{"id":119053,"date":"2019-10-08T14:46:26","date_gmt":"2019-10-08T12:46:26","guid":{"rendered":"https:\/\/novanews.co.za\/rooirose\/?p=119053"},"modified":"2019-10-08T14:49:21","modified_gmt":"2019-10-08T12:49:21","slug":"dr-ansie-gous-oor-die-lewe-liefde-en-groei","status":"publish","type":"post","link":"https:\/\/novanews.co.za\/rooirose\/dr-ansie-gous-oor-die-lewe-liefde-en-groei\/","title":{"rendered":"Dr. Ansie Gous oor die lewe, liefde en groei"},"content":{"rendered":"

Dr. Ansie Gous oor die lewe, liefde en groei deur Mariette Snyman. Foto’s verskaf.<\/em><\/p>\n

 <\/p>\n

 <\/p>\n

1. Hoe het dit gebeur dat jy \u2019n kliniese sielkundige geword het?<\/h4>\n

Ek het aanvanklik onderwys studeer. Na my graad en onderwysdiploma het ek Honneurs in Sielkunde gedoen, net omdat Sielkunde as vak vir my so interessant was. Daardie jaar het ek besef dit is eintlik wat ek wou doen.<\/p>\n

Omdat ek my onderwysbeurs moes terugwerk, kon ek nie dadelik aangaan nie.\u00a0 Die plan was om vinnig vier jaar skool te hou en dan aan te gaan. Toe raak ek verlief, trou en kry vier kinders (lg. darem bepland!)<\/p>\n

Twintig jaar later, toe my jongste skool toe is, is ek terug universiteit toe om my droom te verwesenlik.<\/p>\n

Luister na ons podsendingsreekse, Tussen Ons\u00a0<\/a><\/p>\n

 <\/p>\n

 <\/p>\n

2. Wat is die wonderlikste – en die moeilikste – aspekte van jou beroep?<\/h4>\n

Ek geniet my werk ontsaglik baie! Dit is \u2019n absolute voorreg dat mense jou met hulle grootste kwesbaarhede vertrou. Mense se vermo\u00eb om swaarkry te oorkom en om hulle\u00a0 groei te sien, inspireer my.<\/p>\n

Die moeilikste deel is om soms emosioneel gedreineer te voel nadat ek heeldag na intense emosies geluister het.\u00a0 Ek het geleer om fyn ingestel te wees op my vermo\u00eb tot empatie en gereeld breuke te neem waarin ek iets te doen wat my batterye herlaai.<\/p>\n

 <\/p>\n

\"Dr-Ansie-Gous-oor-die-lewe-liefde-en-groei-foto\"

Dr. Ansie Gous oor die lewe, liefde en groei<\/p><\/div>\n

 <\/p>\n

3. Wat het die lewe jou geleer omtrent die balans tussen ma wees, vrou wees, \u2019n beroep beoefen en by \u2019n gemeente betrokke wees?<\/h4>\n

Dit is moeilik om \u2019n klomp balle in die lug te hou en uiters belangrik om jou dagboek te bestuur!<\/p>\n

Toe ons kinders nog in die huis was, het ek beplan om elke dag met elkeen \u2019n alleentydjie te h\u00ea en elke Sondagaand afgemerk of ek dit wel reggekry het. En baie keer het ek nie – dus ys ek oor wat gebeur as mens dit nie eens beplan nie.<\/p>\n

Ek dink ook dit is belangrik om goeie en gesonde roetines te vestig. Ek en my man, Henk, het al ons lewe lank \u2019n roetine van saam koffiedrink in die oggend, bid en gesels oor die dag wat voorl\u00ea – en om weer na middagete vir so 10 minute en in die aand voor ons gaan slaap te gesels oor die dag wat verby is.<\/p>\n

 <\/p>\n

 <\/p>\n

4. Jy het baie waardering vir jou man.<\/h4>\n

Henk is regtig \u2019n goeie siel – hy laat nie \u2019n geleentheid verbygaan om iemand te help nie.\u00a0 Hy is een van die onselfsugtigste mense wat ek ken.\u00a0 Hy is uiters avontuurlustig en ek is maar \u2019n bangbroek.\u00a0 Dus laat hy my waag en ek rem hom om bietjie meer verantwoordelik te wees!<\/p>\n

 <\/p>\n

\"r-Ansie-Gous-oor-die-lewe-liefde-en-groei-familie\"

Henk en die kinders op die Camino<\/p><\/div>\n

 <\/p>\n

5. Watter lekker dinge doen julle saam?<\/h4>\n

Ons is stappers en het oor die jare al heerlike staproetes gestap, o.a. twee maal dele van die Camino, die tweede keer saam met al ons kinders.\u00a0 Die afgelope twee jaar is ons ook lede van die Johannesburgse Stapklub en gaan stap elke Woensdagoggend iewers saam met hulle.<\/p>\n

 <\/p>\n

 <\/p>\n

6. Vertel van julle kinders en hul maats.<\/h4>\n

Ons oudste seun is \u2019n rekenaaringenieur en is tans besig met \u2019n oorsese toer van ses maande. Ons tweede seun is getroud. Hy en ons skoondogter is albei in die advertensiebedryf en werk nou onderskeidelik as konsultant in digitale dienslewering en digitale strategie.\u00a0Ons dogter is \u2019n aankoopbestuurder by \u2019n maatskappy.<\/p>\n

Ek is diep dankbaar oor ons kinders en vind baie plesier in hulle doen en late. Ons moes wel leer saamleef met die enorme verlies van ons jongste dogter na haar selfdood.<\/p>\n

 <\/p>\n

 <\/p>\n

7. Watter ideale het jy vir die toekoms?<\/h4>\n

Ek wil graag al hoe meer groei in die uitleef van geloof en liefde.<\/p>\n

 <\/p>\n

\"r-Ansie-Gous-oor-die-lewe-liefde-en-groei-ansie-fiets\"

Ansie in ‘n blomveld in Nederland<\/p><\/div>\n

 <\/p>\n

 <\/p>\n

8. Wat is jou hartswens vir alle vroue?<\/h4>\n

Om sonder om die negatiewe te ontken, die mooi in alles en almal, ook haarself, raak te sien en te bevorder.<\/p>\n

 <\/p>\n

Kontak gerus vir Dr. Ansie Gous: 011 672 8055 of ansiegous@mweb.co.za<\/a><\/p>\n

 <\/p>\n

Luister sommer nou na Tussen Ons!<\/h4>\n