{"id":125908,"date":"2020-02-19T09:02:09","date_gmt":"2020-02-19T07:02:09","guid":{"rendered":"https:\/\/novanews.co.za\/rooirose\/?p=125908"},"modified":"2020-02-19T08:46:21","modified_gmt":"2020-02-19T06:46:21","slug":"vlam-die-vervolgverhaal","status":"publish","type":"post","link":"https:\/\/novanews.co.za\/rooirose\/vlam-die-vervolgverhaal\/","title":{"rendered":"Vlam – die vervolgverhaal"},"content":{"rendered":"

Vlam – die vervolgverhaal is geskryf deur Martie Swanepoel. Hooffoto: iStock\/boggy22<\/a><\/em><\/p>\n

 <\/p>\n

 <\/p>\n

Meer oor Vlam – die vervolgverhaal<\/h4>\n

Niekie Branders is \u2019n ervare misdaad- en milit\u00eare verslaggewer by Mediahuis.<\/p>\n

Sy is die dogter van die afgetrede, omstrede kol Niek Branders. Sy enigste kind uit \u2019n huwelik met Elsa, \u2019n voormalige skoonheidskoningin.<\/p>\n

As weermagkind pas haar beroep Niekie perfek.<\/p>\n

En as alleenkind wie se ma met \u2019n pierewaaier-akteur weggeloop het, vermy sy obsessief die w\u00eareld van glans waarop haar ma so versot was.<\/p>\n

Al wat sy van haar ma ge\u00ebrf het, is haar koperrooi digte bos krulhare, lenige lyf en mooi bene, wat sy onder cargo pants<\/em> en jeans wegsteek.<\/p>\n

Sy het haar pa se uitsonderlike grasgroen o\u00eb, koppigheid, determinasie en, helaas, ook sy humeur gekry.<\/p>\n

Sy verafgood haar pa en is trots op sy milit\u00eare geskiedenis as grensheld in Angola. Vir hom is sy die plaasvervanger vir die seun wat hy begeer het.<\/p>\n

Niekie het \u2019n bekroonde loopbaan as misdaad- en milit\u00eare joernalis agter die blad en het \u2019n jarelange, vurige, maar onstuimige aan-en-af verhouding met die Franse milit\u00eare fotograaf Marco Momple. Laasgenoemde is \u2019n egte Camel-man, wat leef vir vinnige motors, oorlogsones, wilde partytjies \u2026 en die rooikop wat hy nog wil tem.<\/p>\n

Wanneer Niekie se nuusredakteur, Piet Gouws, haar inroep vir \u2019n spesiale opdrag in Europa, word sy gekonfronteer met \u2019n oorlogsone van \u2019n ander aard.<\/p>\n

Marco gaan daar wees, weet sy, en sy sweer sy gaan nie weer toelaat dat hy haar hart oordonder nie.<\/p>\n

Sy neem haar voor om soos \u2019n neet aan die broederlike beskerming van haar fotograaf, Henk Zeeman, te klou. Henk is die soort ou wat haar nooit in die steek sal laat nie, weet sy.<\/p>\n

Maar sy het nie rekening gehou met die kurwebal wat haar opdrag na haar gaan gooi nie …<\/p>\n

Duard Wayne, die geswore aksieman van Hollywood, het \u2019n ekslusiewe onderhoud aan Mediahuis afgestaan oor die grensoorlogfliek wat \u2019n rolprenthuis van Los Angeles in Angola en Suid-Afrika kom skiet. Niekie moet by die Cannes rolprentfees \u2019n onderhoud gaan doen met die \u201cwannabe<\/em>-soldaat\u201d, soos sy hom noem.<\/p>\n

Niek Branders is een van die oud-weermagmanne wie se bloed kook oor die Amerikaners dit durf waag om \u2019n fliek oor \u201chulle storie\u201d wil kom maak.<\/p>\n

Die onderhoud in Cannes veroorsaak meer vuurwerke as wat die stad van glansmense nog ooit gesien het.<\/p>\n

En as die Amerikaners aan die Suidpunt van Afrika kom \u201coorlog speel\u201d, soos Niek dit noem, beland Niekie in \u2019n spervuur wat sy nie voorsien het nie …<\/p>\n

