{"id":129985,"date":"2023-09-26T15:42:04","date_gmt":"2023-09-26T13:42:04","guid":{"rendered":"https:\/\/novanews.co.za\/rooirose\/?p=129985"},"modified":"2023-09-26T15:42:41","modified_gmt":"2023-09-26T13:42:41","slug":"die-beste-raad-vir-voetswamme","status":"publish","type":"post","link":"https:\/\/novanews.co.za\/rooirose\/die-beste-raad-vir-voetswamme\/","title":{"rendered":"Die beste raad vir voetswamme"},"content":{"rendered":"

Die beste raad vir voetswamme. Deur Salom\u00e9 Delport. Foto: Pexels<\/em><\/p>\n

 <\/p>\n

Hoe lyk voetswam op jou voete?<\/strong><\/h2>\n

Kyk bo-op, onder jou voetsole en tussen jou tone en kyk of jy blasies, knoppies, velletjies soos frummels, skubberigheid, \u2019n uitslag of selfs gaatjies sien. Baie dikwels jeuk of brand die uitslag.<\/p>\n

“En kyk gerus jou voete gereeld deur vir hierdie tekens, en maak dadelik \u2019n plan as jy selfs net \u2019n klein area raaksien wat anders lyk. Swamme kan geweldig hardnekkig wees. Dus, hoe vroe\u00ebr jy dit begin behandel hoe vinniger en makliker genees dit.”<\/p>\n

 <\/p>\n

Voetswamme moet dadelik behandel word<\/strong><\/h2>\n

Voetswamme maak nie dood nie, en daarom ignoreer die meeste van ons dit maar tot dit \u2019n krisis raak. Dit is egter \u2019n ernstige oordeelsfout, s\u00ea Philip – ‘n fout wat daartoe lei dat ons lewenslank met \u2019n chroniese probleem en verdere komplikasies kan bly sit.<\/p>\n

\u201cAs jy te lank wag kan dit chronies raak \u2013 en selfs onmoontlik raak om daarvan ontslae te raak. Besoek beslis \u2019n dokter sodra jy die eerste tekens sien of selfs net vermoed iets is fout.”<\/p>\n

Nog \u2019n rede om dadelik \u2019n plan te maak: hierdie swamme versprei baie maklik van jou voete na jou vingers, toon- en vingernaels (waar dit die naels verdik en verkleur), jou kopvel (waar dit kaal kolle veroorsaak) en ook na die klammer dele van jou vel, soos onder die borste en die lieste en geslagsdele.<\/p>\n

Boonop kan jy jou gesinslede aansteek.<\/p>\n

 <\/p>\n

Beteken voetswamme jy leef onhigi\u00ebnies?<\/strong><\/h2>\n

Nie noodwendig nie, s\u00ea Philip. \u201cHoewel party maniere van verspreiding met higi\u00ebne te doen het kan jy spore optel al leef jy higi\u00ebnies.\u00a0 Swamme versprei met spore\u00a0 – die rede waarom voetswamme maklik versprei en hardnekkig is wanneer hulle eers gevestig het.”<\/p>\n

“Jy kan spore met saadjies vergelyk \u2013 en hulle versprei net so maklik. Spore is ontsettend taai en oorleef lank in ongunstige omstandighede. Sodra hulle weer \u2019n warm, vogtige omgewing vind, \u2018ontkiem\u2019 hulle en gou-gou ontwikkel daar \u2019n hele kolonie swamme.”<\/p>\n

Jou voete bied \u2019n heerlike tuiste \u2013 knus in skoene of warm en beskut tussen en onder jou kleiner tone.<\/p>\n

 <\/p>\n

Swamme op jou voete weens skoene aanpas?<\/strong><\/h2>\n

Sowaar. Jy kan swamspore op baie verskillende maniere \u2018optel\u2019, s\u00ea Philip.\u00a0 “Een daarvan is deur skoene aan te pas wat deur iemand anders besmet is.\u201d<\/p>\n

Wie het al ooit in \u2019n winkel gevra dat skoene ontsmet moet word voor jy dit mag aanpas? As \u2019n mooi paar skoene jou oog vang pas jy dit aan \u2013 selfs al beplan jy nie eintlik om skoene te koop nie. Op \u2019n besige dag kon \u2019n dosyn mense voor jou ook daardie einste paar skoene aangepas het \u2013 en dink jy almal het seker gemaak hul voete is swamvry? As jy soos ek maak loop jy boonop vir so vyf minute met die skoene rond om te toets vir gemak. Dit is oorgenoeg tyd vir swamspore van \u2019n vorige aanpasser om jou voete as nuwe tuiste te beset.<\/p>\n

Philip voel dat die gebruike rondom die aanpas van skoene kan verbeter. Dit is doodeenvoudig onhigi\u00ebnies dat ons maar net klant na klant dieselfde skoene aanpas. Niemand word immers toegelaat om onderklere aan te pas nie.<\/p>\n

\u201cEk stel voor jy neem jou eie skoenspuitmiddel met \u2019n alkoholbasis saam en sproei die skoen se binnekant daarmee voor jy die skoene aanpas. Ontsmet beslis jou voete na elke aanpassessie, voordat jy weer jou voete in jou eie skoene terugsteek.<\/p>\n

 <\/p>\n

Ontsmet jy jul naelstelletjies?<\/strong><\/h2>\n

Dit laat ons dikwels na, s\u00ea Phillip. Jou naelknippers, naelvyl, buffer en sk\u00eartjie en voetskropborsel lyk mos skoon?<\/p>\n

\u201cSwamme, bakterie\u00eb en hul spore is so klein dat jy nie kan s\u00ed\u00e9n of jou naeltoerusting skoon is nie. Jy moet liewer aanvaar dit is ni\u00e9 skoon nie en elke item ontsmet. Doen dit ten minste een keer per maand \u2013 en selfs na elke gebruik as \u2019n gesinslid \u2019n voetswam opgedoen het. As iemand in die gesin \u2019n voetswam ontwikkel, ontsmet sy toerusting afsonderlik.<\/p>\n

Hoe keer jy voetswamme op \u2019n naelvyl, skropborseltjie of naelsk\u00ear?<\/p>\n

Dis maklik: laat al jou naeltoerusting vir \u2019n halfuur lank l\u00ea in bleikmiddelwater (1 tl bleikmiddel per koppie water). Of kook jou naeltoerusting vir 20 minute op die stoof.<\/p>\n

 <\/p>\n

Hoe kry \u2019n mens nog voetswamme?<\/strong><\/h2>\n

Van die plekke waar mense voetswamme tipies optel is:<\/p>\n