{"id":119308,"date":"2019-09-19T16:21:12","date_gmt":"2019-09-19T14:21:12","guid":{"rendered":"https:\/\/novanews.co.za\/rooirose\/?p=119308"},"modified":"2019-09-19T16:21:12","modified_gmt":"2019-09-19T14:21:12","slug":"kry-nou-jou-testament-en-boedel-op-datum","status":"publish","type":"post","link":"https:\/\/novanews.co.za\/rooirose\/kry-nou-jou-testament-en-boedel-op-datum\/","title":{"rendered":"Kry nou jou testament en boedel op datum"},"content":{"rendered":"

Kry nou jou testament en boedel op datum verwerk in September 2019 van die artikel Wanneer later te laat is deur Maryke Visagie (rooi rose, Februarie 2010)\u00a0<\/em><\/p>\n

 <\/p>\n

 <\/p>\n

Wanneer later te laat is<\/h4>\n

Niks in die lewe is seker nie, behalwe die dood en belasting. Di\u00e9 gesegde geld dubbel en dwars wanneer dit kom by boedels, want Jan Taks soek sy pond vleis selfs n\u00e1 die dood en talle gesinne kan
\nin \u2019n penarie sit wanneer daar nie genoeg kontant in Pa se boedel is om die belasting op die bates te dek nie \u2013 en d\u00edt op \u2019n tyd wanneer mense nie die emosionele energie het om in sulke rompslomp opgeslurp te word nie.<\/p>\n

Natuurlik kan jy sonder \u2019n testament, oftewel intestaat, sterf. Dit laat jou boedel weerloos, want sonder \u2019n testament word jou bates volgens wet onder jou naasbestaandes verdeel, of jy nou \u2019n goeie verhouding met hulle het of nie.<\/p>\n

\u2019n Duidelik uiteengesette testament is die eerste stap om jou boedel volgens jou wense te verdeel. \u2019n Testament se doel is drieledig: om \u2019n eksekuteur te benoem, jou bates en laste te lys en jou erfgename te benoem. Enige voorwaardes moet ook genoem word, soos dat Kleinjan sy erfporsie eers op 25 ontvang.<\/p>\n

As jy \u2019n onderneming besit, moet jy \u2019n opvolger aanwys, maar onthou dat vennootskappe by afsterwe van een party ontbind.<\/p>\n

\"Kry<\/p>\n

 <\/p>\n

 <\/p>\n

Wat beteken intestaat?<\/strong><\/p>\n

As jy sonder \u2019n testament sterf, sterf jy intestaat. Jou eggenoot en kinders erf, of as jy nie \u2019n maat en kinders het nie, erf jou ouers of hul afstammelinge jou boedel.<\/p>\n

\"Kry<\/p>\n

 <\/p>\n

 <\/p>\n

Stap 1 Kry kundige hulp<\/h4>\n

Iemand moet jou afsterwe by die Meester van die Hooggeregshof aanmeld, die details van jou bates en laste bymekaarmaak, seker maak die uitstaande rekeninge word betaal en die bates aan die
\nregte mense oordra. Ons verwys na hom of haar as die eksekuteur, wat tradisioneel jou eggenoot, \u2019n bankamptenaar, trustee van jou trust, finansi\u00eble adviseur, prokureur of rekenmeester kan wees \u2013 kortom, \u2019n amptenaar wat deur die Meester aanvaar sal word.<\/p>\n

Hy of sy moet ook \u2019n advertensie in die plaaslike koerant sit net n\u00e1 die aanstellingsbrief van die Meester ontvang is om aan alle skuldeisers die geleentheid te bied om \u2019n eis teen die boedel in te dien.<\/p>\n

Die eksekuteur stel dan \u2018n likwidasie- distribusierekening op waarin al jou bates en laste verantwoord word en die balans aan die erfgename toegeken word. Sodra die likwidasie- en distribusierekening deur die Meester goedgekeur is, moet \u2019n verdere advertensie geplaas word vir openbare insae in en besware teen di\u00e9 dokument.<\/p>\n

D\u00edt alles klink eenvoudig genoeg. Maar Pieter Muller van Du Toit-Smuts & Mathews Phosa-prokureursfirma in Nelspruit beredder daagliks boedels en hy meen daar is meriete in om \u2019n prokureur aan te stel wat spesifiek boedels beredder.<\/p>\n

