{"id":124026,"date":"2026-05-19T16:19:18","date_gmt":"2026-05-19T14:19:18","guid":{"rendered":"https:\/\/novanews.co.za\/rooirose\/?p=124026"},"modified":"2026-09-28T12:56:50","modified_gmt":"2026-09-28T10:56:50","slug":"14-redes-hoekom-jy-sleg-slaap-en-wat-jy-daaraan-kan-doen","status":"publish","type":"post","link":"https:\/\/novanews.co.za\/rooirose\/14-redes-hoekom-jy-sleg-slaap-en-wat-jy-daaraan-kan-doen\/","title":{"rendered":"14 redes hoekom jy sleg slaap en wat jy daaraan kan doen"},"content":{"rendered":"

14 redes hoekom jy sleg slaap en wat jy daaraan kan doen deur Salom\u00e9 Delport.\u00a0<\/em><\/p>\n

 <\/p>\n

 <\/p>\n

11 kleiner probleme wat veroorsaak dat jy sleg slaap<\/strong><\/h4>\n

 <\/p>\n

1. \u2019n Onverwagse een: Jou vitamienpil<\/h3>\n

\u2019n Ondersoek onder \u2019n paar honderd mense het aangetoon dat meer mense wat saans \u2019n multivitamien drink slegter slaap as mense wat dit nie neem nie. Watter vitamiene en minerale is die skuldiges? Dit is teoreties moontlik dat vitamien B12 \u2013 baie vroue neem gereeld \u2019n B-inspuiting vir ekstra energie \u2013 jou melatonienvlak be\u00efnvloed en jou wakker hou.<\/p>\n

\u2019n Mineraaltekort word gekoppel aan arms en bene wat ruk en pluk en jou nagrus steur. Aan die ander kant word vitamien B6 kort voor slaaptyd aan helder drome gekoppel. Kalsium en magnesium help ons slaap – daarom dat \u2019n glas suikervrye melk voor slaaptyd so gewild is.<\/p>\n

Vitamiene kan jou dus wakker hou, wakker maak \u00e9n vaak maak.<\/p>\n

Die beste raad? Drink jou vitamienpille soggens sodat niks saans met jou slaap inmeng nie.<\/p>\n

Lees ook: <\/strong>Kan slaap jou regtig slim, slank en ryk maak?<\/a><\/p>\n

 <\/p>\n

2. Drink jou medikasie \u00f3\u00f3k soggens<\/h3>\n

As \u201cinsomnia\u201d<\/em> as een van die newe-effekte op die voubiljet van jou medikasie voorkom, het jy moontlik j\u00f3\u00fa sondaar vasgetrek. Van die berugte slaapsteurders sluit in talle antidepressante (SSRI\u2019s soos Prozac en al sy verwante medikasies), dopamien (vir gemoedsiektes), amfetamien (vir AAHS) en sekere middels vir epilepsie en ho\u00eb bloeddruk.<\/p>\n

Waarmee dokter jy jouself?<\/strong> Dieetpille en verkouemedisyne kan ook jou slaap steel.<\/p>\n

Moet jy jou medikasie weggooi?<\/strong> Nee, maar drink dit soggens, of so lank moontlik voor slaaptyd. Of vra jou dokter vir \u2019n alternatief.<\/p>\n

 <\/p>\n

3. Maak tyd vir seks<\/h3>\n

Seks help \u2019n mens slaap. Tydens seks skei jou liggaam verskeie hormone af wat jou laat ontspan en slaperig maak, soos oksitosien en prolaktien. Daarby verhoog seks ons vroue se estrogeenvlak, wat ons droomslaapfase verbeter.<\/p>\n

 <\/p>\n

4. Leef saam met jou siklus<\/h3>\n

In die drie, vier dae voor menstruasie slaap vroue tipies sleg weens hormoonveranderings. Jy kan langer neem om aan die slaap te raak, meer kere wakker skrik en\/of ligter slaap. Gelukkig is dit net vir \u2019n paar dae voor jy weer soos \u2019n baba slaap.<\/p>\n

 <\/p>\n

5. Bestuur jou menopouse<\/h3>\n

In hierdie oorgangsfase ry jou hormone \u00e9n jou slaap wipplank. Moenie jou tot slaappille wend nie. Jy is t\u00e9 jonk daarvoor. Buitendien wys navorsing dat kognitiewe gedragsterapie baie suksesvoller is. \u2019n Sielkundige is die beter oplossing.<\/p>\n

 <\/p>\n

6. Kies jou eet- en drinkgoedjies<\/h3>\n

Baie van ons kan \u201chard\u201d lewe en daarmee wegkom – en sonder effek op ons slaap net espresso of twaalf koppies koffie per dag drink, blikkie op blikkie gaskoeldrank wegslaan, kettingrook \u00e9n \u2019n paar glasies wyn saans klink. Maar as jy sukkel om te slaap bly saans weg van elkeen hiervan, want hulle stimuleer jou uit jou slaap uit. Kyk wat gebeur as jy dit vir \u2019n week weglaat.<\/p>\n

 <\/p>\n

7. Jy begroot vir te veel slaap \u2013 of te min<\/h3>\n

Namate ons ouer word, het ons minder nagslaap nodig. Daarby \u201crus\u201d baie afgetredenes middae \u2019n bietjie. \u2019n Dutjie van twintig minute is so goed soos \u2019n uur se nagrus. As jy meer ure probeer slaap as wat jou liggaam nodig het, s\u00e1l jy sukkel met slaaploosheid. Die teenoorgestelde geld ook.<\/p>\n

 <\/p>\n

8. Oefen genoeg, en oefen vroeg<\/h3>\n

Ons reageer ook verskillend op oefening. Dit maak party van ons lekker vaak, terwyl dit ander aan die gang skop. Oefen soggens, of so vroeg moontlik saans.<\/p>\n

 <\/p>\n

9. Demp die ligte saans \u2013 of steek die kerse aan<\/h3>\n

Bedags hou blou lig van die son af ons natuurlik wakker deur ons slaaphormoon, melatonien, te onderdruk. As die son sak, verdwyn die blou lig, en styg ons melatonien, en kort voor lank is ons vaak.<\/p>\n

Of so het dit \u2019n eeu gelede gewerk. Maar nou straal ons LED-gloeilampe en rekenaar- en selfoonskerms blou lig uit. Ons melatonienvlak styg dus nie saans soos dit hoort nie. Daarom bly ons wakker voel.<\/p>\n

As jy nie heeltemal op skermtyd wil afskaal nie, kry vir jou \u2019n aandbril wat blou lig uitskakel, of laai \u2019n app af wat blou lig van jou selfoon en rekenaarskerm uitfiltreer. Skakel \u2019n uur of twee voor slaaptyd die elektroniese speelgoed af en steek die kerse aan. Dit kan romanties \u00f3\u00f3k raak.<\/p>\n

 <\/p>\n

10. Pluis jou kwale uit<\/h3>\n

Jy sal nie lekker slaap voor gesondheidsprobleme soos apnee, snork, rustelose bene, verstopte sinusse, pyn soos jig en artritis, depressie, angs en jou skildklier onder beheer is nie. Hiervoor kry jy die beste raad by jou dokter en fisioterapeut.<\/p>\n

 <\/p>\n

11. Is jou kamer slaapvriendelik?<\/h3>\n

Maak \u2019n plan met …<\/p>\n