{"id":137771,"date":"2023-05-31T14:44:48","date_gmt":"2023-05-31T12:44:48","guid":{"rendered":"https:\/\/novanews.co.za\/rooirose\/?p=137771"},"modified":"2023-06-01T08:53:32","modified_gmt":"2023-06-01T06:53:32","slug":"mzansi-jeugkoor-maak-geskiedenis-op-americas-got-talent","status":"publish","type":"post","link":"https:\/\/novanews.co.za\/rooirose\/mzansi-jeugkoor-maak-geskiedenis-op-americas-got-talent\/","title":{"rendered":"Mzansi-jeugkoor maak geskiedenis op America\u2019s Got Talent"},"content":{"rendered":"

Die Mzansi-jeugkoor<\/strong><\/a> van Soweto in Gauteng, het omtrent opslae gemaak gedurende April tydens die 18de seisoen van America\u2019s Got Talent<\/em> in Los Angeles, Pasadena, Kaliforni\u00eb.<\/p>\n

 <\/p>\n

Hulle het hul eie verwerking van It\u2019s OK<\/em> van Jane Marczewski, oftewel Nightbirde,\u00a0gesing.\u00a0Sy het vir hierdie komposisie van haar \u2019n Golden Buzzer<\/em> gedurende die 16de seisoen gekry, maar kon ongelukkig nie aan die volgende rondte deelneem nie as gevolg van haar verswakte gesondheid na intensiewe kankerbehandeling. Sy is op 19 Februarie 2022 oorlede.\u00a0Die Mzansi-jeugkoor het besluit om haar nalatenskap voort te sit, omdat haar boodskap van hoop en geluk so \u2019n indruk op almal by die koor gelaat het.<\/p>\n

 <\/p>\n

Dit word toe ook \u2019n wonderlike verjaarsdaggeskenk, want die koor vier terselfdertyd sy 20ste bestaansjaar!<\/p>\n

 <\/p>\n

Hierdie\u00a0America\u2019s Got Talent<\/em>-optrede is seker die mees besonderse mylpaal in die koor se bestaan.\u00a0Van die eerste optrede in die ou Alberton-stadsaal op 23 November 2003, waartydens\u00a0hulle in hul eie klere opgetree het, vier die Mzansi-jeugkoor nou hulle 20ste verjaarsdag in Julie 2023 met \u2019n fantastiese gehoor en \u2019n w\u00eareldwye kykerstal van meer as 10 miljoen mense, gedurende die 18de seisoen van\u00a0America\u2019s Got Talent<\/em>\u00a0in Los Angeles, Pasadena, Kaliforni\u00eb, Amerika. In Simon Cowell se woorde: \u201cYou defined what this show is absolutely all about\u201d.<\/em><\/p>\n

 <\/p>\n

Die koor se\u00a0musiekdirekteur<\/strong>,\u00a0Sidumo Nyamezele<\/strong>, verduidelik:\u00a0\u201cGedurende elke seisoen van America\u2019s Got Talent, het elke beoordelaar een \u2018Golden Buzzer\u2019 om na goeddunke te gebruik. Slegs een \u2018Golden Buzzer\u2019 laat \u2019n deelnemer outomaties deurbeweeg na die volgende rondte.<\/em><\/p>\n

 <\/p>\n

Vir elke nuwe seisoen is daar ook een \u2018Group Golden Buzzer\u2019. Dit word slegs gebruik wanneer al vier die beoordelaars, plus die gasheer wat in die sygang staan,\u00a0eenstemmig is dat \u2019n optrede sensasioneel was.\u00a0Dan plaas al vyf hul hande tegelyk op die \u2018Buzzer\u2019.\u00a0<\/em><\/p>\n