\u201c\u2019n Boedelprokureur werk daagliks met boedels en ken die slaggate. Hulle is op die hoogte van die jongste wetsveranderinge en weet ook hoe om klousules s\u00f3 te omskryf dat daar nie verwarring
\nof ruimte vir interpretasie bestaan nie. Dis veral belangrik in meer ingewikkelde boedels, of waar eiendom ter sprake is. Ons kry dikwels klousules wat mekaar weerspreek, of dat die oorledene se
\nwense onuitvoerbaar is.\u201d<\/p>\n

Of jy nou \u2019n prokureur of finansi\u00eble beplanner as eksekuteur benoem, maak seker di\u00e9 persoon is kundig. Daar sal eksekuteursvergoeding, wat statut\u00ear bepaal word, betaalbaar wees deur jou
\nboedel, behalwe as dit vooraf beding en in die testament vasgestel word. \u2019n Ander opsie is om \u2019n verantwoordelike familielid as eksekuteur te benoem, wat dan die dienste van \u2019n boedelprokureur teen \u2019n ooreengekome bedrag kan bekom.<\/p>\n

Wynand Prins, boedeldeskundige by Cluver Markotter op Stellenbosch, s\u00ea noukeurige papierwerk kan baie help om sake glad te laat verloop. Berei vir jou eksekuteur \u2019n l\u00eaer voor met die nodige
\ndokumente en maak seker hy of sy weet waar om dit te kry.<\/p>\n

\"Kry

Kry nou jou testament en boedel op datum<\/p><\/div>\n

 <\/p>\n

 <\/p>\n

Stap 2: Maak seker jou boedel is solvent<\/h4>\n

Die laaste ding wat jy wil h\u00ea, is dat van jou bates n\u00e1 jou afsterwe deur jou skuldeisers of Jan Taks opge\u00ebet word omdat daar nie genoeg kontant is om jou verpligtinge na te kom nie. Onthou, net
\nomdat jy dood is, beteken dit nie al die kontrakte is nou ongeldig nie. Verbande en uitstaande skuld moet steeds betaal word.<\/p>\n

Die meeste mense sorg vir likiditeit in hul boedels deur lewensversekering uit te neem wat by afsterwe uitbetaal.<\/p>\n

Daar is ander opsies ook, soos beleggings in effektetrusts in die langslewende se naam, wat maklik in kontant omgeskakel kan word. Die nadeel is dat effektetrusts aan die aandelemark gekoppel is en as diemark swak vaar, kan jy minder kry as wat jy verwag. As jy nie afgetree is nie, kan likiditeit ook geskep word deur die uitbetaling van jou aftreefonds of pensioen, maar jy moet die trustees
\nvan die fonds opdrag gee hoe dit bestee moet word.<\/p>\n

Bespreek di\u00e9 opsies met jou finansi\u00eble beplanner.<\/p>\n

\"Kry<\/p>\n

 <\/p>\n

 <\/p>\n

Stap 3: Haal die beste uit jou boedel<\/h4>\n

\u2019n Finansi\u00eble beplanner het altyd ges\u00ea: \u201cGee die keiser wat hom toekom, nie wat hy vra nie.\u201d<\/p>\n

Boedelbelasting staan tans op 20% van die belasbare bedrag van jou boedel, n\u00e1 daar R3,5 miljoen afgetrek is van die netto boedelwaarde. Dit geld vir boedels tussen R3.5 miljoen tot R30 miljoen. Die belasbare bedrag bo R30 miljoen word teen 25% belas. Met \u2019n bietjie beplanning kan jy hierdie belasbare bedrag verklein en sodoende minder boedelbelasting aan Jan Taks verskuldig wees.<\/p>\n

Neem Barend en Louise, \u2019n getroude egpaar, as voorbeeld. Sy boedel bestaan uit \u2019n huis van R3,5 miljoen, \u2019n strandhuis van R1 miljoen en diverse beleggings en aandele van R4 miljoen. Die
\ntotale waarde van sy boedel is R8,5 miljoen.<\/p>\n

Eerstens – nalatings aan Louise is aftrekbaar vir boedelbelastingdoeleindes, maar dit is eintlik maar net \u2019n uitstel van belasting, want die belasting sal met haar afsterwe gehef word. Dit is nie \u2019n
\ndoeltreffende manier om belasting te verminder nie.<\/p>\n

