{"id":119277,"date":"2019-09-25T11:44:46","date_gmt":"2019-09-25T09:44:46","guid":{"rendered":"https:\/\/novanews.co.za\/rooirose\/?p=119277"},"modified":"2019-09-23T15:46:21","modified_gmt":"2019-09-23T13:46:21","slug":"papsmeer-en-die-hpv-vaksien","status":"publish","type":"post","link":"https:\/\/novanews.co.za\/rooirose\/papsmeer-en-die-hpv-vaksien\/","title":{"rendered":"Papsmeer en die HPV-vaksien"},"content":{"rendered":"

Papsmeer en die HPV-vaksien deur Salom\u00e9 Delport. Hooffoto:\u00a0noipornpan\/istock images\u00a0<\/em><\/p>\n

 <\/p>\n

 <\/p>\n

Wat jy moet weet oor papsmeer en die HPV-vaksien<\/h4>\n

Met al die publisiteit wat die vaksien teen die menslike papilloomvirus, of MPV, (beter bekend in Engels as HPV (human papilloma virus<\/em>)) kry, is baie van ons onder die indruk dat \u2019n papsmeer nou nie meer so nodig is nie. Of sommer heeltemal onnodig is as jy \u2019n histerektomie gehad het.<\/p>\n

Dit is \u2019n ernstige fout, s\u00ea dr. Ina de Beer van die Intercare Woodhill Mediese Sentrum in Pretoria. Dit gaan lewens kos vorentoe. Dit kan j\u00f3\u00fa lewe wees.<\/p>\n

As jy bo dertig is, is die kans in elk geval bitter skraal dat jy ooit die vaksien ontvang het. As jy bo veertig is, is jy beslis nooit gevaksineer nie, aangesien die vaksien nie beskikbaar was toe jy 12, 14 jaar oud was nie.<\/p>\n

Lees ook: Wat elke ouer van die HPV-vaksien moet weet<\/a><\/p>\n

Wat dr. De Beer veral bekommer, is dat ons d\u00ednk ons is volkome veilig, en daarom glo ons ons hoef ons nie verder oor kankers van die vrouedele te bekommer nie.<\/p>\n

In werklikheid beskerm die vaksien ons teen net 70% van die HPV-variante wat aan servikskanker gekoppel word. Die orige 30% van HPV-variante, waarvan baie \u00f3\u00f3k aan servikale kanker gekoppel word, is nie in die vaksien ingesluit nie. Toegegee, hulle is skaarser. Maar die risiko is werklik en beduidend.<\/p>\n

Daarby word HPV aan ander kankers gekoppel waarvan min van ons bewus is, soos vaginale kanker en vulvakanker. Gelukkig is hierdie twee vrouekankers skaars. Ongelukkig is diagnose met enige van die twee taamlik slegte nuus.<\/p>\n

Een uit elke vier vroue by wie vulvakanker gediagnoseer word, sterf terwyl die een-uit-elke-drie sterftesyfer vir vaginale kanker selfs ho\u00ebr is. Om dit in perspektief te stel: uit \u2019n groep van honderd vroue met borskanker is 90 vroue vyf jaar later nog springlewendig en gesond, teenoor net 33 vroue by wie vulvakanker gediagnoseer is en \u2019n skamele 25 by wie vaginale kanker gediagnoseer is.<\/p>\n

Dr. De Beer, soos haar kollegas sonder uitsondering, meen jy behoort jouself te beveilig deur gereeld vir \u2019n ginekologiese ondersoek en \u2019n papsmeer te gaan, al is jy gevaksineer.<\/p>\n

Maak dit dan nog sin om jou kind met die HPV-vaksien te laat inent?<\/p>\n

Beslis, s\u00ea dr. De Beer. Die gedeeltelike beskerming is die moeite werd. Jy kan net nie daarop alleen staatmaak nie. Dit moet deur jou lewe met \u2019n papsmeer aangevul word.<\/p>\n

Lees ook: Wat elke vrou moet weet oor (en verwag van!) MPV en papsmeer<\/a><\/p>\n

 <\/p>\n

 <\/p>\n

Die re\u00ebls vir \u2019n papsmeer<\/h4>\n

Die oplossing is so maklik as om gereeld vir \u2019n volledige ginekologiese ondersoek te gaan. Jou dokter sal dan ook \u2019n papsmeer neem. Maar dit kos geld, en ons het almal baie ander gaatjies wat ook geld vra. Die vraag is met hoe min kan jy wegkom en steeds veilig speel?<\/p>\n

Die staat dink drie in jou leeftyd is genoeg. Daarom kan jy by jou naaste kliniek drie keer \u2019n gratis papsmeer kry \u2013 een voor dertig, een rondom veertig en een tydens jou menopouse. Jy kan natuurlik by die munisipale klinieke vir soveel ginekologiese ondersoeke gaan as wat jy wil. Jaarliks of minstens elke twee jaar is genoeg.<\/p>\n

Dr. De Beer s\u00ea dit is \u2019n illusie dat drie papsmere in \u2019n leeftyd genoeg is. Maar dit is al wat die staat kan bekostig. Dit is beter as niks, maar dit is regtig nie voldoende nie.<\/p>\n

Die riglyne van die mediese fondse soos Discovery is dat jy elke twee jaar vir \u2019n papsmeer behoort te gaan. Hulle beloon jou inderdaad met Vitality-punte daarvoor.<\/p>\n

Hier is die huidige aanbevelings:<\/strong><\/p>\n