{"id":126210,"date":"2022-10-19T10:16:36","date_gmt":"2022-10-19T08:16:36","guid":{"rendered":"https:\/\/novanews.co.za\/rooirose\/?p=126210"},"modified":"2022-10-19T10:15:21","modified_gmt":"2022-10-19T08:15:21","slug":"dis-hoekom-jou-kind-meer-tyd-moet-kry-om-te-speel","status":"publish","type":"post","link":"https:\/\/novanews.co.za\/rooirose\/dis-hoekom-jou-kind-meer-tyd-moet-kry-om-te-speel\/","title":{"rendered":"Dis hoekom jou kind meer tyd moet kry om te speel"},"content":{"rendered":"

Dis hoekom jou kind meer tyd moet kry om te speel deur Anet Schoeman. Foto’s: Unsplash<\/em><\/p>\n

 <\/p>\n

 <\/p>\n

Speel-speel slim en gelukkig<\/h4>\n

Ouers besef nie altyd dat groot motoriese ontwikkeling die wegspringpunt vir die meeste ander breinontwikkeling is nie,\u201d s\u00ea Ren\u00e9 van Pletzen, \u2019n arbeidsterapeut. \u201cEn di\u00e9 ontwikkeling verbeter ook hul sosiale vaardighede.\u201d<\/p>\n

Lizette Brunner, \u2019n ervare onderwyseres vir voorskoolse kinders en graadeentjies, bestempel die gebrek aan goeie motoriese vaardighede ook as \u2019n struikelblok.<\/p>\n

Lees ook: Oulike aktiwiteite om kinders besig te hou hierdie vakansie<\/a><\/p>\n

\u201cOuers doen dikwels heeltemal te veel dinge vir hul kinders. Dit spruit gewoonlik uit \u2019n skuldgevoel omdat hulle voel hulle is min by die huis en dan wil hulle die pad vir die kinders gelyk maak wanneer hulle wel tuis is. Tog is huistakies die ideale manier waarop kinders verskeie vaardighede aanleer.<\/p>\n

\u201cKinders kan nie kruisbeen op die mat sit en na \u2019n storie luister nie, want hul spiertonus is te swak. Dan begin hulle vroetel en gee nie aandag nie. Handskrif is ook \u2019n groot deel van taalontwikkeling omdat kinders leer hoe \u2019n woord saamgestel word, maar as hulle nie \u2019n potlood reg vashou of kan beheer het nie, werk hulle stadig en geniet nie hul take nie omdat hulle so sukkel.<\/p>\n

\u201cKinders raak ook bitter gou moeg van regop sit omdat die skouergordel nie sterk genoeg is nie. \u2019n Agterstand op di\u00e9 vlak bring mee dat \u2019n kind nie sy werkies betyds kan voltooi nie, wat weer \u2019n negatiewe uitwerking op sy selfvertroue en selfbeeld het.\u201d<\/p>\n

Di\u00e9 kind begin al vroeg soos \u2019n sukkelaar voel en verloor later die dryfkrag om harder te probeer. Dit be\u00efnvloed ook sosiale interaksie met sy portuurgroep.<\/p>\n

\u201cOns sien dat kinders glad nie meer natuurlik fiks is nie. Hulle is uitasem as hulle net \u2019n klein entjie hardloop omdat hulle selde by die huis klouter, klim en hardloop.<\/p>\n

 <\/p>\n

\"\"<\/p>\n

 <\/p>\n

Dit is wel so dat ouers besig is, en dat min mense nog groot tuine het waar kinders kan rondhardloop, maar ouers kan planne maak om kinders meer aktief te kry.<\/p>\n

\u201cDikwels word kinders nie genoeg aangemoedig om aan spansport by die skool deel te neem nie. Dis gratis en geen rondryery is nodig nie omdat dit gewoonlik direk n\u00e1 skool plaasvind. Probeer dat kinders minstens aan een spansport deelneem. Dit leer hulle om in \u2019n groep te funksioneer – \u2019n noodsaaklike sosiale vaardigheid.\u201d<\/p>\n

