{"id":116684,"date":"2025-04-11T14:33:28","date_gmt":"2025-04-11T12:33:28","guid":{"rendered":"https:\/\/novanews.co.za\/rooirose\/?p=116684"},"modified":"2025-04-11T14:37:55","modified_gmt":"2025-04-11T12:37:55","slug":"voel-jou-tiener-eensaam","status":"publish","type":"post","link":"https:\/\/novanews.co.za\/rooirose\/voel-jou-tiener-eensaam\/","title":{"rendered":"Voel jou tiener eensaam?"},"content":{"rendered":"

Voel jou tiener eensaam? deur Mariette Snyman<\/em><\/p>\n

 <\/p>\n

 <\/p>\n

Eensaamheid is deesdae \u2019n groter kwessie onder tieners en jong volwassenes as onder hul grootouers, het Britse navorsers onlangs vasgestel. \u201c\u2019n Derde van die jongmense tussen 16 en 24 voel die meeste van die tyd eensaam, byna drie keer soveel as mense bo 65.\u201d<\/p>\n

As jongmense vir wie die toekoms wink meer verlate voel as mense met die grootste deel van hul lewe en waarskynlik \u2019n paar verliese agter die rug, wek dit kommer. As jy boonop in ag neem dat geen samelewing voor ons op soveel kommunikasieplatforms met ander in gesprek kon tree nie \u2013 en dit binne sekondes – wonder jy waar die knoop l\u00ea.<\/p>\n

Lees ook: Kweek s\u00f3 respek<\/a><\/p>\n

 <\/p>\n

\"\"<\/p>\n

 <\/p>\n

 <\/p>\n

Wat behels eensaamheid?<\/h4>\n

Vir elke mens spel eensaamheid iets anders, maar dit kom daarop neer dat die aantal en gehalte van jou verhoudings minder is as dit wat jy begeer. Selfs al het jy \u2019n hele rits vriende, kan jy ge\u00efsoleer voel indien jou vriendskappe nie \u2019n vertrouensverhouding insluit nie.<\/p>\n

Die uitwerking van eensaamheid moenie onderskat word nie. Ons is sosiale wesens; ons behoefte om te \u201cbehoort\u201d vorm deel van ons oerbedrading. In jagterversamelaar-gemeenskappe kon mense letterlik nie sonder die groep oorleef nie, en vandag sneller intense eensaamheid steeds die instinktiewe vrees vir die dood. Elkeen van ons het aanraking, oogkontak, lag en gesels net so nodig soos skuiling, kos en water.<\/p>\n

Veral vir tieners, wat as deel van hul normale ontwikkeling toenemend op aanvaarding deur hul portuurgroep en minder op hul gesin fokus, kan eensaamheid \u2019n pynlike kwessie wees.<\/p>\n

Lees ook: Besige ouer, eensame kind<\/a><\/p>\n

 <\/p>\n

 <\/p>\n

Die uitwerking van eensaamheid moenie<\/em> onderskat word nie<\/h4>\n

 <\/p>\n

\"\"<\/p>\n

 <\/p>\n

 <\/p>\n

Gee jou kind perspektief<\/h4>\n

\u201c\u2019n Sekere mate van alleenwees is gesond,\u201d s\u00ea Sandy Lewis, hoof van terapeutiese dienste by Akeso-psigiatriese klinieke. \u201cTieners het alleentyd nodig om te besin oor wie hulle is en watter waardes vir hulle voorop staan sodat hulle hul eie stem kan kry. Soms is tydperke van eensaamheid onvermydelik, soos wanneer gesinne verhuis, of wanneer daar onenigheid tussen tieners en vriende is.<\/p>\n

\u201cWat die omstandige ook al is, dit is van kernbelang dat ouers besef hoe nodig hul kinders hulle het. Tieners en jong volwassenes se lewenservaring is nog beperk. Hulle sien nie altyd die groter prentjie nie. Daarby word hul breinontwikkeling eers teen ongeveer 25 jaar voltooi. Breingedeeltes wat met emosionaliteit verband hou, is ten volle aktief, terwyl die dele wat langtermynbeplanning en impulsbeheer behels, steeds ontwikkel. Ouers kan onvoorwaardelike aanvaarding, \u2019n veilige ruimte en bre\u00ebr perspektief verskaf sodat die kind geborge voel en verstandige besluite kan neem.<\/p>\n

