{"id":122459,"date":"2025-10-24T16:57:55","date_gmt":"2025-10-24T14:57:55","guid":{"rendered":"https:\/\/novanews.co.za\/rooirose\/?p=122459"},"modified":"2025-10-24T17:06:57","modified_gmt":"2025-10-24T15:06:57","slug":"wat-om-te-doen-as-jou-kind-in-n-slegte-verhouding-is","status":"publish","type":"post","link":"https:\/\/novanews.co.za\/rooirose\/wat-om-te-doen-as-jou-kind-in-n-slegte-verhouding-is\/","title":{"rendered":"Wat om te doen as jou kind in \u2019n slegte verhouding is"},"content":{"rendered":"

Wat om te doen as jou kind in \u2019n slegte verhouding is deur Ilse Salzwedel.<\/strong> Hooffoto:\u00a0Milan Popovic<\/a> vir Unsplash<\/em><\/p>\n

 <\/p>\n

 <\/p>\n

Slegte verhoudings? Keer so …<\/h4>\n

Die gesegde lui dat \u2019n mens die boompie moet buig terwyl hy nog jonk is, en dis volgens Karen Young, \u2019n bekende Australiese sielkundige, nooit te vroeg om jou kind te leer hoe gesonde verhoudings behoort te lyk nie.<\/p>\n

Young s\u00ea dis belangrik om jou kind van kleins af te leer hoe om toksiese mense te hanteer, want hulle duik een of ander tyd in almal van ons se lewe op. Of jou kind deurloop onder katterige maats of \u2019n volwassene (soos \u2019n onderwyser of afrigter) wat op haar pik, jy kan jou kind help om dit beter te hanteer. Terselfdertyd gee jy die kind ook \u2019n bloudruk vir die hantering van toekomstige verhoudings \u2013 ook liefdesverhoudings.<\/p>\n

Die heel eerste stap, volgens Young, is om seker te maak die kind is nie dalk net oorsensitief vir kritiek nie. Maak ook seker \u2013 veral in die geval van klagtes oor \u2019n onderwyser of afrigter \u2013 dat die onderwyser se optrede nie dalk geregverdig is nie. Het jou kind nie dalk wel iets verkeerd gedoen nie? Dis baie belangrik dat kinders besef dat ander se kritiek wel soms regverdig is en dat ons dikwels daarby kan baat vind.<\/p>\n

Lees ook: Mede-afhanklikheid: Vernietig jou liefde jou?\u00a0<\/a><\/p>\n

 <\/p>\n

 <\/p>\n

Wat om te doen as jou kind slagoffer is van toksiese gedrag – 9 dinge wat jy as ouer moet weet<\/h4>\n

Sodra jy seker is dat jou kind wel die slagoffer is van toksiese gedrag, takel dit so:<\/p>\n

 <\/p>\n

1. Onttrek jou ondersteuning aan die volwassene (of maatjie).<\/h4>\n

Die meeste van ons is grootgemaak met \u2019n gesonde (maar soms ook amper oordrewe ontsag) vir ouer mense en gesagsfigure. Maar as jy agterkom \u2019n grootmens se gedrag is skadelik vir jou kind se selfbeeld of selfvertroue, maak seker jou kind verstaan dat jy nie die persoon se gedrag ondersteun nie.<\/p>\n

Lees ook: Jy kan \u2019n goeie selfbeeld kweek<\/a><\/p>\n

 <\/p>\n

2. Leer jou kind van gesonde grense.<\/h4>\n

Dis raad wat \u2019n mens dikwels kry, maar waar begin jy? Young gee praktiese raad: \u201cGrense is die lyn tussen wat ek is en wat ek nie is nie, die grens tussen wat ander mense dink en wat ek dink.\u201d<\/p>\n

Wanneer \u2019n kind gesonde grense het, sal hy ook aanvaar dat wat ander mense dink\/voel\/s\u00ea\/doen nie beteken dat hy dieselfde moet doen nie.<\/p>\n

Om die konsep vir \u2019n kind te verduidelik, gebruik gerus Young se voorbeeld. Sy vergelyk \u2019n grens met \u2019n onsigbare kragtige kring (\u201cforcefield\u201d) om elkeen van ons. Leer jou kind dat dit daar is om ons te beskerm teen mense wat ons laat sleg voel oor onsself, of wat lelike dinge oor ons s\u00ea. Leer jou kind dat hy ten volle in beheer is van daardie kring – hy kan besluit wanneer om dit \u201caan\u201d te skakel, en wanneer nie. Maak dit baie duidelik dat dit haar besluit is wie binne daardie kring mag kom, en wie buite moet bly. \u201cS\u00ea duidelik dit is haar keuse en sal altyd wees,\u201d is Young se raad. \u201cHy of sy moet ook weet dat, hoewel dit baie belangrik is om ander te respekteer, dit net so belangrik is om jouself te respekteer. Deur sekere mense buite jou kring te hou, beskerm jy jouself.\u201d Leer jou kind dat ons geen beheer oor ander se optrede het nie, maar beslis oor ons eie.<\/p>\n

