{"id":119657,"date":"2023-10-19T14:07:49","date_gmt":"2023-10-19T12:07:49","guid":{"rendered":"https:\/\/novanews.co.za\/rooirose\/?p=119657"},"modified":"2023-10-19T14:09:50","modified_gmt":"2023-10-19T12:09:50","slug":"eet-jou-maag-gesond-bakterie-vesel-derm","status":"publish","type":"post","link":"https:\/\/novanews.co.za\/rooirose\/eet-jou-maag-gesond-bakterie-vesel-derm\/","title":{"rendered":"Eet jou maag gesond"},"content":{"rendered":"

Eet jou maag gesond deur Salom\u00e9 Delport. Foto: SolStock\/istock images\u00a0<\/em><\/p>\n

 <\/p>\n

 <\/p>\n

Hoe gelukkig is jou maag?<\/h2>\n

Jou maag is so gelukkig soos die sowat tien triljoen dermflora wat in jou dermkanaal woon.<\/p>\n

As jy dadelik dink meer jogurt is die regte ding vir hulle, is jy net halfpad reg.<\/p>\n

Laktobasille, die \u201cgoeie\u201d organismes in jogurt, hou egter baie meer daarvan om in melk te leef as om jou derm hul tuiste te maak. Daarby is hulle nie naastenby jou belangrikste dermflora nie. En daarom is selfs liters en liters jogurt as voedsel vir jou dermflora soos om water vir \u2019n vis te voer \u2013 nodig, maar \u2019n algehele misverstaan van wat \u2019n vis eet.<\/p>\n

Aangesien jou dermflora se welvaart ook j\u00f3\u00fa welvaart is, is alles wat hulle gelukkig maak \u2019n goeie belegging.<\/p>\n

Dus: wat laat hulle floreer?<\/p>\n

 <\/p>\n

Wie leef in jou dermkanaal?<\/h2>\n

Die driehonderd tot duisend spesies wat in jou knus, warm maar uiters suur en pikdonker dermkanaal floreer, het name so eksoties soos di\u00e9 van rolprentsterre: Prevotella, Dorea, Roseburia en Blautia, om \u2019n paar te noem.<\/p>\n

Ons kan ons dermflora in twee tipes verdeel: byspelers en hoofrolakteurs. Laktobasille tel onder die eerste groep, maar ons langtermyn-dermflora is die werklike sterre van ons gesondheid.<\/p>\n

 <\/p>\n

Wat doen hierdie sterre heeldag?<\/h2>\n

Net soos sepiesterre is hulle fassinerend. Die navorsingsw\u00eareld bly verras met elke nuwe bevinding oor hul doen en late. Allerlei verstommende waarnemings van die afgelope dekade wys dat ons dermflora die stert is wat die hond swaai. So bepaal hulle deels jou gewig \u2013 glo dit of nie.<\/p>\n

In een ondersoek onder identiese tweelinge waarvan een oorgewig is en een \u2019n normale gewig het, is vasgestel dat die skraler een \u2019n effens ander kombinasie van dermflora, en veral meer soorte plantverterende dermflora as die oorgewig een het. Die navorsingspan glo jou rietskraal lyfie word nie net bepaal deur hoeveel jy eet nie maar ook deur jou dermflora. Dit, s\u00ea hulle, verklaar waarom jou vriendin \u2019n hele sjokoladekoek kan opeet sonder om \u2019n gram aan te sit terwyl jy \u2019n kilo aansit van net kyk daarna.<\/p>\n

Die \u201conreg\u201d strek selfs verder.<\/p>\n

Ander \u2013 en dalk \u00e1lle ander \u2013 kos-verwante aspekte van jou gesondheid, soos jou cholesterolvlak, word ewe waarskynlik deur jou dermflora beheer.<\/p>\n