 <\/p>\n

 <\/p>\n

Passiwiteit en sport<\/h4>\n

Die brein is veral aktief as jou lyf aktief is, en dus word breinontwikkeling so gestimuleer,\u201d s\u00ea arbeidsterapeut Ren\u00e9 van Pletzen van Durbanville.<\/p>\n

Kinders raak al hoe meer passief, en ongelukkig het dit ook \u2019n uitwerking op hul skolastiese prestasies en sosiale vaardighede. As jy passief sit en televisie kyk, is dit net jou o\u00eb en ore wat gestimuleer word.<\/p>\n

\u201cGroot motoriese ontwikkeling is uiters belangrik vir kruisbewegings en ko\u00f6rdinasie, maar ouers besef nie altyd watter groot rol dit in sosiale ontwikkeling speel nie. Kinders leer soveel sosiale lesse wanneer hulle aktief is en dis goed as ouers vir kinders van selfs net drie leer dat dit gesond is om aktief te wees.<\/p>\n

 <\/p>\n

\u201c\u2019n Ma was onlangs by my met haar jongste wat op skool sukkel met fyn motoriese ontwikkeling. Toe ek uitvra oor takies wat hy by die huis doen, was sy onthuts toe sy besef hoe sy en die twee ouer kinders alles vir die jongste doen omdat hy nog \u201cklein\u201d is. Sy\u2019t onthou hoe sy en die twee ouer kinders sokkies opgerol het, groente geskil het en baie huiswerkies gedoen het wat die jongste nooit doen nie.<\/p>\n

\u201cOns leef in \u2019n kitssamelewing waar kinders nie geleer word dat jy geduldig moet wees om \u2019n vaardigheid aan te leer nie. Sport leer jou dat jy beloon word vir die vasbyt en oefen voor die tyd. So leer kinders dat jy moet werk om beter te word. Dit verg deursettingsvermo\u00eb en uithouvermo\u00eb \u2013 albei eienskappe waarmee onderwysers deesdae sukkel.<\/p>\n

Kinders leer van wen en verloor en dat jy jou opponent moet gelukwens met \u2019n goeie vertoning – al het jy verloor. Ons het deesdae \u2019n spesiale fokus op skool waar ons kinders in die klas leer om maatjies te komplimenteer as hulle daardie dag \u2019n mooi tekening gemaak het, of iets reggekry het. So leer hulle dat jy elke keer \u2019n nuwe kans kry om te presteer en te wen. Skole gee ook pryse vir kinders wat goeie gedrag toon, soos wanneer \u2019n kind hom oor ander op die skoolgrond ontferm wat seergekry het. Dit moedig leierskapontwikkeling aan.<\/p>\n

\u201cEen van die ander groot probleme op skool is luistervaardighede,\u201d s\u00ea Ren\u00e9. \u201cOns w\u00eareld is baie visueel en kinders leer om op die visuele staat te maak. Ongelukkig beteken dit dat hulle nie maklik instruksies kan volg as hulle moet luister nie, want hul ouditiewe integrasie is swak. In sport moet hulle instruksies volg, soos \u2018gooi die bal vir Linda\u2019, of \u2018staan twee tree terug voor jy dien\u2019. Kinders leer ook om dadelik op instruksies te reageer – dus aktiewe luister.<\/p>\n

\u201cSport is ook die ideale omgewing vir verbale en nie-verbale kommunikasie sodat jy gevoelens kan waarneem. Kinders leer om hul opponent te \u2018lees\u2019 en dan daarop te reageer, soos dat \u2019n tennisspeler nie daarvan hou om by die net te speel nie, of dat sy senuagtig is. Dis belangrike vaardighede. Dit help kinders om die regte maatjies te maak, want hulle leer om te \u2018lees\u2019 watter maatjie op dieselfde golflengte as hulle is. Dis hoe jy konneksies maak en vriende word.<\/p>\n

 <\/p>\n

\u201cSosiale vaardighede kan net ontwikkel as jy met \u2019n siel (of mens) \u2019n konneksie maak, en dit kan nie op \u2019n skerm gebeur nie. Ek dink skole kan meer doen om kinders pouses aktief te kry. By een van die skole in die omgewing het hulle in \u2019n stadium sponsballe teen R10 verkoop. Die kinders het pouses alte lekker speletjies soos bok-in-die- hok en handbal gespeel, en omdat dit sponsballe was, kon niemand seerkry nie. Dis \u2019n wonderlike geleentheid vir kinders om pret te h\u00ea, maar terselfdertyd waardevolle vaardighede te ontwikkel.\u201d<\/p>\n

