{"id":126712,"date":"2020-02-25T14:00:58","date_gmt":"2020-02-25T12:00:58","guid":{"rendered":"https:\/\/novanews.co.za\/rooirose\/?p=126712"},"modified":"2020-02-25T11:00:24","modified_gmt":"2020-02-25T09:00:24","slug":"ons-lewe-in-n-franse-kasteel-hoofstuk-4","status":"publish","type":"post","link":"https:\/\/novanews.co.za\/rooirose\/ons-lewe-in-n-franse-kasteel-hoofstuk-4\/","title":{"rendered":"Ons lewe in \u2019n Franse kasteel: Hoofstuk 4"},"content":{"rendered":"

Ons lewe in \u2019n Franse kasteel: Hoofstuk 4 deur Sunita McDonald<\/em><\/p>\n

 <\/p>\n

Ons lewe in \u2019n Franse kasteel: Hoofstuk 4<\/h4>\n

Ch\u00e2teau de Capelle … \u2019n kasteel met 484 jaar se geskiedenis daaragter – en nou is ons ook deel van di\u00e9 interessante plek se toekoms.<\/p>\n

Dit maak ons harte warm om te sien hoe baie mense belangstel om die reis met ons mee te maak en te sien wat die toekoms vir \u2018haar’ inhou (ons verwys liefdevol na die kasteel as ons \u2018ou dame’). Sy is soos \u2019n ou edelvrou wat jare se gebeure in die w\u00eareld sien afspeel het en jou baie verhale kan vertel van gebeure lank v\u00f3\u00f3r jou geboorte.<\/p>\n

Haar storie begin lank voor enige van ons se eerste asemteug, maar sy bly ons verras met skatte wat ons \u2019n kykie in haar verlede kan gee. Die ontdekking van die ou briewe, skilderye en foto\u2019s die dag nadat ons die kontrak geteken het, het die agie in my laat wakker word.<\/p>\n

Die dokumente is almal tussen 80 en 130 jaar oud. Met my gehawende Frans<\/a> en die hulp van aanlynvertalings, het die briewe my begin help om \u2019n prentjie te vorm van die vorige eienaars en ons \u2018ou dame\u2019 se reis tot in die hede.<\/p>\n

Die kersie op die koek was egter toe die eiendomsagent \u2019n groot kartondoos vol briewe aan ons oorhandig het die dag nadat ons die sleutels ontvang het.<\/p>\n

\"Ons

Ons lewe in \u2019n Franse kasteel: Hoofstuk 4<\/p><\/div>\n

Hierdie briewe is nog ouer, maar in verbasende goeie toestand \u2013 hulle is in die 1700\u2019s geskryf toe Koning Louis XVI die koning van Frankryk was en sy tuiste die Paleis van Versailles was. Van hierdie briewe is in Versailles geskryf en na Ch\u00e2teau de Capelle gestuur.<\/p>\n

In 1997 het my Ouma saam met my tannie-hulle in Europa gaan reis vir haar 80ste verjaarsdag. Die Paleis van Versailles was een van haar gunstelingplekke en sy het tydens haar besoek \u2019n boek daar gekoop met foto\u2019s en die geskiedenis van Versailles. As tiener het ek vir ure saam my ouma gesit en blaai deur die boek en gedroom oor die pragtige plekke wat sy gesien het.<\/p>\n

Nooit het ek egter kon dink dat ek briewe sou hanteer wat namens die koning vanaf die einste paleis na Ch\u00e2teau de Capelle gestuur is nie. Ek wens ek kon dit deel met my wonderlike oumatjie maar sy het reeds so vyf jaar gelede haar engelvlerke gekry en vertrek.<\/p>\n

Die handgeskrewe briewe is so moeilik om te ontsyfer (en met di\u00e9 dat dit in Frans is, nog moeiliker!), dat ek besluit het om hulp in te roep. Ghislaine Couvillat het gekom asof sy gestuur is!<\/p>\n

Ghislaine is \u2019n Franse vrou, die vervaardiger van die aksiefilm \u2018Savage Waters\u2019 (die regisseur is toevallig ook \u2019n Suid Afrikaner) en sy het \u2019n voorliefde vir geskiedenis en genealogie. Sy het my tot dusver vreeslik baie gehelp met navorsing, onsyfering en vertaling oor die verloop van die geskiedenis.<\/p>\n

\"Ons

Ons lewe in \u2019n Franse kasteel: Hoofstuk 4<\/p><\/div>\n

Tot dusver het ons uitgevind dat Ch\u00e2teau de Capelle in die laat 1700\u2019s die tuiste van ene Baron de Sauvan was. Dit blyk dat hy \u2019n persoonlike lyfwag van Koning Louis XVI was tydens die Franse Revolusie.<\/p>\n

Briewe tussen die De Beauvau’s (\u2019n baie belangrike adellike familie) en die De Sauvan\u2019s suggereer dat daar \u2019n hegte vriendkap tussen die twee families was. Die De Beauvau familie het die titel \u2018Cousins du Roi<\/em>‘ gehad (nefies\/niggies van die koning) wat beteken dat hulle deel was van die koninklike binnekring. Die De Sauvan stamboom het ook skakels met die koninklike familie gehad – Koningin Marie de Medici was \u2019n lid van hul voorgeslag.<\/p>\n

Een interessante brief is geskryf deur Baron de Sauvan en geadresseer aan \u2018Mademoiselle de Sauvan’, sy \u2018dogter\u2019, wat in \u2019n klooster geloseer en skool gegaan het. Die familie-stamboom verwys egter nie na \u2019n dogter nie, maar wel \u2019n seun met \u2018Camille’ as tweede naam. Die koninklikes en enige lid van die adelstand se lewens was in gevaar tydens die revolusie. Ons vermoed dat die jong seuntjie as \u2019n dogter vermom is sodat hy in die veiligheid van die klooster by die nonne kon skuil, maar het nog nie feite om dit te staaf nie.<\/p>\n

Die straat waarop Ch\u00e2teau de Capelle staan se hedendaagse naam is Chemin de Capelle. Ons vind uit dat dit aanvanklik \u2018C\u00f4te de Sauvan\u2019 genoem was (na die baron se familie). Ons spoor ook die nageslag van die Sauvan familie op en hulle besit \u2019n pragtige kasteel sowat vier ure se ry van ons af.<\/p>\n

Markies d’Aramon en sy familie bewoon die kasteel en dit is sedert 1635 reeds in die Sauvan d’Aramon familie se besit. Ons sien opgewonde daarna uit om dit self te gaan besoek later die jaar.<\/p>\n\n\t\t