{"id":133840,"date":"2022-09-30T15:00:34","date_gmt":"2022-09-30T13:00:34","guid":{"rendered":"https:\/\/novanews.co.za\/rooirose\/?p=133840"},"modified":"2022-09-30T14:58:28","modified_gmt":"2022-09-30T12:58:28","slug":"133840-2","status":"publish","type":"post","link":"https:\/\/novanews.co.za\/rooirose\/133840-2\/","title":{"rendered":"Vyf-vinnige-vrae-Vrydag met Looks by Lilli"},"content":{"rendered":"

\u201cOns het ons daaglikse uitrustings op Instagram begin laai omdat ons seker was ander jong werkendes wonder ook oor wat hulle kan aantrek,\u201d s\u00ea Lisa-Jean du Plessis, oftewel Lilli, wat in 2021 die Instagram-blad @looks_bylilli<\/strong> <\/a>geskep het.<\/p>\n

Sy beskryf dit as \u201c\u2018n lighartige platform waar mense kan sien wat in die winkels is, style wat mooi saamgaan, uitrusting-idees vir werk en vir alledaagse lewe.”<\/p>\n

Lilli is op Stellenbosch op haar familie se wynplaas, Simonsig, gebore en geto\u00eb. Sy bly nou in Kaapstad waar sy as \u2018n digitale bemarkingsko\u00f6rdineerder vir \u2018n professionele salonproduk-verspreidingsmaatskappy werk.<\/p>\n

Sy meen sy het nog altyd \u2018n groot liefde vir mode, kleur en kuns gehad. \u201cEk onthou ek het \u2018n paar denimwighakskoene gehad toe ek vyf jaar oud was, en ek het oral daarmee gegaan \u2013 selfs op die plaas mee rondgehardloop. Ek het steeds \u2018n letsel op my been van die keer toe ek by die dam met daardie skoene geval het!\u201d<\/p>\n

Haar liefde vir die modebedryf het sedertdien net gegroei en sy het \u2018n tesis in haar honneursjaar oor die ervaring van aanlyn mode-inkopies in Suid-Afrika gedoen. Hoe gepas!<\/p>\n

 <\/p>\n

Karlien Meiring<\/strong> het meer oor hierdie veelsydige fashionista aan die stuur van @looks_bylilli<\/strong> gaan uitvind.<\/p>\n

 <\/p>\n

 <\/p>\n

1. Hoe sal jy jou persoonlike styl beskryf en waar kom j\u00f3\u00fa mode-inspirasie vandaan?<\/h4>\n

 <\/p>\n

Ek sal my styl as \u201cdopamine dressing\u201d beskryf. Dit verwys na enige uitrusting wat jou meer positief laat voel, hetsy dit baie kleurryk of klassiek is. Ek dink dis belangrik dat jy gemaklik en bemagtig moet voel in wat jy dra.<\/p>\n

Ek speel baie met kleur en verskillende kleurkombinasies so ek dink dit is eg aan my, maar ek hou daarvan om my opsies oop te hou andersins beperk ek myself. Ek hou dalk van colour blocking<\/em> vandag en m\u00f4re van \u2018n neutrale palet. So dalk is die woord wat my styl die beste opsom \u201cveelsydig\u201d.<\/p>\n

My ma was \u2019n mode-aankoper, en as kind het ek gereeld oor naweke saam met haar \u201cnet gaan kyk\u201d wat die nuwe style en klere in die winkels is. Baie van my modekennis kom van haar af en daarom sou ek s\u00ea s\u00fd is my mode-inspirasie. Ek kry ook baie inspirasie van sosiale media en dit wat om my aangaan. My gunstelingmense om op Instagram te volg, is Leonie Hanne<\/a> en Marta Sierra<\/a>. Hulle maak mode prettig en dis iets wat ek waardeer.<\/p>\n

 <\/p>\n

\n
\n

 <\/p>\n

\n
<\/div>\n
\n
<\/div>\n
<\/div>\n<\/div>\n<\/div>\n
<\/div>\n
<\/div>\n
\n
View this post on Instagram<\/div>\n<\/div>\n
<\/div>\n
\n
\n
<\/div>\n
<\/div>\n
<\/div>\n<\/div>\n
\n
<\/div>\n
<\/div>\n<\/div>\n
\n
<\/div>\n
<\/div>\n
<\/div>\n<\/div>\n<\/div>\n
\n
<\/div>\n
<\/div>\n<\/div>\n

 <\/p>\n

A post shared by LOOKS by Lilli | Fashion (@looks_bylilli)<\/a><\/p>\n<\/div>\n<\/blockquote>\n