{"id":129666,"date":"2020-04-23T14:18:55","date_gmt":"2020-04-23T12:18:55","guid":{"rendered":"https:\/\/novanews.co.za\/rooirose\/?p=129666"},"modified":"2020-04-23T14:18:55","modified_gmt":"2020-04-23T12:18:55","slug":"anys-rossouw-oor-die-industrie-van-hoop","status":"publish","type":"post","link":"https:\/\/novanews.co.za\/rooirose\/anys-rossouw-oor-die-industrie-van-hoop\/","title":{"rendered":"Anys Rossouw oor die industrie van hoop"},"content":{"rendered":"

Anys Rossouw oor die industrie van hoop deur Mariette Snyman. Foto van Anys verskaf. Ander foto’s van Pexels<\/em><\/p>\n

 <\/p>\n

1. Anys, baie mense kry sielkundige hulp. Watter voordele hou dit in?<\/h4>\n

Ek werk in die industrie van hoop<\/strong><\/em>.<\/p>\n

Sielkundige terapie is \u2019n belangrike tool<\/em> in my industrie. Dit bied mense \u2019n veilige omgewing waar hul nie geoordeel word nie, maar gehoor en verstaan word om dikwels dinge wat hul geluk en optimum funksionering steel te verander.<\/p>\n

Dit gee mense tyd en \u2019n ruimte om \u00a0mindfully<\/em> te reflekteer, na te dink en meestal verrassend te beleef watter wonderlike moontlikhede en sterktes in hul eie persoonlikheid en situasie is. So oorkom hulle moeilike dinge in hul verlede en hede, en ontwikkel strategie\u00eb en hanteringsmeganismes om vir hulle \u2019n beter toekoms te skep. Vir baie mense is dit \u2019n uitlaatklep en beteken dit baie om net hul storie met iemand te kan deel en te ervaar \u201cek is nie meer alleen hiermee nie.\u201d<\/p>\n

Sielkundige hulp gaan oor baie meer as mense met probleme.<\/p>\n

Dit help ook mense om doelwitte te stel, en duidelikheid te kry oor wat hulle in hul lewe en verhoudinge wil h\u00ea. Dit fokus daarop om emosioneel en in terme van dinge soos kommunikasie-vaardighede te ontwikkel, wat dit makliker maak om te kan doen en wees soos hulle graag wil. Dit maak nuwe deure oop en laat hulle anders doen en dink as hulle die moeilike dinge in hul lewe konfronteer en ervaar dat daar hoop en planne is.<\/p>\n

Luister ook na ons gesprekke met Anys oor hoe om beter tydens die inperking te “cope<\/em>“:<\/p>\n

Hinder “lockdown<\/em>” jou? Hanteer dit so<\/a><\/p>\n

Raad om vrese en frustrasies tydens die inperking en COVID-19-pandemie te verminder<\/a><\/p>\n

Kommunikasie en konflikhantering tydens die inperking en “social distancing”<\/em><\/a><\/p>\n

Raadop met jou kinders? Ons het raad<\/a><\/p>\n

 <\/p>\n

\"Anys-Rossouw-oor-die-industrie-van-hoop-anys\"

Anys Rossouw oor die industrie van hoop<\/p><\/div>\n

<\/h4>\n

 <\/p>\n

2. Wat is jou benadering as sielkundige?<\/h4>\n

Ek werk vanuit \u2019n positiewe sielkunde en gefokusde oplossingsbenadering sodat kli\u00ebnte so gou as moontlik kan kom waar hulle graag in hul lewens wil wees.\u00a0 Ek glo dat mense die potensiaal en innerlike sterkte het om aanpassings te maak, te kan verander, ontwikkel en groei.<\/p>\n

Die eerste tree na \u2019n goeie m\u00f4re begin dalk klein, maar vandag. Dan is nuwe moontlikhede en ervaringe om die draai …<\/p>\n

Lees ook: Hoe om positief tydens die inperking te bly en dit as \u2019n tyd vir heling en groei te sien<\/a><\/p>\n

\u00a0<\/strong><\/p>\n

3. Jy skryf al lank sielkunde- en reisartikels vir rooi rose<\/em>, in die tydskrif self en op novanews.co.za\/rooirose<\/a><\/h4>\n