By Barend se afsterwe, toelaatbare aftrekkings buite rekening gelaat, is R3,5 miljoen aftrekbaar vir boedelbelastingdoeleindes, wat R5,5 miljoen vatbaar laat vir belastingheffing van 20%, oftewel
\nR1,1 miljoen. Dis net hier waar kreatiewe boedelstrukturering inkom – die idee is om die belasbare bedrag te verklein.<\/p>\n

\"Kry<\/p>\n

Donasies<\/strong><\/p>\n

Barend kan deur die loop van sy lewe R100 000 per jaar belastingvry aan donasies bestee, wat hom toelaat om as \u2019t ware sy bates reeds deur sy lewe uit te deel aan sy begunstigdes en so sy boedel te verklein. Dit is \u2019n opsie, maar Wynand Prins s\u00ea dat dit sal afhang van die individu se omstandighede of dit \u2019n wenslike opsie is.<\/p>\n

 <\/p>\n

Testament\u00eare trust<\/strong><\/p>\n

Barend kan in sy testament bepaal dat hy \u2019n testament\u00eare trust stig en R3,5 miljoen daaraan nalaat.<\/p>\n

Louise en\/of die kinders word \u2019n diskresion\u00eare begunstigde van di\u00e9 trust en wanneer Louise sterf, is die voordeel dat die bates van die trust nie \u2019n belasbare bate in haar boedel vorm nie. Die kinders kan s\u00f3 in totaal \u2019n R7 miljoen aftrekking by Barend en Louise se onderskeie boedels bewerkstellig, pleks van slegs R3,5 miljoen in Louise se boedel wanneer sy afsterf en Barend haar
\nas die enigste erfgenaam in sy testament aangewys het.<\/p>\n

Dit lyk asof die Suid-Afrikaanse Inkomstediens (SAID) nou wetgewing beoog sodat jy dieselfde resultate van di\u00e9 boedelstruktuur kan verkry sonder om \u2019n trust te skep.<\/p>\n

 <\/p>\n

Inter vivos trust<\/strong><\/p>\n

Barend kan ook tydens sy leeftyd \u2019n trust stig en bates daarna oordra deur aan die trust geld te leen om die bates by hom te koop. Die trust skuld hom dus geld en die leenbedrag sal steeds \u2019n bate in sy boedel wees, vir doeleindes van berekening van boedelbelasting, maar die waarde van di\u00e9 bate is gevries op die dag toe hy dit oorgedra het \u2013 enige toekomstige groei in die waarde van die bate vind in die trust plaas.<\/p>\n

\"Kry

Kry nou jou testament en boedel op datum<\/p><\/div>\n

 <\/p>\n

 <\/p>\n

Wees eerlik en regverdig<\/h4>\n

Jy gaan nie in die dood ontkom wat jy in lewe aan ander verskuldig was nie.<\/p>\n

Marius en Sandra is geskei toe hul dogter Suzaan vyf jaar oud was. Marius is intussen weer getroud en het \u2019n tweeling, terwyl sy Suzaan, nou \u2019n tiener, van hom vervreem is. As die hof bepaal het dat Marius vir sy eksvrou en dogter se onderhoud verantwoordelik is, kan hulle eise teen die boedel instel. Dit kan vir
\nMarius wenslik wees om in sy testament voorsiening te maak vir die nakoming van enige toekomstige onderhoudsverpligting wat sy boedel teenoor sy eksvrou en dogter mag h\u00ea.<\/p>\n

As jy geld wil nalaat aan iemand wat nie die vermo\u00eb het om sy of haar eie geldsake te hanteer nie, kan jy die geld in \u2019n trust nalaat met die erfgenaam as begunstigde.<\/p>\n

Wees ook bedag daarop dat, sou \u2019n erfgenaam insolvent wees wanneer jy tot sterwe kom, haar erflating deel vorm van haar insolvente boedel en kan dit gebruik word om haar krediteure te
\nbetaal. Om dieselfde rede is \u2019n testament\u00eare trust \u2019n veilige opsie.<\/p>\n

\"Kry<\/p>\n

 <\/p>\n

 <\/p>\n

Maak seker alles is bymekaar<\/h4>\n

Dis belangrik om jou dokumente in orde te hou waar die eksekuteur en jou erfgename dit gou in die hande kan kry. Dis ook \u2019n goeie idee om \u2019n lys van jou bates en laste te hou en elke jaar by te werk.<\/p>\n

Die eksekuteur gaan die volgende nodig h\u00ea:<\/p>\n