{"id":122491,"date":"2019-12-05T11:00:24","date_gmt":"2019-12-05T09:00:24","guid":{"rendered":"https:\/\/novanews.co.za\/rooirose\/?p=122491"},"modified":"2019-11-28T15:44:24","modified_gmt":"2019-11-28T13:44:24","slug":"kan-hoop-jou-help-herstel","status":"publish","type":"post","link":"https:\/\/novanews.co.za\/rooirose\/kan-hoop-jou-help-herstel\/","title":{"rendered":"Kan hoop jou help herstel?"},"content":{"rendered":"

Kan hoop jou help herstel?\u00a0 deur Mariette Snyman<\/em><\/p>\n

 <\/p>\n

 <\/p>\n

Die hart van herstel<\/h4>\n

Waar daar lewe is, is daar hoop, lui die spreekwoord.<\/p>\n

Tog is dit nie in alle gevalle waar nie. Mense wat erge fisieke of emosionele pyn verduur, verloor soms die laaste greintjie lewensdrif.<\/p>\n

Is hoop net \u2019n gevoel, of behels dit meer? Hoekom hou party mense in moeilike omstandighede daaraan vas terwyl ander moed verloor?<\/p>\n

Vrae soos di\u00e9 het die Amerikaanse mediese spesialis en navorser, dr. Jerome Groopman, aangespoor om The Anatomy of Hope: how people prevail in the face of illness (Random House, 2005) te skryf. As onkoloog het hy dekades lank geworstel met die manier waarop hy slegte nuus aan pasi\u00ebnte moes oordra. Moes hy die rooskleurigste prentjie skilder sodat hulle hoopvol kon bly, of moes hy die feite klinies oordra sodat hulle nie onder \u2019n illusie sou verkeer nie?<\/p>\n

Hoe meer dr. Groopman oor hoop nagedink het, hoe meer het die kompleksiteit daarvan hom getref. Hoop is soos \u2019n diamant met talle fasette, skryf hy. Dit hou verband met ons denke, emosies en fisieke welsyn, en dis altyd \u2019n tweerigtingstraat. Hoop kan ons byvoorbeeld aanspoor om die pynlike aspekte van \u2019n ingreep soos bestraling te verduur, maar fisieke pyn kan ook ons gevoel van hoop laat verflou.<\/p>\n

Hoop word verder be\u00efnvloed deur ons verhouding met ander, onsself en, as ons gelowig is, met God. Ook hier is die uitwerking wedersyds. So kan \u2019n hegte band met geliefdes ons die moed gee om dapper teen \u2019n siekte te veg, maar \u2019n gebrek aan vertroue in die mediese personeel wat na ons omsien, kan ons positiewe houding \u2019n knou gee.<\/p>\n

Lees ook: Trauma na kanker – vang dit jou?\u00a0<\/a><\/p>\n

\"Kan<\/p>\n

 <\/p>\n

 <\/p>\n

Ware hoop, vals hoop<\/h4>\n

Hoop het betrekking op \u00e9lke dimensie van menswees, wat \u2019n netjiese omskrywing daarvan bemoeilik. In The Anatomy Of Hope onderskei dr. Groopman tussen vals en ware hoop.<\/p>\n

Die gewilde siening dat ons die krag van ons denke kan inspan om die kliniese uitkoms van feitlik enige siektetoestand te be\u00efnvloed, is volgens dr. Groopman \u2019n growwe veralgemening. Hoop is nie \u2019n towerstaf uit \u2019n sprokie nie, beklemtoon hy. \u201cBlinde optimisme benadeel ons vermo\u00eb om die werklikheid in perspektief te sien en weldeurdagte besluite te neem. Wanneer pasi\u00ebnte met \u2019n lewensbedreigende siekte vir my s\u00ea hulle wil niks van die probleme en risiko\u2019s weet nie, dring ek daarop aan dat hulle \u2019n bietjie inligting oor hul toestand en die behandelingsmetodes inwin. Ek verstaan dat hoop soms broos is en deur vrees vernietig kan word, maar deur jou kop in die sand te steek, skep jy vals hoop.<\/p>\n

\u201cVals hoop kan aanvanklik minder emosionele pyn skep, maar dis \u2019n wankelrige fondament wanneer jy \u2019n siekte beveg. Dit verkrummel sodra iets onvoorsiens gebeur, of wanneer die pad te steil raak. Ware hoop is op die lang duur \u2019n verstandiger opsie.\u201d<\/p>\n

Die kern van ware hoop l\u00ea daarin dat jy \u2019n beter toekomsvisie kan oproep. Al het jy \u2019n ontstellende diagnose ontvang, of voel jy baie siek, kan jy jou t\u00f3g voorstel dat jy vorentoe in \u2019n mindere of meerdere mate beter sal voel. As jy hierdie verbetering nie kan \u201csien\u201d nie, lyk die pad vorentoe uitsigloos.<\/p>\n

Ware hoop het \u2019n kognitiewe sowel as \u2019n emosionele komponent. Om ons \u2019n beter tydstip in die toekoms te kan voorstel, het ons inligting nodig. Gestel jy het \u2019n ernstige siektetoestand. Die prentjie
\nwat jy daarvan het, steun deels op inligting oor die siekte en moontlike behandelingsmetodes. Di\u00e9 verstandsaspek is onlosmaaklik aan ons emosies verbind. In gevoelsterme kan hoop omskryf word as die vertroostende, opheffende gevoel wat jy ervaar wanneer \u2019n gesonder toekoms voor jou geestesoog vorm aanneem.<\/p>\n

