{"id":118879,"date":"2023-07-24T09:28:03","date_gmt":"2023-07-24T07:28:03","guid":{"rendered":"https:\/\/novanews.co.za\/rooirose\/?p=118879"},"modified":"2023-07-24T09:31:33","modified_gmt":"2023-07-24T07:31:33","slug":"swangerskap-stres-en-jou-werk","status":"publish","type":"post","link":"https:\/\/novanews.co.za\/rooirose\/swangerskap-stres-en-jou-werk\/","title":{"rendered":"Swangerskap, stres en jou werk"},"content":{"rendered":"

Swangerskap stres en jou werk deur Salom\u00e9 Delport<\/em><\/p>\n

 <\/p>\n

Toe stres in 1956 die eerste keer deur die Kanadees dr. Hans Selye gekonseptualiseer is, was ons skepties. Vandag glo ons stres raak ons h\u00e9le lewe. Selfs in utero, want jou baba ervaar jou stres so werklik soos jy.<\/p>\n

Daar is iets soos goeie stres, selfs vir babas. Maar wanneer stres jy te veel vir jou baba?<\/p>\n

Toe die huidige geslag nuwe ma\u2019s se ma\u2019s met hulle swanger was, was die wyse raad aan swanger vroue om gesond te eet, folaat te neem, genoeg te slaap, klassieke musiek te luister, liefdevolle gedagtes oor jou baba te koester \u2026 en elke aand \u2019n glasie wyn saam met jou man te geniet.<\/p>\n

\u2019n Glasie wyn? Sowaar! Die idee was dat die nuwe ma en pa saam sal ontspan en hul verhouding bou. Ons frons nou oor die wyn, maar met die konsep van ontspanning is daar nie fout nie.<\/p>\n

Lees ook: Dink nuut oor drank en swangerskap<\/a><\/p>\n

En dalk is dit tyd dat ons weer hierna kyk.<\/p>\n

Ma\u2019s werk nou dikwels tot die kleinding se geboorte. Party spog dat hulle van die werk af reguit kraamsaal toe is. Jy is immers nie siek nie. En jy wil liewer jou kraamverlof spaar vir die kosbare weke n\u00e1 die geboorte saam met die nuwe mensie en om te borsvoed. Wie kan in elk geval onbetaalde verlof bekostig?<\/p>\n

Lees ook: Kry stres jou onder? Hier is \u2019n paar dinge wat werk<\/a><\/p>\n

\"\"

Swangerskap stres en jou werk<\/p><\/div>\n

Maar omvattende navorsing bevestig oor en oor dat jou stres aan jou baba oorgedra word. So wys werk van prof. Catherine Monk van die Universiteit Columbia, New York, dat babas tydens swangerskap hul ma se stres registreer \u2013 selfs net \u2019n klein bietjie stres. Sy het swanger vroue Strooptoetsing (daardie soort toetse waar byvoorbeeld die woord \u201cblou\u201d in rooi geskryf is en dan moet jy die kleur van die woord aandui) laat afl\u00ea terwyl sy hul baba se hartklop gemonitor het. Op net vier maande het die babas se hartklop versnel as die toets vir die ma stresvol was. Die afleiding? Selfs ongebore babas ervaar stres in ooreenstemming met jou stres.<\/p>\n

Dit is eintlik \u2019n baie elegante stelsel, s\u00ea prof. Monk. \u201cJy kommunikeer aan jou baba wat om van die w\u00eareld te verwag sodat hy vooraf kan aanpas en daarvoor gereed is.\u201d<\/p>\n

Stres dien dus \u2019n baie positiewe doel. Die probleem kom in by te v\u00e9\u00e9l stres.<\/p>\n

Lees ook: Sit stres op sy plek<\/a><\/p>\n

Sy het ook die babas vier maande n\u00e1 geboorte ge\u00ebvalueer. Di\u00e9 wie se hartjie voor geboorte die vinnigste geklop het wanneer hul ma\u2019s onder stres was, was ook meer reaktiewe babas, met ander woorde \u201cmoeiliker\u201d babas, en wat as volwassenes waarskynlik makliker stres sal ervaar, gouer ontsteld en kwaad sal word en minder selfbeheer sal h\u00ea. Jou stresvlakke kan dus jou baba se masjinerie om stres te kan hanteer al voor geboorte begin vorm.<\/p>\n

Mandy Rodrigues, sielkundige by Medfem Fertiliteitskliniek in Johannesburg, waar sy in die emosionele kant van swangerskap spesialiseer, verduidelik dat stres jou noradrenalien- en kortisol-vlakke verhoog, wat beslis jou baba se ontwikkeling be\u00efnvloed.<\/p>\n

