{"id":121118,"date":"2019-10-29T13:24:06","date_gmt":"2019-10-29T11:24:06","guid":{"rendered":"https:\/\/novanews.co.za\/rooirose\/?p=121118"},"modified":"2019-10-29T13:24:06","modified_gmt":"2019-10-29T11:24:06","slug":"carla-smith-groen-klassiek-en-slapstick","status":"publish","type":"post","link":"https:\/\/novanews.co.za\/rooirose\/carla-smith-groen-klassiek-en-slapstick\/","title":{"rendered":"Carla Smith: Groen, klassiek en \u201cslapstick\u201d"},"content":{"rendered":"

Carla Smith: Groen, klassiek en \u201cslapstick\u201d<\/em> \u2013 Deur Zo\u00eb Salzwedel. Hooffoto: verskaf<\/em><\/p>\n

 <\/p>\n

 <\/p>\n

Carla Smith, wat die rol van Kittie in \u00a0Tydelik Terminaal<\/em><\/a> vertolk, is \u2019n bekende teateraktrise, wat al te sien was in Altaar<\/em>, Die maan val bewusteloos, Sewe Deugde, nee minder<\/em> en Fiela se kind.<\/em> Sy het ook al \u2019n gasrol vertolk in die sepie, Binnelanders<\/em>.<\/p>\n

Carla is op 8 Desember 1997 gebore in Kaapstad se Louis Leipoldt-hospitaal. Sy het grootgeword in \u2019n liefdevolle huis in Durbanville, en het \u2019n jonger sussie, Maja. Tydens haar eerste jaar op ho\u00ebrskool is hulle verras met \u2019n klein boetie, Juan-Christoff. Vandag is Carla 21 jaar oud en woon sy reeds die afgelope vier jaar in Stellenbosch waar sy tans besig is met haar honneursgraad in Kreatiewe Skryfkuns aan die Universiteit van Stellenbosch.<\/p>\n

Vra mens vir Carla wat haar kwaad maak, is die antwoord eenvoudig: onreg, leuens, geweld en haat. \u201cO ja, en mense wat nie hulle flikkerligte gebruik nie!\u201d<\/p>\n

Carla vertel dat sy op haar gelukkigste is op die berg met \u2019n roomys, mooi musiek en \u2019n boek in haar hand! \u201cEk is lief vir enigiets groen, om te dans in die kombuis met my familie en omring te wees met mense wat hou van wat hulle doen. En flieks – enigiets waarin iemand sing, dans en in perfekte harmonie beweeg, maak my hart meer opgewonde as \u2019n Thaise groenkerrie.\u201d<\/p>\n

 <\/p>\n

 <\/p>\n

Waar kom jou liefde vir toneelspel en die kunste vandaan?<\/h4>\n

Van baie Sound of Music <\/em><\/a>kyk, <\/em>op die tafel dans as \u2019n 16 maande oue baba en \u2019n familie wat die beste en mooiste stories vertel.<\/p>\n

 <\/p>\n

 <\/p>\n

Op watter ouderdom het jy besef dat jy graag eendag in die vermaaklikheidsbedryf wil werk? En vertel ons van jou studies en die opwindende lewe van \u2019n dramastudent.<\/h4>\n

Seker maar op dieselfde ouderdom waarop ek besef het dat bloed my naar maak en dat medies nie vir my bestem is nie \u2013 en d\u00edt was al redelik vroeg in my lewe gewees.<\/p>\n

My studies was en is heerlik! Ek is omring deur mense wat w\u00edl werk, lief is vir teater en stories vertel.<\/p>\n

 <\/p>\n

 <\/p>\n

Wat was jou eerste groot rol, en wat het jy daaruit geleer?<\/h4>\n

Nina die boskind in Fiela se Kind<\/em> en Peter Pan \u2013 by Peter Pan se een opvoering het daar n\u00e9t 7 mense kom kyk (waarvan 4 familielede was!)<\/p>\n

Ons moet hou van wat ons doen!<\/p>\n

 <\/p>\n

 <\/p>\n

Beskryf jouself in drie woorde.<\/h4>\n

Groen, klassiek en slapstick<\/em>.<\/p>\n

 <\/p>\n

https:\/\/www.instagram.com\/p\/BZydgW1hlyP\/<\/p>\n

 <\/p>\n

 <\/p>\n

Wat is jou motto in die lewe, en hoekom?<\/h4>\n

As dit jou laat glimlag en as dit jou laat groei, \u00a0doen dit weer!<\/p>\n

 <\/p>\n

 <\/p>\n

Vertel vir ons van\u00a0Tydelik Terminaal<\/em>\u00a0en die rol wat jy daarin speel?<\/h4>\n

My karakter se naam is Kittie en sy is \u2019n 22-jarige honneursstudent aan die Universiteit van Johannesburg. Kittie is \u2019n ywerige joernalistiekstudent en droom van stories dek in oorloggeteisterde gebiede. Ongelukkig word haar planne skielik omvergegooi wanneer sy in haar laaste semester van haar graad gediagnoseer word met kanker.<\/p>\n

Die reeks volg haar en haar vriende se ervarings en lewens met en rondom di\u00e9 siekte. Sy is ambisieus, gedrewe en doof vir enigiets wat haar moed wil breek. Tydelik Terminaal <\/em>is helder en vars, en probeer die lekker en die seer van jonkwees uitbeeld.<\/p>\n