{"id":126497,"date":"2020-02-20T15:22:33","date_gmt":"2020-02-20T13:22:33","guid":{"rendered":"https:\/\/novanews.co.za\/rooirose\/?p=126497"},"modified":"2020-02-25T09:05:38","modified_gmt":"2020-02-25T07:05:38","slug":"style-vir-krulhare-wat-jy-nou-moet-dra","status":"publish","type":"post","link":"https:\/\/novanews.co.za\/rooirose\/style-vir-krulhare-wat-jy-nou-moet-dra\/","title":{"rendered":"Style vir krulhare wat jy nou moet dra"},"content":{"rendered":"

Style vir krulhare wat jy nou moet dra deur Suzanne Kotz\u00e9. Hooffoto: Wella<\/em><\/p>\n

 <\/p>\n

Krulle is in. Kyk net al die mooi style!\u00a0Beklemtoon gerus jou krulle en pak jou haaryster weg. Die geheim is ‘n goeie stilis wat jou, jou krulle en leefstyl verstaan. Lea, Rolanda en hul stiliste gee raad<\/p>\n

\"Krulle<\/p>\n

 <\/p>\n

 <\/p>\n

Die krullerige hofknapiestyl (pageboy) <\/em><\/h4>\n

\u201cDi\u00e9 klassieke snit het \u2018n groot terugkeer gemaak,\u201d s\u00ea\u00a0stilis Claudia Crooks van The Fox & Vixen<\/a>, Kaapstad.<\/p>\n

\u201cDie pageboy<\/em> word tradisioneel reguit gedra, maar die snit werk goed saam met krulle omdat die lyne van die snit meer gewig aan jou haarpunte gee, en dit help ook dat die krulle minder kroes en jou hare ook mooier hang,\u201d s\u00ea Wessel van Vat dit kop<\/em><\/a> toe<\/u><\/em> in Durbanville, Kaapstad. \u201cMaar die snit pas nie by alle gesigvorms nie en werk die beste saam met ovaal- of diamantvormige gesigte. Die kuif kan \u2018n ronde gesig baie rond laat lyk,\u201d s\u00ea Wessel.<\/p>\n

 <\/p>\n

 <\/p>\n

Rolanda Marais<\/h4>\n
\"Style

Style vir krulhare wat jy nou moet dra<\/p><\/div>\n

Dit is min dat \u2018n mens Rolanda met reguit hare sien. Toe haar stilis, Wessel van Vat dit kop toe<\/em><\/a>, haar hare in die pageboy-<\/em>styl gesny het, het hulle dit reguit gemaak en kyk net hoe mooi werk dit.<\/p>\n

Gelukkig werk dit ewe goed met krulle, want \u201cRolanda hou van maklike hare\u201d, vertel Wessel.<\/p>\n

Rolanda bieg: \u201cEk maak nie sommer my hare self reguit nie, dit is net reguit as ek by die salon was, of dalk voor \u2018n spesiale geleentheid.\u201d<\/p>\n

 <\/p>\n

 <\/p>\n

Hoekom werk die snit so goed by Rolanda?<\/h4>\n

Wessel: \u201cDie pageboy<\/em> raam haar gesig baie mooi. Rolanda is \u2018n vintage girl,<\/em> so \u2018n vintage-<\/em>styl pas haar baie goed. Dit is effens eksentriek, kunssinnig en dramaties en beklemtoon haar mooi wangbene.\u201d<\/p>\n

 <\/p>\n

 <\/p>\n

 <\/p>\n

Lea Vivier<\/h4>\n
\"Style

Style vir krulhare wat jy nou moet dra<\/p><\/div>\n

Krulkop Lea het besluit om 2020 met \u2018n nuwe styl te begin.<\/p>\n

\u201cWell, you only live once!<\/em> So toe sny ek vir my \u2018n kuif op my verjaarsdag terwyl ek en my sussie Trix vonkelwyn in die salon sit en drink,\u201d vertel Lea.<\/p>\n

Die styl (kuif ingesluit) is \u201cs\u00f3 maklik! Wash and go.<\/em> Letterlik. Belowe. Maar dis miskien net omdat ek \u2018n wash and go<\/em> tipe meisie is,\u201d s\u00ea Lea.<\/p>\n

\u201cDie klassieke hofknapiesnit het \u2018n groot terugkeer gemaak,\u201d s\u00ea Lea se haarstilis Claudia Crooks van The Fox & Vixen in Kaapstad. Tradisioneel is dit \u2018n presiese, reguit snit, maar dit werk ewe lekker vir krulhare.\u201d<\/p>\n

 <\/p>\n

Moet jy \u2019n kuif dra by die styl?<\/h4>\n

\u201c\u2019n Kuif is opsioneel, maar \u2018n krullerige kuif lyk mooi. Jy kan ook jou kuif reguit dra en die res van die hare krullerig. As jy nie lus is daarvoor nie, kam die kuif kant toe, of steek dit met \u2018n mooi knippie vas,\u201d s\u00ea Claudia. Jy kan ook ‘n kantkuif saam met krullerige haarstyle dra.<\/p>\n

