{"id":138628,"date":"2023-07-25T11:46:53","date_gmt":"2023-07-25T09:46:53","guid":{"rendered":"https:\/\/novanews.co.za\/rooirose\/?p=138628"},"modified":"2023-07-25T11:48:53","modified_gmt":"2023-07-25T09:48:53","slug":"ons-laaste-onderhoud-met-bradley-olivier","status":"publish","type":"post","link":"https:\/\/novanews.co.za\/rooirose\/ons-laaste-onderhoud-met-bradley-olivier\/","title":{"rendered":"Ons laaste onderhoud met Bradley Olivier"},"content":{"rendered":"

Hierdie artikel het oorspronklik in ons Junie-uitgawe vanjaar verskyn.<\/span><\/em><\/p>\n

 <\/p>\n

Minder as twee maande nadat hierdie uitgawe op die rakke was, treur ons oor die verlies van hierdie merkwaardige akteur en pa. Hiermee bring ons hulde aan Bradley Olivier, en onthou die oomblikke wat hom laat skitter het, die rolle wat sy loopbaan gedefinieer het, en die ontembare gees wat hom ‘n gekoesterde figuur gemaak het.<\/p>\n

 <\/p>\n

Sy beste rol nog<\/span><\/h4>\n

 <\/p>\n

Bradley Olivier<\/strong> is bekend vir sy rol as Danny Jantjies in die hospitaaldramareeks <\/span>Binnelanders<\/span><\/i>. Wat baie mense egter ni\u00e9 van die gewilde akteur weet nie, is dat hy \u2019n baie cool pa is. Hy gesels meer daaroor met Maretha Botes<\/strong>.<\/span><\/p>\n

 <\/p>\n

Vir Bradley Olivier is pa-wees die beste ding n\u00f3g. As hy n\u00e1 \u2019n skof op die <\/span>Binnelander<\/span><\/i>-stel die motor se neus huiswaarts draai, begin sy hart al tjoklits klop, want tyd saam met sy bruinoog Kiara wink.\u00a0<\/span><\/p>\n

Hy erken sy werk as akteur plaas hom in \u2019n bevoorregte posisie, want opnameskedules wissel en bied aan hom tyd om sy dogter te geniet. \u201cDie ateljee se opset maak dit maklik om die balle tussen pa- en akteurwees in die lug te hou. Ek neem haar soms ook saam werk toe sodat sy kan sien waar ek werk en wat ons doen,\u201d s\u00ea hy.<\/span><\/p>\n

 <\/p>\n

\"\"

Foto: Christoph Hoffmann<\/p><\/div>\n

 <\/p>\n

Hy het pas sy 36ste verjaardag gevier. \u201cJa-nee, n\u00f3\u00fa kom hulle (die jare) aan!\u201d s\u00ea hy laggend. Nie dat daar juis \u2019n plooi of vetrolletjie is om sy jare weg te gee nie. Met ons onderhoud sit daar nog \u2019n lekkerkry in sy stem, want dit was \u2019n baie spesiale verjaardag. Die dag het nog geslaap, toe het hy reeds verjaardagdrukkies in die bed van Kiara (5) gekry. Hy voeg by: \u201cMy meisie het ook vir my br\u00eakfis in die bed gebring en my vriende het my met \u2019n skemerkelkpartytjie verras. D\u00edt was nou \u2019n fees ter feeste. Ek kon nie vir meer gevra het nie!\u201d\u00a0\u00a0<\/span><\/p>\n

Bradley het op 30 sy vaderskapskoene aangetrek en kon bre\u00ebbors oor \u2019n bondeltjie vreugde spog. \u201cVir baie mense is 30 mos nou al mooi groot!\u201d s\u00ea hy. Vir hom was dit \u2019n goeie ouderdom. So met die 20\u2019s agter die rug, kon hy s\u00ea hy het sy rustelose jare goed geleef. <\/span>Been there, done that<\/span><\/i>. Hy het talle naweke impulsief sy tasse gepak, in die motor geklim en \u2019n avontuur gaan soek. Of dit nou Mosambiek toe was op sy eie, of die wildernis in saam met p\u00ealle. Met Kiara se koms het \u2019n heel ander avontuur aangebreek. Hy s\u00ea: \u201cSy het my rustiger gemaak in die sin dat ek nie op ander plekke my avontuur gaan soek nie. Ek het ook meer doelgerig begin lewe. Meer doelgerig in my loopbaan, wat ek wil bereik, en hoe ek wil leef. Ek is verantwoordelik vir hoe sy groot word, en watter tipe mens sy eendag sal wees. Jy kan maar s\u00ea ek het \u2019n kopskuif n\u00e1 haar geboorte gemaak. Ek wil daar wees vir haar en die beste pa wees wat ek moontlik kan wees.\u201d<\/span><\/p>\n

 <\/p>\n

Bradley is \u2019n bok vir \u2019n goeie rom-kom. En hoor jy die storie van Kiara se geboorte, klink dit so bietjie na \u2019n toneel uit \u2019n romantiese komedie. Die babatassie was gepak met alles wat \u201cseuntjie\u201d skree. Blou en wit. Nie \u2019n sweempie pienk iewers om die idee te gee dat daar d\u00e1lk \u2019n pienketjie op pad sou wees nie. Sy naam sou Ronan gewees het. Die heelal het egter ander planne gehad en \u2019n gesonde babadogtertjie is twee-uur die oggend op 27 Junie 2017 gebore. \u201cDaai was komies!\u201d s\u00ea di\u00e9 pa en skud sy kop glimlaggend. Maar sou hy dit anders wou h\u00ea? Nooit nie! Nie vir \u2019n enkele oomblik nie. \u201cDit was \u2019n groot oomblik vir ons, en die trane van blydskap en dankbaarheid het gevloei,\u201d s\u00ea hy.<\/span><\/p>\n

