{"id":125913,"date":"2020-02-10T13:08:43","date_gmt":"2020-02-10T11:08:43","guid":{"rendered":"https:\/\/novanews.co.za\/rooirose\/?p=125913"},"modified":"2020-02-10T13:10:07","modified_gmt":"2020-02-10T11:10:07","slug":"renee-zellweger-onbreekbaar","status":"publish","type":"post","link":"https:\/\/novanews.co.za\/rooirose\/renee-zellweger-onbreekbaar\/","title":{"rendered":"Ren\u00e9e Zellweger – Onbreekbaar"},"content":{"rendered":"

Ren\u00e9e Zellweger – Onbreekbaar deur Margaret Gardiner. Hooffoto: Met vergunning van\u00a0Empire Entertainment Africa<\/em><\/p>\n

 <\/p>\n

 <\/p>\n

Margaret oor Ren\u00e9e Zellweger<\/h4>\n

Daar was \u2019n tyd toe Ren\u00e9e Zellweger se naam by elke lokettreffer uit Hollywood verskyn het. Sy het \u2019n Oscar en drie Golden Globes gewen en in 2007 was sy een van die hoogs betaalde aktrises in Hollywood.<\/p>\n

Kort n\u00e1 Bridget Jones\u2019s Baby in 2016 het sy stil-stil uit die openbare oog verdwyn. Sy s\u00ea sy het tyd gemaak om te studeer. Maar \u2019n mens kan nie help om te wonder of die kritiek n\u00e1 die laaste Bridget Jones-fliek haar besluit be\u00efnvloed het nie. Mense het haar voorkoms wyd bespreek en gekritiseer op die web, en al wat \u2019n naamlose trol was, het haar beskinder en afgebreek.<\/p>\n

Dit sal selfs die sterkste mens \u2019n rede gee om agter toe deure weg te kruip. Maar nou is sy terug. Sy verskyn in \u2019n TV-reeks genaamd What If. Maar noemenswaardiger is haar rol in Judy, waarin sy Judy Garland speel. En sy lewer uitmuntende spel. Sy vang die kwetsbaarheid en charisma van Judy vas en sing ook in die fliek.<\/p>\n

Maar Ren\u00e9e bly skrikkerig vir publisiteit. En die trolle kan seker nie wag om hul tande in haar in te slaan noudat sy terug is nie. Maar gelukkig kry sy dit reg om resensente se guns te wen. Sy het openhartig met rooi rose oor haar terugkeer na die silwerdoek gesels.<\/p>\n

Loer hier om Margaret se onderhoud met Ren\u00e9e Zellweger te sien oor aanlyntrolle, sosiale media en Judy Garland.<\/a><\/p>\n

\"Ren\u00e9e

Margaret en Ren\u00e9e Zellweger – Onbreekbaar<\/p><\/div>\n

 <\/p>\n

 <\/p>\n

Nadat ek Judy gesien het, kon ek\u00a0 nie help om jammer te voel vir Judy Garland nie. Soveel mense het \u2019n s\u00ea gehad in hoe sy lyk en optree. Het jy al dieselfde ervaring gehad, en wat het dit jou geleer?<\/h4>\n

Ja, natuurlik. Ek is \u2019n vrou en bly in Amerika (lag). En in Hollywood, veral, is jou voorkoms altyd onder bespreking. \u2019n Mens is nuuskierig oor die metamorfose wat akteurs vir sommige rolle ondergaan. Vir Judy was daar die verwagting dat sy altyd \u2019n foutlose optrede sou gee, ongeag haar ouderdom. En sy het dit tot aan die einde van haar loopbaan reggekry.<\/p>\n

In die destydse Hollywood het die ateljees vir akteurs voorgeskryf hoe hulle moet lyk en optree. As kinderster is sy met die ander kindersterre vergelyk en sy moes heeltyd probeer om in te pas by daardie prentjie wat van haar geskep is. Boonop word jy gedurig herinner aan hoe gelukkig jy is om in so \u2019n posisie te wees, so jy werk heeltyd uit \u2019n posisie van vrees. Ek kan my net indink hoe oorweldigend dit moes gewees het. Ek is nie so daarop gefokus in my eie ervaring nie, ek soek nie daarna nie, maar dis waarskynlik deel van \u2019n gesprek waarvan ek nie bewus is nie. Dis vir my \u2019n gesonder plek om nie daarvan bewus te wees nie.<\/p>\n

 <\/p>\n

 <\/p>\n

Noudat jy terug is, het jy steeds dieselfde passie vir toneelspeel? Is jy \u2019n beter aktrise as voorheen?<\/h4>\n

Ek weet nie of ek \u2019n beter aktrise is nie. \u2019n Mens hoop dat jou lewenservaring jou toneelspel sal be\u00efnvloed en verbeter. Ek is dalk beter daarmee om my reaksie op die nagevolge te bestuur. Ek het sterker grense. Vandat ek terug is, onthou ek hoekom ek dit so geniet het, maar ek voel nie dieselfde druk om aan sekere vereistes – wat my gedreineer het – te voldoen nie. Nou is dit vir my net werk en baie makliker om net op my toneelspel te fokus. Dis amper soos hoe dit was toe ek op universiteit flieks gemaak het. Dit gaan oor kreatiwiteit en die proses en om agter die karakter te verdwyn. Ek voel net gemakliker en vaster op my voete as voorheen.<\/p>\n

 <\/p>\n

 <\/p>\n

Het jy dieselfde passie vir toneelspeel?<\/h4>\n

Ek het nooit die passie vir toneelspel verloor nie. Ek is mal daaroor om saam met \u2019n klomp mense aan iets te werk, en om hopelik \u2019n gemeenskaplike doel te bereik.<\/p>\n

