{"id":128441,"date":"2020-04-02T16:42:22","date_gmt":"2020-04-02T14:42:22","guid":{"rendered":"https:\/\/novanews.co.za\/rooirose\/?p=128441"},"modified":"2020-04-03T09:45:21","modified_gmt":"2020-04-03T07:45:21","slug":"in-ander-nuus-deur-ilse-salzwedel","status":"publish","type":"post","link":"https:\/\/novanews.co.za\/rooirose\/in-ander-nuus-deur-ilse-salzwedel\/","title":{"rendered":"In ander nuus … deur Ilse Salzwedel"},"content":{"rendered":"

In ander nuus … deur Ilse Salzwedel.\u00a0<\/em><\/p>\n

 <\/p>\n

 <\/p>\n

In ander nuus \u2026 deur Ilse Salzwedel<\/h4>\n

As jy soos ek is, voel dit seker nou al of jy \u2018n oordosis van Covid-19<\/a> gehad het.<\/p>\n

Nie net al die feite waarmee ons gepeper word nie, maar ook die nimmereindigende fopnuus, grappies (gelukkig is die meeste nogal snaaks!) en al die raad wat oral rondvlieg oor alles van kinders besig hou<\/a> tot kophou<\/a>.<\/p>\n

Terloops, my enigste wenk om kop te hou is eenvoudig: vermy sosiale media, of filter dit baie<\/em> goed \u2013 op die manier vermy jy negatiewe mense, al die beterweters \u00e9n fopnuus, drie goed wat nie een van ons op hierdie stadium nodig het nie.<\/p>\n

Hierdie blog gaan nie n\u00f3g raad vir lockdown<\/em> uitdeel nie.<\/p>\n

Maar maak beslis seker dat jy gereeld \u2018n draai op ons webwerf maak vir goeie leesstof, lekker resepte en hope inspirasie tydens grendeltyd.<\/p>\n

Vandag is dag 7 van lockdown,<\/em> en ek dink nou al ses dae oor watter invalshoek die meeste aanklank sal vind by rooi rose<\/em>-lesers.<\/p>\n

Toe besluit ek om drie goed met julle te deel wat my ge\u00efnspireer het en bietjie gedwing het om asem te skep die afgelope paar dae.<\/p>\n

Want ja, as jy \u2018n vrou en \u2018n ma is, is lockdown<\/em> beslis nie \u2018n tyd vir leegl\u00ea op die rusbank nie. Dit voel eintlik of ek harder werk as voorheen, en ek is seker by jou is dit ook die geval.<\/p>\n

Ek hoor by vriendinne hoe baie base die volle pond vleis verwag (en sommer \u2018n ekstra paar gram, net om te verseker dat jy nie dalk verveeld is nie \ud83d\ude44 ). Dan is daar kos om te maak, wasgoed om te was, huise om skoon te maak en tuine om in stand te hou \u2013 sonder hulp. Boonop is baie van ons nou skielik onderwyseresse ook!<\/p>\n

Ek het nog altyd gespot dat ek nie tuisonderrig sal kan doen nie, want my kinders gaan dit dalk nie oorleef nie, en voila! Skielik besluit die universe<\/em> ons almal moet dit minstens een maal in ons lewens probeer!<\/p>\n

Gelukkig is my jongste in matriek en kan ek hom in elk geval met min help, maar my hart bloei vir ma\u2019s met jonger kinders en skooltake en uitgewerkte lesplanne.<\/p>\n

\"\"

In ander nuus … deur Ilse Salzwedel iStock\/Vivali In ander nuus … deur Ilse Salzwedel<\/p><\/div>\n

Tussen al die honderde nuusbrokkies en WhatsApps en dinge deur was daar die afgelope week drie pragtige video\u2019s wat my laat nadink het oor die \u201cnuwe\u201d normaal wat meer as die helfte van die mensdom tans beleef. Dit wys dat nie eens \u2018n tyd soos wereldwye inperking en \u2018n gevreesde virus \u00a0kreatiwiteit en vreugde kan keer nie. Ons het steeds baie om voor dankbaar te wees (\u2018n ordentlike\u00a0 dak oor jou kop, kos in jou kaste, gesondheid, \u2018n werk, familie en vriende, jou tuin), en daar gebeur steeds baie mooi en inspirerende dinge in die w\u00eareld daar buite. Al gebeur dit ook nou op nuwe maniere (dankie tog vir slimfone!)<\/p>\n

Musiek bly vir my een van die lekkerste maniere om van die alledaagse te ontsnap, en hierdie musiek is nie net mooi om na te luister nie \u2013 kyk gerus ook na al die verskillende gesigsuitdrukkings van die kunstenaars in isolasie.<\/p>\n

En as jy kan, luister met oorfone, wat jou boonop \u2018n lekker verskoning gee oor hoekom jy nie kon hoor wat jy van plan is om te maak vir ontbyt\/middag\/aandete nie.<\/p>\n

(Terloops, nog \u2018n uitstekende rede om sommer heeldag oorfone in jou ore te h\u00ea, is ons lekker podsendings \u2013 gaan loer gerus hier<\/a> ).<\/p>\n

Die Internasionale Operakoor (Coro Internazionale Lirico Sinfonico) van Itali\u00eb was een van die eerstes wat besluit het om hulle musiek digitaal op te neem om die w\u00eareld te inspireer. Soos jy waarskynlik weet, is Itali\u00eb een van die lande wat die swaarste getref word deur COVID-19 (met 13 155 sterfgevalle en meer as 110 000 infeksies terwyl ek hier skryf).<\/p>\n

Medici is in \u2018n styd teen lewe en dood gewikkel, en die land se mense is sedert 9 Maart in nasionale kwarantyn (wat basies op dieselfde neerkom as ons inperking.)<\/p>\n

La Scala, die w\u00eareldberoemde operahuis in Milaan, was een van die eerste openbare plekke in die land wat reeds voor inperking gesluit is nadat personeellede positief getoets het vir die virus. Vir die passievolle Italianers moes dit \u2018n swaar slag wees \u2013 opera en musiek is so eie aan hul leefstyl soos pasta en goeie wyn.<\/p>\n

Nadat die inperking aangekondig is, het gewone Italianers hulle deure oopgegooi en vir mekaar Everything will be alright (Andr\u00e0 tutto bene)<\/em> gesing as teenvoeter vir die swaarmoedigheid.<\/p>\n

Die operakoor moes ook noodgedwonge al hulle repetisies en optredes staak, maar het besluit om die w\u00eareld as\u2019t ware na hulle huise te nooi om \u2018n bietjie hoop en vreugde te bring. Die Slawekoor uit Verdi se Nabuco is ook nie om dowe neute gekies nie, aldus die beskrywing by die video.<\/p>\n

Va\u2019 pensiero<\/em>, soos dit in Italiaans heet, is \u2018n belangrike deel van die Italiaanse geskiedenis en word deur baie Italianers beskou as \u2018n soort nie-amptelike volkslied. In die huidige stryd om lewe en dood waarin die land gewikkel is (wat ook \u2018n reuse impak op die ekonomie gaan h\u00ea) is die lied ook simbolies van die verlies aan vryheid, nes dit die geval was vir die Joodse slawe in Verdi se beroemde opera. Ek hoop jy geniet die video.<\/p>\n