{"id":125487,"date":"2020-01-30T14:39:12","date_gmt":"2020-01-30T12:39:12","guid":{"rendered":"https:\/\/novanews.co.za\/rooirose\/?p=125487"},"modified":"2020-01-30T14:39:12","modified_gmt":"2020-01-30T12:39:12","slug":"bespreek-nou-dadelik-jou-kaartjies-vir-poppie-nongena-wat-op-31-januarie-2020-begin-draai","status":"publish","type":"post","link":"https:\/\/novanews.co.za\/rooirose\/bespreek-nou-dadelik-jou-kaartjies-vir-poppie-nongena-wat-op-31-januarie-2020-begin-draai\/","title":{"rendered":"Bespreek nou dadelik jou kaartjies vir Poppie Nongena wat op 31 Januarie 2020 begin draai"},"content":{"rendered":"

Bespreek nou dadelik jou kaartjies vir Poppie Nongena inligting en foto’s verskaf.\u00a0<\/em><\/p>\n

 <\/p>\n

Besprekings vir die erfenisrolprent Poppie Nongena<\/em><\/strong><\/a>, wat landswyd in teaters te sien sal wees vanaf 31 Januarie 2020, het geopen.<\/p>\n

Die rolprent het die gehoor behoorlik betower tydens die amptelike premi\u00e8re verlede week in Johannesburg, en het gelei tot \u2018n spontane applous na afloop daarvan. Talle fliekgangers was in trane oor die spel \u00e9n die emosie wat op die silwerdoek uitgebeeld is.<\/p>\n

Lees ook: Ontmoet die rolverdeling van Poppie Nongena<\/a><\/p>\n

Die rolprent is gebaseer op \u2018n ware verhaal wat vertel is in die roman Die swerfjare van Poppie Nongena<\/em>, \u2018n boek wat beskou word as een van die beste romans uit Afrika in die twintigste eeu.<\/p>\n

Lees hier om meer uit te vind oor Elsa Joubert.\u00a0<\/a><\/p>\n

Clementime Mosimane (Soul City<\/em>, The Wild<\/em>) vertolk die rol van Poppie, teenoor Anna-Mart van der Merwe (Die Storie van Klara Viljee<\/em>, Kanarie<\/em>), veteraan-akteurs Chris Gxalaba (Long walk to freedom, The Crown, ER, Mandela<\/em> en De Klerk<\/em>), Rolanda Marais (Trackers, Wolwedans in die Skemer, Binnelanders, Out on a Limb<\/em>), Dawid Minaar (Torings, Fiela se Kind, Nag van die 19de, 7de Laan, Amalia<\/em>) en Lida Botha (Invictus, Susters, Windprint, Pad na jou Hart, Die Boekklub, Hollywood in my Huis)<\/em>.\u00a0 Nomsa Nene, wat die rol van Poppie vertolk het in die destydse internasionale verhoogproduksie Poppie<\/em>, speel Poppie se ma in die rolprentweergawe.<\/p>\n

Lees ook: Agter die skerms van Poppie Nongena<\/a><\/p>\n

Poppie Nongena<\/em><\/strong> vertel die verhaal van \u2018n Afrikaanssprekende Xhosa-vrou en ma. Haar lewe draai om pogings om stabiliteit vir haar gesin te verseker nadat owerhede haar tot \u2018n onwettige inwoner van haar eie land verklaar het. Die rolprent beeld haar stryd uit om toestemming te kry om te mag bly, die rondtrekkery tussen verskillende huise, aansoeke vir permitte en verlengings van permitte en hoe sy op elke moontlike manier probeer het om net by haar kinders te mag bly.<\/p>\n

Lees ook: Poppie Nongena se kragtige boodskap vir Suid-Afrika<\/a><\/p>\n

Poppie is deurentyd in die spervuur, vasgevang tussen haar kinders se behoeftes, haar man se siekte, die gemeenskap se woede en onderdrukkende wette, en word uiteindelik tot oorgawe gedwing net toe die 1976-onluste uitbreek.<\/p>\n

Lees ook: Poppie Nongena slaan 12 pryse los by die Silwerskermfees<\/a><\/p>\n

Die bekroonde dramaturg en draaiboekskrywer Christiaan Olwagen was die regisseur en Vicci Turpin\u00a0 die kinematograaf. Olwagen se vorige werk sluit die hoogs aangeskrewe Johnny is nie dood nie, Die Seemeeu<\/em> en Kanarie <\/em>in. <\/em><\/p>\n

Lees ook: Agter die skerms van ons voorbladfotosessie met Anna-Mart en Rolanda<\/a><\/p>\n

Die rolprent se invalshoek is baie persoonlik. \u201cHoewel dit handel oor \u2018n lewe van stryd, is dit vol humor, hoop, teerheid en vermaaklike insigte. Dit bied \u2018n blik op \u2018n tyd in die geskiedenis waaruit almal van ons baie kan leer,\u201d s\u00ea die vervaardiger Helena Spring. \u201cPoppie se uiters persoonlike ervarings, haar diepgewortelde liefde vir haar man, haar liefde vir haar kinders en haar formidabele innerlike krag sal oud en jonk inspireer. Sy put betekenis en inspirasie uit die moeilikste oomblikke van haar lewe.\u201d Spring het onlangs onderneem om die rolprent te gebruik om \u2018n verskil in die lot van vroue te maak.\u00a0 \u201cEk sal 10 % van die vervaardiger se winste uit die rolprent skenk aan organisasies wat hulle beywer om geslagsgeweld in Suid-Afrika te be\u00ebindig,\u201d het sy ges\u00ea.<\/p>\n

\u201c<\/em>Poppie Nongena <\/em>se storie is \u2018n kragtige verhaal wat \u2018n interessante blik plaas op medemenslikheid in \u2018n onmenslike stelsel\u201d het Karen Meiring, M-Net: Direkteur kykNET-kanale, ges\u00ea.<\/p>\n

Poppie Nongena<\/em><\/strong> is moontlik gemaak deur die ondersteuning van kykNET, M-Net, Die Departement van Handel en Nywerheid en Arco Venture Capital.<\/p>\n

 <\/p>\n

 <\/p>\n

Bespreek nou jou kaartjies<\/h4>\n

Klik hier om jou kaartjies vir Poppie Nongena te bespreek.<\/a><\/p>\n

 <\/p>\n

Loer hier na die pragtige premi\u00e8re-foto’s van Poppie Nongena<\/h4>\n\n\t\t