{"id":117356,"date":"2023-06-23T12:00:47","date_gmt":"2023-06-23T10:00:47","guid":{"rendered":"https:\/\/novanews.co.za\/rooirose\/?p=117356"},"modified":"2023-06-26T11:25:13","modified_gmt":"2023-06-26T09:25:13","slug":"borsondersoek-borsknoppie-borskanker","status":"publish","type":"post","link":"https:\/\/novanews.co.za\/rooirose\/borsondersoek-borsknoppie-borskanker\/","title":{"rendered":"Borskanker: dis tydmors om jou borsondersoek vir kankerknoppies verkeerd te doen"},"content":{"rendered":"

Deur Salom\u00e9 Delport<\/em><\/p>\n

 <\/p>\n

Jy doen jou maandelikse borsondersoek. Dit is absoluut fantasties dat jy jou gesondheid letterlik in jou eie hande neem en goed na jouself omsien. Een uit elke drie vroue met borskanker het daardie berugte knoppie juis deur\u00a0 \u2019n\u00a0borsondersoek self ontdek en daardeur hul eie lewens gered.<\/p>\n

Nogtans bly dit \u2019n feit dat baie vroue ni\u00e9 betyds \u2019n knoppie ontdek het nie. Van die redes is verkeerde tegniek. Probeer die 1-2-3 tegniek. Dit is so opgestel dat dit al die dinge dek wat jy moet weet omtrent jou borsondersoek. Dit gaan oor die beste tyd, die beste plek en die beste posisie.<\/p>\n

 <\/p>\n

1 Ovulasie – die beste tyd vir jou borsondersoek<\/h4>\n

As jy menstrueer<\/strong><\/p>\n

Bors-selfondersoeke behoort elke maand rondom ovulasie gedoen te word, met ander woorde 10-15 dae na die eerste dag van jou menstruasie. Party vroue is gelukkig en ‘voel’ wanneer hulle ovuleer. As jy, soos die meeste van ons, nie weet nie en nie regtig boek hou hiervan nie, is dit die maklikste om op die eerste dag van jou menstruasie \u2019n alarm op jou foon op te stel vir twee weke later.<\/p>\n

As jy nie meer menstrueer nie<\/strong><\/p>\n

Jou risiko op borskanker is nou baie groter as voor veertig. Daarom is dit juis belangrik dat jy jou borsondersoek getrou en deeglik doen. Die maklikste is om \u2019n dag van die maand te kies en dit op jou kalender of selfoon aan te teken. Die eerste of die laaste dag van die maand werk goed. Ek gebruik my verjaardagdatum – die 28ste van elke maand.<\/p>\n

 <\/p>\n

2 Voor die\u00a0spie\u00ebl – die regte plek vir die eerste deel van jou borsondersoek<\/h4>\n

Ons vroue behoort ons borste net so goed soos ons gesigte te ken. Net soos jy weet hoe diep elke plooitjie rondom jou o\u00eb is en watter vorm jou voorkop, neus en ken het, behoort jy te weet hoe jou borste lyk en voel. As iets uit plek is, moet jy dadelik jou borsondersoek doen en\/of dokter toe gaan. Andersins is \u2019n borsondersoek een keer per maand voldoende.<\/p>\n

Die eerste deel van jou borsondersoek is visueel: wat s\u00ed\u00e9n jy?<\/p>\n

Staan voor \u2019n spie\u00ebl en bestud\u00e9\u00e9r jou borste.\u00a0 Staan met jou arms langs jou sye<\/span> en kyk vir enige veranderings in die normale voorkoms en gevoel van jou borste.<\/p>\n

Jy\u00a0 moet dieselfde ding nog drie keer oor doen. Herhaal dit, maar lig nou jou arms bo jou kop.<\/span> Gaan deur die lysie met jou hande op jou heupe<\/span> en skouers agteroor sodat jy jou borste vorentoe stoot. Die laaste keer buk jy vooroor<\/span>, na die spie\u00ebl, sodat jou borste afwaarts hang.<\/p>\n

 <\/p>\n

Wat is tekens van borskanker met \u2019n visuele borsondersoek?<\/strong><\/p>\n

Kyk of jy enige van die volgende raak sien:<\/p>\n