 <\/p>\n

Die rolprentbedryf is Bradley se ander groot liefde en hy praat blinkoog oor die rolprent wat hy en sy akteursvriend, Solomon Cupido, geskryf en pas in die Kaap geskiet het. Die fliek is nou in na-produksie stadium en as dinge volgens plan verloop, sal dit in Februarie op die grootskerm verskyn. \u201cDie naam hou ons nog so bietjie geheim tot die tyd aanbreek het om dit te begin bemark,\u201d s\u00ea hy. Terloops, dit is \u2019n romantiese komedie.\u00a0<\/span><\/p>\n

 <\/p>\n

Die Paarl se berge, damme en boorde is waar Bradley se gunstelingherinneringe van sy kleintyd l\u00ea. Daar waar dit \u201caltyd groen is\u201d en kinders nog sonder kommer in die modder kon speel. Sorgvrye dae \u2013 s\u00f3nder internet \u2013 voeg hy by. Sy pa was \u2019n tronkbewaarder en het ook saam met sy ma spyseniering vir spesiale geleenthede gedoen. \u201cOns was alewig by een of ander troue of \u2019n ding,\u201d s\u00ea hy.\u00a0\u00a0<\/span><\/p>\n

Van kleins af was dit Bradley se droom om akteur te wees en om in die rolprentbedryf te werk. Natuurlik het hy nie toe mooi besef wat dit behels nie. Hy het gedink dis alles net ligte, kamera, en aksie! Van die bloedsweet voor en agter die skerms, het hy min geweet. Sy twee drama-onderwysers op skool, Celeste Loristen en Michelle Petersen, het hom van vroeg af ge\u00efnspireer en aangemoedig om sy talent te ontwikkel en sy droom na te jaag. Daar is toneelkompetisies gere\u00ebl en opvoerings gehou. \u201cMy ouers was my grootste aanhangers en ondersteuners. Hulle het my rondgery na waar ons ook al opgetree het. As ons ons eie produksies opgevoer het, het my ma en pa koeksisters vir ekstra geld gebak sodat ons plakkate kon druk en versprei,\u201d s\u00ea hy. Sy ouers het \u2019n groot rol daarin gespeel dat hy sy eerste rol in die destydse sepie <\/span>Villa Rosa<\/span><\/i> losgeslaan het. Hy verduidelik: \u201cHulle het my aangemoedig om aan \u2019n kompetisie deel te neem waarin nuwe gesigte vir <\/span>Villa Rosa<\/span><\/i> gesoek is. Ek wou dit glad nie doen nie, maar h\u00e9t toe uiteindelik deelgeneem \u2013 en <\/span>low en behold, <\/span><\/i>daar kry ek my eerste TV-rol!\u201d<\/span><\/p>\n

 <\/p>\n

Hy het ook rolle in TV-reekse soos <\/span>High Rollers<\/span><\/i>, <\/span>7de Laan<\/span><\/i>, asook <\/span>Vlug na Egipte<\/span><\/i> en <\/span>Let Heaven Wait <\/span><\/i>vertolk. Rolprente op sy lysie sluit in <\/span>Ballade vir \u2019n enkeling<\/span><\/i>, <\/span>Die ontwaking<\/span><\/i>, <\/span>Nul is nie niks<\/span><\/i> nie<\/span><\/i> en <\/span>Vaselinetjie<\/span><\/i>.<\/span><\/p>\n

Watter rol sal hy graag nog wil vertolk? \u201cGlo dit of nie, maar ek wil graag die rol van \u2019n prokureur speel. Hulle het altyd sulke pittige s\u00eagoed en kan \u2019n lekker houding inneem!\u201d\u00a0<\/span><\/p>\n

Wanneer hy self sy skoene uitskop en voor die kassie gemaklik raak, is dit veral vir iets wat die nekhare laat rys. Hy hou van \u2019n riller van enige aard. Hy voeg vinnig by: \u201cEintlik is ek nie snobisties oor wat ek kyk nie. En ai, bring maar daardie rom-koms. Ek is nou nie eers skaam om dit te s\u00ea nie. Ek glo as jy \u2019n goeie storieverteller, skrywer, vervaardiger of regisseur wil wees, moet jy oop wees om alle genres te kyk en te probeer geniet. Jy moet oopkop wees.\u201d<\/span><\/p>\n

 <\/p>\n

Die gesprek draai weer na Kiara. \u201cDie vyf weke wat ons in die Kaap was om ons rolprent te skiet, was die langste wat ek n\u00f3g van haar weg was. Toe ek die dag terugkom, was ek van voor af op my kind verlief! Sy is so pragtig. Elke fase van haar jare tot nou toe was vir my \u2019n fees. Ek glo \u2019n mens moet elke fase geniet, want dit gaan vinnig verby. En elke fase is vars, oulik, en anders.\u201d\u00a0\u00a0<\/span><\/p>\n

 <\/p>\n\n\t\t