Ren\u00e9 sien in haar praktyk dat kinders se skolastiese prestasies verbeter wanneer hulle volgehoue meer aktief is, omdat die voordele op talle vlakke is.<\/p>\n

\u201cHierdie ontwikkeling dra by tot \u2019n kind se emosionele intelligensie wat hom werklik kan maak of breek, ongeag sy werklike intelligensie. Boonop verbeter dit hul kans om in selfstandige en verantwoordelike volwassenes te ontwikkel. Heelwat kinders sukkel deesdae met ho\u00eb vlakke van angs en ons sien merkwaardige verbetering wanneer hulle leer om dinge vir hulself te doen, soos hul bed opmaak en kamer regpak, want hulle voel dan meer in beheer. Gee vir hulle werkies en leer hulle die bevrediging daarvan om dit te voltooi.\u201d<\/p>\n

Wanneer albei ouers werk, is dit moeilik om daagliks met kinders aktief te wees. Daarom is dit belangrik om hulle by huistakies te betrek. Dit maak die lewe boonop vir jou makliker. \u201cMaar maak dit pret, en moenie ongeduldig raak as hulle stadig is nie. Laat hom toe om dinge maar effe skeef en krom te doen, en moenie inspring en die broodjie smeer as hy dit nie netjies doen nie. Begin dalk oor naweke wanneer jy nie saans haastig is om die aartappels geskil te kry nie!\u201d<\/p>\n

 <\/p>\n

\"\"<\/p>\n

 <\/p>\n

Die sleutelwoord vir enige aktiwiteit of sport moet pret<\/strong> wees.<\/p>\n

\u201cAs sport by die skool vir die kind regtig sleg is, hou aan soek, daar is \u2019n reuse-verskeidenheid waaruit julle kan kies. Bel\u00ea ook in eenvoudige maniere om tuis aktief te wees. Tafeltennis, vingerbord en snoeker is uitstekende en prettige speletjies. Net omdat jou kind nie \u2019n rugby- of netbalster is nie, beteken dit nie daar is nie iets wat sy gaan geniet nie. Dink aan boogskiet, jukskei, rolbal en veerpyltjies. Die geheim is om na die kind te kyk en te probeer ontleed wat sy sterk punte is en hoe jy op grond daarvan \u2019n aktiwiteit kan kies.\u201d<\/p>\n

Onthou net, balans is belangrik. As jy die sweep klap en kinders hard druk, kan hulle \u2019n renons in die sportsoort ontwikkel. Die fokus is op \u2019n gesonde lewenstyl \u2013 nie noodwendig sportsterre nie.<\/p>\n

Ren\u00e9 meen skole behoort kinders aan te moedig om meer te beweeg. \u201cEk weet van skole wat oor naweke die sportvelde vir kinders oopstel sodat ouers met kinders kan kom speel. Die meeste huise het nie meer groot tuine nie en baie kinders bly in komplekse met klein of geen tuine nie. Boonop is gemeenskaplike speelplekke prettig omdat daar maatjies is.\u201d<\/p>\n

Dis \u2019n werklikheid dat werkende ouers min tyd het. Verskillende ouerpare kan beurte maak om kinders by die skool te gaan haal en tuis af te laai, of selfs almal na haar eie huis neem en toesig oor die huiswerk hou. Die voordeel is dat jy weet jou kinders is versorg, en jy hoef dit nie elke middag te doen nie. Dit bied ook vir ouers meer tyd om saam met kinders deur te bring wanneer hulle by die huis kom.<\/p>\n

 <\/p>\n

Kry hulle aktief<\/h4>\n

Kinders is altyd mal oor die outydse partytjiespeletjies. Soek op die Internet na \u201cparty games\u201d en kyk watter oulike speletjies daar is.<\/p>\n

Ou gunstelinge:<\/p>\n