Klik hier vir nog<\/a><\/p>\n

\"Vlam

iStock<\/p><\/div>\n

 <\/p>\n

 <\/p>\n

Lees die hoofstukke hier<\/h4>\n

Klik op elke hoofstuk om die hoofstukke te lees. Onthou, dis gratis!<\/p>\n

 <\/p>\n

 <\/p>\n

Hoofstuk 1: Die opdrag<\/h4>\n

“Piet grawe rond in \u2019n paar hope dokumente. \u201cJy het mos gemoan<\/em> oor jy nooit \u2019n lekker luukse trippie kry nie. Jou drome het waar geword,\u201ds\u00ea hy en sit \u2019n persverklaring voor haar neer.”<\/p>\n

Hoofstuk 1: Die opdrag<\/a><\/p>\n

 <\/p>\n

 <\/p>\n

Hoofstuk 2: Die kontrak<\/h4>\n

“Duard roem hom dat hy sy eie aksietonele doen, maar Elton het aangevoel daar is iets anders wat hom afskrik van Suid-Afrika. Hy kon nog nie sy vinger daarop l\u00ea nie, maar daar was iets wat Duard verbete laat vasskop het om nie Suid-Afrika toe te gaan nie.”<\/p>\n

Hoofstuk 2: Die kontrak<\/a><\/p>\n

 <\/p>\n

 <\/p>\n

Hoofstuk 3: Claudia<\/h4>\n

“Niekie sien die moeilikheid sommer op \u2019n afstand deur die glas van Piet se kantoor.<\/p>\n

Claudia Parker.<\/p>\n

Piet se eks, redakteur van Clivia, die grootste vrouetydskrif in die land.<\/p>\n

Niemand kon nog ooit verklaar hoekom dierbare Piet eens met so \u2019n smuk-pop getroud was nie.”<\/p>\n

Hoofstuk 3: Claudia<\/a><\/p>\n

 <\/p>\n

 <\/p>\n

Hoofstuk 4: Die blessitse Fransman<\/h4>\n

“Niekie se hart bokspring as die bekende naam, Marco, op haar selfoon flits. Sy vererg haar vir haar hart se weekheid. Na al die jare kry die blessitse Fransman dit steeds reg.”<\/p>\n

Hoofstuk 4: Die blessitse Fransman<\/a><\/p>\n

 <\/p>\n

 <\/p>\n

Hoofstuk 5: Kners op die tande<\/h4>\n

“Maar Hanro is \u2019n klein vasbytertjie. Hy laat hom nie afsit nie. Sy baas en die land se top ontwerper sit langs hom en hy gaan nie laat los nie.<\/p>\n

\u201cOns moet net gou jou mates kry.\u201d<\/p>\n

\u201cWatse mates?\u201d<\/p>\n

Die stemmetjie raak effe angstig.<\/p>\n

\u201cVan jou klere. Watter grootte rok dra jy?\u201d<\/p>\n

Niekie vererg haar.”<\/p>\n

Hoofstuk 5: Kners op die tande<\/a><\/p>\n

 <\/p>\n

 <\/p>\n

Hoofstuk 6: Afgemeet<\/h4>\n

“\u201cBly jy het dit gemaak, Vlam. Ons weet reeds van die roof. Ons kan netnou daaroor praat. Ek sien jy het die man gekry wat jou borsmaat kom meet. Hy wag reeds lank op jou.\u201d<\/p>\n

Piet rol die tandestokkie van mondhoek na mondhoek terwyl tienduisend duiwels in sy o\u00eb dans. Hy geniet die sappige situasie terde\u00eb.<\/p>\n

Die redaksie skater. Blessitse Piet. Blessitse Elsie.<\/p>\n

Hulle het natuurlik reeds die nuus gedeel dat \u2019n groot modehuis iemand stuur om elke sentimeter van haar lyf te kom meet …”<\/p>\n

Hoofstuk 6: Afgemeet<\/a><\/p>\n

 <\/p>\n

 <\/p>\n

Hoofstuk 7: Niek en Ewie<\/h4>\n

“Hy was niks lus vir die army toe hy sy oproeppapiere op ho\u00ebrskool gekry het nie.\u00a0 Al die seuns het daaroor gepraat. Dit was anders as die kadette en oefeninge op die skool se skietbaan. Hierdie was r\u00e9gte oorlog. En hulle het nie \u2019n keuse gehad nie.”<\/p>\n