Ja, my eerste artikel het ek in 1996 geskryf!<\/p>\n

Ek skryf egter van 2002 af gereeld vir rooi rose<\/em>. Skryf is vir my \u00a0wonderlik stimulerende ervaring, wat vir my baie bied.\u00a0 Ek hou van die kreatiewe proses van skryf.\u00a0 Dis werk, maar beslis vir my ontspanning, ontwikkeling en persoonlike groei.<\/p>\n

Dit help my in my werk as sielkundige om my gedagtes oor sekere onderwerpe op skrif te orden en te formuleer, werklik daaroor na te dink, en weer na te lees.<\/p>\n

\"Anys-Rossouw-oor-die-industrie-van-hoop-hart\"

Foto Pexels<\/p><\/div>\n

4. Watter mense is na aan jou hart?<\/h4>\n

My man, kinders, skoonkinders en kleinkind.\u00a0 En dan ons groter kosbare, getroue ondersteuningstelsel van naby vriende, vriendinne, ander familielede en kollegas.<\/p>\n

 <\/p>\n

5. Wat het die lewe jou geleer?<\/h4>\n

Dat die lewe tog goed is, al gebeur skrikwekkende dinge soos ons oudste kind se skielike dood drie jaar gelede.<\/p>\n

Dat mense belangriker as dinge of prestasies is en dat daar mense is wat werklik omgee en daar is vir jou.<\/p>\n

Dat om te vra waarom<\/em> en te fokus op wat jy verloor het, geen sin het nie en jou nog die baie wat jy steeds het, kan laat mis of selfs verloor.<\/p>\n

Dat weerstand teen wat ek nie kan verander nie, my en ander mense se geluk steel.<\/p>\n

Geluk is nie eendag nie, maar iets wat ek nou en hier elke dag oomblik vir oomblik vir myself en my geliefdes moet skep.<\/p>\n

Daar is dikwels geleenthede en goedheid waar ek dit nie verwag of op aanspraak kan maak nie.<\/p>\n

Dat vrede vryheid is om te wees en ander te laat wees.<\/p>\n

\"Anys-Rossouw-oor-die-industrie-van-hoop-rugsak\"

Foto Pexels Anys Rossouw oor die industrie van hoop<\/p><\/div>\n

6. Jy is gek na reis. Wat is dit omtrent reis wat jou trek?<\/h4>\n

Soveel dinge: Die opwindende beplan en dan ontdek van nuwe plekke, mense, kulture, kosse, smake, reuke, musiek, argitektuur, geskiedenis, kulture … ander maniere van doen, dink en wees, wat my gees en perspektief verruim. Dit vul my met verwondering en dikwels met dankbaarheid vir wat ek het en beleef.<\/p>\n

Ek en my man se reise behels dikwels lang afstandstaptogte iewers in \u2019n ander land of op \u2019n ander kontinent.\u00a0 Ons stap meestal meer as 100km tot selfs 200km of meer oor \u2019n tydperk van \u2019n week tot 10 dae dag vir dag met ons rugsakke.\u00a0 Ons probeer om elke aand in \u2019n ander dorpie in \u2019n gastehuis of pension te slaap. Dis \u00a0stadige, dieper kyk, dieper ervaar, deelword en inaseming van \u2019n plek en sy mense met hul gewoontes en kultuur.<\/p>\n

 <\/p>\n

7. Hoe hou jy jou gees gesond?<\/h4>\n

Ek omring my met positiewe en liefdevolle mense en probeer moeite maak met die belangrike verhoudinge in my lewe.<\/p>\n

Ek en my man drink elke aand \u00a0whiskey en gesels kopstukke.<\/p>\n

Ek probeer om tevrede-dankbaar te wees vir wat ek het en om klein dingetjies en oomblikke te waardeer en te geniet.<\/p>\n

Ek vind sin, stimulasie en bevrediging in my werk.<\/p>\n

Ek probeer \u00a0balans vind tussen werk en speel deur regtig te beplan en tyd te maak vir tye van rus, vakansie, wegbreek, geniet en kuier saam met ons kinders en vriende.<\/p>\n

Ek is deel van groepe mense wat my stimuleer en waar ons plesier vind, soos by ons boekklub.<\/p>\n

Ek lees, skryf, oefen, stap gereeld, werk in die tuin en speel met en geniet my dierbare kleinkind.<\/p>\n

Anys Rossouw: tel. 012 460 7366<\/p>\n

 <\/p>\n

Luister na ons gesprekke met Anys – klik op die pienk speelknoppie om te begin luister. Dis gratis en jy kan enige tyd daarna luister.<\/p>\n