{"id":125715,"date":"2024-09-17T16:00:55","date_gmt":"2024-09-17T14:00:55","guid":{"rendered":"https:\/\/novanews.co.za\/rooirose\/?p=125715"},"modified":"2024-09-19T11:15:28","modified_gmt":"2024-09-19T09:15:28","slug":"die-verskil-tussen-werklike-en-voorkombare-doofheid-en-wat-jy-daaraan-kan-doen","status":"publish","type":"post","link":"https:\/\/novanews.co.za\/rooirose\/die-verskil-tussen-werklike-en-voorkombare-doofheid-en-wat-jy-daaraan-kan-doen\/","title":{"rendered":"Die verskil tussen werklike en voorkombare doofheid – en wat jy daaraan kan doen"},"content":{"rendered":"

Die verskil tussen werklike en voorkombare doofheid – en wat jy daaraan kan doen deur Salom\u00e9 Delport. Hooffoto: Unsplash<\/em><\/p>\n

 <\/p>\n

 <\/p>\n

\u00a0Hoe weet \u2019n mens jy begin doof word?<\/h4>\n

Een leser vra: “My man s\u00ea ek mompel. Daarom hoor hy nie wat ek s\u00ea nie. Ek dink hy is besig om doof te word – of wil dalk nie hoor nie. Hoe weet \u2019n mens jy begin doof word?”<\/p>\n

Jy is nie regtig doof nie maar hier en daar mis jy iets. Hoe weet jy dis tyd om iets daaraan te doen? vra ons vir Yoland\u00e9 van der Westhuizen, oudioloog van Centurion en woordvoerder vir die SA Oudiologievereniging.*<\/p>\n

\u201cPresies as jy agterkom mense s\u00ea hulle het goed ges\u00ea wat jy nie gehoor het nie. Dit kan baie vroe\u00ebr wees as wat jy verwag. Jy kan al van 35 af \u2019n bietjie gehoorverlies verwag.\u201d<\/p>\n

 <\/p>\n

 <\/p>\n

1. Hoekom moet \u2019n mens nou vroeg \u2019n gehoorapparaat kry?<\/h4>\n

\u201c\u2019n Mens het gewoonlik gewag tot jy behoorlik sukkel. Maar die jongste aanbeveling is hoe vroe\u00ebr jy begin hoe beter gaan jy oor tien, twintig jaar bly hoor.”<\/p>\n

 <\/p>\n

 <\/p>\n

2. Hoe werk dit?<\/h4>\n

\u201cGehoor gebeur in twee stappe: eerste stimuleer klanke (wat eintlik frekwensies is) jou gehoorsenuwee, wat dit as impulse na die brein oordra. Die tweede fase is die belangrikste: jou brein interpreteer die impulse en maak sin daarvan. Jy hoor omdat jou brein die impulse as klanke, woorde en sinne \u2018verstaan\u2019.<\/p>\n

\u201cNamate jy ouer raak, is dit normaal dat dele van jou gehoororgane effens agteruitgaan. Dus kan dit sekere klankfrekwensies nie meer na jou brein oordra nie. Dit veroorsaak normale gehoorverlies weens veroudering.<\/p>\n

\u201cMaar nou tree die bykomende gehoorverlies in: jou brein verloor sy vermo\u00eb om te hoor. Omdat jou gehoororgaan sekere klankfrekwenies baie swak of glad nie meer na jou brein stuur nie, word die deel van die brein wat hierdie klanke moet interpreteer ook nie meer veel geprikkel nie.<\/p>\n

\u201cOns weet die brein is \u2018plasties\u2019. Met ander woorde stimulasie hou hom aktief, terwyl \u2019n gebrek daaraan hom laat verswak.<\/p>\n

\u201cDaarom verloor jou brein mettertyd die vermo\u00eb om hierdie klanke te interpreteer \u2013 wat tot \u2019n sekond\u00eare doofheid lei. Ons noem gehoor wat jy so inboet voorkombare gehoorverlies.<\/p>\n

\u201cHierdie leser se man se gehoor is baie tipies van gedeeltelike gehoorverlies. Ek vermoed sy gehoororgane kan nie meer van die ho\u00ebr frekwensies \u2013 waar vrouestemme gewoonlik l\u00ea \u2013 registreer nie, terwyl dit ander klankfrekwensies nog goed na die brein oordra. Daarom hoor hy regtig net daardie dele van haar woorde wat ges\u00ea is op toonhoogtes wat in sy hoorbare frekwensies val, terwyl die res vir hom verlore is. Dus kink dit werklik vir hom asof sy mompel.<\/p>\n

\u201cAs hy niks doen nie, verswak die deel van die gehoorsenuwee wat ho\u00ebr frekwensies moet oordra, plus die deel van die brein wat dit moet interpreteer geleidelik. Maar as hy nou \u2019n gehoorapparaat begin gebruik, sal dit die toonhoogtes versterk waarmee hy begin sukkel, en die gehoorsenuwee dus help om hierdie frekwensies na die brein oor te dra, wat ooreenstemmend gestimuleer bly en klanke bly interpreteer.”<\/p>\n

\u201cAs jy \u2019n gehoorapparaat vroe\u00ebr eerder as later begin gebruik, minimaliseer jy bykomende gehoorverlies en behou jy jou beter gehoor vir \u2019n langer tyd.\u201d<\/p>\n

Lees ook: 9 tekens wat wys jy is dower as wat jy dink jy is<\/a><\/p>\n

 <\/p>\n

\"\"<\/p>\n

 <\/p>\n

3. Hoe gereeld moet jy toets?<\/h4>\n