{"id":124132,"date":"2020-02-03T06:32:27","date_gmt":"2020-02-03T04:32:27","guid":{"rendered":"https:\/\/novanews.co.za\/rooirose\/?p=124132"},"modified":"2020-01-29T12:15:18","modified_gmt":"2020-01-29T10:15:18","slug":"mielies-en-moringa-en-al-die-superkosse-wat-jy-in-2020-moet-ken","status":"publish","type":"post","link":"https:\/\/novanews.co.za\/rooirose\/mielies-en-moringa-en-al-die-superkosse-wat-jy-in-2020-moet-ken\/","title":{"rendered":"Mielies en Moringa – en al die superkosse wat jy in 2020 moet ken"},"content":{"rendered":"

Mielies en Moringa – en al die superkosse wat jy in 2020 moet ken deur Salom\u00e9 Delport. Hooffoto: Luis Echeverri Urrea\/iStock\u00a0<\/em><\/p>\n

 <\/p>\n

 <\/p>\n

Het jou huismense nie juis veel sin in groente nie? Verras hulle vanjaar met hierdie \u201cnuwe\u201d superkoel\u00a0 \u00a0supergroente.<\/p>\n

 <\/p>\n

 <\/p>\n

Moringa<\/h4>\n

Di\u00e9 plant is eintlik \u2019n boom en kan binne \u2019n jaar \u2019n yslike 3-5 m haal. Die boom kom oorspronklik van Indi\u00eb maar groei maklik in Limpopo, Noordwes, Mpumalanga, Natal en die Wes-Kaap. Jy kan dit selfs in jou tuin kweek \u2013 met \u2019n bietjie ekstra water as jy in \u2019n dro\u00ebr klimaat bly.<\/p>\n

 <\/p>\n

Hoe eet jy dit?<\/strong><\/p>\n

Maak reg vir die dekade van die moringa \u2013 moringajogurt, moringatee, moringastafies, energiedrankies met moringa … Jy kan ook innoveer en moringapoeier oor jou pap strooi, by pesto voeg en selfs met \u2019n skeut daarvan souttertjies, koekies, nagereg en beskuit \u2019n hupstoot na die gesonder kant gee. As jy jou eie moringa kweek, oes die blare soos jy dit nodig het, verpoeier dit met jou stokmenger en voeg die poeier by jou resep. Dit smaak na groenboontjies maar is bietjie soeter en effens bitter \u2013 letterlik bittergesond.<\/p>\n

 <\/p>\n

Hoe lyk die gesondheidsvoordele? <\/strong><\/p>\n

Die sap, sade, bas, blare en blomme word al lankal in tradisionele medisynes gebruik om meer as driehonderd toestande te behandel, van ontwurming tot oorgewig.<\/p>\n

Dr. Sunette Laurie, spesialisnavorser van die Landbounavor-singsraad wat die tweede Internasionale Moringasimposium in November verlede jaar georganiseer het, s\u00ea talle kleiner ondersoeke dui aan dat moringa werklike potensiaal het, veral vir diabetes, kanker, malaria, energie metabolisme, rumato\u00efede artritis en jig.<\/p>\n

\u201cMaar daar kort nog heelwat werk voor ons betroubare mediese bewyse het. Kom ons hoop stawende navorsing word so gou moontlik gedoen.\u201d<\/p>\n

 <\/p>\n

Watter voedingstowwe is daarin?<\/strong><\/p>\n

Kyk net hierna: volgens ScienceDirect wys ontleding van die blare hulle bevat tot sewe keer meer vitamien C as \u2019n vergelykbare gewig lemoene, tien keer meer vitamien A as wortels, 17 keer meer kalsium as koeimelk, 15 keer meer kalium as piesangs en 25 keer meer yster as spinasie. Asof dit nie genoeg is nie, bevat die blare min kilojoules, wat dit goeie dieetkos maak.<\/p>\n

Sunette is versigtiger in haar optimisme: \u201cMoringa is wel ryk aan vitamien A en C, koper, yster, magnesium en selenium. Dis veral \u2019n goeie bron van aminosure (die boustene van prote\u00efen), en gee jou twee derdes van die soorte wat jy nodig het.\u201d<\/p>\n

Duidelik moet ooroptimisme en superrealisme mekaar nog vind …<\/p>\n

Nogtans is dit so voedsaam dat dit in lande soos Senegal gebruik word vir babas wat nie voldoende borsmelk kry nie. Trouens, borsvoedende ma\u2019s vind ook baat daarby. Die blare bevat estrogeenvoorlopers wat vermoedelik die borskliere stimuleer om meer melk te produseer.<\/p>\n

Dr. Laurie stem saam dat moringa kan help met wanvoeding, oorgewig, voedselsekuriteit en inkomsteaanvulling \u2013 veral om-dat die meeste van ons dit kan kweek.<\/p>\n

 <\/p>\n

Is dit veilig? <\/strong><\/p>\n

Dit word al eeue lank in Indi\u00eb en Afrika gebruik: 5 g per dag behoort veilig te wees.<\/p>\n

 <\/p>\n

 <\/p>\n

Regte, outydse mieliepap<\/h4>\n

Raak doodgewone geel mieliemeel \u2019n superkos as jy dit, soos die Italianers, \u201cpolenta\u201d noem? Nee, ongelukkig nie, al is daar baie te s\u00ea vir mieliemeel \u00e9n polenta. As jy allergies vir koringmeel is, is mielieprodukte immers \u2019n staatmaker.<\/p>\n

Maar daar is een spesiale mieliepap in ons land beskikbaar: Toeka se Mieliepap, uit die groen lande van KwaZulu-Natal. Sover ons weet, is dit die enigste mieliepap m\u00e9t mieliekiem.<\/p>\n

Dieetkundige Jandri Barnard verduidelik dat wanneer mielies gemaal word drie produkte ontstaan: semels, mieliekiem en die mieliemeelstysel (mieliemeel). Die semels en mieliekiem word vir veevoer gebruik, al is dit eintlik die voedsaamste deel van die mielies.<\/p>\n

Die gewone mieliemeel wat ons koop, is dus:<\/p>\n