{"id":129852,"date":"2020-04-28T17:09:48","date_gmt":"2020-04-28T15:09:48","guid":{"rendered":"https:\/\/novanews.co.za\/rooirose\/?p=129852"},"modified":"2020-04-28T17:09:48","modified_gmt":"2020-04-28T15:09:48","slug":"margaret-se-wereld-netflix-se-hollywood-en-die-inperking","status":"publish","type":"post","link":"https:\/\/novanews.co.za\/rooirose\/margaret-se-wereld-netflix-se-hollywood-en-die-inperking\/","title":{"rendered":"Margaret se W\u00eareld: Netflix se Hollywood – en die inperking"},"content":{"rendered":"

Margaret se W\u00eareld:<\/a> Netflix se Hollywood – en die inperking deur Margaret Gardiner<\/em><\/p>\n

 <\/p>\n

Hierdie is vreemde tye wat jou baie oor jouself leer.<\/p>\n

Ek het geen vrees vir myself nie, maar ek is wel verskriklik bang dat my geliefdes iets kan oorkom.<\/p>\n

Vir die eerste keer sedert my ma se dood is ek dankbaar dat sy nie meer op die aarde is nie. Toe Amerika in die staat van #StayHome gegaan het, het ek dit omarm. Ek het vooruit beplan en stadigaan benodigdhede aangevul. Dit sou mos net twee weke wees. Ek was voorbereid vir \u2019n maand.<\/p>\n

Ek het my familie en volgelinge op facebook gewaarsku sodat hul kon begin voorberei voordat paniekaankope ons getref het. Ek was gereed.<\/p>\n

Maar toe Suid-Afrika ook ingeperk is, het ek dit verloor.<\/p>\n

Lees ook: Margaret gesels met Mark Ruffalo oor sy nuutste film, moeilike tye, en hoekom oumas so spesiaal is<\/a><\/p>\n

Ek het begin vrees vir my mense. My familie. Toe Suid-Afrika. In LA het ek geweet wat aangaan en ek kon my omgewing begeer. Suid-Afrika was in stilte. My hart het gebloei oor die finansi\u00eble en gesondheids-tol wat die pandemie eis. Hoe sou die gewone mense dit hanteer? Hoe sou die townships<\/em> dit maak?<\/p>\n

My een suster het doodstil geraak en die ergste vrese het my oorweldig. Ek is deel van \u2019n geselsgroepie met voormalige Suid-Afrikaners en ek het my paniek oor die land met hulle gedeel.<\/p>\n

Na 48 uur van ondraaglike vrees het ek myself tot orde geroep en aan \u2019n les herinner wat ek onlangs geleer het. Jy kan slegs jouself beheer.<\/p>\n

So.<\/p>\n

Herlaai.<\/p>\n

Met die oog op die Paasfees het ek tonne eiers gekoop, want ek is mal oor sjokolade en eet omtrent \u2019n plak Cadbury\u2019s per dag.<\/p>\n

Ek het die eiers getel – daar was genoeg om my deur te sien.<\/p>\n

Toe hou ek op om bevogtiger te gebruik. Ek het geweier. Ek het glad nie in die spie\u00ebl gekyk nie. Ek het net opgehou. Gestort, Hare droogemaak. Aangetrek. Vermy die spie\u00ebl. Geeneen in my gesin het iets opgemerk nie. Maar toe, soos so dikwels tevore het die lewe eenvoudig ingegryp.<\/p>\n

Ryan Murphy, die skepper van Glee <\/em>het \u2019n nuwe Netflix-reeks – Hollywood<\/em><\/a>. Sou ek dit graag wou dek met YouTube-onderhoude? Ek het omtrent \u2019n jaar gelede \u2019n YouTube-kanaal begin waar ek gewoonlik my onderhoude met glanspersoonlikhede plaas, dikwels nadat ek dit vir rooi rose<\/em> gedek het, en soms iewers anders, of wanneer ek dit interessant genoeg gevind het.<\/p>\n