 <\/p>\n

 <\/p>\n

Hoe bestuur jy jou persoonlike lewe tussen die roem en die werk?<\/h4>\n

Wel, ek doen dit nie. Ek het nog nooit aan die roem-ding deelgeneem nie. Dit het rondom my gebeur. Ek het vroeg geleer dat daar geen punt is om daaraan deel te neem nie, want jy het nie beheer daaroor nie. Mense sal skryf en dink wat hulle wil. Dit is nie my werk nie, en ek stel nie daarin belang nie.<\/p>\n

 <\/p>\n

 <\/p>\n

Jy is ook nie op sosiale media nie?<\/h4>\n

Nee.<\/p>\n

 <\/p>\n

 <\/p>\n

Hoe hanteer jy emosionele pyn en stres?<\/h4>\n

Ek weet nie waarvan jy praat nie (lag)! Ek hardloop. Ek hardloop baie. Ek het eenkeer hierdie fantastiese advertensie gesien van \u2019n meisie wat hardloop met al hierdie woorde wat agter haar gelos word: Stres. Moegheid. Werk. Angs. Jy weet, alles wat probleme veroorsaak. Dit was pragtig en dis hoe ek oor hardloop voel. Ek bedink en verwerk alles wat my pla wanneer ek hardloop. Dit werk vir my.<\/p>\n

 <\/p>\n

 <\/p>\n

Wanneer laas het jy iets in jou lewe bevraagteken?<\/h4>\n

Vanoggend. Maar jy bedoel groot goed? Die ding is, ek glo dat selfs klein besluite \u2019n groot uitwerking op \u2019n mens se lewe kan h\u00ea. Of jy links of regs draai by \u2019n stopstraat, kan \u2019n groot invloed h\u00ea. Jy kan in enige stadium iemand ontmoet wat jou lewe gaan verander. Jy weet nooit wat kan gebeur nie. Maar ek probeer om nie te veel daaroor te tob nie. Ek probeer om in die oomblik te wees. Dis goed om vooruit te dink en te beplan, maar jy kan nie alles beheer nie. Dis ook goed om te dink voor jy iets s\u00ea.<\/p>\n

\"Ren\u00e9e

Foto: HFPA 2019 Grants Dinner
Ren\u00e9e Zellweger – Onbreekbaar<\/p><\/div>\n

 <\/p>\n

 <\/p>\n

Watter rol speel musiek in jou loopbaan?<\/h4>\n

Sonder musiek kan ek nie my werk doen nie. Dis \u2019n behoefte. Musiek raak my emosies en omgewing. Musiek vat my na \u2019n plek toe wat my help om my karakter se emosies uit te beeld. Ek luister na musiek terwyl ek by die werk is sodat ek op dieselfde emosionele vlak kan bly waar die karakter is. Ek het dit ook nodig in my persoonlike lewe. Musiek is vir my soos kleur. Dis \u2019n medium wat almal verstaan, en dit is regstreeks aan my hart verbind.<\/p>\n

 <\/p>\n

 <\/p>\n

Wat het jy onlangs gelees wat jou be\u00efndruk het?<\/h4>\n

Ek lees \u2019n biografie waaroor ek nie kan praat nie, jammer. En dan lees ek \u2019n boek genaamd The Did wat gegrond is op hartverskeurende ware gebeure, ek kan die boek sterk aanbeveel. Ek het ook onlangs Lawrence of Arabia gelees. Di\u00e9 interessante boek handel oor die groot oliemaatskappye en hoe Amerika by die Midde-Ooste betrokke geraak het. Ek het Bill Clinton se biografie ook nogal geniet. Sy beskrywings van die mense wat hy ontmoet het en hoe dit sy persoonlike filosofie be\u00efnvloed het, was regtig interessant.<\/p>\n

 <\/p>\n

 <\/p>\n

Wat het al jou jare in Hollywood jou geleer?<\/h4>\n

Ek het reg aan die begin van my loopbaan, net voor Jerry Maguire uitgekom het, \u2019n baie interessante gesprek met die regisseur Mike Nichols gehad. Ek het voorheen in die bedryf gewerk, maar net agter die skerms. Hierdie was my eerste rol. Hy het my gevra of ek weet wat nou gaan gebeur (nadat die fliek uitgekom het). Ek het nie mooi verstaan wat hy bedoel het nie. Hy het my gevra of ek besef dat my lewe gaan verander. Ek het na\u00efef \u201cja\u201d ges\u00ea, sonder dat ek besef het wat dit beteken. Hy het vir my verduidelik dat daar niks in \u2019n mens se lewe is wat jou kan voorberei op die veranderinge wat gaan plaasvind nie. Hy het ges\u00ea dat roem skelm is. Dis \u2019n bietjie soos Medusa. Dis altyd daar. Dit is geslepe. Dit is altyd agter jou, en as jy direk daarna kyk, sal jy versteen. As jy dit omhels of aanvaar, sal dit jou versteen. Maar dis belangrik dat jy \u2019n oog daarop hou sonder om direk daarna te kyk. Jy moet deur \u2019n prisma of glas, soos in die Medusa-mite, daarna kyk, dan sal jy veilig wees. Die prisma is jou vriende, jou familie, die mense wat jy vertrou. En jy moet altyd die prisma by jou hou. Ek het nie toe verstaan wat hy bedoel nie, maar as ek vandag daaraan terugdink, dink ek dis die beste advies wat ek tot nog toe gekry het.<\/p>\n

 <\/p>\n