\u201cAs jy jou kind goed ken, sal jy sien wanneer eensaamheid haar lewenslus demp. Neem haar persoonlikheid in ag. Introverte laai hul batterye deur alleenwees, en word soms minder geraak deur eensaamheid as ekstroverte wat hul energie uit interaksie met ander kry. Vir albei groepe word eensaamheid \u2019n probleem wanneer alleenheid nie meer \u2019n keuse is nie maar chronies raak.<\/p>\n

Lees ook: Lig jou kind uit depressie<\/a><\/p>\n

 <\/p>\n

\"\"<\/p>\n

 <\/p>\n

\u201cGestel jou tiener het van skool verwissel en sukkel om vriende te maak. Sy bring pouses alleen deur en het naweke niemand om mee te kuier nie. Dalk voel sy dit beteken daar is fout met haar en dat sy \u2019n loser<\/em>, \u2019n uitgeworpene, is. Hierdie interpretasie kan haar eiewaarde \u2019n ernstige knou gee en haar minder gene\u00eb maak vir interaksie met haar ouderdomsgenote.<\/p>\n

\u201cJy kan haar help om haar siening van die situasie te verander. Dit veronderstel natuurlik goeie kommunikasie, waaraan alle ouers op lang termyn moet werk. Een ding wat intieme gesprekke makliker maak, is om jou ware gevoelens te wys, veral jou eie weerloosheid. \u2019n Ander is om regtig te luister sodat sy voel jy verstaan wat sy s\u00ea en dat sy maar gedagtes kan verbaliseer wat h\u00e1\u00e1r bangmaak.<\/p>\n

\u201cDalk het jy as jongmens ook \u2019n tyd van eensaamheid beleef toe jy in \u2019n nuwe omgewing gaan studeer of begin werk het. Help haar om te begryp dat angstigheid, onsekerheid en negatiewe gedagtes in \u2019n transformasietydperk \u2019n normale reaksie is. Dit neem tyd om deel te word van \u2019n nuwe gemeenskap en \u2019n goeie ondersteuningstruktuur te ontwikkel. Die situasie hoef nie vir altyd te duur nie.<\/p>\n

\u201cBehalwe die wete dat die situasie waarskynlik tydelik is, help dit as sy besef dat eksterne faktore soos die verhuising tot haar eensaamheid bygedra het, en dat dit nie haar eie ontoereikendheid is wat daartoe gelei het nie.<\/p>\n

Lees ook: Jou kind en eetversteurings\u00a0<\/a><\/p>\n

 <\/p>\n

\"\"<\/p>\n

 <\/p>\n

\u201cAs jy \u2019n lewensuitdaging soos eensaamheid die hoof moet bied, is die eerste stap om jou kop reg te kry. Eensaamheid is \u2019n gevoel, nie \u2019n feit nie; daarom kan dit verander. Maar negatiewe denke kan dit vererger. Eensaamheid laat jou die w\u00eareld anders ervaar en be\u00efnvloed jou optrede. Jy is sensitiewer vir sosiale \u2018bedreigings\u2019 en vrees makliker die ergste, soos verwerping deur \u2019n individu of die groep. Dit stel jou op die verdediging en maak jou dalk meer veroordelend teenoor mense met wie jy te doen kry. Indien jy oogkontak of gesprekke vermy en wantrouig of
\nkrities is, voel ander dit aan en beweeg weg.<\/p>\n

\u201cGesels met jou kind oor die bose kringloop wat so kan ont-staan. Beplan saam hoe sy haar isolasie kan verbreek. Dalk kan sy \u2019n klein treetjie gee, soos om iemand wat vriendelik lyk by die skool te begin groet \u2013 \u2019n enkele goeie vriendin kan uiteindelik die verskil tussen eensaamheid en gemeensaamheid beteken. Sy kan hiermee volhou totdat die groet in \u2019n gesprek ontwikkel.<\/p>\n