Maar nou met die koronavirus was daar geen TV-onderhoude nie. Die werk het opgedroog. So ek het maar voortgegaan en premi\u00e8res en foto\u2019s uit my verlede te plaas in YouTube-videos, om mense te vermaak en in hierdie tye te laat glimlag, sonder dat vogmiddels \u2019n rol hoef te speel.<\/p>\n

Maar as ek Hollywood<\/em> wou doen, sy program, sou ek op kamera wees en weer in die spie\u00ebl moet kyk.<\/p>\n

Eers het ek natuurlik na die show<\/em> gekyk.<\/p>\n

Om te s\u00ea dis soos niks anders wat jy al ooit gesien het nie, sou dit geringskat.<\/p>\n

Dit wys die donker kant van Hollywood. Die Harvey Weinstein-kant \u2013 vir mans en vroue. Daar is naaktheid. Daar is seks. Dit dek mag en geslag en ras. Dinge waaroor gawe mense nie graag praat nie. Maar eintlik onthul dit die vele maniere waarop mense mekaar seermaak, op klein of groot skaal, met of sonder opset. En<\/em> die maniere waarop mense mekaar ondersteun en dra.<\/p>\n

Lees ook: Pablo Picasso en die emosies wat sy werk ontlok<\/a><\/p>\n

Ek het \u2019n tyd gelede met Darren Chris gesels (hy het \u2019n Golden Globe en \u2019n Emmy gekry vir The Assassination of Gianni Versace: American Crime Story<\/em> en is \u2019n alumnus van Glee<\/em>), oor die frase wat almal in Hollywood seker al ten minste een keer moes aanhoor, (jy moet iets gee om iets te kan kry<\/em>), en jou desperaatheid sal bepaal of jy sal toegee of jou sal verweer.<\/p>\n

Darren Chris het die positiewe uitwerking van so \u2019n beperkte reeks (oor die moord op Versace) wat die donker kant erken en uitwys, en ook soos deesdae met die koronavirus mense saamsnoer rondom \u2019n saak.<\/p>\n

Ek hou van sy positiwiteit, maar daardie konsep van \u2018die een hand was die ander\u2019 is nie beperk tot Hollywood<\/em>, die show<\/em>, \u00f3f die industrie of self slegs vroue nie.<\/p>\n

Dis eintlik \u2019n magskwessie wat in die sakew\u00eareld ook hoogty vier, waar die immoreles met mag di\u00e9 sonder mag onder druk plaas, seksueel ook, op elke moontlike terrein.<\/p>\n

In Hollywood<\/em> kom dit net meer grafies aan die bod. Hierdie donkerder en ligter temas kom uit Hollywood se Goue Eeu en daar word \u2019n bietjie vry omgegaan met die feite om te besin daaroor hoe die w\u00eareld daar sou uitsien as die beste persoon vir die werk dit sou kry en mense se liefdeslewens glad nie sou saak maak nie.<\/p>\n

Die kostuums is ongelooflik en alhoewel daar temas was waarop ek graag met die akteurs sou wou uitbrei, sou dit beteken dat ek weer my tydelike teensin in vogroom sou moes oorkom en weer in die spie\u00ebl sou moes kyk om die YouTube-onderhoude vir \u00a0Netflix se Hollywood<\/em> te kon doen.<\/em><\/p>\n

Dit was my eerste uitdaging.<\/p>\n

Die tweede een was dat ek nooit van die huis af werk nie.<\/p>\n

Dis my veilige hawe, en hier moes ek nou op kamera verskyn tydens inperking en dit dus deels blootstel. Vogroom \u00e9n die verlies aan privaatheid!<\/p>\n

Ek besluit toe op \u2019n stil area voor \u2019n natuurfoto deur Tami Walker wat ek op my laaste reis na Afrika gekoop het. \u2019n Stil hoekie wat nie te veel ontbloot het nie. Die swart en wit foto, \u2019n paar kieries, Afrika-kuns. Behalwe.<\/p>\n

