{"id":130568,"date":"2020-05-27T10:41:27","date_gmt":"2020-05-27T08:41:27","guid":{"rendered":"https:\/\/novanews.co.za\/rooirose\/?p=130568"},"modified":"2020-05-27T10:41:27","modified_gmt":"2020-05-27T08:41:27","slug":"die-verlange-na-n-pa","status":"publish","type":"post","link":"https:\/\/novanews.co.za\/rooirose\/die-verlange-na-n-pa\/","title":{"rendered":"Die verlange na \u2019n pa"},"content":{"rendered":"

Die verlange na \u2019n pa deur Mariette Snyman. Foto Pexels<\/em><\/p>\n

 <\/p>\n

Gelukkig is die kind wat Vadersdag vier met \u2019n pa wat d\u00e1\u00e1r is. \u201c\u2019n Volle 65% van die kinders in Suid-Afrika word groot sonder \u2019n pa in die huis,\u201d s\u00ea Erna Rheeder, maatskaplike werker en ko\u00f6rdineerder van SAVF FAMNET. \u201cDie gemis wanneer \u2019n pa nie fisiek of emosioneel teenwoordig is nie, sny diep. Gesonde pa-energie is deurslaggewend vir kinders se sekuriteit en eiewaarde, en hul intellektuele, geestelike, emosionele en liggaamlike ontwikkeling. Navorsingsresultate wys dat kinders met betrokke pa\u2019s op al hierdie gebiede beter vaar. Dit wys ook dat 95% van alle mans wat tronkstraf uitdien sonder \u2019n pa grootgeword het \u2026<\/p>\n

\u201cHierdie skokstatistieke moet egter nie tot hooploosheid lei nie. Die afgelope tien jaar is daar \u2019n opbloei in die vaderskapsveld: die aantal werkers, organisasies, hulpbronne en algemene bewustheid bly groei. \u2018Gewone\u2019 mans kan \u2019n reuseverskil maak deur uit te reik na kinders met afwesige pa\u2019s wat hul pad kruis. Dis nie so moeilik nie. Dit kan informeel gebeur, of met die hulp van \u2019n organisasie wat hulle op mentorskap toespits. So word lewens verander!\u201d<\/p>\n

Lees ook: Pa-wees – is jy mans genoeg?<\/a><\/p>\n

 <\/p>\n

\"Die-verlange-na-n-pa-hande\"<\/p>\n

 <\/p>\n

Hoewel seuns en dogters \u2019n ewe groot behoefte aan positiewe manlike rolmodelle het, fokus hierdie artikel op maniere waarop mans as mentors vir seuns kan optree.<\/p>\n

\u201cDaar is vier vlakke waarop \u2019n pa afwesig kan wees,\u201d s\u00ea Jaco van Schalkwyk, stigter van The Character Company, \u2019n mentorskapsorganisasie met die slagspreuk Raising boys to be good men<\/em>. \u201cDie pa is oorlede; die kind weet nie wie sy pa is nie; die kind het min kontak met die pa; of die pa is fisiek teenwoordig, maar emosioneel afwesig. As die pa dood is, het die kind \u2019n sekere mate van closure<\/em>. In die ander gevalle glo die kind die fout l\u00ea by hom. \u2019n Agtjarige s\u00ea kwalik: \u2018Ek is \u2019n awesome<\/em> kind – my pa weet nie wat hy mis nie!\u2019 Nee, hy betwyfel dit dat hy sy pa se tyd en aandag waardig is, met noodlottige gevolge vir sy selfbeeld en identiteit. Dikwels tref die volle omvang van die verwerping hom eers later en knou dit hom lewenslank.<\/p>\n

 <\/p>\n

\"Die-verlange-na-n-pa-alleen\"<\/p>\n

 <\/p>\n

\u201cOns lewer so maklik kritiek op die jeug se \u2018gebrek aan morele waardes\u2019 of die ho\u00eb misdaadsyfer, maar ontleed selde die oorsake. Baie seuns word hoofsaaklik tussen vroue groot, tuis \u00e9n by die skool, sonder voldoende kontak met \u2019n toonbeeld van gesonde manlikheid. Geen ma kan hierdie funksie vervul nie.<\/p>\n

\u201cDikwels word kinders blootgestel aan toksiese manlikheid: mans wat sonder respek vir hulself, ander, en selfs die lewe optree. Dit skep \u2019n kultuur van angs en aggressie wat maklik oorvloei in geweld. Die slegte gevolge van \u2018pa-loosheid\u2019 begin op individuele vlak en kring uit na gemeenskappe. \u00c1lle woonbuurte en sosiale groepe word hierdeur geraak. Dis in elkeen van ons se belang om die afwaartse spiraal te stuit.<\/p>\n

\u201cMy ervaring van seuns wat die pad byster raak, het my aangevuur om The Character Company (TCC) te stig. Die verwonding uit my kinderjare met \u2019n pa wat daar was maar nooit regtig beskikbaar nie, dryf my ook. Ek is vas oortuig dat elke seun \u00e9n man \u2019n mentor nodig het wat gereeld met hom interaksie het – en nie net maande nie, maar jare lank beskikbaar bly. Ons MENtors <\/em>ontmoet \u2018hul\u2019 seuns weekliks en verbind hulle om onbepaald betrokke te bly. Dit gee die seuns \u2019n vaste fondament.<\/p>\n

 <\/p>\n

\"Die-verlange-na-n-pa-skottelgoed\"<\/p>\n

 <\/p>\n

\u201cNavorsers het bevind ma\u2019s speel in die eerste vyf jaar van \u2019n kind se lewe die grootste rol. Van vyf tot tien is die pa die belangrikste \u2013 ongelukkig baie keer juis die tyd wanneer pa\u2019s die korporatiewe leer uitklim. N\u00e1 tien jaar se\u00ebvier die ouderdomsgroep. Ons mentor seuns verkieslik vanaf vier of vyf, en hulle bly betrokke solank hulle wil.\u00a0 Ons het ook \u2019n big brother<\/em>-program waar ons van ons senior seuns mentor om ook mentors te word.\u00a0 Dis vir ons belangrik om \u2019n kultuur van mentorskap in ons samelewing te vestig.\u201d<\/p>\n

 <\/p>\n

Wie kan \u2019n mentor word?<\/h4>\n

\u201cBeslis nie net volmaakte mans nie! Baie voel huiwerig om hulle informeel beskikbaar te stel, byvoorbeeld vir \u2019n buurkind, of as deel van \u2019n program soos TCC. Jy het nie \u2019n sertifikaat nodig nie, net die wil om \u2019n kind se hand te vat en \u2019n heilsame pad met hom te stap. Jy neem nie die plek van die kind se pa in nie, maar speel \u2019n aanvullende rol.<\/p>\n

 <\/p>\n

\"Die-verlange-na-n-pa-braai\"<\/p>\n

 <\/p>\n

\u201cDit spreek vanself dat jy iemand is wat respek afdwing en jou tot die uitleef van sekere waardes sal verbind. Die geloofwaardige mentor is een wat kan erken dat hy self foute maak!<\/p>\n

\u201cBy TCC vorm vyf waardes die kern van wat ons doen:<\/p>\n