\u201cMiskien sal sy met jou aanmoediging die kans waag om by \u2019n paar kinders aan te sluit wat sit en gesels. Dis wys om langs \u2019n stiller kind te gaan sit, eerder as die een wat die meeste praatwerk doen. Twaalfstapprogramme soos Alcoholics Anonymous beveel aan dat mense by minstens ses groepe probeer aansluit voor hulle moed opgee.<\/p>\n

\u201cGedeelde belangstellings, soos stap of fotografie, is \u2019n gemaklike manier om jou vriendekring uit te brei. As sy passievol is oor die aktiwiteit, kan sy daarop fokus, pleks van haar heeltyd te bekommer of sy aanvaar word. Die belangrikste is showing up; al is dit moeilik, moet jou tiener vasbyt en by samekomste opdaag. Een of ander tyd moet dit vrugte afwerp.<\/p>\n

Lees ook: Sensitief, sensitiewer, empath<\/a><\/p>\n

 <\/p>\n

\"\"<\/p>\n

 <\/p>\n

\u201cBegelei haar deur die proses en kyk nugter na die situasie. Gestel sy nooi iemand uit en kry \u2019n \u2018nee\u2019, is dit dalk omdat die ander een reeds \u2019n afspraak het, nie omdat sy ongewild is nie. Help haar om optimisties te bly.<\/p>\n

\u201cOuers \u2013 nie die portuurgroep nie – is \u2019n tiener of jong volwassene se eerste toevlug. Vestig \u2019n diep, intieme verbintenis met jou kind en maak seker sy voel deurentyd gekoester. Onthou dat
\naanraking soos \u2019n hand op die skouer, of \u2019n speelsessie met \u2019n troeteldier goedvoelhormone vrystel.<\/p>\n

\u201cSoms voel ouers hulle kan nie veel doen nie, soos wanneer hul kind in \u2019n ander stad studeer. Dan is dit minder belangrik w\u00e1t die ouers doen as d\u00e1t hulle deurgaans kontak hou deur iets soos WhatsApp-boodskappe of skakels na interessanthede op die web te stuur. Hou aan om die verhouding te voed.\u201d<\/p>\n

Lees ook: Is jou kind ADHD of begaafd?<\/a><\/p>\n

 <\/p>\n

\"\"<\/p>\n

 <\/p>\n

Eensaamheid is \u2019n gevoel, nie \u2019n feit nie<\/h4>\n

 <\/p>\n

 <\/p>\n

En die sosiale media?<\/h4>\n

Die meerderheid jongmense en hul selfone is onafskeidbaar. Navorsingsresultate dui op \u2019n direkte verband tussen \u2019n toename in die gebruik van slimfone en die voorkoms van geestesgesondheidsprobleme onder adolessente.<\/p>\n

\u201cHoewel sosiale media \u2019n minder intimiderende manier kan wees waarop jongmense met ander kontak (en dalk vriende) kan maak, kan dit hulle ook uitgesluit laat voel. Hulle word verblind deur hul tydgenote se \u2018perfekte\u2019 lewe op sosiale platforms en vergeet hoe maklik dit is om \u2019n vals beeld te skep. Wetenskaplike studies wys ook dat virtuele kontak nooit persoonlike kontak kan vervang nie.<\/p>\n

\u201cEensaamheid kan verskeie nadelige gevolge h\u00ea, waaronder depressie en selfs selfdood. Hou jou kind fyn dop. Die gulde re\u00ebl is om professionele hulp te kry wanneer tekens van depressie soos hooploosheid, isolasie, \u2019n negatiewe selfbeeld, irritasie, aggressie, \u2019n beheptheid met die dood, selfskending of \u2019n verandering in slaap- of eetpatrone langer as twee weke ononderbroke voortduur.
\n\u201cUiteindelik het die oorkoming van eensaamheid meer met \u2019n jongmens se uitkyk te make as met die aantal vriende wat hy of sy het. Ouers kan hul kind help om di\u00e9 uitdaging die hoof te bied en \u2019n veerkrag te ontwikkel wat hulle lewenslank goed te staan kan kom.\u201d<\/p>\n

Lees ook: 10 dinge wat jy kan doen om slegte gewoontes te breek<\/a><\/p>\n

 <\/p>\n

\"\"<\/p>\n

 <\/p>\n

Het jy geweet?<\/h4>\n