Hoofstuk 7: Niek en Ewie<\/a><\/p>\n

 <\/p>\n

 <\/p>\n

Hoofstuk 8: Ontnugtering<\/h4>\n

“Sy weet van die ding met Ewie. Dit het haar pa die wantrouige alleenloper gemaak wat hy sy loopbaan lank was. Na Ewie het haar pa nog nooit weer \u2019n boesemvriend gehad nie, weet sy. Ou buddies<\/em>, maar nooit weer iemand wat sy menswees so gedeel het soos Ewie nie.”<\/p>\n

Hoofstuk 8: Ontnugtering<\/a><\/p>\n

 <\/p>\n

 <\/p>\n

Hoofstuk 9: Koek en wyn<\/h4>\n

“Sy kyk na Niekie. \u201cOns eet altyd koek as ons gespanne is. Hierdie gaan \u2019n groot uitdaging vir ons almal wees. Kry vir jou \u2019n dik sny, Nicola, ons moet \u2019n bietjie meer vleis aan jou lyf kry. Jou rokke gaan elke kurwe wys.\u201d”<\/p>\n

Hoofstuk 9: Koek en wyn<\/a><\/p>\n

 <\/p>\n

 <\/p>\n

Hoofstuk 10: Los lippies<\/h4>\n

“Na die eerste glasie Sangria beskou Niekie die stywe vrou oorkant haar as \u2019n uitdaging.<\/p>\n

\u201cCheers<\/em>,\u201d s\u00ea sy kort-kort moedswillig in die koers van Claudia en haar onwillige metgesel.<\/p>\n

Niekie klink slinks eerste Claudia se glas en daarna die van Suzanne.<\/p>\n

Sy weet laasgenoemde sal nie \u2019n keuse h\u00ea om saam te klink en sluk nie.”<\/p>\n

Hoofstuk 10: Los lippies<\/a><\/p>\n

\"Vlam

Vlam – die vervolgverhaal<\/p><\/div>\n

 <\/p>\n

 <\/p>\n

Hoofstuk 11: Die makeover<\/h4>\n

“\u201cMm, ek weet wie, Stefaans. Kom ek gaan stir<\/em>\u00a0\u2019n bietjie.\u201d<\/p>\n

Sy stap oor na Mej. Ambisie se koers.<\/p>\n

\u201cM\u00f4re, Suzanne. Lekker geslaap?\u201d”<\/p>\n

Hoofstuk 11: Die makeover<\/a><\/p>\n

 <\/p>\n

 <\/p>\n

Hoofstuk 12: Henk Zeeman<\/h4>\n

“Die man agter die stuurwiel het haar dadelik veilig laat voel. Hy het vir haar soos \u2019n karakter uit \u2019n oorlogfliek-advertensie gelyk. Sy cargo-pants<\/em> en fotograafbaadjie se sakke het gebult van kameratoerusting.<\/p>\n

Sy baard was dae laas geskeer en dit was nie \u2019n modestelling wat hy probeer maak het nie. Henk Zeeman het vir die oomblik agter die lens geleef en sy dryfkrag as nuusman was aansteeklik.<\/p>\n

Van die ander vrouejoernaliste was heimlik verlief op die ruwe blonde man, maar min het kans gesien om saam met hom op \u2019n storie te gaan. Hy het op plekke ingekruip wat ander nuusmense laat sidder het.”<\/p>\n

Hoofstuk 12: Henk Zeeman<\/a><\/p>\n

 <\/p>\n

 <\/p>\n

Hoofstuk 13: Duard ontplof<\/h4>\n

“As Duard Wayne \u2018n vloermoer gooi, doen hy dit met oorgawe. Almal in Hollywood weet dit. Maar hy gooi nie prima donna-tantrums nie. Sy woede gaan nooit oor onbenullighede nie. Dit gaan gewoonlik oor die een of ander beginselsaak.”<\/p>\n

