{"id":116141,"date":"2023-06-21T09:25:34","date_gmt":"2023-06-21T07:25:34","guid":{"rendered":"https:\/\/novanews.co.za\/rooirose\/?p=116141"},"modified":"2023-06-21T09:25:06","modified_gmt":"2023-06-21T07:25:06","slug":"alles-wat-jy-moet-weet-oor-avokadopere","status":"publish","type":"post","link":"https:\/\/novanews.co.za\/rooirose\/alles-wat-jy-moet-weet-oor-avokadopere\/","title":{"rendered":"Alles wat jy moet weet oor avokadopere"},"content":{"rendered":"

Alles wat jy moet weet oor avokadopere deur Salom\u00e9 Delport. Foto’s: pexels<\/a><\/em><\/p>\n

 <\/p>\n

 <\/p>\n

Hoeveel avokado\u2019s kan jy regtig eet?<\/h4>\n

Avokado\u2019s is een van daardie hipervoedsame gesondheidskosse wat werklik lekker is. Boonop is dit ongelooflik veelsydig: jy kan dit inpak werk toe sonder om dit te verkoel; van kleintjies tot bejaardes, en hartlyers tot diabete kan avokado\u2019s eet; dit is \u2019n heerlike geriefskos wat jy net so kan eet; aan die ander kant omtower dit van toebroodjies tot roomys in elegante ontwerperskos; dit maak selfs \u2019n wonderlike kosgeskenkie vir iemand wat siek is.<\/p>\n

Lees ook: Die nuwe toebroodjie – avokadopere!<\/a><\/p>\n

\"\"<\/p>\n

 <\/p>\n

Maar kan jy soveel daarvan eet as wat jy wil?<\/strong><\/p>\n

Ongelukkig nie. Dit bevat taamlik baie kilojoules: amper duisend in \u2019n middelslag-avokado van 200 gram \u2013 so groot soos \u2019n driekwartkoppie, om dit makliker te visualiseer. Dit is \u2019n agtste van jou dag se kilojoules.<\/p>\n

Daarby bevat avokado\u2019s al twee (en baie van elkeen) bronne van kilojoules waaroor die groot dieetdebat gaan, naamlik koolhidrate en vette. Een avokado van 200 g bevat sowat 30 g vette \u2013 amper soveel soos jou vettoelaag per dag op die laevetdieet. Gelukkig is dit die beste moontlike vette, wat \u2019n avokado die ideale item as jou vetkeuse maak.<\/p>\n

Lees ook: Hoenderslaai met avokadohoemoes en antieke grane<\/a><\/p>\n

Vir banters is die 17 g koolhidrate daarin \u2019n groot hap uit jou koolhidraattoelaag vir die dag. Maar banters eet graag avokado\u2019s, juis omdat die vette daarin jou versadig laat voel sodat jy minder eet.<\/p>\n

Gelukkig tel voedingswaarde baie meer as kilojoules, vette en koolhidrate. Daarom s\u00ea albei groepe \u2019n derde tot \u2019n halwe avokado per dag is \u2019n verstandige porsie, met oorgenoeg voedingstowwe in ruil vir kilojoules.<\/p>\n

\"\"

Alles wat jy moet weet oor avokadopere<\/p><\/div>\n

Lees ook: Almal praat hieroor – is dit tyd jy ook die vasdieet probeer?\u00a0<\/a><\/p>\n

Word avokado\u2019s wat jy groen koop ooit regtig lekker ryp?<\/h4>\n

Soms kom jy op \u2019n winskopie af, \u00e1s jy kans sien vir \u2019n dosyn grasgroen avokado\u2019s. Is dit jou geld werd?<\/p>\n

Jy kry groen en t\u00e9 groen avokado\u2019s, s\u00ea Julia Tew van Westfalia. \u201cGroen avokado\u2019s word tuis heerlik ryp. T\u00e9 groen avokado\u2019s ongelukkig nie.\u201d<\/p>\n

Avokado\u2019s word om twee redes groen gepluk: dit kan nie aan die boom ryp word nie. Hulle word eers sag n\u00e1 hulle gepluk is. Tweedens kan jy die rypword van groen avokado\u2019s vertraag deur hulle te verkoel.<\/p>\n

Lees ook: Eiers gevul met beet en avokado<\/a><\/p>\n

Boere benut hierdie eienskappe om die tydperk van die boom na jou bord te verleng. Hulle pluk dus die avokado\u2019s groen en hou dit koel tot dit by jou as verbruiker uitkom, waar dit in jou vrugtebak, wat tipies by kamertemperatuur staan, rustig ryp word. So kry jy die perfekte avokado al woon jy duisende kilometers ver van die naaste boord.<\/p>\n

Dit is \u2019n wetenskap om \u2019n avokado te pluk sodat hy later lekker ryp word. T\u00e9 vroeg het die olies nog nie genoeg ontwikkel nie en word jou avokado nie romerig ryp nie. Hoe langer die avokado aan die boom hang, hoe meer olie vorm en hoe romeriger smaak hy. In die regte klimaat kan avokado\u2019s tot tw\u00e9\u00e9 jaar aan die boom hang voor hulle werklik ryp is. Boere gebruik spesifieke toetse om plukrypheid te bepaal \u2013 gewoonlik teen rondom 20 maande. As jy by betroubare handelaars groen avokado\u2019s sien, kan jy hulle maar koop. Hulle is gepluk om ryp te kan word.<\/p>\n

Lees ook: Kosse sonder suiker vir jou en jou kind<\/a><\/p>\n

\"Alles<\/p>\n

 <\/p>\n

Maak avokado\u2019s tuis ryp soos dit jou pas<\/strong><\/p>\n