{"id":134126,"date":"2022-10-14T12:20:38","date_gmt":"2022-10-14T10:20:38","guid":{"rendered":"https:\/\/novanews.co.za\/rooirose\/?p=134126"},"modified":"2022-10-14T12:23:18","modified_gmt":"2022-10-14T10:23:18","slug":"vyf-vinnige-vrae-vrydag-met-die-kontrak-se-samantha-leonard","status":"publish","type":"post","link":"https:\/\/novanews.co.za\/rooirose\/vyf-vinnige-vrae-vrydag-met-die-kontrak-se-samantha-leonard\/","title":{"rendered":"Vyf-vinnige-vrae-Vrydag met Die Kontrak se Samantha Leonard"},"content":{"rendered":"

N\u00e1 haar reis op The Voice<\/strong> (tweede seisoen) in 2017 waartydens sy \u2019n derde plek in die kompetisie behaal het, het Samantha Leonard<\/strong> gedink sy sou uiteindelik haar sangloopbaan-droom kon uitleef. Die werklikheid het egter verskeie toe deure, le\u00eb beloftes en baie seer vir haar ingehou.<\/p>\n

\u201cEk het daarna my trane gesluk, my ken opgetel en in Januarie 2018 aan my album, \u2019n Duisend keuses<\/em>, begin werk. Ek en my pa het ons laaste sente bymekaar gesit om 27 jaar se harde werk te red. Dit was my laaste probeerslag,\u201d s\u00ea sy.<\/p>\n

Haar album is n\u00e1 baie harde werk aan die einde van 2018 vrygestel, maar weereens was haar geluk van korte duur omdat die Covid-19-pandemie haar loopbaan erg skade berokken het. \u201cOns het alles verloor. Ek was moedeloos en gebroke, ek kon nie eers meer sing nie, want ek was bang om weer seer te kry.\u201d<\/p>\n

Dit het haar met geen ander keuse gelaat as om haar mikrofoon finaal neer te sit en haarself as eiedomsagent te begin bekwaam nie.<\/p>\n

Gelukkig ontmoet Samantha toe vir Francois Taljaard, haar \u201cboerseun van Krugersdorp\u201d wat haar vir die tweede seisoen van Die Kontrak<\/strong><\/a> ingeskryf het.<\/p>\n

Nou is Samantha al deel van die top-vier op die program wat sy as haar reddingsboei beskryf: \u201cDie Kontrak is waar ek myself nie net vir die eerste keer leer ken het nie, maar ook waar ek geleer het hoe om myself en my letsels weer lief te h\u00ea. Dis waar ek weer verlief geraak het op musiek, op die lewe, op mense, en op Afrikaans.\u201d<\/p>\n

 <\/p>\n

Karlien Meiring<\/strong> het meer oor die vrou met die goue stem (en hart) gaan uitvind.<\/p>\n

 <\/p>\n

Wanneer het die sanggogga jou die eerste keer gebyt?<\/h4>\n

 <\/p>\n

Ek het op die ouderdom van drie begin sing en het altyd geweet dit is wat ek vir die res van my lewe wil doen. Ek het op die verhoog grootgeword en in kore, musiekteaterproduksies, en ons kombuis opgetree en my ouers aanhoudend gevra: “Watter liedjie wil julle h\u00ea moet ek volgende sing?” Nadat die skoolklok in die middae gelui het, het ek huis toe gejaag om agter my mikrofoon te kom waar ek elke dag vir vier ure lank sou sing. Ek het nog altyd die lewendigste en tuis agter \u2019n mikrofoon gevoel.<\/p>\n

 <\/p>\n

Wat is die grootste lesse wat jou loopbaan jou tot dusver geleer het?<\/h4>\n

 <\/p>\n

Daar is 12 rondtes in \u2019n boksgeveg. Die lewe het my pa 12 keer plat geslaan, maar hy het elke keer weer opgestaan. Hy het my geleer om dieselfde te doen: Om terug te veg en aan te hou baklei, maak nie saak hoe seer dit is nie. Aanhouers wen werklik. Ek het ook geleer om in myself te glo, want ek is my eie grootste kompetisie, niemand anders nie. En net so belangrik as wat dit is om in die oomblik te leef, is dit ook belangrik om di\u00e9 oomblikke met die regte mense te deel \u2013 mense wat in jou glo en jou onvoorwaardelik liefhet.<\/p>\n

 <\/p>\n

 <\/p>\n

\n
\n

 <\/p>\n

\n
<\/div>\n
\n
<\/div>\n
<\/div>\n<\/div>\n<\/div>\n
<\/div>\n
<\/div>\n
\n
View this post on Instagram<\/div>\n<\/div>\n
<\/div>\n
\n
\n
<\/div>\n
<\/div>\n
<\/div>\n<\/div>\n
\n
<\/div>\n
<\/div>\n<\/div>\n
\n
<\/div>\n
<\/div>\n
<\/div>\n<\/div>\n<\/div>\n
\n
<\/div>\n
<\/div>\n<\/div>\n

 <\/p>\n

A post shared by \ud835\udd4a \ud835\udd38 \ud835\udd44 \ud835\udd38 \u2115 \ud835\udd4b \u210d \ud835\udd38 \ud835\udd43 \ud835\udd3c \ud835\udd46 \u2115 \ud835\udd38 \u211d \ud835\udd3b (@samanthaleonard_artist)<\/a><\/p>\n<\/div>\n<\/blockquote>\n