Hoofstuk 13: Duard ontplof<\/a><\/p>\n

 <\/p>\n

 <\/p>\n

Hoofstuk 14: Kil, grys o\u00eb<\/h4>\n

“Met die jare het Duard probeer om sy pa te vergeet. As volwassene is die kil, grys o\u00eb iets wat hom snags in yssweet na \u2019n nagmerrie kan laat wakker skrik.”<\/p>\n

Hoofstuk 14: Kil, grys o\u00eb<\/a><\/p>\n

 <\/p>\n

 <\/p>\n

Hoofstuk 15: Lojaliteit<\/h4>\n

“Sy weet. Dis Marco Momple. Sy ruk die deur oop.<\/p>\n

\u201cWat de hel maak jy hier?\u201d<\/p>\n

Hy trek haar nader en soen haar in die nek.<\/p>\n

\u201cBly om jou ook te sien!\u201d”<\/p>\n

Hoofstuk 15: Lojaliteit<\/a><\/p>\n

 <\/p>\n

 <\/p>\n

Hoofstuk 16: Skok<\/h4>\n

“Marco lag en gee Niekie \u2019n drukkie.<\/p>\n

\u201cOu bangbroek. Dis hoekom Mediahuis nie groot stories kan breek nie. Julle waag nooit.\u201d<\/p>\n

Niekie vererg haar …”<\/p>\n

Hoofstuk 16: Skok<\/a><\/p>\n

 <\/p>\n

 <\/p>\n

Hoofstuk 17: Vrek bang<\/h4>\n

“Niekie is vrek bang. Sy bewe nie net van koue nie. Haar selfoon het nog ontvangs, maar sy spaar die battery. Mens weet nooit wanneer sy dit nodig gaan kry nie.\u00a0”<\/p>\n

Hoofstuk 17: Vrek bang<\/a><\/p>\n

 <\/p>\n

 <\/p>\n

Hoofstuk 18: Vure doodslaan<\/h4>\n

“Sy het \u2019n finale lessie geleer, dink sy. Marco Momple is moeilikheid.<\/p>\n

Gevaarlik aantreklik met die klem op gevaarlik.<\/p>\n

Sy sal hom in Cannes probeer vermy.<\/p>\n

Dis nou as sy nog Cannes toe gaan na haar avontuur.<\/p>\n

Piet en Mediahuis het haar al voorheen vir rebelse optredes vergewe, maar dalk het sy hierdie keer haar hand oorspeel.<\/p>\n

\u2019n Mens kry ook net soveel kanse.”<\/p>\n

Hoofstuk 18: Vure doodslaan<\/a><\/p>\n

 <\/p>\n

 <\/p>\n

Hoofstuk 19: Tuiskoms<\/h4>\n

\u201cPa s\u00ea ek moet jou vry maak om te gaan, maar jy was nog altyd vry. Jy het daardie vryheid sommer net geneem asof ek en Pappa geen s\u00ea het nie. Jy was \u2019n selfgesentreerde, selfsugtige vrou en jy het ons baie seergemaak. Maar dis oukei. Dis nou verby. Ek vergewe jou, want dit maak my hart vry.\u201d<\/p>\n

Hoofstuk 19: Tuiskoms<\/a><\/p>\n

 <\/p>\n

 <\/p>\n

Hoofstuk 20: Sopnat<\/h4>\n

“\u2019n Motorfiets kom met \u2019n swierige swenk voor haar tot stilstand. \u2019n Boog water tref haar reeds deurdrenkte lyf.<\/p>\n

\u201cJou swernoot! Kon jy nie sien ek staan hier nie!\u201d<\/p>\n

Vir \u2019n oomblik vergeet sy dat die motorfietsryer waarskynlik nie Afrikaans verstaan nie. Sy snou hom nog \u2019n paar onvleiende woorde toe.<\/p>\n

Hy staan skuldig voor haar.<\/p>\n

Sy Engels het \u2019n effense aksent en hy maak vreeslik verskoning vir sy onhoflikheid.<\/p>\n