Ware hoop impliseer \u2019n skerp blik op die werklikheid. Dit neem kennis van bestaande bedreigings en gevare, maar ook van strategie\u00eb waardeur hulle getakel kan word. \u201cEk probeer inligting s\u00f3 aan pasi\u00ebnte oordra dat hulle \u2019n duidelike beeld van die beste sowel as die slegste scenario het,\u201d s\u00ea dr. Groopman. \u201cSommige dokters fokus slegs op angswekkende statistieke wat pasi\u00ebnte sonder hoop laat, terwyl ander die ware toedrag van sake verswyg of versuiker.<\/p>\n

\u201cEk mik vir die tussengrond wat die waarheid \u00e9n hoop kan akkommodeer. Saam kyk ek en \u2019n pasi\u00ebnt na die moontlike verloop van die siekte en na die behandelingsopsies tot ons beskikking. Ek doen my bes om eerlik te wees. Ek s\u00ea byvoorbeeld: \u2018Ons weet nie of die behandeling sal werk nie. Dalk werk dit nie – maar dit kan. Die uitkoms is nie gewaarborg nie, maar moontlik.\u2019 As ek glo die behandeling kan doeltreffend wees, probeer ek my oortuiging nie net deur my woorde nie maar ook deur die uitdrukking in my o\u00eb aan die pasi\u00ebnt oordra. Hoewel ek soos alle mense feilbaar is, is dit vir my belangrik om die vertroue wat tussen dokter en pasi\u00ebnt ontwikkel te eer en te versterk.\u201d<\/p>\n

Dr. Groopman voel geen dokter behoort soos \u2019n regter op te tree deur \u2019n vaste uitspraak te lewer wat aandui hoeveel dae, weke of maande die pasi\u00ebnt nog sal lewe nie. \u201cVeral vroeg in die verloop van \u2019n lewensbedreigende siekte het \u2019n pasi\u00ebnt die volste reg om teen alle verwagting in te bly hoop. Feit is: elke siekte se uitkoms is onseker. \u2019n Gewas het nie altyd die mediese handboek gelees nie, en \u2019n terapie kan onvoorsiens \u2019n dramatiese uitwerking h\u00ea. Daarby lewer mediese navorsing voortdurend nuwe moontlik-hede op. Ek het al meermale gereken \u2019n pasi\u00ebnt hoop vergeefs op remissie, en dan gebeur dit tog.\u201d<\/p>\n

Volgens dr. Groopman gee die besef dat hulle keuses het, pasi\u00ebnte \u2019n mate van beheer oor hul omstandighede. Hulle voel nie algeheel uitgelewer aan die siekte nie. \u201cPasi\u00ebnte met ware hoop benader \u2019n situasie kalmer en neem merendeels gepaste besluite oor behandeling. Soms wil \u2019n pasi\u00ebnt aanvanklik nie eens \u2019n behandeling oorweeg nie. As die dokter meen die behandeling het \u2019n kans om te werk en dan kan vasstel hoekom die pasi\u00ebnt dit weier, kan die saak uitgeklaar word.\u201d<\/p>\n

As voorbeeld beskryf dr. Groopman die geval van \u2019n pasi\u00ebnt wat in sy jong dae in die Vi\u00ebtnam-oorlog geveg het. Die man se makker het \u2019n sekere vorm van kanker gekry en binne \u2019n week n\u00e1 die
\ndiagnose gesterf, maar in daardie week ingrypende mediese prosedures ondergaan en bomenslik gely. Toe dr. Groopman se pasi\u00ebnt hoor hy het ook kanker en dat die behandeling hom dalk kon genees, het hy botweg geweier. Sy makker se lyding, wat hy as sinloos beleef het, was in sy geheue ingebrand. Eers toe hy kon insien dat hy \u2019n ander soort kanker het, dat behandelingsmetodes verbeter het, en dat hy enige tyd die behandeling sou kon staak, het hy ingestem.<\/p>\n

\u201cHoop gee ons die moed om ons omstandighede te konfronteer, die energie om te doen wat ons kan om \u2019n beter uitkoms te bereik, en die veerkrag om ongemak, pyn en onsekerheid te verduur. Baie keer is die eerste treetjie die swaarste,\u201d s\u00ea dr. Groopman.<\/p>\n

Laat hoop ruimte vir twyfel? \u201cEk glo so. Dis die groot paradoks van ware hoop: omdat niks volledig vooruit bepaal is nie, is daar nie net rede om te vrees nie maar ook te hoop. Natuurlik kom daar soms \u2019n tyd in die gang van \u2019n siekte wanneer die onvermydelike aanvaar moet word \u2013 maar selfs in die aangesig van die dood word van my pasi\u00ebnte deur hoop gedra. Hul hoopvolle visie vir die toekoms verskuif na \u2019n ander dimensie. As daar nie meer hoop is vir die liggaam nie, is daar hoop vir die siel.<\/p>\n

\"\"

Kan hoop jou help herstel?<\/p><\/div>\n

 <\/p>\n

 <\/p>\n

Die wetenskap wys \u2026<\/h4>\n

The Anatomy of Hope verwys na wetenskaplike navorsing wat die volgende bevindings opgelewer het:<\/p>\n