Die nuwe siening is dat veral metaboliese siektes soos diabetes, ho\u00eb cholesterolvlakke, deurlaatbaarheid van die dermkanaal, intoleransies vir kos, ho\u00eb lipiede en plaak in die aarwande (wat ho\u00eb bloeddruk en aarwandskade veroorsaak) verband hou met die soorte en hoeveelheid dermflora in jou dermkanaal.<\/p>\n

Daar is selfs bewyse dat toestande soos depressie en angs, wat met die eerste oogopslag niks met dieet te doen het nie, ook deur dermflora be\u00efnvloed word.<\/p>\n

 <\/p>\n

Jou derm is \u2019n geslote stelsel<\/h2>\n

As ons welvaart van dermflora afhang, moet dit mos moontlik wees om \u2019n kapsule te sluk, volgeprop met \u2019n stewige dosis van die magiese flora agter gesondheid en geluk? Basies \u2019n superprobiotiese kapsule, soos die een wat ons saam met antibiotika gebruik?<\/p>\n

Ongelukkig is hierdie verband nie so eenvoudig soos om te s\u00ea dat as jy meer van x het, sal jy outomaties rietskraal en vrolik voel, en \u2019n normale cholesterolprofiel en bloeddruk ontwikkel nie. Dit lyk asof dit ook gaan oor die balans tussen spesies. Jy kan x bysit maar as y daarmee saam floreer, gaan z oorheers, wat keer dat x vermeerder en sy goeie werke doen. Gelukkig is daar ander maklike en goedkoop oplossings \u2013 later meer daaroor.<\/p>\n

Nog \u2019n rede waarom dit byna onmoontlik is om goeie organismes in ons dermkanaal te plaas is dat ons dermkanaal vir alle praktiese doeleindes \u2019n geslote gemeenskap is. Aan die bopunt van jou dermkanaal dien jou maag met sy ekstreme suurheid as hekwag. Bitter min organismes oorleef die reis deur die maag. Dit is juis hoe jy beskerm word teen gevaarlike organismes. Selfs probiotiese kapsules is net deels suksesvol. Van die dermiljoene in elke kapsule bereik net \u2019n klein persentasie die dunderm.<\/p>\n

Van die onderkant af is dit soos \u2019n eenrigtingstraat: organismes maak dit ook nie van die anus deur die kolon na die dik- en dunderm nie. Al is daar hoop met fekale implantering (die plaas van ontlasting van \u2019n gesonde persoon in die kolon van \u2019n ontvanger) is dit onseker of dit \u2019n invloed op die dermflora ho\u00ebr op in die dermkanaal sal h\u00ea. Jou dokter kan ook nie net \u2019n snytjie deur jou buik maak om so die voordeligste flora direk in jou dunderm te inokuleer nie, aangesien die kans net te groot is dat di\u00e9 soort prosedure na sepsis kan lei.<\/p>\n

Verder is jou dermkanaal baie lank \u2013 sewe meter, of so lank as vier mense wat elk 1,75 m lank is. Die leeftoestande, en daarmee saam die soorte organismes wat jy daar aantref, verander saam met die lengte van jou derm. Die lewe vir die organismes in jou dermkanaal is soos \u2018n hondegeveg: almal veg om voortebestaan en vreet mekaar op. Hulle laat nie noodwendig toe dat \u2019n organisme wat aan die maag- of anale kant van die derm binnekom, tot by sy natuurlike tuiste sal kan reis nie.<\/p>\n

Daar is wel \u2019n hele paar uitstekende kunsies: Al kan jy nie organismes in jou dermkanaal insit nie, kan jy die toutjies trek wat bepaal wie in jou dermkanaal floreer en wie nie.<\/p>\n

 <\/p>\n

Trek die toutjies<\/h2>\n

Jou dermflora \u201cvertaal\u201d van jou toebroodjie met avokado en spinasie tot jou tjoppie en sjokoladeroomys in gesondheid \u00e9n ongesondheid.<\/p>\n