Hoofstuk 20: Sopnat<\/a><\/p>\n

\"Vlam

Vlam – die vervolgverhaal<\/p><\/div>\n

 <\/p>\n

 <\/p>\n

Hoofstuk 21: Kwaadkat<\/h4>\n

“Dis nie Niekie se gelukkige dag nie. Sy sien haar fout dadelik teen die leuning van die balkon staan. Blessidse Marco! V-v-v-v-vrek! Sy probeer in haar spore omdraai, maar dit is te laat …”<\/p>\n

Hoofstuk 21: Kwaadkat<\/a><\/p>\n

 <\/p>\n

 <\/p>\n

Hoofstuk 22: Stywe ruggie<\/h4>\n

“In haar kamer het \u2019n luukse wit kartondoos gewag. Tussen geparfumeerde sneespapier het \u2019n smaraggroen rok gel\u00ea.<\/p>\n

Die kaartjie was naamloos, maar sy het geweet van wie dit kom: \u201cJammer ek het jou nat gespat.\u201d”<\/p>\n

Hoofstuk 22: Stywe ruggie<\/a><\/p>\n

 <\/p>\n

 <\/p>\n

Hoofstuk 23: Die “tantrum”<\/h4>\n

“Na \u2019n lang foongesprek verwerdig die Hollywood glansprins hom uiteindelik om sy lang lenige lyf om te draai in hulle koers. Die Franse oggendson val op sy olyf gelaat, wat gewoonlik sag val op vroue se blik, maar op die oomblik op Niekie vermors is…”<\/p>\n

Hoofstuk 23: Die “tantrum”<\/a><\/p>\n

 <\/p>\n

 <\/p>\n

Hoofstuk 24: Vulkaan<\/h4>\n

“Hy het dadelik geweet hierdie vrou is iets anders. Hy kan verstaan hoekom sy ou vriend, Marco, so besotted<\/em> is met die vrou. Sy is vurig en beeldskoon. Maar op hierdie oomblik besef hy, is die vonk tussen hulle is geen liefdesvonk nie. Dis \u2018n vulkaan van humeure.”<\/p>\n

Hoofstuk 24: Vulkaan<\/a><\/p>\n

 <\/p>\n

 <\/p>\n

Hoofstuk 25: Woorde sny diep<\/h4>\n

“Vir \u2019n oomblik is Niekie op haar plek gesit.<\/p>\n

\u201cBaie van my pa se vriende het gesterf. Weet jy hoeveel Suid-Afrikaanse seuns het gesterf?\u201d<\/p>\n

Duard geniet die vrae wat soos \u2019n tafeltennisballetjie heen en weer oor die tafel bons.”<\/p>\n

Hoofstuk 25: Woorde sny diep<\/a><\/p>\n

 <\/p>\n

 <\/p>\n

Hoofstuk 26: Die keuse<\/h4>\n

\u201cMnr. Duard Wayne s\u00ea u moet sesuur vanaand gereed wees aangesien u voor die premi\u00e8re u werk moet afhandel. Hy het die perssekretaris laat weet dat u re\u00eblings verander.\u201d<\/p>\n

Genade! Dink die man hy kan sommer net haar lewe kom oorneem?<\/p>\n

Dis nie dat hulle besties<\/em> is na die onderhoud nie.<\/p>\n

Daar is bloot \u2019n wapenstilstand.<\/p>\n

En die groen rok \u2026<\/p>\n

Hoofstuk 26: Die keuse<\/a><\/p>\n

 <\/p>\n

 <\/p>\n

Hoofstuk 27: Groen jaloesie<\/h4>\n

“En dit is net toe die vrou van die Tribune haar van agter pootjie. Niekie voel hoe sy en haar groen rok soos \u2018n torpedo oor die rooi tapyt trek. Midde in die lug voel sy al die o\u00eb op haar. Sy hoor vroue lag. Dan kom sy met \u2018n harde plof voor Duard Wayne se voete te lande!”<\/p>\n

Hoofstuk 27: Groen jaloesie<\/a><\/p>\n

 <\/p>\n

 <\/p>\n

Hoofstuk 28: Stilte voor die storm<\/h4>\n

“Niekie wil eerder op die eerste vlug na Suid-Afrika terugvlug as om die onderhoud met Melissa Garbers te gaan doen. Toe die kamerdiens haar koerante kom aflewer, wou sy eers nie daarna kyk nie. Sy weet sy het moles gemaak en daarom is haar foon afgeskakel.”<\/p>\n