\u201cMaar dit is eerder \u2019n skakel as \u2019n kwessie van oorsaak en direkte gevolg. Dit beteken nie \u00e1lle babas wie se ma tot met die geboorte gewerk het, gaan vir seker hiperaktiewe, rebelse, moeilike kinders en tieners wees nie. Die omgewing waarin jou kind grootword, het net so \u2019n belangrike \u2013 en waarskynlik groter \u2013 invloed op jou kind se latere stresvatbaarheid. \u2019n Liefdevolle, ondersteunende omgewing tel baie meer.\u201d<\/p>\n

Lees ook: Nageboortelike depressie – een leser vertel<\/a><\/p>\n

\"Swangerskap<\/p>\n

 <\/p>\n

 <\/p>\n

Jy is nie alleen nie<\/h4>\n

Sommige navorsers glo daar is genoeg rede om swangerskapstres as \u2019n unieke stres te definieer. Hulle gee dit selfs \u2019n naam: ADNOS. Al stem min navorsers met onderskeid saam, glo die meeste dat die vroue wat baie stres gedurende hul swangerskap ervaar ook baie meer geneig is tot angstigheid en nageboortedepressie.<\/p>\n

Stres weens swangerskap is nie seldsaam nie. Ondersoeke hieroor wys 15% – 25% van swanger vroue ervaar swangerskap-stres. As dit j\u00f3\u00fa vang, is jy nie alleen nie.<\/p>\n

Daarom monitor verskeie nasionale gesondheidsdienste, soos die Britse NHS, nou hul swanger pasi\u00ebnte vir tekens van stres.<\/p>\n

Maar moenie stres oor swangerskapstres nie, s\u00ea Mandy. \u201cDie beste wat jy vir jou \u00e9n jou baba kan doen, is om jou eie stres te hanteer. Erken dit vir wat dit is en kyk wat jy daaraan kan doen.\u201d<\/p>\n

Lees ook: Stres en uitbranding<\/a><\/p>\n

\"\"

Swangerskap stres en jou werk<\/p><\/div>\n

 <\/p>\n

 <\/p>\n

Wat doen jy nou?<\/h4>\n

Moet jy liewer bedank?<\/p>\n

\u201cDit verskil van vrou tot vrou. Maar dit is nie noodwendig die regte keuse nie. Wat help dit jy bedank en sit tuis en stres oor die verlies aan inkomste, of jy het nou meer tyd om jou te bekommer?<\/p>\n

Elke vrou se persoonlikheid, stresvatbaarheid en die stres van haar beroep bepaal of haar werk die bron van haar stres is.<\/p>\n

\u201cEk dink dit is beter om te begin met \u2019n lys van alles waaroor jy bekommerd is. Ek glo ook jy m\u00f3\u00e9t stres oor die regte goed \u2013 werklike, realistiese risiko\u2019s waaroor enige nugterdenkende mens ook bekommerd sou wees, teenoor vae moontlikhede.<\/p>\n

Lees ook: Is ek swanger? 6 tekens wat daarop dui<\/a><\/p>\n

Ek s\u00ea vir my pasi\u00ebnte om die items op hul lys in hierdie twee groepe te deel.<\/p>\n

\u201cEk verdeel stres in vier kategorie\u00eb:<\/strong><\/p>\n

    \n
  1. stres wat veroorsaak word deur te min tyd<\/strong>.<\/li>\n
  2. stres weens te min geld en ondersteuning.<\/li>\n
  3. stres omdat jy (of iemand anders) perfeksionisties<\/strong> is.<\/li>\n
  4. stres omdat jy ander se sienings persoonlik opneem<\/strong> en nie jou eie menings vorm waarop jy jou keuse grond nie.<\/li>\n<\/ol>\n

    \u201cDie tweede stap is om jou stressors in die regte kategorie te plaas \u2013 en dan hanteer jy die werklike probleem so goed as wat jy kan.<\/p>\n

    “Dalk is perfeksionisme jou probleem, veel eerder as jou werk. Sodra jy dit besef, voel jy al klaar beter. Dan kan jy begin om jouself krediet te gee vir wat jy reg doen, eerder as om jouself te kritiseer gemeet aan een of ander standaard. Gestel tyd is jou stressor. Dan is werk dalk jou probleem. Watter oplossings is daar? Moet jy ophou? Wat van net minder ure werk? Of hulp kry om van jou take oor te neem?<\/p>\n

    \u201cDaar is deesdae soveel bronne van hulp beskikbaar om jou met enige kwessie of bekommernis – van borsvoeding tot erflike toestande – te help en jou met kennis en wenke te bemagtig.\u201d<\/p>\n

    Lees ook: 10 wenke teen stres wat werk<\/a><\/p>\n

    \"\"

    Swangerskap stres en jou werk<\/p><\/div>\n

     <\/p>\n

     <\/p>\n

    Hoe skakel jy af?<\/h4>\n

    Buiten die praktiese hantering van jou stressors moet elke vrou \u2013 swanger of nie \u2013 vroe\u00ebr eerder as later vasstel wat haar laat ontspan en vir haar \u2019n paar ontspanningskunsies uitkies. Dalk het jy reeds iets wat vir jou werk, of kyk na die ou staatmakers:<\/p>\n