Gelukkig het hulle \u2019n bitter kort leeftyd \u2013 minder as \u2019n halfuur vir die laktobasille wat melk in jogurt verander, en selfs korter vir ander spesies.<\/p>\n

Dit hou \u2019n enorme voordeel vir jou in. Waar jy oor weke en maande aan spiere en fiksheid bou en jare moet studeer om selfs net matriek te maak, kan jy binne net een dag jou dermflora verander.<\/p>\n

Regtig.<\/p>\n

Dit verg net een dag om vyftig generasies verder te wees, en jou flora op \u2019n nuwe pad te sit deur die kos te verander wat jy hulle laat kry. So trek jy die toutjies wat bepaal watter spesies floreer, wat op hulle beurt sorg dat jy (dalk) skraler bly, \u2019n gesonde laer cholesterolprofiel handhaaf en meer serotonien maak wat jou help om gelukkig te voel.<\/p>\n

Lees ook: Raad vir hardlywigheid<\/a><\/p>\n

 <\/p>\n

Waarvan hou hulle?<\/h2>\n

Vesel. <\/strong><\/p>\n

Ons weet lankal dat vesel goed is om jou gereeld te hou en dat vesel ons versadig hou sodat ons minder eet. Maar ons besef nou ook dat vesel koningskos vir ons dermflora is.<\/p>\n

Vesel is niks anders as baie lang koolhidraatmolekules nie. Ons kan dit nie verteer nie. Maar ons dermflora kan. Sommige spesies breek vesel in kleiner brokstukke af, wat as kos dien vir \u2019n volgende spesie in die verteringsketting, en so aan. So gedy hulle \u2013 en ons. As ons te min vesel eet, ly die hele ketting van organismes honger. Ongelukkig is ons moderne eetpatroon juis vesel-arm. Minder veselkos beteken minder dermflora \u2013 en minder gesondheid.<\/p>\n

Ons het maar net 30 g vesel per dag nodig. Sommige berekenings wys dat net 10 g ekstra vesel jou tot drie triljoen meer dermflora gee.<\/p>\n

Ons voorsate en selfs ons oumas het waarskynlik drie, vier keer soveel vesel ge\u00ebet, terwyl ons gemiddeld maar net 15 g daarvan kry.<\/p>\n

 <\/p>\n

Wat van \u201cwit\u201d koolhidrate? <\/strong><\/p>\n

As vesel eintlik na koolhidrate afbreek, kan ons mos die organismes laer af in die ketting \u201chelp\u201d as ons wegl\u00ea aan beskuit of sjokolade propvol suiker? Jy kan, maar dit versteur die delikate balans tussen die verskillende soorte organismes \u2013 en daarmee saam jou gesondheid.<\/p>\n

 <\/p>\n

Wat van vette en prote\u00efene?<\/strong><\/p>\n

Te veel van elkeen lei ook tot minder van ons voordeligste spesies dermflora.<\/p>\n

 <\/p>\n

Wat van kombucha? <\/strong><\/p>\n

Jogurt, kale kimchi, maas, kefir en sauerkraut is nie nutteloos nie. Hierdie kossoorte word gemaak met die hulp van \u201cdeurreisende\u201d mikroflora. Hulle verander die vette en koolhidrate daarin in kortkettingvetsure, wat die soort voeding verskaf waarop sekere van ons permanente dermmikrobes floreer. Maar dit voed \u2019n klein persentasie van ons dermflora. Die meerderheid vra vesel.<\/p>\n

Dus, selfs op \u2019n liter jogurt per dag kan ons permanente flora krepeer. Hulle het vesel ook nodig.<\/p>\n

Hoe meer vesels jy eet, hoe gelukkiger is jou dermflora \u00e9n jy.<\/p>\n

Lees ook: 3 eiermites waaronder jy nie moet ly nie<\/a><\/p>\n

<\/h2>\n

Meer vesel \u2013 maklik met elke ete<\/h2>\n

Ontbyt<\/strong><\/p>\n