Hoofstuk 28: Stilte voor die storm<\/a><\/p>\n

 <\/p>\n

 <\/p>\n

Hoofstuk 29: Toeval …<\/h4>\n

\u201cEk het \u2018n taxi bestel en hy sal jou na \u2018n stil deel van die stad neem waar die locals<\/em> uithang. Daar is \u2018n klein village<\/em> met winkeltjies, koffieplekke en boekwinkels. Ek kan jou verseker geen Hollywood-ster sal daar uithang nie.\u201d<\/p>\n

Hoofstuk 29: Toeval …\u00a0<\/a><\/p>\n

 <\/p>\n

 <\/p>\n

Hoofstuk 30: Vonkelwyn<\/h4>\n

“\u201cWow! Ons nuwe fashionista!\u201d jil Stefaans en raap Niekie in sy arms op.<\/p>\n

Jaco kan ook nie anders as om die meisie wat sy modes onverwags op die Franse map<\/em> gesit het, met oorgawe te groet nie.”<\/p>\n

Hoofstuk 30: Vonkelwyn<\/a><\/p>\n

\"Vlam

Vlam – die vervolgverhaal<\/p><\/div>\n

 <\/p>\n

 <\/p>\n

Hoofstuk 31: Vet in die vuur<\/h4>\n

“Dit voel vir Niekie of Jaco en Stefaans haar ure aaneen rokke laat aanpas in hul suite. Sy is later so moeg dat sy gelate in net haar bra en panty voor die modemanne paradeer. Jaco het toe nie net een outfit vir die aand saamgebring nie …”<\/p>\n

Hoofstuk 31: Vet in die vuur<\/a><\/p>\n

 <\/p>\n

 <\/p>\n

Hoofstuk 32: Hop, hop, hop<\/h4>\n

“Die foon lui vroeg. Dit voel vir Niekie of sy uit die dode opgewek word. Haar vlugvose lyf is nog nie gereed vir aksie nie. Cannes het haar emosioneel en fisiek uitgeput. \u201cEn toe, is die fashion icon<\/em> al wakker?\u201d”<\/p>\n

Hoofstuk 32: Hop, hop, hop<\/a><\/p>\n

 <\/p>\n

 <\/p>\n

Hoofstuk 33: Nagmerries<\/h4>\n

“Na die toekenningseremonie is Niekie in die verleentheid. Sy stel haar pa aan Duard Wayne voor en daardie nag kan Kol. Niek Branders nie \u2019n oog toemaak nie. Herinneringe van sy verlede spook by hom … ”<\/p>\n

Hoofstuk 33: Nagmerries<\/a><\/p>\n

 <\/p>\n

 <\/p>\n

Hoofstuk 34: Esprit de corps<\/h4>\n

“Dis al laatnag as iemand aan Niek Branders se voordeur klop. Hy skrik nie. Hy het die besoeker eintlik verwag. \u201cKom in.\u201d”<\/p>\n

Hoofstuk 34: Esprit de corps<\/a><\/p>\n

 <\/p>\n

 <\/p>\n

Hoofstuk 35: Cheers!<\/h4>\n

“Na die eerste deadline<\/em> staan Elsie Geselsie snipperig nader.<\/p>\n

\u201cDaar is \u2018n man by ontvangs wat jou wil sien.\u00a0 Flippie s\u00ea hy lyk nie soos een van jou polisiekontakte nie, maar hy lyk verdag. Donkerbril wat hy nie wil afhaal nie en \u2018n pet laag oor sy voorkop. Jy weet, daai soort.\u201d<\/p>\n

Wie kan dit wees? ”<\/p>\n

Hoofstuk 35: Cheers!<\/a><\/p>\n

 <\/p>\n

 <\/p>\n

Hoofstuk 36: Onverwags<\/h4>\n

“Soos die wyn en die sangria vloei, skil Duard die hardekwas-meisiekind se weerstand soos \u2019n ui af. Laag vir laag. Maar dan bel Pieta … ”<\/p>\n