Lees ook: Hoe om gesonde grense te stel<\/a><\/p>\n

 <\/p>\n

3. Komplimenteer jou kind wanneer hy dit wel regkry om \u2019n toksiese mens uit sy lewe te sny.<\/h4>\n

Om jou teen ander te beskerm verg dikwels baie meer moed as om net toe te laat dat die stroom (of groepsdruk) jou meesleur.<\/p>\n

Lees ook: Bou jy of breek jy jou kind se selfbeeld?\u00a0<\/a><\/p>\n

 <\/p>\n

4. Leer jou kind dat toksiese gedrag dikwels outomaties is en niks te doen het met wat sy gedoen of ges\u00ea het nie.<\/h4>\n

Die ander mens besef nie eens hoe seer sy optrede of woorde maak nie. Dis nie \u2019n verskoning nie, maar dis belangrik dat jou kind besef die ander mens se optrede is \u2019n weerspie\u00ebling van hom of haar, en nie van jou kind nie. Dieselfde beginsel geld ook in afbrekende volwasse verhoudings \u2013 die man wat sy vrou mishandel, is die een met die probleem, nie die vrou nie. Sy \u201cverdien\u201d dit nie omdat sy op \u2019n sekere manier optree nie.<\/p>\n

Lees ook: 10 dinge wat jy nooit vir jou tiener moet s\u00ea nie<\/a><\/p>\n

 <\/p>\n

5. Leer jou kind kleintyd al om \u201cnee\u201d te s\u00ea.<\/h4>\n

\u201cNee\u201d is een van die kragtigste woorde wat jy jou kind kan leer. Praat ook met jou kind oor daardie binnestemmetjie wat jou teen sekere situasies of mense waarsku, en leer haar om dit te vertrou. Verseker haar ook dat jy haar sal ondersteun wanneer sy nee ges\u00ea het vir iets omdat \u2019n mens of situasie haar ongemaklik laat voel.<\/p>\n

Lees ook: Leer hoe om “nee” te s\u00ea<\/a><\/p>\n

 <\/p>\n

6. \u201cMoenie toelaat dat ander jou verander nie.\u201d<\/h4>\n

Natuurlik is daar by almal van ons ruimte vir verbetering. Maar sodra iemand wil verander wie jy is, hoe jy lyk, waarin jy glo, of wat jy s\u00ea, is dit nie meer aanvaarbaar nie. Dit is van die waardevolste raad waarmee jy jou kind die lewe kan instuur. Nie net wys jy dat jy haar liefhet vir die mens wat sy is nie, maar jy versterk ook haar selfwaarde en bemagtig haar sodat sy hopelik nie die prooi in \u2019n aftakelende verhouding sal word nie.<\/p>\n

Lees ook: Vroue, ons selfbeeld en ons geluk<\/a><\/p>\n

 <\/p>\n

7. Leer jou kind dat haar geluk nie afhang van ander se mening nie.<\/h4>\n

Dis veral belangrik in \u2019n era waarin kinders dikwels hul selfwaarde meet aan die kommentare en hoeveelheid likes op sosiale media. Iemand met \u2019n swak selfbeeld sal makliker in die strik van toksiese verhoudings trap.<\/p>\n

Lees ook: Die oorsake van \u2019n negatiewe selfbeeld<\/a><\/p>\n

 <\/p>\n

8. Dis soms beter om weg te stap.<\/h4>\n

Leer jou kind van kleins af dat dit soms die heel beste is om iemand uit jou lewe te sny. Nie alle vriendskappe of verhoudings is bedoel om lewenslank te duur nie. Soms bly jy in \u2019n vriendskap of verhouding (of huwelik) omdat jy verplig voel, al geniet jy dit lankal nie meer nie. Dis piekfyn om eerder plek te maak vir iemand anders wat jou beter oor jouself gaan laat voel of meer gaan waardeer.<\/p>\n

Lees ook: Leer jou dogter om \u2019n goeie selfbeeld te h\u00ea<\/a><\/p>\n

 <\/p>\n

9. Dit gaan nie oor hoeveel vriende jy het nie, maar oor die soort vriende.<\/h4>\n

As \u2019n kind dit van kleins af leer, is die kans ook skraler dat sy in \u2019n slegte verhouding (en later huwelik) gaan bly net om te kan s\u00ea sy het darem \u2019n k\u00earel\/man. Jou kind moet weet daar is niks fout daarmee om soms alleen te wees nie.<\/p>\n

Lees ook: Ridder of rower – 10 dinge wat jy oor swendelaars en manipuleerders moet weet<\/a><\/p>\n

 <\/p>\n

 <\/p>\n

Herken die tekens: Wanneer is jou kind in \u2019n slegte verhouding betrokke?<\/h4>\n

\u2019n Ma het dikwels \u2019n gevoel dat haar kind ongelukkig is, maar hier is \u2019n paar rooi ligte wat jy nie durf ignoreer nie.<\/p>\n