{"id":125478,"date":"2020-02-07T10:45:23","date_gmt":"2020-02-07T08:45:23","guid":{"rendered":"https:\/\/novanews.co.za\/rooirose\/?p=125478"},"modified":"2020-02-06T15:31:04","modified_gmt":"2020-02-06T13:31:04","slug":"vlam-hoofstuk-53-sterre","status":"publish","type":"post","link":"https:\/\/novanews.co.za\/rooirose\/vlam-hoofstuk-53-sterre\/","title":{"rendered":"Vlam hoofstuk 53: Sterre"},"content":{"rendered":"

Vlam hoofstuk 53: Sterre deur Martie Swanepoel<\/em><\/p>\n

 <\/p>\n

 <\/p>\n

Lees eers die vorige hoofstukke van Vlam. Klik hier<\/a><\/p>\n

 <\/p>\n

 <\/p>\n

Vlam hoofstuk 53: Sterre<\/h4>\n

\u2018n Bekende kloppie in morsekode aan haar woonwadeur maak Niekie wakker.<\/p>\n

Marco het op die rolprentstel gearriveer.<\/p>\n

Dae te laat, maar darem.<\/p>\n

Sug.<\/p>\n

Sy is nie lus vir die Fransman wat eens haar maag met vlinders gevul het nie. Sy het dikwels die laaste paar weke gedink hoe dankbaar sy is oor die ervaring in Burkina Faso. Dit het haar finaal laat besef dat daar geen toekoms vir haar en Marco saam is of ooit was nie.<\/p>\n

Sy is ook vies vir haarself, want na Marco het sy sowaar weer haar hart op \u2018n onmoontlike liefde verloor. Hoe kon sy so dom wees om dit toe te laat?<\/p>\n

Sy val altyd vir die verkeerde mans. Pleks het sy jare gelede, toe Henk nog single <\/em>was, vir hom geval. Goeie Henk op wie sy altyd kan staatmaak.<\/p>\n

Nou het Henk vir Irma Pienaar met haar sagtheid en Happy-parfuum.<\/p>\n

Maar Henk verdien \u2018n meisie soos Irma.<\/p>\n

En, sy wat Niekie is, moet liefs alleen oud word, het sy al herhaaldelik vir haarself ges\u00ea.<\/p>\n

Sy besef sy het duidelik geen goeie oordeel in die mans-afdeling nie. Ja, sy is klaar met mans, het sy al besluit voor sy Angola toe gekom het.<\/p>\n

Maar di\u00e9 gedagte sluip soms by haar kop uit en dan neem die muisneste oor.<\/p>\n

Sy sal Duard op \u2018n afstand hou, het sy vas besluit, maar o wee, elke keer as sy hom sien, borrel sy teenwoordigheid soos vonkelwyn in haar are en verloor sy beheer.<\/p>\n

Daar is weer \u2018n morsekode-klop aan die deur.<\/p>\n

\u201cDis drie-uur in die nag! Waar kom jy nou vandaan?\u201d<\/p>\n

Die sjarmante glimlag in die maanlig maak geen indruk op haar nie.<\/p>\n

\u201cEk is moeg, Marco, gaan weg.\u201d<\/p>\n

Hy probeer sy smekende gesiggie. Dit werk nie meer vir haar nie.<\/p>\n

Marco sal voortaan net \u2018n kennis wees. Nie eens \u2018n vriend nie. Net \u2018n kennis.<\/p>\n

\u201cAsseblief, Vlam, ek soek net slaapplek vir \u2018n paar uur. Jy kan my uitskop voor die ander wakker word as jy jou waardigheid wil beskerm.\u201d<\/p>\n

\u201cJy weet jy is twee dae laat. Maar, ek vergeet, jy dink mos net aan jouself.\u201d<\/p>\n

Weer die smeekgesiggie.<\/p>\n

\u201cEk het \u2018n storie gejaag en toe ek hier aankom, is daar nie slaapplek vir my nie. Ek sal op die ander bed slaap, ek is moeg. Jy wil tog nie h\u00ea ek moet buite slaap nie?\u201d<\/p>\n

Niekie stem teen haar beterwete in.<\/p>\n

\u201cSesuur skop ek jou uit. En jy gedra jou, anders skop ek jou vroe\u00ebr as sesuur uit.\u201d<\/p>\n

Hy stroop al sy klere nonchalant af en raak kaal op die ander bed aan die slaap. Marco kan onmiddellik aan die slaap raak, asof hy geen gewete het nie, dink sy suur.<\/p>\n

En hy slaap altyd kaal.<\/p>\n

Soos so baie ander dinge in sy lewe, besef sy, is hy \u2018n gewoontedier waaraan niemand ooit sal verander nie.<\/p>\n

Nou moet sy net ontslae raak van die ander gewoontedier waaraan sy weet sy nie sal kan verander nie …<\/p>\n

Sy baklei opnuut met haarself so in die nagtelike ure met \u2018n kaalgat man op die ander bed. Hoe kon sy na die kaalgat vir nog \u2018n slymbol val?<\/p>\n