 <\/p>\n

 <\/p>\n

Die reguit bob<\/h4>\n

Kyk net model Damaris Goddrie se mooi bob. \u2018n Bob wat lyk of die hare een lengte is, is nou modenuus.<\/p>\n

Met krulhare hoef jou hare natuurlik nie een lengte te wees nie, maar die meeste hare kan lyk of dit ewe lank is.<\/p>\n

Die lengte van die bob hang van jou gesigvorm af. Het jy \u2018n hartvormige gesig, werk \u2018n langer bob beter.<\/p>\n

\u2018n Ken-lengte bob pas goed by \u2018n langer gesig.<\/p>\n

As jou gesig rond is, kies \u2018n effens langer bob (maar steeds van jou skouers gelig).<\/p>\n

https:\/\/www.instagram.com\/p\/BySq0B9Cuo8\/<\/p>\n

 <\/p>\n

\n
\n
\n
\n
\n

Lob<\/h4>\n

Julia Roberts<\/h4>\n

Kyk net hoe mooi lyk Julia Roberts se golwende krulle in \u2018n lob (lang bob).<\/p>\n

Dit kan jou jare jonger laat lyk as jy jou hare effens korter op jou skouers sny! Dit raam jou gesig sagkens, en dit is ook \u2018n goeie snit om dunner hare (ja, dit gebeur ongelukkig namate ons ouer word) voller te laat lyk.<\/p>\n

Probeer om nie te veel lae in jou lob te knip nie, maar vra dat jou haarstilis vryhand knip om tekstuur te gee.<\/p>\n

Die stukke goudblonde kleur helder ook haar gesig op.\u00a0Onthou net: ligte kleur en bleikmiddel is geneig om krulle dro\u00ebr te maak, so maak seker jy gebruik een keer per week \u2018n haarmasker wat bevogtig, en kies produkte sonder alkohol, want dit sal jou hare nog meer uitdroog.<\/p>\n

 <\/p>\n

https:\/\/www.instagram.com\/p\/BynatE3lpTK\/<\/p>\n

Haarstilis Serge Normant het die oulike boomerang<\/em> gedeel.<\/p>\n

https:\/\/www.instagram.com\/p\/B3xn3zglLic\/<\/p>\n

Hier is Julia by Serge. Dis mos hoe jou verhouding met jou haarkapper moet wees! Veral as jy krulle het!<\/p>\n

https:\/\/www.instagram.com\/p\/B211NV2nX3z\/<\/p>\n

Effens ligter laat krulle mooi gedefinieer lyk en ‘n skouerlengte bob is ‘n goeie keuse, want jou krulle sal nie te swaar hang en hul vorm verloor nie. Subtiele lae help ook hiermee.<\/p>\n

 <\/p>\n<\/div>\n<\/div>\n

 <\/p>\n

\n
\n

Mooi kleur vir jou krulle<\/h4>\n
\"Style

Style vir krulhare wat jy nou moet dra<\/p><\/div>\n

Net soos dit in is om jou krulle (en persoonlikheid) te wys, is meer individualistiese kleur ook in. Wella Professionals beskryf hul Insta-Vintage-kleurversameling as byna soos ‘n Instagram-filter vir jou hare, wat steeds jou natuurlike kleur laat deurskyn.\u00a0\u00a0Rooikoppe se kleur word natuurliker, blonde skakerings word sagter en rokeriger, en donkerkoppe kan kies uit skakerings van ou hout of sagte amber.<\/p>\n

 <\/p>\n<\/div>\n

 <\/p>\n

\n

Rooi krulle<\/h4>\n

Die pragtige Britse rooikop-supermodel en musikant Karen Elson skroom nie om te s\u00ea dat sy haar fyn krulle, wat geneig is om donserig en kroes te wees, verpes nie. Dis moeilik om te glo as jy na haar hare kyk. Jare se hittestilering en pluiskam vir fotosessies het dit glo erger gemaak. Sy glo aan Virgin Coconut Oil en behandel haar hare daarmee.<\/p>\n

https:\/\/www.instagram.com\/p\/B2v8aHKl0lj\/<\/p>\n

https:\/\/www.instagram.com\/p\/B6rNQmDlwva\/<\/p>\n

 <\/p>\n<\/div>\n<\/div>\n<\/div>\n<\/div>\n<\/div>\n

 <\/p>\n

\n
\n
\n
\n
\n

Sorg so vir jou krulle<\/h4>\n
\n

“Die geheim vir mooi krulle is vog,” s\u00ea haarstilis Claudia Crooks. Droogheid kan meer kroes veroorsaak.<\/p>\n

Haar raad is:<\/p>\n