{"id":135195,"date":"2022-12-16T09:50:14","date_gmt":"2022-12-16T07:50:14","guid":{"rendered":"https:\/\/novanews.co.za\/rooirose\/?p=135195"},"modified":"2022-12-16T09:50:14","modified_gmt":"2022-12-16T07:50:14","slug":"kyknet-se-desemberdiewe-is-2022-se-goedvoel-kersfliek","status":"publish","type":"post","link":"https:\/\/novanews.co.za\/rooirose\/kyknet-se-desemberdiewe-is-2022-se-goedvoel-kersfliek\/","title":{"rendered":"kykNET se Desemberdiewe is 2022 se goedvoel-Kersfliek"},"content":{"rendered":"

Die vollengte fliek word op Saterdag, 17 Desember<\/em> 20:00 op kykNET (DStv-kanaal 144) uitgesaai en bevat temas van omgee, vriendskap en mededeelsaamheid wat deur volwassenes en kinders se verskillende perspektiewe van Kersfees verken word.<\/p>\n

 <\/p>\n

Die ondeunde 11-jarige J\u00f3 (Judi Hattingh) <\/span><\/span>en haar oorwerkte enkelma, Retha (Roeline Daneel)<\/span><\/span>, trek vanaf die stad na \u2019n klein dorpie vir \u2019n nuwe begin<\/span><\/span>. Al wat J\u00f3 wil h\u00ea, is om terug te trek en om \u2019n selfoon vir Kersfees te kry, maar sy leer van karma en dat goeie dade beloon word. S\u00f3 kry sy die idee om Kersgeskenke by die ryk kinders te begin steel om aan die weeskinders te gee om aan die heelal te bewys sy verdien beter behandeling. Sy ontmoet vir Lem (Juan-Christoff Smith) en Azul (Blake Pharo) en die aardige klein bende begin planne smee onder die waaksame oog van die plaaslike polisieman, Sersant Kleingeld (Marvin-Lee Beukes). Die fliek is mooi, snaaks en laat \u2019n mens sommer warm in die hart voel.<\/p>\n

 <\/p>\n

\"\"<\/p>\n

 <\/p>\n

Die rolverdeling sluit in bekende gesigte, soos Lida Botha, Roeline Daneel en Marvin-Lee Beukes, maar kykers kan ook uitsien daarna om die oulike gesiggies van die bloedjong toneelspelers Judi Hattingh, Juan-Christoff Smith en Blake Pharo te sien.<\/p>\n

 <\/p>\n

Carla Smith het Desemberdiewe<\/strong> geskryf en ook die regie behartig.\u00a0 \u201cEk en my lewensmaat, Beer Adriaanse, probeer maandeliks \u2019n sessie h\u00ea waar ons idees rondgooi en gate in mekaar se konsepte skiet,\u201d verduidelik Carla oor hoe die saadjie vir Desemberdiewe geplant is.<\/p>\n

\u201cOns het gekyk na die idee van genre-films en aangesien Kersfees vir my familie baie na aan die hart is, was dit een van ons idees. My oupa en ouma woon in Wolseley en ons hou van kleintyd af Kersfees saam met al die niggies en nefies. Dis van my gunsteling-herinneringe aan my kinderdae: die bre\u00eb, le\u00eb strate, die liggies, die somerson wat tot laat brand en die familie wat op die stoep sit en luister na die gemeenskap se Kerskoor wat van deur na deur beweeg. Ek is mal oor kinders en wou ook wys dat daar baie lekkerder dinge is as om op \u2019n foon te speel. Daardie kinderkreatiwiteit wat van werklike verveling kom, is een van die redes waarom ek die platteland so lief het.\u201d<\/p>\n

 <\/p>\n

Desemberdiewe<\/strong> is grotendeels in McGregor<\/em> verfilm en Jaco Nothnagel, die vervaardiger, s\u00ea dit was \u2019n lang proses om die drie jong toneelspelers te kry. \u201cMaar hulle is werklik \u2019n baie spesiale groep kinders,\u201d s\u00ea hy.<\/p>\n

 <\/p>\n

\u201cOm goed voorbereid te wees en gaaf met almal te kommunikeer is die enigste manier,\u201d s\u00ea Carla oor haar aanslag as regisseur. \u201cOm die stel \u2019n lekker plek vir kinders te maak, is maklik. Hulle het almal van die eerste dag maats geword en toe was die film die laaste ding waaraan hulle gedink het. Die uitdaging was om dit vir hulle pret te maak. Baie energie, grappies en lekkers was die antwoord. Maar ons het die mees professionele, lieflikste kinders ooit gehad en ek het my amper nooit oor hulle bekommer nie.\u201d<\/p>\n

 <\/p>\n

Sy beskryf Desemberdiewe<\/strong> as\u00a0\u201cnostalgiese, stoutgat-samesyn vir die hele gesin.\u201d<\/p>\n

 <\/p>\n