Al probeer die akteur soms hard om haar sag te maak, is dit duidelik hy is maar net soos ander mans wat vroue\u00a0 wil misbruik. Hy wil net vir Melissa jaloers maak en na haar laaste gesprek met Melissatjie, gun sy haar en Duard vir mekaar.<\/p>\n

Sy raak genadiglik weer aan die slaap.<\/p>\n

Die res van die nag worstel sy met nagmerries oor die laaste maande se gebeure. Sy droom sy arriveer kaal in Cannes en almal lag haar uit. Dan neem haar drome haar terug na haar kinderjare en sy wag vergeefs vir haar ma by die hek. Die nanag se drome worstel sy met haar ontvoerders en Melissa. As sy uiteindelik in \u2018n rustige diep slaap verval, slaap sy soos \u2018n klip.<\/p>\n

\u2018n Klop aan haar deur maak haar weer wakker. Dis seker weer Marco, dink sy deur die newels en trek die kussing oor haar kop.<\/p>\n

Die klop raak harder.<\/p>\n

\u201cGaan weg!\u201d gil sy ongeduldig.<\/p>\n

Maar dan hoor sy die deur oopgaan. Sy sien deur haar skrefieso\u00eb Marco se kaal bas. En dan onthou sy. Hy is binne die woonwa.<\/p>\n

Dan hoor sy Duard se stem!<\/p>\n

Sy skrik heeltemal wakker.<\/p>\n

Marco het haar woonwa se deur oopgemaak en daar staan hy met sy kaal stert voor Duard! Sy weet presies wat Duard dink en sy kan hom nie kwalik neem nie.<\/p>\n

Sy hoor die akteur wegstap en Marco loer skuldig na haar. \u201cJammer, ek het nie besef en is kaal toe ek die deur oopmaak nie. Ons het verslaap.\u201d<\/p>\n

Niekie antwoord hom nie. Sy beduie hy moet sy klere vat en loop. Nie dat sy eintlik omgee wat Duard dink nie, troos sy haarself. Dis seker maar beter so. Sy trek aan en maak haar emosioneel gereed vir \u2018n moordende dag in die son. Sy kan nie wag dat hierdie ellendige fliek nou klaarkry sodat Duard Wayne kan teruggaan Hollywood toe nie. Hy en Melissatjie.<\/p>\n

Die tonele vir die dag sluit aksie-tonele in. Daar is ook tonele tussen Duard en Melissa wat eers aan die einde van die fliek gebruik gaan word. Liefdestonele. Dis al wat sy vandag nodig het, dink sy moedeloos en frommel die skedule van die dag op.<\/p>\n

Marco probeer sy bes om tussen die tonele deur haar geselskap op te soek. Hy dra yswater en Red Bulls aan. Hy voel blykbaar skuldig oor sy flater die oggend. Middagete kom sit hy langs haar.<\/p>\n

\u201cHy het jou hart gesteel.\u201d<\/p>\n

Sy gluur hom aan.<\/p>\n

\u201cEn, die manier wat hy van daardie eerste aand in Cannes af na jou kyk …\u201d<\/p>\n

Niekie kyk anderpad.<\/p>\n

\u201cWel, ons weet wat hy na vanoggend dink, n\u00e8?\u201d<\/p>\n

Hy vat haar hand.<\/p>\n

\u201cAskies, Vlam.\u201d<\/p>\n

Sy wil opstaan en loop, maar hy keer haar.<\/p>\n

\u201cEk sal aan hom gaan verduidelik.\u201d<\/p>\n

Sy lag.<\/p>\n

\u201cVir wat? Hy gaan tog net ook met my hart mors \u2026 soos jy. Onthou jy van my droom oor \u2018n huis en kinders? Wel, kan jy Duard in daardie rol sien?\u201d<\/p>\n

Marco klou, al wil sy wegruk.<\/p>\n

\u201cEk kan hom inderdaad in daardie rol sien. Ek ken Duard beter as baie mense. Ek ken die ou agter die rolprentheld. Sy hele lewe lank begeer hy ook net \u2018n gewone lewe met \u2018n vrou en kinders.\u201d<\/p>\n

Niekie lag wrang.<\/p>\n

\u201cJy speel seker? Hy?\u201d<\/p>\n

Marco lyk ongewoon ernstig.<\/p>\n

\u201cEk gaan nou my broederlike eed aan hom verbreek en jou meer vertel van die sensitiewe siel agter die glansheld. Ek vertrou dat jy dit vir niemand sal vertel nie. Hy mag nooit weet ek het jou vertel nie. Ek doen dit want ek dink julle twee verdien mekaar. Julle is dieselfde soort mens. Ek sou graag wou sien dat julle gelukkig wees.\u201d<\/p>\n

 <\/p>\n

As jy Vlam hoofstuk 53: Sterre geniet het gaan jy sommer baie van ons voorlesings van Martie Swanepoel se verhale geniet! Dis gratis – klik net op die pienk speelknoppie.<\/p>\n

 <\/p>\n

Botox, Barbies en Bietse<\/h4>\n