sy ouers kan terugkom. Hy het groot drome, maar is vasgevang in \u2019n klein dorpie; \u2019n geval van in die land van die blindes is eenoog koning.\u201d<\/p>\n

 <\/p>\n

Schalk Bezuidenhout is Attie<\/strong>, en hy doen IT by Taktiek, maar het drome om \u2019n sekuriteitswag te word.<\/p>\n

 <\/p>\n

\"\"<\/p>\n

 <\/p>\n

\u201cEerstens was die uitdaging van \u2019n nuwe karakter baie lekker,\u201d s\u00ea Schalk. \u201cEk was Danny in Hotel vir vyf seisoene, en ek sou selfs meer seisoene wou doen, maar afwisseling is belangrik en hou dinge interessant. Attie en Danny kan nie meer verskil nie, en ek moes van voor begin met karakterontwikkeling. Dis ook vir my belangrik om vir die kyker met elke karakter iets nuuts te gee wat geheel en al verskil van wat hulle al voorheen van my gesien het. Ek is \u2019n enigste kind en het gedink dis sou lekker wees om nie net \u2019n boetie of sussie te h\u00ea nie, maar deel van \u2019n tweeling te wees.\u201d<\/p>\n

 <\/p>\n

Mandri Sutherland is Attie se tweelingsuster, Mignon<\/strong>, \u2019n 50-jarige vasgevang in \u2019n 30-jarige se lyf. Die laaste ding wat sy moet doen, is kommunikasie, maar sy is die een wat al die oproepe hanteer …<\/p>\n

 <\/p>\n

\"\"<\/p>\n

 <\/p>\n

\u201cSnaaks genoeg is Mandri ook \u2019n enigste kind,\u201d s\u00ea Schalk. \u201cOns het dit al twee geniet om die dinamika tussen boetie en sussie te ontdek.\u201d<\/p>\n

 <\/p>\n

Keeno-Lee Hector is Willy Brown<\/strong>, Goose se beste vriend en ook \u2019n sekuriteitswag.<\/p>\n

 <\/p>\n

\"\"<\/p>\n

 <\/p>\n

\u201cDie karakter is so goed geskryf, en elke toneel was \u2019n plesier,\u201d s\u00ea Keeno-Lee. \u201cBennie en Beer [Adriaanse, die mede-regisseur] het ook die veiligste kreatiewe atmosfeer geskep. Ons het die ruimte gehad om te speel, en baie van die tonele begin of eindig met skreeusnaakse, onvoorbereide dialoog. Maar die verhouding tussen Willy en Goose was vir my die mees bevredigende \u2013 almal het so \u2019n vriend nodig!\u201d<\/p>\n

 <\/p>\n

James Borthwick is te sien as Venter<\/strong>, \u2019n knorrige oorlogsveteraan wat al lankal moes aftree, maar as sekuriteitswag werk om die pot aan die kook te hou.<\/p>\n

 <\/p>\n

\"\"<\/p>\n

 <\/p>\n

\u201cDie feit dat selfs ouer mense soos ek darem \u2019n ou werkie kan kry, is vir my die hoogtepunt,\u201d s\u00ea James, \u2019n veteraanakteur en Safta-wenner vir sy rol as Ferdie in Hotel.<\/p>\n

 <\/p>\n

Deon Lotz is Jorrie<\/strong>, die skelm sakeman wat tjoekie toe gestuur word, en Marion Holm is Karen<\/strong>, Jorrie se eksvrou met \u2019n onbetaamlike liefde vir geld.<\/p>\n

 <\/p>\n\n\t\t