Hoofstuk 36: Onverwags<\/a><\/p>\n

 <\/p>\n

 <\/p>\n

Hoofstuk 37: Plan B<\/h4>\n

“Die drama oor die gyselaarskap en Niekie se ontvoering versprei soos blits deur die pers. Henk en Duard besef dat hulle self \u2019n plan moet beraam om Niekie te red … ”<\/p>\n

Hoofstuk 37: Plan B<\/a><\/p>\n

 <\/p>\n

 <\/p>\n

Hoofstuk 38: Gebedsroep<\/h4>\n

“Sy dink wat sy vir Henk kan s\u00ea om aan te dui waar sy aangehou word. Haar brein fynkam elke stukkie detail van haar en Henk se vorige besoek aan die bendeskuiling in Fordsburg.”<\/p>\n

Hoofstuk 38: Gebedsroep<\/a><\/p>\n

 <\/p>\n

 <\/p>\n

Hoofstuk 39: Nagvisie<\/h4>\n

“Henk, Duard en Kol. Branders beraam \u2019n plan om vir Niekie uit die greep van die bende te kry. Maar wanneer Duard die gebou dophou, kan hy nie glo wat hy sien nie … ”<\/p>\n

Hoofstuk 39: Nagvisie<\/a><\/p>\n

 <\/p>\n

 <\/p>\n

Hoofstuk 40: Spervuur<\/h4>\n

Niekie ontsnap van die bende en Duard vind haar in die donkerte. Maar dan laat glip hy iets wat hy vir so lank geheim gehou het …<\/p>\n

Hoofstuk 40:\u00a0 Spervuur<\/a><\/p>\n

\"Vlam

Vlam – die vervolgverhaal<\/p><\/div>\n

 <\/p>\n

Hoofstuk 41: Anna<\/h4>\n

“Duard sorg dat Niekie nie sy makkers sien nie. Wat haar betref, is dit Loxton en sy manne wat die reddingsoperasie uitgevoer het. Sy kan net nie verstaan wat die Amerikaanse akteur op die toneel gedoen het nie? Waar het hy skielik vandaan gekom?”<\/p>\n

Hoofstuk 41: Anna<\/a><\/p>\n

 <\/p>\n

 <\/p>\n

Hoofstuk 42: Pyn<\/h4>\n

\u201cNee,\u201d wil sy vir die man skryf. \u201cEk is nie oukei nie. Ek voel jou soene op my mond. My wange gloei as ek daaraan dink. Jy krap my kop deurmekaar!\u201d<\/p>\n

Hoofstuk 42: Pyn<\/a><\/p>\n

 <\/p>\n

 <\/p>\n

Hoofstuk 43: Trip<\/h4>\n

“Die inspuiting spoel soos \u2018n lawende golf oor haar. Sy voel hoe die hospitaalbed begin sweef op \u2018n wolk. Die dokter in die noodeenheid lyk vir haar al hoe aantrekliker. En wie is die mooi man agter hom? ”<\/p>\n

Hoofstuk 43: Trip<\/a><\/p>\n

 <\/p>\n

 <\/p>\n

Hoofstuk 44: Slymbol<\/h4>\n

“Dis nou drie dae wat sy niks van Duard gehoor het nie en dis beter so, het sy haarself oortuig. Die man is sekerlik besig met \u2018n speletjie. Hy lok vroue uit, en dan, as hulle vir hom val, ignoreer hy hulle …”<\/p>\n

Hoofstuk 44: Slymbol<\/a><\/p>\n

 <\/p>\n

 <\/p>\n

Hoofstuk 45: D\u00e9j\u00e0 vu<\/h4>\n

“Pieta het sy kenmerkende skewe glimlag. Tandestokkie in die hoek van die mond.<\/p>\n

\u201cJy wou my sien?\u201d<\/p>\n

Niekie ken hom. Die uitdrukking op sy gesig voorspel niks goed nie …”<\/p>\n

Hoofstuk 45: D\u00e9j\u00e0 vu<\/a><\/p>\n

 <\/p>\n

 <\/p>\n

Hoofstuk 46: Katgeveg<\/h4>\n

“Claudia het Pieta blykbaar histeries gebel. Die aanlyntydskrif, Vroulief, het oornag \u2018n eksklusiewe onderhoud met Melissa Garbers gepubliseer! Dit het die vet in die vuur gegooi, maar een van die hoof hoeke van die storie vererger die hele drama.”<\/p>\n