\u00a0<\/em><\/p>\n

Vir die 18de seisoen in 2023, is daar vir die eerste keer \u2019n bykomende \u2018Gehoor Golden Buzzer\u2019 vir hierdie \u2018Group Buzzer\u2019 ingestel en word die \u2018Group Golden Buzzer\u2019 in die toekoms deur ses persone tegelykertyd gedruk. Omdat dit die eerste seisoen is waar die gehoor se \u2018Golden Buzzer\u2019 bygevoeg is, het Mzansi-jeugkoor geskiedenis gemaak deur die eerste ontvangers daarvan te wees. Indien in ag geneem word dat daar vir hierdie seisoen van \u2018America\u2019s Got Talent\u2019 \u2019n totaal van 75\u00a0000 inskrywings was, maak dit hierdie mylpaal nog meer betekenisvol en is hul name verseker in die AGT-geskiedenisboeke opgeteken!\u201d<\/em><\/p>\n

\u00a0<\/em><\/p>\n

Die koor se\u00a0artistieke direkteur\u00a0<\/strong>en\u00a0choreograaf, Alfred Phakathi,\u00a0<\/strong>voeg by: \u201cHierdie was \u2019n onbeskryflike ervaring vir die koorlede, wat baie hard werk\u00a0en uiteindelik daardie druk ook met soveel grasie hanteer het. Dit was \u2019n onmeetbare ervaring vir elkeen van hulle en ook vir hulle trotse families tuis.\u201d<\/em><\/p>\n

 <\/p>\n

\"\"

Foto: Jacques du Plessis<\/p><\/div>\n

\u00a0<\/strong><\/p>\n

Die It\u2019s OK<\/em> \/<\/strong>\u00a0Mzansi-jeugkoor-storie<\/strong><\/p>\n

 <\/p>\n

Waarom het die koor besluit om It\u2019s OK<\/em>, die oorspronklike komposisie deur Nightbirde te sing? America\u2019s Got Talent<\/em>\u00a0(AGT) is baie gewild in Soweto, en gevolglik was al die koorlede bewus van Nightbirde se aangrypende AGT-storie in 2021.\u00a0Dit het \u2019n merkbare indruk op hulle gelaat, want hulle kon met haar deursettingsvermo\u00eb om bo haar uitdagings uit te styg en steeds gelukkig te wees, assosieer. Die koorlede het ook begin om haar woorde as slagspreuk te gebruik wanneer hulle of die koor deur moeilike tye gegaan het, deur net te s\u00ea \u201cIt\u2019s OK<\/em>\u201d… en die hele gemoedstemming in die koor het onmiddellik positief verander.<\/p>\n

 <\/p>\n

Nadat die koor se musiekdirekteur die besluit geneem het om It\u2019s OK<\/em> te verwerk, in te oefen en op te neem, het dit \u2019n gewilde lied by optredes geword, asook onder die koorlede self. Die bekende Mauritz Lotz wat ons klankbane versorg, het ook die orkestrasie vir hierdie verwerking behartig.<\/p>\n

 <\/p>\n

Slegs vier maande voor Nightbirde oorlede is, het die koor het hul Mzansi-weergawe van die lied,\u00a0asook die video-opname,\u00a0vrygestel en Nightbirde op sosiale media gemerk. Sy het feitlik onmiddellik gereageer. Op 11 Oktober 2021 skryf sy die volgende op haar Facebook:\u00a0\u201cThank you so much Mzansi Youth Choir in South Africa for the beautiful tribute. I was holding back tears as I listened. How moving and what an honour!\u201d.<\/em><\/p>\n

\u00a0<\/em><\/p>\n

Toe Mzansi-jeugkoor aan die 18de seisoen van AGT deelneem, was dit nie moeilik om \u2019n lied vir die oudisie te kies nie. Om It\u2019s OK<\/em> op dieselfde verhoog in Amerika te sing waar Nightbirde vir die eerste, en die laaste keer, opgetree het, was \u2019n emosionele oomblik. Wat \u2019n ongelooflike geleentheid en voorreg om haar onvergeetlike nalatenskap verder te kan uitdra en te leef volgens dit wat sy met soveel oortuiging ges\u00ea en geglo het:\u00a0\u201cYou can\u2019t wait until life isn\u2019t hard anymore, before you decide to be happy\u201d.<\/em><\/strong><\/p>\n

 <\/p>\n