{"id":138089,"date":"2023-06-20T12:00:19","date_gmt":"2023-06-20T10:00:19","guid":{"rendered":"https:\/\/novanews.co.za\/rooirose\/?p=138089"},"modified":"2023-06-20T12:00:19","modified_gmt":"2023-06-20T10:00:19","slug":"hartklop-kyknet-se-eerste-hospitaaldrama-reeks-gaan-kykers-boei","status":"publish","type":"post","link":"https:\/\/novanews.co.za\/rooirose\/hartklop-kyknet-se-eerste-hospitaaldrama-reeks-gaan-kykers-boei\/","title":{"rendered":"Hartklop: kykNET se eerste hospitaaldrama-reeks gaan kykers boei\u00a0\u00a0"},"content":{"rendered":"

kykNET (DStv-kanaal 144) kondig met trots aan dat die kanaal se eerste mediese drama, Hartklop<\/strong>, op Dinsdag 18 Julie om 20:00 begin. <\/span><\/p>\n

Die drama spog met bekende akteurs soos Simon\u00e9 Pretorius, Renate Stuurman, Dawid Minnaar, Leandie du Randt, David Louw, Jacques Bessenger, Oros Mampofu, Carla Classen en Marlee van der Merwe in die rolverdeling.<\/span><\/p>\n

 <\/p>\n

Hartklop, wat \u2019n merkwaardige 178 rolle met dialoog het, het ook verskeie ander groot name in die rolverdeling \u2013 sommige deurlopend en ander in gasrolle. Onder hierdie spelers tel Christel van den Bergh, Arno Marais, Rika Sennett, Thulani Mtsweni, Susan Coetzer, Vusi Thanda, Esmeralda Bihl, Christo Davids, Elma Postma, Francois Jacobs en Bouwer Bosch.\u00a0\u00a0<\/span><\/p>\n

 <\/p>\n

Die reeks is deur Zo\u00eb Laband (The Girl from St. Agnes<\/em>) geskryf en die regisseurs is Harold H\u00f6lscher (Ludik<\/em>) en Christo Davids (Spoorloos<\/em>).\u00a0\u00a0<\/span><\/p>\n

 <\/p>\n

Die hospitaaltonele is in sale en teaters by die Solomon Stix Morewa-gedenkhospitaal en by die Universiteit van die Witwatersrand in Johannesburg verfilm. Die mediese gevalle wat deel van die verskeie storielyne is, is alles gegrond op werklike gevalle en \u2019n span dokters en mediese kenners het as konsultante gedien. Opgeleide verpleegsusters het met die verfilming van die operasietonele gehelp om dit so realisties moontlik te maak.\u00a0\u00a0<\/span><\/p>\n

 <\/p>\n

\u201cOns het besluit om die reeks in \u2019n staatsopleidingshospitaal te laat afspeel omdat dit nie net verteenwoordigend van Suid-Afrika is nie, maar ook om te wys dat ons van die beste mediese fakulteite in die w\u00eareld het,\u201d s\u00ea Zo\u00eb. \u201cOns plaaslike dokters is superhelde. Daar is milit\u00eare dokters van oral oor wat Suid-Afrika toe kom vir hulle opleiding, juis omdat ons hospitale soms soos oorlogsones lyk. Dan is daar natuurlik die ander kant \u2013 die dokters se persoonlike lewens en die impak wat hulle werk daarop het.\u201d\u00a0\u00a0<\/span><\/p>\n

 <\/p>\n

Kykers kan uitsien na storielyne met mediese gevalle wat hulle by tye stom van verbasing sal laat by die blote gedagte dat dit op werklike gebeure gegrond is. Sommige stories sal hulle laat lag en ander \u2019n traan of twee laat pink. Daar is dramatiese gebeure waarmee alle kykers hulle sal kan vereenselwig, soos waar \u2019n geliefde veg om sy of haar lewe, of vir wie daar niks gedoen kan word nie.\u00a0\u00a0<\/span><\/p>\n

 <\/p>\n

Daar is egter ook stories van hoop waar pasi\u00ebnte weer uit \u2019n lang koma ontwaak, sonder dat dit medies verklaarbaar is, of waar iemand tot die dokters se groot verbasing ten volle herstel. Tussendeur sal kykers in die dokters se persoonlike lewens ingetrek word en sien hoe hulle worstel met die impak van hulle roeping en die geweldig moeilike vraag of hulle deur die werk wat hulle doen, God mag speel.<\/span><\/p>\n

 <\/p>\n

KYK: Hartklop se amptelike voorskou<\/h4>\n

 <\/p>\n