Toe ons die eerste virtuele toets doen – geen internet in daardie spesifieke area nie \u2013 waarskynlik geblokkeer deur die dubbelskoorsteen in die middel van ons huis. Met \u2019n tegniese span op my skootrekenaar gaan sit ek op die eerste plek met die beste konneksie en maak die konneksie oop om die afstandsvideo te toets – net om myself op die skerm te sien, nabyskoot, sonder grimering, en sonder vogroom min of meer sedert die aanvang van die inperking begin het.<\/p>\n

My. Liewe. Aarde.<\/p>\n

Ek dink vogroom werk soos koekbak.<\/p>\n

Jy kan ongelukkig nie bloot al die bestanddele in die oond gooi en vyf sekondes later \u2019n koek verwag nie. Die vog moet eers in die vellae opgeneem word!<\/p>\n

En my hare het al begin met hul terugtog na hul oorspronklike donkerder wortels! Ek het \u2026 Goeie genade!<\/em> Ek het ingestem om op kamera te gaan en kon nie nou skielik omdraai en s\u00ea: Hierdie weergawe van my staan my nie aan nie.<\/p>\n

En!!!<\/p>\n

Sjoe – my man moet my waarlik liefh\u00ea(?!) \u2013 om niks te s\u00ea oor sy vrou se transformasie gedurende die koronavirus nie.<\/p>\n

N\u00e1 die toets het ek oorgeglip en \u2019n soen op sy wang gegee om dankie te s\u00ea dat hy my binneste liefhet, nie net die uiterlike nie. Ek is direk boontoe om vogroom aan te wend – die Clarins Double Serum wat ek net voor inperkingstyd ontdek het. Ek het dit gul aangewend en \u2019n lang, luilekker bad geneem, my vel afgeskilfer en nog \u2018n keer vogroom aangewend.<\/p>\n

Ek het in die spie\u00ebl gekyk en gelag.<\/p>\n

Weer vinnig gekyk en laggend weggekyk.<\/p>\n

Niks wat ek aan my hare kon doen nie \u2013 dalk moet ek maar weer \u2019n brunet word.<\/p>\n

En sowaar, daar is die vel weer mooi opgeplomp.<\/p>\n

Om eerlik te wees, ek kon nie minder omgee nie.<\/p>\n

Lees ook: 3 dinge wat ek vanjaar gaan omhels<\/a><\/p>\n

Ek het die reeks gekyk. Dit het heerlike vet, lang gesprekke aan die gang gesit. The Big Bang Theory<\/em>\u00a0 se Jim Parsons is daarin soos jy hom nog nooit gesien het nie. Hy is so \u2019n aaklige karakter \u2013 en ek wou hom daaroor uitvra.<\/p>\n

Laura Harrier van Spiderman: Homecoming<\/em> is ook daarin, asook \u2019n hele klomp ontluikende kunstenaarstalent wat jy nie ken nie.<\/p>\n

O, en Dylan McDermott van The Practice<\/em> is daarin en het Clark Gable as inspirasie vir sy rol gebruik \u2013 en hy is briljant.<\/p>\n

Hulle het almal uitgewei oor hoe hulle #StayHome hanteer: vrolik, opgewek – en van Dylan se kant af, diep selfondersoek.<\/p>\n

Jeremy Pope het \u2019n storie vertel van Kim Kardashian! Ek het niks ges\u00ea daaroor dat ek vogroom vermy het nie of dat ek bevrees was oor die my land wat deur soveel pyn moet worstel en lyk of hulle dit soveel beter regkry as die magtige Amerka.<\/p>\n

Hoera Suid-Afrika. Hoera Cyril.<\/p>\n

Bly tuis. Kyk \u2019n reeks \u2013 hierdie een verskyn in Mei.<\/p>\n

Dis tyd om te bieg: ek is mal oor julle almal.<\/p>\n

ASSEBLIEF \u2013 Bly veilig.<\/p>\n

 <\/p>\n