Hoofstuk 46: Katgeveg<\/a><\/p>\n

 <\/p>\n

 <\/p>\n

Hoofstuk 47: Die oproep<\/h4>\n

“Dis nou \u2018n week na Duard se mislike sms en Niekie het nog nie weer \u2018n woord van hom gehoor nie. Sy het hom nie geantwoord nie want in haar hart weet sy sy het uit moedswilligheid met Melissa oor die soenery gepraat.”<\/p>\n

Hoofstuk 47: Die oproep<\/a><\/p>\n

 <\/p>\n

 <\/p>\n

Hoofstuk 48: Verkeersknoop<\/h4>\n

“Niekie staan knorrig op. Alles irriteer haar. Die ketel kook te stadig, sy mors melk, die stortdeur haak vas en sy ruk dit uit sy glybaan. Dekselse Duard! ”<\/p>\n

Hoofstuk 48: Verkeersknoop<\/a><\/p>\n

 <\/p>\n

 <\/p>\n

Hoofstuk 49: Sirkus<\/h4>\n

“\u201cKan ons \u2018n foto van Melissa neem saam met Niekie Branders? Sy is immers \u2018n bekroonde oorlogkorrespondent?\u201d<\/p>\n

Niekie wens sy kan Johan Jooste op sy maermerrie gaan skop.<\/p>\n

Claudia kom neem haar ferm aan die arm.<\/p>\n

\u201cDis nou die tyd om jou in te hou, Nicola. Almal se o\u00eb is op jou. Moenie \u2018n flop hiervan maak nie anders is jou loopbaan daarmee heen. Onthou, ons het \u2018n verklaring uitgereik dat die dispuut tussen jou en Melissa opgelos is en dat julle op vriendskaplike voet die skiet van die rolprent gaan aanpak.\u201d”<\/p>\n

Hoofstuk 49: Sirkus<\/a><\/p>\n

 <\/p>\n

 <\/p>\n

Hoofstuk 50: Misterie<\/h4>\n

“Sy hou nie daarvan om af te luister nie, maar sy herken Duard se stem, en hy praat Afrikaans met haar pa! Sy ruik al lankal \u2018n rot oor Duard se foutlose aksent. Nou hoor sy hoe hy \u2018n foutlose Afrikaanse gesprek met haar pa voer en dit is beslis nie deel van sy rol nie!”<\/p>\n

Hoofstuk 50: Misterie<\/a><\/p>\n

\"Vlam

iStock\/iprogressman<\/p><\/div>\n

 <\/p>\n

 <\/p>\n

Hoofstuk 51: Gevaarligte<\/h4>\n

“Niekie en Melissa konfronteer mekaar en Melissa verklap geheime wat Niekie dog net Duard weet … ”<\/p>\n

Hoofstuk 51: Gevaarligte<\/a><\/p>\n

 <\/p>\n

 <\/p>\n

Hoofstuk 52: Jupiter<\/h4>\n

Niek, Duard en Alano vertrek bos toe om vrede met hul verlede te maak. Niekie sien hulle raak en is vasberade om uit te vind wat Duard se storie is …<\/p>\n

Hoofstuk 52: Jupiter<\/a><\/p>\n

 <\/p>\n

 <\/p>\n

Hoofstuk 53: Sterre<\/h4>\n

\u201cEk gaan nou my broederlike eed aan hom verbreek en jou meer vertel van die sensitiewe siel agter die glansheld…”<\/p>\n

Hoofstuk 53: Sterre<\/a><\/p>\n

 <\/p>\n

 <\/p>\n

Hoofstuk 54: Slot<\/h4>\n

“Onder \u2018n koelteboom in die snikhete namiddag in Angola speel \u2018n rolprent in die kleine voor Niekie af. \u2018n Tragiese verhaal …”<\/p>\n

Hoofstuk 54: Slot<\/a><\/p>\n

 <\/p>\n

 <\/p>\n

Het jy geweet?<\/h4>\n

Ons het ook gratis voorlesings waarna jy kan luister! Loer hier:<\/p>\n